ကမ္ဘာပေါ်မှာ ချစ်ခင်လေးစားစရာ မြတ်နိုးဖွယ်ရာ လူတစ်ဦးကို လက်ညှိုးထိုးပြပါဆိုရင် ဘယ်သူ့ ကို ညွှန်ပြမယ်ထင်ပါသလဲ။ ရင်းနှီးတဲ့  သူငယ်ချင်းမိတ်ဆွေတွေ ကို မေးဖူးပါတယ်။ ကျောင်းနေစဉ် ဆယ်ကျော်သက်အရွယ်က စ, လို့ ပေါ့။ကျွန်မအကြောင်းသိနေကြတဲ့ သူငယ်ချင်းတွေ က “ဗိုလ်အောင်ကျော်” ပေါ့ ။ ဗိုလ်ချုပ်အောင်ဆန်းလေ ။ ဒါမှမဟုတ် ဖတ်ဆစ်ဂျပန် ခေတ်တုန်းက တိုက်ပွဲဝင် ကျဆုံးသွားတဲ့ သူရဲကောင်း သခင်ညီလေး၊ ဗိုလ်အောင်ဇေယျ ပေါ့ ။ ( ဒါတွေ အားလုံး ကျွန်မရဲ့  ပထမဆုံး လုံးချင်ဝတ္ထု “တို့ တိုင်းဌာနီ” မှာ ပါခဲ့တဲ့ ဇာတ်ဆောင်တွေ ပါ )။ ဒီတစ်ခါကျွန်မဖြေမှာ လူတစ်ဦး တိုးလားပါတယ်။ ဆရာငြိမ်း၊မြို့ မငြိမ်း သို့ မဟုတ် မြို့ မ ဆရာငြိမ်း…။

ပုလွေနှင့် နှဲတစ်လက်၊ မယ်ဒလင်၊ ဗြတ်စောင်းမှသည် ဆင်ဖိုနီသံစုံတီးဝိုင်းကြီးသို့ …။ ဟိုတုန်းက ဘီသိုဗင် ကနေ့ ခေတ် ဂျပန်ဂီတပညာရှင် (Composer) ၊ ကီတာရို (Kitaro) အထိ။ လွန်ခဲ့တဲ့ သုံးနှစ် တုန်းက ‘ကိုလှိုင်’ (သုခမိန်လှိုင်)တို့ အိမ်မှ ကြည့်ခဲရတဲ့ ကီတာရို ဗီဒီယိုကို မြင်ရတော့ ဆရာငြိမ်းကို ပြန်လည်လွမ်းဆွတ်တမ်းတမိတာ အမှန်ပါပဲ။ ရင်ထဲထိမှန်တဲ့ ဝေဒနာနဲ့  အိမ်အပြန် ဆရာငြိမ်းရဲ့  သသီချင်းတိပ်ခွေတွေ ကို နားထောင်မိသေးတယ်။ ဝေဒနာလျော့ပေမယ့် အလွမ်း ကတော့ပျောက်မသွားဘူး။ ဘယ်တော့မှလည်း ပြောက်သွားမယ်မထင်ဘူး။

ဆရာငြိမ်းနဲ့  ပတ်သက်တဲ့ ရုပ်ပုံလွှာကာချပ်ပေါင်း မမြောက်အမြားအနက် ကျွန်မ ရန်ကုန်တက္ကသိုလ်ရောက်စ အသက်(၁၇) နှစ် အရွယ်၊ ၅၁ လမ်း(အထက်လမ်း)မှာ နေတုန်း။ ကျွန်မဖေဖေနှင့် ဆရာငြိမ်း အတူတကွ ယှဉ်တွဲ လျက် နှစ် ကြိမ်းလောက် တွေ့ ဖူးတယ်လို့  မှတ်မိနေပါတယ်။ အေ၀မ်းရုပ်ရှင်မှာ ဒါရိုက်တာဦးညီပု ကိုယ်တိုင် ရိုက်ကူးပြီး အေ၀မ်းဦးတင်မောင်၊ ဒေါ်မေရှင်တို့  ပါဝင်သရုပ်ဆောင်မယ့် ဖေဖေ့ရဲ ချစ်ပန်းဝေ ၀တ္ထုဇာတ်ညွှန်းရေး ပေးခဲ့တဲ့အချိန်မှာ ဖြစ်ပါလိမ့်မယ်။ နိုင်ငံခြားမှာ ရုပ်ရှင်မင်းသားကြီး ဆာလောရင့် အော်လီဗီယားလို ဆရာငြိမ်းဟာ ဆာဘွဲ့  ဒေါက်တာဘွဲ့ ရသင်တယ်လို့  ဖေဖေက ပြောဖူးသတဲ့။ အသားဖြူဖြူ၊ လူပုံခပ်နွဲ့ နွဲ့ ၊ ဆံပင်တွန့် လေးတွနဲ့  ယျဉ်ကျေးသိမ်မွေ့ တဲ့ အပြုံးရှင် ဆရာငြိမ်း၊ ဒီအရိပ်တွေ ဟာ ၁၉၆၇ ခုနှစ် တုန်းက ရေး ခဲ့တဲ့ ကျွန်မရဲ့ “တေးသီလို့ ဖွဲ့ မယ်” မှာ လွှမ်းမိုးခဲ့ပါတယ်။ နှစ် သုံးဆယ်ကျော်ခဲ့ပြီလေ။ ဆရာငြိမ်းရဲ့  အရိပ်ထိုးခဲ့တဲ့ “သင်္ကြန်မိုး” ရုပ်ရှင်ပင်လျှင် နှစ် ၂၀ နီးပါး ရှိခဲ့ပြီပဲ။

ကျွန်မ ‘တေးသီလို့ ဖွဲ့ မယ်’ လုံးချင်းဝတ္ထု ထွက်ပြီးစ မြို့ မအဖွဲ့ မှ လူငယ်တချို့  အားပေးထောက်ခံစာများ ရောက်ရှိလာခဲ့ပါတယ်။ ကျွန်မအနေနှင့် အမှန်အတိုင်း ၀န်ခံရရင် ဆရာငြိမ်းကိုရော၊ မြို့ မတူရိယာအဖွဲ့ ကိုရော ဇနီးသားသမီးတွေ ရော၊ အားပင်အားနာမိပါသေးတယ်။ ဘာ ဖြစ်လို့ လဲဆိုတော့ ကျွန်မရဲ့ ဇာတ်ဆောင် ကိုငြိမ်းမောင်ဟာ ဆရာငြိမ်းရဲ့  ခြေဖျားပင် မီမယ်မထင်လို့ ပါ။ ကျွန်မ ၀တ္ထုထဲ စပ်ဆိုတဲ့ သီချင်တွေ ကလည်း သာမန်မျှသာ ဖြစ်တဲ့အပြင် ဆရာငြိမ်ရဲ့  အဆင့်မြင့်ပညာသည် လက်လှမ်းမမီရုံမက တံချူနဲ့ တောင်မှ မမီနိုင်တာ။ ဒါကြောင့် မို့  ဂျပန်ခေတ် လတ်တလောလိုအပ်နေတဲ့အနေနဲ့  လုပ်လိုက်ရသလို ဇာတ်လမ်းထဲမှာ ဖန်တီးရပါတယ်။ ထုတ်ဝေသူ မပြုံးကို “ပြုံးရယ်၊ ဆရာငြိမ်းကိုလည်း မမီမကမ်းနဲ့  ဒီနေ့ လူငယ်တွေ ကို ဆွဲဆောင်နိုင်ပါ့မလား”

“မမကလည်း ကျွန်မဖြင့် ဒီဝတ္ထုကို သိပ်စွဲလမ်းခဲ့တာ၊ ဘယ်နှစ် ခါပြန်ဖတ်လည်း မမသိရင် မမအံသြသွားမယ်”

ကျွန်မ တကယ်ပဲ အံသြမိပါတယ်။ မပြုံးက ၀တ္ထုထဲကပါတဲ့ အကြောင်းအရာတွေ ၊ အခန်းတွေ အားလုံးနီးပါ အလွတ်ပြန်ပြောနေပါတယ်။ ဒီလိုနဲ့ ပဲ ကျွန်မ သူ့ တောင်းဆိုခက်ကို မညင်းနိုင်တော့ပါဘူး။ သူက

“မမရယ်၊ သီချင်းတွေ ကလည်း ဆရာငြိမ်း လူငယ်ဘ ရေး ခါစ ရုတ်တရက် ရေး ပေးတာမျိုးတွေ ကို လိမ္မာသလို ဖန်တီးထားတာပဲ”

ပြုံးက ကြံဖန် ထွက်ပေါက်ပေးနေပါသေးတယ်။ သီချင်းတချို့  ကတော့ အဘဦးဘသက်နဲ့  ဒေါ်စိန်ပါတီတို့  ဇနီးမောင်နှံ၊ မယ်ဒလင်တစ်လှည့်၊ ပတ္တလားတစ်လှည့် သံစဉ်ထည့်ပေးခဲ့တာတစ်ခုတော့ စိတ်နည်းနည်း သက်သာရာရပါတယ်။

ဘာပဲ ဖြစ် ဖြစ်လေ ပြုံး ငယ်ငယ်ဘ၀ထည်းက စိတ်ကူအိမ်မက်၊ သူ့ ရဲ့  သန့် ရှင်းတဲ့ စေတနာရည်ရွယ်ချက်နှင့် ဆန္ဒကိုဖြည့်စွမ်းလိုတဲ့အတွက် “တေးသီလို့ ဖွဲ့ မယ်” ကို ပြန်လည်ထုတ်ဝေခွင့်ပြုလိုက်ပါတယ်။ ဆရာငြိမ်းရဲ့  မျိုးဆက်သစ်၊ တပည့်တပန်းများ မှ မြို့ မအဖွဲ့ ကို နားလည်ခွင့်လွှတ်ဖို့  ပန်ကြားလိုက်ပါတယ်။

‘တေးသီလို့ ဖွဲ့ မယ်’အတွက် ကျေးဇူးစကား အထူးဆိုချင်တာ ကတော့ ကျွန်မအမေ ဒေါ်ဒေါ်မာ (လူထုဒေါ်အမာ)နှင့် ပြည်သူချစ်သော အနုပညာရှင်များ စာအုပ် ဖြစ်ပါတယ်။ ဒီစာအုပ်ထဲမှ ဆရာငြိမ်းအကြောင်း အမှီသဟဲပြုပြီး ဒီစာအုပ်ရေး ဖြစ်ကြောင်း ၀န်ခံလိုက်ပါတယ်။

ရွှင်လန်းသာယာရှိကြပါစေ……

ခင်ဆွေဦး