စကားနု စကားယဉ် စကားလှတို့၏ ကံကြမ္မာ

စကားယဉ်နှင့် ဘဝကြမ်း

Euphemism ဆိုသည်မှာ စကားလှ၊ စကားယဉ်၊ စကားနုတို့ကို ရည်ညွှန်းသည်။ metaphor မှာ ဥပမာ - ဥပမေယျ၊ ဥပစာ၊ တင်စားချက်တို့ကို ညွန်းသည်။ စကားလုံး နုနုရွရွ အလင်္ကာမြောက် တင်စားချက်တို့ဖြင့် ရေး လျှင်၊ ပြောလျှင် ဘာသာစကားသည် လှသွားသည်။ အကြောင်းအရာကလည်း အရေး ကြီးသေးသည်။ စကားလှ၊ စကားရွ၊ စကားနု၊စကားယဉ်တို့ကို ကဗျာစာပေ ယဉ်ကျေးမှု နယ်ပယ်တို့၌ သုံးလျှင် သူ့ဟာနှင့် ကိုက်နေသည်။ စကားလုံး၊ စကားယဉ် တို့ကို အကြောင်းအရာနုနု၊ ဘ၀နုနု၊ လောကနုနု တို့တွင် သုံးလျှင် တင်းမာမှု ပေါ်စရာ မရှိပေ။

ယခုကိစ္စတစ်မျိုး ထူးဆန်းနေသည်။ ကြမ်းတမ်းလှသော စစ်ပွဲကိစ္စ၊ အကြမ်းဖက် တိုက်ခိုက်မှုကိစ္စတို့တွင် စကားလှ၊ စကားနု၊ စကားယဉ်တို့တွင် သုံးနေသည်။ နုနုဖတ်ဖတ် တင်စားချက်တို့ကို ထည်လဲသုံးနေသည်။ ပြောင်မြောက်သော စကားတွေ ဖောဖောသီသီ သုံးလွန်းနေသော ကြောင့် လည်း အချို့သော တွေးခေါ်ရှင်တို့က ထိုက်၏ မထိုက်၏ ဆန်းစစ်ကြည့်သည်။

အမေရိကားတွင် မိန့်ခွန်းရေး သားပေးသူတွေ အများ ကြီးရှိသည်။ သာမန် မိန့်ခွန်းရေး သားပေးသူ၊ ဝန်ကြီး မိန့်ခွန်းရေး သားပေးသူ စသည်ဖြင့် အပျံစား မိန့်ခွန်းရေး သားပေးသူတွေ ရှိသည်။ သူတို့က စာရေး ကောင်းကြသည်။ စကားလှ၊ စကားယဉ်၊ စကားနုတို့ကိုအရွေးတော် ကြသည်။ ဥပမာနှင့် တင်စားချက်တို့ကို လှလှပပ စကားကွက်ဆင်ရန် အလွန်ထူးချွန်သည်။ သူတို့ပင်လျှင် ကြမ်းတမ်းသော လောကကို လှလှပပ စကားဆင်ပေးသည်။ ပြောင်မြောက်သော စကားလုံးကို ရွေး၍ ကြားသူတို့၏ စိတ်ကို ဆွပေးသည်။ အတိဿယဝုတ္တိ၊ အဘိဝုတ္တိတို့ဖြင့် လည်း စကားအလှဆင်သည်။ သို့ မဟုတ် စကားအရိုင်းဆင်သည်။

× × ×

မီးဖွားစဉ် နာကျင်မှု

Euphemism ကို စကားတန်ဆာဆင်သည် ဟူ၍ လည်း ခပ်ကျယ်ကျယ်ပြန့်ပြန့်ပြောနိုင် သည်။ ထိုသို့ ပြောကြရင်း တော် လှန်ရေး ကျသော စကားတန်ဆာဆင်မှု revolutionary euphemism ကို ထွင်ကြသည်။ ထွင်သူက တခြားသူမဟုတ်၊ ဆိုဗီယက်ရုရှားခေါင်းဆောင် စတာလင် ဖြစ်သည်။ "ကြက်ဥကို မခွဲဘဲနဲ့ ကြက်ဥခေါက်ဆွဲကြော် ဘယ်ကြော်လို့ ရမလဲ" ဟု သူက ပြောသည်။ ထိုစကားသည် ၁၉၃ဝ ပြည့်နှစ် က ရုရှား၌ အတင်းအဓမ္မ ဆောင်ရွက်ခြင်းသည် ကြက်ဥကိုခွဲရာမည် ၍ ခေတ်မီလာခြင်းသည် ကြက်ဥကြော် ဖြစ်ဟန်တူသည်။

မကြာသေးမီက အမေရိကန် နိုင်ငံခြားရေး ဝန်ကြီး ကွန်ဒိုလီဇာရိုက်(စ်)သည် လက်ဘနွန်အရေး နှင့် ပတ်သက်ပြီး မိန့်ခွန်းတစ်ရပ် ပြောကြားသည်။ ထိုမိန့်ခွန်း၌ စကားတန်ဆာဆင်မှုနှင့် တင်စားချက်တို့ အပြည့်ပါသည်။

"အရှေ့အလယ်ပိုင်း အသစ်မွေးဖွားရန် မီးဖွားစဉ် စူးစူးရှရှ ခံစားရသော ဝေဒနာမျိုး ပေါ်နေတယ်။ ထို့ကြောင့် ကျွန်မတို့ ဆောင်ရွက်သမျှသည် အရှေ့အလယ်ပိုင်းအသစ်ပေါ်ထွန်းဖို့ ဖြစ်ရမယ်။ အရှေ့အလယ်ပိုင်းအဟောင်းကို ပြန်သွားဖို့ မဟုတ်ဘူး"ဟုမီးဖွားစဉ်နာကျင်မှုနှင့် နှိုင်းသွားသည်။ တင်စားသွားသည်။

အကြမ်းဖက် ဆူပူမှု တို့ဖြင့် ရှုပ်ထွေးနေမှု ကို မီးနေသည် မီးဖွားစဉ် ခံစားရသော ဝေဒနာမျိုး နှင့် တင်စားသည်။ နာကျင်စဉ် ခဏခံစားရသော ဝေဒနာပါ။ ကလေးမွေးဖွားလျှင် ပျော်ကြမည် ။ ထိုကဲ့သို့ စကားတန်ဆာဆင် တင်စားမှု ကို လက်တန်း ကြုံသလိုကျပန်း ပြုလုပ်သွားဟန်တူသည်။

အပျော့စား တစ်ယူသန်

မီးဖွားစဉ် နာကျင်မှုသည် ကလေး၏ ကျန်းမာရေး ပေါ် မူတည်သည်။ ဝမ်းတွင်းမှ ကလေးသိပ်ပြီးကျန်းမာနေလျှင် မိခင်ပိုပြီး နာကျင်တတ်သည့် သဘာဝ ကို မသိမသာ ညွှန်း၍ လက်ဘနွန်၌ အကြမ်းဖက်မှုတို့ဖြင့် ဝေဒနာပြင်းပြင်း ခံစားနေရသည်မှာ မွေးလာမည့်  ကလေးကျန်းမာလို့ဟု ဆိုလိုနေသည်။ ဥပမာ ဥပမေယျနှင့် တင်စားမှု တို့က သိပ်ပြီး လှလွန်းနေသော အခါ ဤအချက် ကပင် အမေရိကန်နိုင်ငံခြားရေး ဝန်ကြီး ရိုက်(စ်)နှင့် သမ္မတဘု(ရှ်) အသိုင်းအဝိုင်းတို့ကြား၌ ရုပ်လွန်ဘဝင်မြင့်ခြင်း metaphysical conceit ရှိနေကြောင်း ကို ပြသည်ဟု ဝေဖန်သည်။

ဖြစ်ရပ်တို့ ဖြစ်ပြီးသော အခါ နာမည် ပေးရန်လိုသည်။ ၉/၁၁ အကြမ်းဖက်တိုက်ခိုက်မှုကြီး ဖြစ် ဖြစ်ချင်း မည် သို့ နာမည် ပေးရမှန်းမသိ။ မည် သို့ တုံ့ပြန်ရမှန်း မသိပေ။ နာမည် ပေးဖို့ စကားလုံးရှာရသည်။ စကားတန်ဆာဆင်ပြီး ပြောဆိုရန်လိုသည်။ သို့ ဖြင့် တိုက်ခိုက်ခံရသည်။ တိုက်ခိုက်ခံရသူက တုန့်ပြန်ရမည် ။ ဤသည်ပင် စစ်ဟု ယူဆလိုက်ကြသည်။ တစ်ဖန် ဒီစစ်ကို မည် သို့ နာမည် ပေးမည် ဟု ပြဿနာပေါ်သည်။ တုံ့ပြန်မှုသည် ထုထည် ကြီးမားရမည် ။ တုံ့ပြန်ရန် တာဝန်ကအာဂဧရာမ ကြီးသည်။ သို့ ဖြင့် စကားတန်ဆာဆင်မှု တစ်ရပ်ကို သုံးလိုက်သည်။ ဤကား Global War Terrorism ဆိုသော အသုံးအနှုန်းပင် ဖြစ်သည်။ အကြမ်းဖက်ဝါဒ ဆန့်ကျင်ရေး ဂလိုဘယ်စစ်ဆိုသော စကားတန်ဆာဆင်မှုသည် ထည်ဝါခံ့ညားသော ဧရာမစတိုင်ပေါက်ဖို့ လိုသည်။သို့ သော် တစ်ဖက်၌ အောင်မြင်မှုက လိုက်လေဝေးလေ ဖြစ်လာသည်။ အသုံးပြုသော စကားနှင့် တကယ့်အစစ်အမှန် လွဲချော်ပြီး စကားတန်ဆာဆင်မှုသည် အသေးစိတ် တို့ကို မှု န်မွှားထားသည်။ ခပ်ပါးပါး ခပ်ဝါးဝါး ထားသည်။ ဤသည်ပင် စကားလှ၊ စကားနု၊ စကားယဉ်တို့ဖြင့် တန်ဆာဆင်မှု၏ ခိုလှုံရာ ဖြစ်သည်။ ယခုနောက်ဆုံး မိန့်ခွန်းရေး သားပေးသူတစ်ဦးက သမ္မတဘု(ရှ်)အတွက် စကားယဉ်၊ စကားနုတစ်ပါးကို ထွင်ပေးသည်။ soft bigotry "တစ်ယူသန်မှု အပျော့စား" ဖြစ်သည်။ အရင်ကလို တစ်ယူမသန်တော့ဟု ပြောလိုပုံရသည်။

ပြောင်းပြန်လှန်

အမေရိကန်တွေ အီရတ်စစ်အကြာင်း အငြင်းအခုံ ဖြစ်ကြသည်။ ဆွေးနွေးကြသည်။ ဤဆွေးနွေးပွဲတို့၏ အရည်အသွေးကို စကားနု၊ စကားယဉ်၊ စကားလှတို့ဖြင့် တန်ဆာဆင်မှုတို့ဖြင့် ပိုင်းခြားကြည့်နိုင်သည်။ ထိုစကားယဉ်တို့ထဲ regime change အုပ်စိုးမှု ပြောင်းလဲရေး ဆိုသော စကားလည်း ပါသည်။ ဤစကားသည် ကာလကြာသော အခါ အဓိပ္ပာယ်တွေ အမျိုးမျိုး ပြောင်းသွား သည်။ အာဏာနှင့် စခြင်းလိုလို၊ အင်တာနေရှင်နယ် ကျူးကျော်မှု စစ်ပွဲလိုလို၊ ဟိုဟာလိုလို ဒီဟာလိုလို ဖြစ်ကုန်သည်။

စကားတန်ဆာဆင်မှု၌ အစိုးရနှင့် ဂျာနယ်လစ်တို့ကြား ပဋိညာဉ်တစ်ရပ်ပေါ်သေးသည်။ ဗြိတိသျှဝန်ကြီးချုပ် တိုနီဘလဲက အီရတ်စစ်ပွဲသည် a short, sharp war "တိုတိုနှင့် ထက်ထက် ပြီးသည့် စစ်ပွဲ"ဟုတင်စားသည်။ ယခုစစ်ပွဲက အလွန်ရှည်လျားပြီး ဒုက္ခတွေ ပင်လယ်ဝေနေသည်။ တင်စားသည့် အတိုင်းမ ဖြစ်ကြပေ။ သို့ သော် စစ်ဖန်တီးသူတို့သည် စစ်ပွဲရှည်လျားမှန်းမသိအောင် စစ်ကို အဆင့်တွေ ခွဲပစ်လိုက်သည်။ (၁) ဘဂ္ဂဒက်ကျဆုံးခြင်း၊ (၂) ညွန့်ပေါင်း အာဏာပိုင်အဖွဲ့၊ (၃) သော င်းကျန်းမှု ထကြွခြင်း၊ (၄) လွှတ်တော် ရွေးကောက်ပွဲ၊ (၅) ဂိုဏ်းအုပ်စုစစ်ပွဲများ စသည်ဖြင့် စစ်ကို အဆင့်အဆင့် ခွဲခြားလိုက်သော အခါ စစ်ကိုရှည်လျားသည်ဟု မထင်တော့ပေ။

Inversion of Euphemism စကားနု၊ စကားယဉ်၊ စကားလှတို့ဖြင့် တင်စားခြင်းကို ပြောင်းပြန်လှန်ပစ်သည့် ပုံစံတို့လည်း ပေါ်လာသည်။ ဥပမာ - အကြမ်းဖက်သမားဟု ယူဆခံရသူတို့ကိုစစ်ဆေးသူတို့က နှိပ်စက်ညှင်းပမ်းခွင့်ရှိသည်ဟု တရားဝင်အောင်ပြုလုပ်ခြင်း၊ ကန်ထရိုက်ဖြင့် ငှားရမ်းသော ပုဂ္ဂလိက လုံခြုံရေး အဖွဲ့ဝင်တို့အားပစ်သတ်ခွင့်ပေးခြင်းတို့သည် စကားအလှဆင်ခြင်းကို ပြောင်းပြန်လှန်ပစ်ခြင်းဟု ယူဆသည်။ အဓိပ္ပာယ်မှာ ဖြစ်ရပ်အရပ်ရပ်၊ အခြေအနေအရပ်ရပ်တို့ကို စကားတန်ဆာဆင်၍ ပြောခဲ့ဆိုခဲ့ကြရာ ကြာသော် တန်ဆာဆင်ထားသော စကားတို့သည်လည်း အဓိပ္ပာယ်တွေ ယိုယွင်းလာသည်။ စကားအသုံးအနှုန်းတို့ကိုလည်း တစ်မျိုးပြီး တစ်မျိုး ပြင်ရသည်။ ဤသို့ ဘာသာ စကားယိုယွင်းမှု သည် စစ်ကြောင့် ပျက်စီးရသော အပျက်အစီးတို့နှင့် ဆင်တူသည့်အပြင် အမေရိကားသည် ကမ္ဘာ့ဇာတ်ခုံ၌ အဓိပ္ပာယ် မသဲမကွဲ ဇာတ်ကောင်အ ဖြစ်ကစားနေရခြင်းကိုလည်း ပြဆိုသည်။

အညွှန်း - The New York Review

ငြိစွန်းသော ပစ်မှတ်နှင့်
ငြိစွန်းသော သတင်း

ငြိစွန်းသော ပစ်မှတ်

အမေရိကန် သမ္မတဂျော့ဘု(ရှ်)သည် ၂ဝဝ၈ ခုနှစ်၊ နိုဝင်ဘာလထဲ၌ သက်တမ်းကုန်တော့မည် ။ ၁၅ လပင် မကျန်တော့ပေ။ သမ္မတသစ်ကို တာဝန်လွှဲပြောင်းပေးရတော့မည် ။ သမ္မတသစ်ကို တာဝန်လွှဲပြောင်းပေးရတော့မည် ။ ထို့ကြောင့် သူတာဝန်ယူ ဆင်နွှဲခဲ့သော အီရတ်စစ်ပွဲနှင့် အာဖဂန် နစ္စတန် စစ်ပွဲတို့ကို သမ္မတသစ်အတွက် အမွေ ချန်ရစ်ခဲ့မလားဆိုပြီး မေးခွန်းပေါ်သည်။ အီရတ် စစ်နှင့် အာဖဂန်နစ္စတန်စစ်တို့ကို အမွေအ ဖြစ် ချန်ရစ်ခဲ့လျှင် တာဝန်မဲ့ရာရောက်သည်။

ထို့ထက် ကျယ်ကျယ်ပြန့်ပြန့် ပေါ်သည့် မေးခွန်းမှာ သမ္မတသစ်၏ ရီပတ်ပလီကန်ပါတီက စွဲကိုင်ထားသော ကွန်ဆာဗေးတစ် လက်သစ်ဝါဒ (နိုအိုကွန့်) ကို ကျန်ရှိသေးသော သမ္မတသက်တမ်းကာလလေး၌ ဇက်ကြိုးမထိန်းဘဲ မိုက်မိုက်ကန်းကန်းပင် ဆက်လက်ဆောင်ရွက်ဦးမှာ လားဟူ၍ ဖြစ်သည်။ သမ္မတဘု(ရှ်)၏ ပေါ်လစီ အရေး နိမ့်မှု တို့သည် နီအိုကွန်ဝါဒ၏ အရေး နိမ့်မှု ပင် ဖြစ်သည်။ ထို့ကြောင့် အရေး နိမ့်ပြီး အလွန်နာမည် ပျက်နေသော နီအိုကွန်ဝါဒကို လက်ကျန် သမ္မတသက်တမ်းအတွင်း ဆက်တွန်းမည် လား ဟူ၍ မေးကြသည်။

စင်စစ် မိမ်ိသမ္မတသက်တမ်း ကုန်ခါနီး တွင် အစစ အရာရာကို ထိန်းထိန်းသိမ်းသိမ်း ပြုရမည် ။ နင်းကန် ဟိန်းဟောက်ပြီး တွန်းတွန်းတိုက်တိုက် လုပ်လို့မ ဖြစ်ပေ။"ငါ၏ သမ္မတရာထူးကို သမ္မတသစ်အား စနိုးစနောင့်မ ဖြစ်စေဘဲ အာဏာလွှဲအပ်ရန် တာဝန်ရှိပါသလား" ဟူ၍ တာဝန်သိစိတ်ရှိရမည် ။ သို့ သော် မကြာသေးမီက ဤသဘောထားမျိုး မရှိနိုင်ဘဲ နီအိုကွန်ဝါဒကို မဆင်မခြင် တွန်းတွန်း တိုက်တိုက် ပြောဆိုသည်။

ပြောဆိုသူမှာ ပြည်တွင်းလုံခြုံရေး ဌာနတာဝန်ခံတစ်ဦး ဖြစ်သူ ဖရန့်(စ်)တောင်ဆင် ဖြစ်သည်။ သူမက actionable target တရားဥပဒေနှင့် ငြိစွန်းသော ပစ်မှတ်ဆိုသော ဥပဒေ စကားကို သုံးစွဲသည်။ တရားဥပဒေနှင့် ငြိစွန်းသော ပစ်မှတ်သည် ကမ္ဘာ၏ မည် သည့်နေရာ၌ ရှိစေကာမူ ဤပစ်မှတ်ကို အမေရိကန်က လိုက်လံတိုက်ခိုက်ခွင့်ရှိသည် ဟူ၍ ပြောခြင်း ဖြစ်သည်။ ဤစကားသည် ပါကစ္စတန်သမ္မတ ဗိုလ်ချုပ်ကြီး မူရှာယက်(ဖ်) ကို ရည်ညွှန်းသည်။ ဗိုလ်ချုပ်ကြီး မူရှာယက်(ဖ်) သည် အမေရိကန်ကို ထောက်ခံသူ ဖြစ်သည်။ ဗိုလ်ချုပ်ကြီးမူရှာယက်(ဖ်)သည် ပါကစ္စတန်ရှိ တာလီဘန်နှင့် အယ်လ်ကိုင်ဒါတို့ကို တိုက်ခိုက်ချေမှု န်းရန် ပျက်ကွက်လျှင် အမေရိကန်စစ်တပ်က ပါကစ္စတန် နယ်မြေအတွင်း ဝင်ရောက်တိုက်ခိုက်ခွင့်ရှိသည်ဟု ပြောသည်။

× × ×

ငြိစွန်းသော ထောက်လှမ်းရေး သတင်း

(၁) တာလီဘန်နှင့် အယ်လ်ကိုင်ဒါတို့သည် တရားဥပဒေနှင့် ငြိစွန်းသော ပစ်မှတ်တွေ ဖြစ်သည်။

(၂) ပါကစ္စတန်သမ္မတ ဗိုလ်ချုပ်ကြီး မူရှာယက်(ဖ်) သည် တာလီဘန်နှင့် အယ်လ်ကိုင်ဒါတို့ကိုတိုက်ခိုက် ချေမှု န်းရန် ပျက်ကွက်နေသည်။

(၃) ထို့ကြောင့် "တရားဥပဒေနှင့် ငြိစွန်းသော ပစ်မှတ်" မူအရ အမေရိကန် စစ်တပ်သည် ပါကစ္စတန်နယ်မြေအတွင်း ဝင်ရောက်တိုက်ခိုက်ခွင့် ရှိသည်ဟူ၍ ဆင်ခြေပေးသည်။

ဤသို့ ဆင်ခြေပေးစဉ်တွင် သမ္မတ မူရှာယက်(ဖ်)၏ အနေအထားသည်"အထိမခံ ရွှေပန်းကန်" ဖြစ်နေသည်။ ဘေးကျပ်နံကျပ် ဖြစ်နေသည်။ သမ္မတ မူရှာယက်(ဖ်)သည် (၁) အစ္စလမ်ဝါဒီ၊ (၂ ) ဘာသာရေး အစွဲကင်း နိုင်ငံရေး ပါတီများ နှင့် (၃) စစ်တပ်တို့ကြား ချိန်ခွင်လျှာ တစ်ဖက်စောင်းနင်း မ ဖြစ်ရအောင် နိုင်ငံရေး အရ ကြိုးစားပြီး ထိန်းနေရသည်။ပြောရလျှင် ဗိုလ်ချူပ်ကြီး မူရှာယက်(ဖ်) ၏ ဘေးကျပ်နံကျပ် အနေအထား၊ မီးဝိုင်းနေသော အနေအထားကို စာနာထောက်ထားသင့်သည်။

အခြေအနေက ဗိုလ်ချုပ်ကြီး မူရှာယက်(ဖ်)အဖို့ စိုးရိမ်စရာ ကောင်းနေသည့် အခြေအနေ ဖြစ်နေလေရာ မိမိအကျိုးသာ ကြည့်ပြီး မဆင်မခြင် ဖိအားပေးခြင်းသည် တာဝန်မဲ့ရာကျသည်ဟု ပါကစ္စတန်နိုင်ငံခြားရေး ဝန်ကြီးက တုံ့ပြန်သည်။ ဖရန့်(စ်)တောင်ဆင်က"တရားဥပဒေနှင့် ငြိစွန်းသော ပစ်မှတ်" အကြောင်းကို ရည်ညွှန်းသော အခါ ပါကစ္စတန် နိုင်ငံခြားရေး ဝန်ကြီးကလည်း"တရားဥပဒေနှင့် ငြိစွန်းသော ထောက်လှမ်းရေး သတင်းများ actionable intelligence" အကြောင်းကို ပြောလာသည်။ အမေရိကန်က တရားဥပဒေနှင့် ငြိစွန်းသော ထောက်လှမ်းရေး သတင်းတို့ကို ပေးပါက ပါကစ္စတန်ဘက်က အမြဲဆောင်ရွက်ပေးခဲ့သည်သာ ဖြစ်သည်။ ချို့ယွင်းပျက်ကွက်ခြင်းမရှိခဲ့ပါ ဟု ပြောသည်။

ထောက်လှမ်းရေး သတင်းများ မှန်မှန်ကန်ကန်ပေးရန် ပါကစ္စတန်က တောင်းဆိုသည်။ ခိုင်လုံခြင်းမရှိသော သတင်းတို့ဖြင့် ပါကစ္စတန်အစိုးရဘက်က တာဝန်မကျေဟု စွပ်စွဲရန် မသင့်ပါဟု ချေပခြင်း ဖြစ်သည်။ မှန်ကန်ခိုင်လုံသော ထောက်လှမ်းရေး သတင်းတွေ လည်း မပေး ပါကစ္စတန်အစိုးရက လူမျိုးစုခေါင်းဆောင်တို့နှင့် သဘောတူညီချက် ယူထားခြင်းကိုလည်း ဝေဖန် တိုက်ခိုက်နေလေရာ အမေရိကန်အစိုးရက ဗိုလ်ချူပ်ကြီး မူရှာယက်(ဖ်) ကို ချောက်တွန်းသလိုလုပ်နေသည်။ ကိုယ့်တိုင်းပြည် အခြေအနေ ကိုယ်သာသိသည်။

မိမိက ပျော့ပျော့ပျောင်းပျောင်း ဆောင်ရွက်ခြင်းဖြင့် အခြေအနေကို ခက်ခက်ခဲခဲ အတော် ထိန်းသိမ်းရသည်ကို နားလည်ထိုက်သည်။ နီအိုကွန်ဝါဒသည် ကိုယ်ကသာ ဆရာလုပ်၊ ကိုယ်ကသာ လက်ချာရိုက်၊ သူများ ကို ကိုယ်ချင်းမစာနာဘဲ မောက်မာလှသည်ဟု ရှေးမဆွကပင် ကမ္ဘာ့ အရေး ကျွမ်းကျင်သူတို့က ဝေဖန် ထောက်ပြခဲ့သည်။

× × ×

သမ္မတလား၊ ကွန်ကရက်လား

ပါကစ္စတန်အရေး တွင် မိမိ၏ မိတ်ဆွေအပေါ် မောက်မာပြသည်။ အီရတ်နှင့် အီရန်အရေး တို့၌ လည်း သမ္မတဘု(ရှ်) ကိုယ်တိုင်က မောက်မာပြသည်။ အီရတ်ဝန်ကြီးချုပ်သည် အီရန်သို့ သွားရောက်လည်ပတ်သည်။ အီရန်ခေါင်းဆောင်တို့နှင့် နားလည်မှုယူသည်။ သဘောတူညီချက်တွေ ယူခဲ့သည်။ ဤသို့ အီရန်ခေါင်းဆောင်တို့နှင့် ရင်းရင်းနှီးနှီး ဆက်ဆံခဲ့ရမလားဆိုပြီး သမ္မတဘု(ရှ်)ကိုယ်တိုင်က အီရတ်ဝန်ကြီးချုပ်ကို ဝေဖန်အပြစ်တင်သည်။

အီရတ်ဝန်ကြီးချုပ်ကိုပင် ဒီမိုကရေစီနည်းအရ ရွေးကောက်တင်မြှောက်ခံထားရသော အစိုးရအ ဖြစ် မပြော။ အမေရိကန်သိမ်းပိုက်ထားသည့် နိုင်ငံ၏ ဝန်ကြီးချုပ်အ ဖြစ် ပြောဆိုသည်။ အမေရိကန်သမ္မတဘု(ရှ်)သည် သမ္မတသက်တမ်းပြည့်ရန် (၁၅)လသာလိုတော့သည်။ ထိုသက်တမ်းအတွင်း သဘောထား တင်းမာမှု တို့ကိုသာ ပြနေသည်။ မိမိနှင့် လက်တွဲ နေသော မဟာမိတ်တို့ကိုပင် ဝေဖန်တိုက်ခိုက်နေသည်။ မိမိ၏ မဟာမိတ်တို့ကို လှုပ်သာရှားသာ ရှိသော စပေ့(စ်)ကို ရယူရန်ပင် ခွင့်မပြုဘဲ ဖြစ်လာသည်။

ယခု စက်တင်ဘာလသည် အရေး ကြီးသည်။ အီရတ်ဆိုင်ရာ အမေရိကန် ဗိုလ်ချုပ်ကြီးက ကွန်ဂရက် လွှတ်တော် သို့ အီရတ်အခြေအနေအမှန်ကို အစီရင်ခံစာ တင်သွင်း ရတော့မည် ။ သို့ ဖြင့် ဗိုလ်ချုပ်ကြီးသည် မိမိ၏ သေနာပတိ သမ္မတကို သစ္စာခံမလား သို့ တည်းမဟုတ် ကွန်ဂရက်ကို သစ္စာခံမလား ဆိုပြီး ရွေးချယ်ရန် ဖြစ်လာသည်။ အမေရိကန် ဝန်ကြီးချုပ်က ကွန်ကရက်အပေါ် သစ္စာခံမည် ဟု မကြာသေးမီက ထုတ်ဖော်ပြောဆိုလိုက်သည်။

သူ၏ ဆိုလိုချက်မှာ ကွန်ဂရက်သို့ အစီရင်ခံရာ၌ သူ၏ အထက် စစ်သေနာပတိချုပ်(သမ္မတ) အစီရင်ခံစေချင်သလို အစီရင်မခံဟု ပြောလိုခြင်း ဖြစ်သည်။ သမ္မတမျက်နှာ ကြည့်မလား၊ ကွန်ဂရက်မျက်နှာ ကြည့်မလားဟုမေးလျှင် ကွန်ဂရက်မျက်နှာကို ကြည့်မည် ဟု ပြောလိုဟန်တူသည်။ ထိုအစီရင်ခံစာတွင် အမေရိကန်စစ်တပ်များ အီရတ်မှ ဆုတ်ခွာရန် အကြံပေးချက် လည်း ပါဝင်လိမ့်မည် ဟု ထင်ကြေးပေးနေကြသည်။

× × ×

အညွှန်း ။     ။ IHT

ဆားပုလင်း လူ့အဖွဲ့အစည်း၌ ကြိုးလှန်ခံရခြင်း

မိဘမေတ္တာနှင့် ဆဲလ်ဖုန်း

"ကြိုးရှည်ရှည်နှင့် လှန်သည်"ဆိုသော စကားသည် နွားကျောင်းသားစကား ဖြစ်သည်။ နွားကို ကြိုးရှည်ရှည်ဖြင့် ထိန်းသည့်သဘော ဖြစ်ဟန်တူသည်။ တစ်ချိန်တည်းလား။ နောက်ကျမှလား မသိ။ "ကြိုးရှည်ရှည်နှင့် လှန်သည်" ဟုဆိုလျှင် သမီးရည်းစားစကား ဖြစ်ကြောင်း သိကြသည်။ ယခု ကြိုးရှည်ရှည်နှင့် လှန်သည်ဆိုလျှင် မ်ိဘအုပ်ထိန်းသူ စကားအ ဖြစ် နားလည်ရတော့မည် ။ Parenting ဖြစ်သည့် မိဘက သားသမီးကို အုပ်ထိန်းခြင်းနှင့် ပတ်သက်ပြီး ဆက်နွယ် ဆင်းသက်လာသော စကား ဖြစ်သည်။

မိဘက သားသမီးအပေါ် ထားရှိသော မေတ္တာသည် အလွန် ကြီးမားသည်။ မိဘမေတ္တာ၌ စိုးရိမ်မှု နှစ် ပါး ဒွိယံတွဲ ရှိသည်။ dual fear ဟု ခေါ်သည်။ ပထမ စိုးရိမ်မှု သည် မိမိသား သမီး အန္တရာယ် တစ်ခုခုနှင့် ရင်ဆိုင်ရမည် ကို စိုးရိမ်ခြင်း ဖြစ်သည်။ ဒုတိယ စိုးရိမ်မှု သည် မိမိ သားသမီး ကိုယ်တိုင်က သူများ ကို အန္တရာယ်ပေးသည့်သူ ဖြစ်လာမည် လားဟု စိုးရိမ်ခြင်း ဖြစ်သည်။ သားဆိုး၊သမီးဆိုး ဖြစ်လာမည် ကို စိုးရိမ်ခြင်း ဖြစ်သည်။

မိဘမေတ္တာထဲ အကျုံးဝင်သော ဤစိုးရိမ်မှု နှစ်ပါးသည် ခေတ်သစ် ဆားပုလင်းတက္ကနိုလိုဂျီ တို့ကြောင့် သံစဉ် ဟာမိုနီမ ဖြစ်စွာ ဖြင့် ပေါင်းဆုံလာမိသည်။ ယခင်က မိမိသား အရပ်ထဲ ဘာလျှောက်လုပ်မလဲဟု စိုးရိမ်သည်။ အမေက သားအား အော်ခေါ်သံသည် အရပ်ထဲညံနေသည်။ သားသမီးကို မိဘကလည်းကောင်း အရပ်ကလည်းကောင်း ဝိုင်းထိန်းပေးသည်။နှုတ်နှင့် နေထိုင်ရာ အရပ်သည် မိဘတို့က သားသမီး အုပ်ထိန်း မှု တွင် အသုံးပြုသော ကိရိယာ ဖြစ်ခဲ့သည်။

ယခု တစ်မျိူး ပြောင်းသွား ပြီ၊ မိမိသား ပျောက်နေလျှင် ဘယ်တီဗီဂ်ိမ်းမှာ ဝင်ကစားနေသလဲ၊ ဘယ်အင်တာနက် ဝက်ဘ်ဆိုက်မှာ ကီးဘုတ် နှိပ်နေသလဲဟုတွေးပူရသည်။ မိဘကလည်း သားသမီးနောက် ကိုယ်တိုင်လိုက်နေစရာ မလိုတော့ပေ။ ဆဲလ်ဖုန်းနှင့် ရှာသည်။ ရှာရလွယ်အောင် ကုတ်နံပါတ်ကို ထည့်သည်။ သားသမီးတို့အား ဆဲလ်ဖုန်း ဝယ်ပေးထားသလို သားသမီးပူဆာလို့ ဝယ်ပေးထားခြင်းမျိုးလည်း ရှိသည်။

× × ×

ဤနေရာသို့ ရောက်လတ်သော် surveillance technology အကြောင်း ပြောရမည် ။ လူတွေ ကို စောင့်ကြည့်သော တက္ကနော်လိုဂျီ ဖြစ်သည်။ ဆားပုလင်း တက္ကနိုလိုဂျီဟု သုံးနှုန်းလိုသည်။ လမ်းဆုံလမ်းခွတို့တွင် ကွန်ပျူတာနှင့် ကင်မရာတွေ တပ်ထားသည်။ ဘူတာရုံ၊ လေဆိပ်၊ ကားစခန်းတို့တွင် ကွန်ပျုတာနှင့် ကင်မရာတွေ တပ်ဆင်ထားသည်။ ကုန်တိုက်ကြီးနှင့် ရုံးကြီးတို့တွင် ကင်မရာတွေ တပ်ဆင်ထားသည်။ ဤကင်မရာတို့သည်လူတို့၏ လှုပ်ရှားမှု တို့ကို စောင့်ကြည့်သော ကိရိယာတွေ ဖြစ်သည်။ ဤသို့ စောင့်ကြည့်ကာ တက္ကနိုလိုဂျီ ဆားပုလင်း တက္ကနိုလိုဂျီတို့ကို ခေတ်မီစွာ ကျယ်ကျယ်ပြန့်ပြန့် သုံးစွဲလာကြသော ကြောင့် လူ့အဖွဲ့အစည်းသည် စောင့်ကြည့်ခံ လူ့အဖွဲ့အစည်း (ဝါ)ဆားပုလင်း လူ့အဖွဲ့အစည်း ဖြစ်လာသည်။ surveillance society ဟုခေါ်သည်။

ဤဆားပုလင်းတက္ကလိုနိုဂျီတို့ထဲတွင် မိဘနှင့် သားသမီးတို့အတွက် အရေး ပါသော တက္ကနိုလိုဂျီတို့မှာ မိုဘိုင်းဖုန်းနှင့် ဂျီပီအက်စ် (ဘယ်နေရာမှန်း သိအောင် ဖော်ပြပေးသော ကိရိယာ) တို့ ဖြစ်ကြသည်။ မိုဘိုင်းဖုန်းဆိုလျှင် အဖေ၊ အမေလည်း ကိုင်သည်။ သားသမီးတို့ကလည်း ကိုင်သည်။ ဖုန်းမန်မိုရီတွင် လှည့်ကွက် အတိုအထွာ ထည့်ထားသည်။ ဂျီပီအက်စ်ကိုယူ မိဘက သားသမီးတို့ အဝတ်အစားထဲ ထည့်ပေးထားသည်။ တချို့ ကိစ္စတို့၌ ဂျီပီအက်စ် စက်ကလေးတို့ကို အဝတ်အစားထဲ ကပ်ချုပ်ပေးထားသည်။ ရောင် စဉ် အရေပြားထဲ ထည့်ချုပ်ပေးရန်အထိပင် စီစဉ်သည်။

အဖေ၊ အမေတို့ကလည်း မိုဘိုင်းဖုန်း၊ သားသမီးကလည်း မိုဘိုင်းဖုန်း၊ မိုဘိုင်းဖုန်းဖြင့် စကားပြောကြသော အခါ ဓလေ့တစ်ခုလည်း ပြောင်းသွား သည်။ ယခင်က How are you လို့ အစချီစကားဖြင့် နှုတ်ဆက်သည်။ ဘယ်လိုခေါ်သလဲ။ နေကောင်းရဲ့ လားဟု အရင်ကမေးသည်။ ယခု Where are you သား ဘယ်မှာ လဲ၊ ဘယ်ရောက်နေသလဲ ဖြစ်ကုန်ပြီ။ မိဘသည် ဆဲလ်ဖုန်းဖြင့် သားသမီး ဘယ်ရောက်နေသည်။ ဘာစားနေသည်ကို မော်နီတာ လုပ်သည်။ မော်နီတာအချို့မှ စောင့်ကြည့်ခြင်းကို ဆိုလိုသည်။

× × ×

ပရိုက်ဗေစီလျော့

သို့ ရာတွင် ဆဲလ်ဖုန်းဖြင့် သားသမီးတို့ကို မော်နီတာလုပ်ဖန်များ လာသော အခါ မော်နီတာ၏ တက္ကနိုလိုဂျီလည်း ပြောင်းသွား သည်။ မိဘက လမ်းကို ဆဲလ်ဖုန်းဖြင့် စောင့်ကြည့်ခြင်းကို ယဉ်ကျေးစွာ မော်နီတာဟု သုံးစွဲကြစေကာမူ လက်တွေ့ အနှစ် သာရအားဖြင့် နွားကို ကြိုးရှည်ရှည်ဖြင့် လှန်သည့် သဘော ဖြစ်သွားသည်။ tether ဟုသုံးသည်။ ဆဲလ်ဖုန်းဖြင့် မိမိတို့ သားသမီးကို နွားကို ကြိုးလှန်သလို စောင့်ကြည့်ခြင်း ဖြစ်လာသည်။ သို့ သော် ထူးခြားမှု မျိုးရှိသည်။ နွားလှန်လျှင် ပြန်ပါသော်လည်း ယခု မိဘ၊ သားသမီးကို ကြိုးလှန်လျှင် တကယ် ကြိုးမပါတော့ပေ။ ဆဲလ်ဖုန်း ဖြင့် လှန်သည်။ လေလှိုင်းဖြင့် လှန်သည်။ ဒုတိယ ထူးခြားချက်မှာ မိဘမေတ္တာဖြင့် ကြိုးလှန်ထားသော်လည်း လက်တွေ့ ၌ မိဘကသားသမီးတို့ကို ချောင်းမြောင်းနေသည့်သဘော ဖြစ်လာသည်။ မိဘက စုံထောက် ဖြစ်နေသည်။ စောင့်ကြည့်ခြင်းကို"အစ်ကိုကြီး မျက်လုံး"ဟု တင်စားသည်။ ယခု မိဘက သားသမီးတို့ကို စုံထောက်လုပ် ချောင်းမြောင်းကြည့်သဖြင့် မိဘသည်ပင် "မိဘကြီး" Big Parent ဖြစ်သွားသည်။"အစ်ကိုကြီးနှင့် မိဘကြီးတို့ တွေ့ ဆုံပွဲ" ဟု တင်စားပြောဆိုသည်။ Big brother meets big partner ဟု သုံးသည်။

ဆဲလ်ဖုန်းနှင့် ကင်မရာတို့ကြောင့် သာ လူ့အဖွဲ့အစည်းသည် ဆားပုလင်း လူ့အဖွဲ့အစည်း ဖြစ်လာသည် မဟုတ်။ စောင့်ကြည့်ခြင်းလုပ်ငန်း အမျိုးမျိုးကို ဝန်ဆောင်မှုပေးသော လုပ်ငန်းတွေ ပေါ်လာခြင်းကြောင့် လည်း ဆားပုလင်း လူ့အဖွဲ့အစည်း ဖြစ်လာခြင်း ဖြစ်သည်။ မိမိကလေး ဘယ်နေရာမှာ ဆော့နေသလဲဟု သိချင်လျှင် ရှာဖွေပေးသော ဝန်ဆောင်မှုတွေ ရှိသည်။ မိမိကလေး ဘာတွေ စားနေသလဲဟု သိချင်လျှင် ကင်မရာ ရိုက်သော ဝန်ဆောင်မှုတွေ ရှိနေသည်။ ဆားပုလင်း လူ့အဖွဲ့အစည်းတွင် ကိုယ်ရောင် ဖျောက်ရန် မလွယ်တော့ပေ။ အနှောင့်အယှက်ဘေးမှ အေးချမ်းလိုမှု Privacy ကို တမ်းတရန်မှလည်း မျှော်လင့်ချက်နည်းပါးလာသည်။

× × ×

အမြန်မောင်း ဒိုင်ခွက်

မက်ဆက်ချူးဆက်တက္ကနိုလိုဂျီမှ ပါမောက္ခ ရှယ်ရီတာက"မိဘတို့ကို အမြန်ဒိုင်ခွက် speed dial" ဟု တင်စားသည်။ ဤသို့ ဖြစ်လာသဖြင့် ဆယ်ကျော်သက်တို့သည် နွားကို ကြိုးလှန်ထားသလို အလှန်ထားခံရပြီဟု မှတ်ချက်ချသည်။ ဟားဗတ်တက္ကသိုလ်မှ ပါမောက္ခ ဒင်းနစ်ဘွန်ကလည်း"သားသမီးကို မော်နီတာလုပ်လျှင် မိဘကောင်း ဖြစ်သည်ဟု မဆိုနိုင်တော့။ သားသမီးအပေါ် မော်နီတာလုပ်လျှင် မိဘက ချောင်းမြောင်းသူ ဖြစ်လာသည်" ဟု ဝေဖန်ကြသည်။

ဆားပုလင်းတက္ကနိုလိုဂျီတို့ကြောင့် ဆားပုလင်းလူ့အဖွဲ့အစည်း ပေါ်လာရသည်။ ထိုအချက် တို့ကြောင့် လူတွေ ပိုပြီး လုံခြုံလာသည်ဟု သေချာပေါက် မပြောဆိုနိုင် သေးပေ။ သို့ ရာတွင် တစ်ခု သေချာသည်။ ယင်းမှာ လူတို့သည် အနှောင့်အယှက်မှ အေးချမ်းမှု privacy နှင့် ပတ်သက်၍ မျှော်လင့်ချက် နိမ့်နိမ့် သာထားသော မျိုးဆက်သစ်တို့ကို ပြုစုပေးနေရပြီဟူ၍ ဖြစ်သည်။

× × ×