အခန်း (၁)
ထန်းစုရွာလေးဟာ နေ၀င်ရီတရောအချိန်ရဲ့ နေရောင် အောက် အေးချမ်းစွာ ရှိ နေတယ်။
ရွာလေးရဲ့ အစွန် လယ်ကွင်းပြင်တွေ မှာ တော့ လယ်သမားတစ်စုနဲ့ ကောက်စိုက်မတွေ ဟာ ရွာပြန်ဖို့အတွက် ဆူဆူညံညံ ပြင်ဆင်နေကြတယ်။
ဒီအချိန်မှာ ပဲ လူကြီးတစ်ဦးဟာ လယ်ကွင်းတွေ ဆီကို အသည်းအသန်ပြေးလာပြီး ….
“ဟေ့ … သာရင် ဘယ်မလဲ၊
သာရင် ဘယ်မလဲကွ”
လို့ မောသီကြီးနဲ့ မေးလိုက်တယ်။
လူကြီးရဲ့ ထိတ်ထိတ်ပျာပျာအမေးကြောင့် ကောက်စိုက်သမတွေ ဟာ မျက်မှော င်ကြုတ် သွားပြီး …
“အိုတော် … သာရင့်ကိုများ
ကျုပ်တို့ လာမေးနေရသလားတော့် ၊
ကျုပ်တို့လယ်မှာ သာရင်မရှိဘူး၊
သာရင်က ကပ်စေးနှဲသူဌေးရဲ့ လယ်မှာ
လုပ်နေတာ၊
ဒါကြောင့် သာရင့်မိန်းမ လူမွေးမပြောင်တာပေါ့”
လို့ မျက်နှာမဲ့ရွဲ့ရင်း တစ်ယောက် က ပြောလိုက်တယ်။
လူကြီးက စိတ်မရှည်ဟန်နဲ့ ခေါင်းခါယမ်းလိုက်ပြီး
“အာ … အေးမိ မဆိုင်တာလျှောက်မပြောနဲ့၊
ငါ့ကို သာရင်လုပ်နေတဲ့လယ်ကွက် ဘယ်မှာ လဲ၊
ပြောစမ်းဟ … သိပ်အရေး ကြီးတယ်”
လို့ ပြောလိုက်တဲ့အခါ လယ်သမားတစ်ဦးက လယ်သုံးကွက်အကျော်ကို ညွှန်ပြတယ်။
“ငါတို့ သူရင်းငှားရော၊
ကောက်စိုက်သမတွေ ပါ၊
အဲဒီ လယ်မှာ ဘယ်သူမှမလုပ်ဘူး၊
ဖင်ထဲရွှံ့ဝင်ပြီး ဖင်ပိတ်သေရင်တောင်
ဘာမှလုပ်မပေးဘူးတဲ့ သူဌေး၊
သာရင် တစ်ယောက် ပဲ မိုးချုပ်ကနေ၀င်၊
နွားလိုရုန်းပြီး လုပ်နေတာကွ၊
သွား … သွား … မင်းရှာနေတဲ့၊
ငနွားသာရင် အဲဒီ မှာ ရှိတယ်”
လူကြီးက သူရင်းငှားညွှန်ပြတာကိုကြည့်ပြီး တစ်ရှိန်ထိုးဆက်ပြေးသွားတယ်။
“သာရင် … ဟေ့ကောင် သာရင်၊
သာရင် … သာရင်”
အသံကုန်အော်လိုက်တဲ့အသံကြောင့် လယ်သိမ်းဖို့ပြင်နေတဲ့ ကိုသာရင် တစ်ယောက် နောက်ဆီ လှည့်ကြည့်လိုက်မိတယ်။
သူရှိရာ ပြေးလွှားလာတဲ့ လူ တစ်ယောက် ။
“ဟေ့ … ဘယ်သူလဲကွ … ဟေ”
“ငါကွ ငါ … ဦးလေးအာပြဲပါကွ”
“ဘာလို့ ဒီလောက် ပြေးလာရသလဲ
ဦးလေးအာပြဲ၊
ဘာများ အရေး ကြီးလဲဗျ”
ဦးလေးအာပြဲဟာ သူနဲ့ဝါးတစ်ရိုက်လောက်အကွာ ရောက်တဲ့အခါ ….
“မင်း … မင်း အိမ်ပြန်တော့ သာရင်၊
အရေး ကြီးတယ် … ပြန်တော့”
လို့ ပြောရင်း ဟောဟဲသံပြုရင်း ရပ်နားလိုက်တယ်။
ကိုသာရင်က မျက်မှော င်ကြုတ်သွားပြီး …
“ဟာ … ဘာ ဖြစ်တာလဲဗျ၊
ကျုပ် … ကျုပ်အိမ် ဘာ ဖြစ်လို့လဲ၊
မီး … မီးများ လောင်သွားလို့လား … ဟင်”
လို့ အထိတ်တလန့် မေးလိုက်မိတယ်။
ဦးလေးအာပြဲက ခေါင်းခါယမ်းလိုက်ရင်း …
“မီးလောင်တာထက် အရေး ကြီးတယ်၊
မင်း … မင်းမိန်းမ ငယ်သံပါအောင်
အော်ဟစ်ပြီး ဗိုက်နာနေပြီကွ”
“ဘာ … မြ … မြ …
ဗိုက်နာနေပြီ … ဟုတ်လား၊
ဟာ … ဘယ်လို ဖြစ်တာလဲ၊
လက်သည်ကြီးပြောတုန်းက
မွေးဖို့ သုံးလလောက် …
လိုသေးတယ်ဆို၊
ဘယ်လို ဖြစ်တာလဲ ဦးလေးရာ”
“ဟ … ဒါ ငါ့မေးစရာလားကွ၊
ငါလည်း ဘယ်သိပါ့မလဲ၊
ကြည့်ရတာ … မွေးရခက်နေပုံပဲကွ၊
လက်သည် ဒေါ်ချိုလည်း …
မင်းအိမ်မှာ ရောက်နေတယ်၊
သူ ကလေးအပြင်ထွက်ဖို့ ကြိုးစားနေတယ်၊
သွား … သွား ဟေ့ကောင်”
ဦးလေးအာပြဲရဲ့ အပြောကြောင့် ကိုသာရင် တစ်ယောက် ဘာမှမတွေးတော့ဘဲ ရွာဘက်ဆီ သုတ်ခြေတင်ခဲ့တယ်။
“ မြရေ … မြ … မြ”
ကိုသာရင် တစ်ယောက် အိမ်ဝိုင်းထဲပြေးဝင်ရင်း အသားကုန်အော်ဟစ်လိုက်တယ်။
တဲအိမ်လေးရဲ့ ရှေ့ ကပြင်ပေါ်ကနေ မိန်းမတစ်ဦး ပြေးဆင်းလာတယ်။
“မြရေ … ကျုပ်လာပြီ … လာပြီ၊
ဟဲ့ … နှင်းမေ … နင့်အစ်မ …
ဘယ်လိုလဲ … ဘယ်လိုလဲ”
ကိုသာရင်ဟာ ညီမအရင်း ဖြစ်သူ နှင်းမေကို မေးလိုက်တဲ့အခါ နှင်းမေက မျက်နှာမ သာမယာနဲ့ …
“အခြေအနေ မကောင်းဘူးထင်တယ် အစ်ကို၊
ခုနက လက်သည်ကြီးတောင် လက်လျှော့ရမလို ဖြစ်နေတယ်၊
ယောက် မ … ကျုပ်ယောက် မလေး မမွေးနိုင်တော့ဘူး ထင်တယ်တော် ”
လို့ ပြောရင်း ဟီးခနဲ ငိုချလိုက်တယ်။
ကိုသာရင် တစ်ယောက် …“ ဘာ” ခနဲ နှုတ်က ရေရွတ်ရင်း တဲအိမ်လေးရဲ့ ကပြင် မှာ အရုပ်ကြိုးပြတ် ထိုင်ချလိုက်မိတယ်။
“အမလေးတော် … ကျုပ်ကို ဘယ်သူမှ မကယ်နိုင်တော့ဘူးလား၊
အဖေတွေ , အမေတွေ , လင်တွေ … ကျုပ်ကို ကယ်ကြပါတော့် ၊
နာတယ် … အရမ်းနာတယ်”
“ဟဲ့ … ဟဲ့ … မြမြ … စိတ်ကိုတင်းထားစမ်း၊
ညည်းအော်နေတာနဲ့ ငါဘာလုပ်ရမှန်းမသိတော့ဘူး၊
ခလေးက ခေါင်းထွက်နေပြီဟဲ့၊
ညှစ်စမ်း၊ ညည်း … အားလေးစိုက်ပြီး ညှစ်ကြည့်”
“ညှစ်နေတာပဲ … ကျုပ် … ကျုပ် … အားမရှိတော့ဘူး၊
ကျုပ် … ကျုပ်မျက်လုံးထဲ အရမ်းဝါးနေပြီ၊
မရဘူး … မရတော့ဘူး၊
အမလေးတော့် ”
လက်သည်ကြီးနဲ့ မိန်းမ ဖြစ်သူရဲ့ စကားသံတွေ ကြောင့် ကိုသာရင် တစ်ယောက် တစ်ကိုယ်လုံး မီးမြှိုက်ခံရသလို ခံစားသွားရတယ်။
ယောက်ျားဖောင်စီး … မိန်းမမီးနေ ဆိုတဲ့စကား။
အခု … မြ တစ်ယောက် သူ့ရင်သွေးလေးအတွက် အသက်လုတိုက်ပွဲကြီး နွှဲနေရတဲ့ အ ဖြစ်။
ဒီအချိန်မှာ ပဲ …
“ဘယ်လိုလုပ်ရမလဲ သာရင်၊
အသက်နှစ် ချောင်းထဲက တစ်ခုခုကို ရွေးရတော့မယ်၊
ကလေးက ခေါင်းထွက်ရုံမကလို့ ပုခုံးတောင်ထွက်နေပြီ၊
ဒါ … ဒါပေမယ့် … နင့်မိန်းမ
ညှစ်အားမရှိတော့ဘူး၊
ငါ ဘာလုပ်ရမလဲ”
တဲအိမ်လေးထဲက ပြေးထွက်လာပြီး ပြောလိုက်တဲ့ လက်သည်ကြီးရဲ့ စကား ကြောင့် သူ့တစ်ကိုယ်လုံး ဆောက်တည်ရာမဲ့ ဖြစ်သွားရတယ်။
ကျစ်ကျစ်ပါအောင် ဆုပ်ထားတဲ့ လက်အစုံက ဆတ်ဆတ်တုံနေသလို … မျက်ရည် တွေ ပါးပေါ်လှိမ့်ကျလာတယ်။
“ဘယ်လိုလုပ်ရမှာ လဲဗျာ၊
ကျုပ် … ကျုပ်ဘ၀မှာ
ဒီကလေးက အဦးဆုံး ရင်သွေးလေးဗျ၊
ကလေးရဖို့ ကျုပ် … ဆယ်နှစ် လုံးလုံး စောင့်ခဲ့ရတာ ၊
ဒါ … ဒါပေမယ့် …
မြ … မြ … အရမ်းသနားဖို့ကောင်းနေပြီ၊
သူ့အော်သံက ကျုပ်နားထဲ သံရည်ပူလိုပဲဗျ၊
မြ … မြရဲ့ အသက်ကိုပဲ ကယ်တင်ပေးပါ၊
ကယ်တင်ပေးပါဗျာ”
ကတုန်ကယင် ပြောလိုက်တဲ့ သူ့စကားကြောင့် လက်သည်ကြီးဟာ ခေါင်းတဆတ် ဆတ်ညိတ်ရင်း အထဲပြန်ဝင်ဖို့ နောက်လှည့်လိုက်တယ်။
ဒီအချိန်မှာ ပဲ …
“အား” … ခနဲ ငယ်သံပါမတတ် အော်ဟစ်လိုက်တဲ့ မြရဲ့ အသံကြီးကို တစ်ရွာလုံး တုန်လှုပ်ချောက်ချားမတတ် ကြားလိုက်ရတော့တယ်။
အခန်း (၂)
“ဟယ် … ကလေး အပြင်ထွက်နေပြီတော့် ”
လက်သည်ကြီးရဲ့ ရေရွတ်သံကြောင့် ကိုသာရင်ဟာ လှုပ်လှုပ်ရှားရှား ဖြစ်သွား တယ်။
တစ်ချိန်တည်းမှာ ပဲ …
“အမလေး”
မီးနေခန်းတွင်းမှ အော်သံကြောင့် …
“ဘာ ဖြစ်တာလဲ … ဘာ ဖြစ်တာလဲဗျ”
ကိုသာရင်က အခန်းပြင်က မေးလိုက်သလို ညီမ, ဖြစ်သူ နှင်းမေက အခန်းတွင်း ၀င်သွားလိုက်တယ်။
မွေးကင်းစ နီတာရဲကလေးငယ်ကို ကြည့်ရင်း နှင်းမေ ဟာ “ဟင်” … ခနဲ ရေရွတ် လိုက်မိတယ်။
“ဟ … နင်တို့ဘာတွေ ဖြစ်နေကြတာလဲ၊
ငါ့ မိန်းမရော … ငါ့ မိန်းမ … ဘာ ဖြစ်လဲ …
ဘာ ဖြစ်လဲ။ ငါဝင်လာမယ်”
လက်သည်ကြီးနဲ့ နှင်းမေတို့ တားဆီးချိန်မရလိုက်ခင်မှာ ပဲ ကိုသာရင်ဟာ အခန်းထဲ ၀င်သွားတော့တယ်။
ဆံပင်ဖိုးရို့ဖားရား သွေးတွေ ရွှဲနစ်ပြီး မျက်လုံးအပွင့်သားနဲ့ ငြိမ်သက်နေတဲ့ မြမြ။
“ဟာ … မြ … မြ”
ကိုသာရင်ဟာ မိန်းမ ဖြစ်သူကို ထွေးပွေ့ပြီး လှုပ်ကိုင်လိုက်တယ်။
“ဘာ ဖြစ်တာလဲ … ဘာ ဖြစ်တာလဲဗျ၊
မြ … မြ … တစ်ကိုယ်လုံး
တောင့်တင်းနေပါလား”
“စိတ်မကောင်းစရာပဲ သာရင်၊
မြ … မြ … ဆုံးသွားပြီကွဲ့”
ငိုသံကြီးနဲ့ ပြောလိုက်တဲ့ လက်သည်စကားကြောင့် ကိုသာရင် တစ်ကိုယ်လုံး အသက်ရှူရပ်မတတ် ခံစားလိုက်ရတယ်။
လက်သည်ကြီးက မွေးကင်းစကလေးငယ်ကို ပုဆိုးပိုင်းစနဲ့ ထုတ်ပိုးလိုက်တယ်။
ကလေးအနှီးထုတ်နဲ့ လက်သည်ကြီးရဲ့ လက်အစုံဟာ ဆတ်ဆတ်တုန်နေသလို … သူမမျက်နှာတစ်ခုလုံး သွေးမရှိလောက်အောင် ဖြူဆုတ်နေရှာတယ်။
“မြ … မြရယ်၊
ငါ … ငါ ဘယ်လိုဖြေရမလဲကွာ၊
မင်းရဲ့ အသက်ကို ငါ ရွေးချယ်ခိုင်းတာတောင်
မင်း … မင်းက …
ငါ သိပ်လိုချင်တဲ့ ကလေးကိုပေးပြီး
ငါ့အနားက ထွက်သွားခဲ့ပြီ၊
မြရယ် …. မြ”
ကိုသာရင် တစ်ယောက် ဆောက်တည်ရာမဲ့စိတ်နဲ့ တဟီးဟီး ငိုချလိုက်တယ်။
ဒီအချိန်မှာ ပဲ ရွာသူရွာသားတစ်ချို့ဟာ ကိုသာရင်ရဲ့ ခြံဝိုင်းထဲ ရောက်လာကြတယ်။
ရွာသားတွေ ဟာ အိမ်ရှေ့ ကပြင်မှာ ရှိနေကြသလို ရွာသူတွေ က မီးနေခန်းထဲ ၀င် လာကြတယ်။
ရွာသူတွေ ဟာ ကိုသာရင်ရဲ့ အ ဖြစ်ကိုကြည့်ပြီး စိတ်မကောင်းကြီးစွာ ဖြစ်နေကြရှာ တယ်။
ရွာသူတစ်ဦးက လက်သည်ကြီးရဲ့ လက်ထဲက ကလေးငယ်ကို အနှီးစဖြည်ပြီး ကြည့်နေတယ်။
“ဟယ် … ကလေးက မိန်းကလေးပဲ၊
ပြည့်ပြည့်ဖြိုးဖြိုးလေးနဲ့ …
ချစ်စရာလေးအေ့”
ရွာသူဟာ ပြောပြောဆိုဆို ကလေးငယ်ကို ပါးဆွဲလိုက်တယ်။
ကလေးကလန့်ပြီး တအဲအဲ အသံပြုရာက လက်ကားယား ခြေကားယားနဲ့ ထွန့်ထွန့် လူး ငိုကြွေးတော့တယ်။
ရွာသူက အမှတ်မထင် ကလေးငယ်ဆီက တစ်စုံတရာကို သတိပြုမိသွားတယ်။
သူမအကြီးအကျယ် ထိတ်လန့်သွားပြီး …
“အမလေးတော် ”
လို့ အော်ဟစ်ရင်း ပြေးထွက်သွားတယ်။
“ဟေ့ ဂျမ်းတော … ဘာ ဖြစ်တာလဲဟ”
ရွာသားတွေ က ထိုင်ရာကထပြီး စိတ်လှုပ်ရှာစွာ မေးမြန်ကုန်တယ်။
ရွာသူက လက်တကားကားနဲ့ …
“အမယ်လေး … ကြောက်ဖို့ကောင်းတယ်၊
အဲ … အဲဒီ့ ကလေးမှာ
လက်ဖ၀ါးအပိုကြီး ပါတယ်တော့် ”
သူမ အပြောကြောင့် ရွာသားတွေ ဟာ “ဟာ” … ခနဲ ရေရွတ်လိုက်မိကြတယ်။
ရွာသူရဲ့ စကားကို ကြားနေရတဲ့ ကိုသာရင်ဟာ မျက်ရည်ပြည့်လျှမ်းတဲ့ မျက်လုံးနဲ့ လက်သည်ကြီးကို လှမ်းကြည့်လိုက်တယ်။
လက်သည်ကြီးက မျက်နှာမသာမယာနဲ့ …
“ဟုတ် … ဟုတ်တယ် သာရင်၊
နင့်သမီးမှာ လက်သုံးဖက် ရှိနေတယ်၊
နင် … နင် စိတ်မကောင်း ဖြစ်မှန်း သိပေမယ့်
ဒါမျိုးက မပြောလို့လဲ မ ဖြစ်ဘူး၊
ဒါမျိုးကလေးက … ဘယ်သူ့အတွက်မှ မကောင်းဘူး၊
ငါ … ငါ ထပ်ပြီး ပြောရမယ်ဆိုရင်
ဒီ … ဒီကလေးဟာ
သူ့ … သူ့အမေကို သူပြန်စားလိုက်တာပဲ”
လက်သည်ကြီးရဲ့ စကားကြောင့် ကိုသာရင် တစ်ယောက် အကြီးအကျယ် တုန်လှုပ် သွားရတယ်။
ကိုသာရင်ရဲ့ ဒေါသတကြီး … “ဘာ” … ခနဲ ရေရွတ်သံက အိမ်ပြင်က လူအားလုံး ကို ဆတ်ခနဲ တုန်သွားစေတယ်။
သစ်ပင်ကြီးတွေ … အုံ့ဆိုင်းနေတဲ့ တောလမ်းတစ်နေရာမှာ လူသုံးယောက် ဟာ တရွေ့ရွေ့လှုပ်ရှားနေကြတယ်။
မုတ်ဆိတ်ကျင်စွယ် ဗရပျစ်နဲ့ လူကြီး တစ်ယောက် က ရှေ့ကဦးဆောင်ပြီး ကျန်နှစ် ယောက် က နောက်ကလိုက်ပါလာတယ်။
ရွာအ၀င်လမ်းဆုံရောက်တဲ့အခါ လူကြီးက တောင်ဝှေးနဲ့ မြေပေါ်ထောက်ရင်း လက် ကာပြလိုက်တယ်။
“နေဦး … ငါတို့ရဲ့ ဦးတည်ရာကိုရောက်တဲ့အခါ
တိတ်တဆိတ်ပဲ လှုပ်ရှားကြမယ်၊
မင်းတို့နှစ် ယောက် ကြောင့် ဘာပြဿနာမှ
ငါ မတက်စေချင်ဘူး၊
ခု … အချိန်ကောင်းရောက်တော့မယ်၊
ငါလိုချင်တာကို ရယူပြီးရင်
ငါ့ရဲ့ ပညာအဆင့် တက်လို့ရပြီ၊
အဆင့်အောင်မြင် ပေါက်မြောက်သွားရင်
ဟား … ဟား … ဟား
လက်ညှိုးညွှန်ရာ အရာအားလုံး ဖြစ်ပြီကွ၊
မှော်ဆရာပေသီးဆိုတဲ့ ငါတို့
ဘယ်သူမှ မော်မကြည့်ဝံ့တော့ဘူးကွ”
ဦးပေသီးက တောင်ဝှေးကို ၀ံ့ကြွားရင်း အသံသြကြီးနဲ့ ကြုံးဝါးလိုက်တယ်။
“စိတ်ချပါ ဆရာကြီး …
ကျွန်တော် တို့ကြောင့် ဘာအနှောင့်အယှက်မှ
မ ဖြစ်စေရပါဘူး၊
ကတိပေးပါတယ် ခင်ဗျ”
ဦးပေသီးက ခေါင်းတဆတ်ဆတ်ညိတ်ရင်း ရွာဘက်လှမ်းကြည့်လိုက်တယ်။
တစ်ရွာလုံး မှော င်အတိပြီးနေသလို အဝေးဆီက ခွေးဟောင်သံအချို့သာ ကြားနေ ရတယ်။
ဦးပေသီးဟာ သူ့လူတွေ ကို လက်ပြလိုက်ရင်း ရွာဘက် ဆက်လျှောက်သွားတယ်။
သူတို့ဟာ ရွာထဲမ၀င်ဘဲ ရွာရဲ့ အနောက်ပိုင်းကို ပတ်သွားကြတယ်။
လရောင် ရဲ့ အလင်းမှု န်ပျပျအောက် အဝေးမှာ မြင်ရတဲ့ ဖွေးဖွေးအရာတွေ ။
ထိုအရာတွေ ကို လှမ်းကြည့်ပြီး ဦးပေသီး ကျေနပ်စွာ ပြုံးလိုက်တယ်။
အူး … အူး … အူး … အူး … အူး
ရုတ်တရက် ကြားလိုက်ရတဲ့ ခွေးအူသံကြောင့် ဦးပေသီးရဲ့ တပြည့်နှစ် ယောက် ဟာ ပတ်ဝန်းကျင်ကို မျက်လုံးဝှေ့ကြည့်လိုက်တယ်။
“ဟေ့ကောင် … ငါတို့ ဘာမှ ဘေးမ ဖြစ်ဖို့
မင်းဆုတောင်းနော်၊ ဒီရွာက ရွာသားတွေ က
သိပ်စည်းလုံးသလို အရမ်းလည်း လက်သံ
ပြောင်တယ်ကွ၊ ငါတော့ ဆရာကြီးကို မလွန်
ဆန်ရဲလို့သာ လာရတာ … ခပ်လန့်လန့်ပဲကွ”
တစ်ယောက် က ကျန် တစ်ယောက် ကို တီးတိုးပြောလိုက်တယ်။
“ဆရာပေသီးတပြည့် လုပ်ပြီး
ကြောက်မနေစမ်းပါနဲ့ကွာ၊
ကိုယ့်ကိုယ်ကိုယ် ယုံကြည်မှု
ရှိစမ်းပါကွ၊
ဘာမှမ ဖြစ်နိုင်ပါဘူးကွ”
ဦးပေသီးက အနောက်က တွတ်ထိုးသံတွေ ကို ကြားသွားပြီး …
“ဟေ့ကောင်တွေ …
မင်းတို့ ဘာ ဖြစ်နေကြသလဲ၊
င့ါကို အာရုံပျက်အောင် မလုပ်နဲ့နော်၊
ငါ့ရဲ့ ဦးတည်ရာ ရောက်တော့မယ်ကွ၊
အငြိမ်နေကြစမ်း”
လို့ အံကြိတ်သံနဲ့ ငေါက်ဖမ်းလိုက်တယ်။
ဦးပေသီးနဲ့ တပည့်တွေ ဟာ လရောင် အောက်မှာ ပဲ တိတ်တဆိတ် ဆက်လျှောက် သွားကြတယ်။
မြေပုံမို့မို့တွေ ၊ ကမ္ပည်းတိုင်တွေ ၊ အုတ်ဂူတွေ စီရီနေတဲ့ ထန်းစုရွာရဲ့ သင်္ချိုင်းကုန်း။
ဦးပေသီးနဲ့ တပည့်တွေ က သင်္ချိုင်းမြေထဲ တရွေ့ရွေ့ချဉ်းကပ်ခဲ့ကြတယ်။
ဦးပေသီးဟာ သင်္ချိုင်းရဲ့ အနောက်ပိုင်းမှာ ရှိတဲ့ တဲစုတ်လေးတစ်လုံးကို လှမ်းကြည့် လိုက်တယ်။
“ငါတို့ ကံကောင်းတယ်ဟေ့၊
သင်္ချိုင်းစောင့်ရဲ့ တဲလည်း မီးမှိတ်နေတယ်၊
ဟဲ ... ဟဲ ... ငါတို့ လိုချင်တာကို
အေးအေးဆေးဆေး ယူလို့ရတဲ့ နိမိတ်ပဲကွ”
 ဘင်ပုပ်ငရဲကျခံရတဲ့မိစော |  ဘီလူးနက္ခတ် |  မိမိလေး |