အမှာ စာ

ကျွန်တော်သည် ဈေးကွက်စီးပွားရေးစနစ် မြန်မာနိုင်ငံတွင် စတင် ကျင့်သုံးသည့် အချိန်ကာလမှစ၍ Consumer Goods Product များ ထုတ်လုပ် ရောင်းချသည့် လုပ်ငန်းကို ဆောင်ရွက်ရန် ဆုံးဖြတ်ခဲ့ပါသည်။ ဆုံးဖြတ်ခဲ့ရခြင်းအကြောင်းမှာ ၁၉၈၇-ခုနှစ်တွင် ကမ္ဘာ့ Stock ဈေးကွက်ကြီး ပျက်စီးခဲ့ရသည်ကို လူတိုင်းအသိဖြစ်ပါသည်။ ထိုနှစ်က ကျွန်တော် အင်္ဂလန်နိုင်ငံသို့ သားအကြီး ဖိုးနီနှင့် ၎င်း၏ ဇနီးတို့ဖြင့် ဆေးဝါးကုသရန် သွားရောက်ခဲ့ပါသည်။ ထိုအချိန်က ဆရာဝန်နှင့် တွေ့ရန် ရက်ချိန်းစောင့်ဆိုင်းနေစဉ် Stock ဈေးကွက် ပျက်စီးသွားပြီးနောက် မည်သည့် စီးပွားရေးလုပ်ငန်းများ က ရပ်တည်နိုင်ခဲ့သည်ကို လေ့လာခွင့် ရခဲ့ပါသည်။ ထိုသို့ လေ့လာခွင့် ရခဲ့ခြင်းကြောင့် Stock ဈေးကွက်တွင် Consumer Goods Product ထုတ်လုပ်သည့် ကုမ္ပဏီများ သာ ရပ်တည်နိုင်ခဲ့ကြောင်းကို သိခွင့်ရခဲ့ပါသည်။ ထိုအချိန်မှစ၍ မြန်မာနိုင်ငံတွင် ဈေးကွက်စီးပွားရေးစနစ် စတင်ကျင့်သုံးလျှင် Consumer Goods Product များ ထုတ်လုပ်သည့် လုပ်ငန်းကိုသာ လုပ်ကိုင်မည်ဟု ဆုံးဖြတ်ခဲ့ပါသည်။ ထိုဆုံးဖြတ်ချက်မှာ မှန်ကန်သည်ဟု ကျွန်တော်ပြောလိုပါသည်။ ၁၉၉၇ ခုနှစ်က အာရှနိုင်ငံများ တွင် Stock ဈေးကွက် ပျက်စီး ယိုယွင်းသောအခါ Consumer Goods Product ထုတ်လုပ်သည့် ကုမ္ပဏီ များ သာ အများ ဆုံး ရပ်တည်နိုင်ခဲ့ကြောင်း တွေ့ရပါသည်။

သို့ အတွက် စားသုံးကုန်/ လူသုံးကုန်ပစ္စည်းများ ထုတ်လုပ်ရန် ဆုံးဖြတ်ခဲ့သည်နှင့်အညီ အချိုရည်လုပ်ငန်းကို စတင်ထုတ်လုပ်ခဲ့ပါသည်။ ထို့နောက် နို့ဆီ၊ နို့မှု န့်၊ ဘီယာ၊ သောက် ရေသန့် စသည့် ကုန်ပစ္စည်းများ ထုတ်လုပ်ရောင်းချရန် လုပ်ကိုင်ကျင့်သုံးခဲ့ပါသည်။ မည်သည့် ကုန်ပစ္စည်းမဆို ထုတ်လုပ်သည့်လုပ်ငန်း လုပ်ကိုင်လျှင် ဈေးကွက်ရှာဖွေ ထူထောင်ခြင်း Marketing သည် အဓိကကျသော အချက်ကြီးဖြစ်ကြောင်း လုပ်ငန်း အတွေ့အကြုံက ကျွန်တော့်အား ညွှန်ပြပေးခဲ့ပါသည်။ ထို့ကြောင့် Sales & Marketing ပညာကို စိတ်ဝင် စားခဲ့ပါသည်။ များ စွာ မှ ကျယ်ပြန့်သည့် ပညာရပ်ဖြစ်ကြောင်း ထုတ်လုပ်သူ စီးပွားရေးသမား တစ်ယောက်အနေဖြင့် ရဲရဲကြီး ပြောလိုပါသည်။

ထို့ကြောင့် ကျွန်တော် Marketing စာအုပ်များ ကို ဝယ်ယူ လေ့လာခဲ့ပါသည်။ Marketing နှင့် ပတ်သက်သော စာအုပ်တော်တော် များများ အနက်မှ ယခုဆရာမောင်စူးစမ်း (ဦးချမ်းအေး) ဘာသာပြန်သည့် Principles of Marketing စာအုပ်ကို ကျွန်တော်များ စွာ နှစ်သက်ခဲ့ပါသည်။ Philip Kotler နှင့် Gary Armstrong တို့ ရေးသားသော ၎င်းစာအုပ်သည် ရှစ်ကြိမ်တိတိ ထုတ်ဝေခဲ့ရသည့် အပြင် တက္ကသိုလ်များ ၏ Text Book အဖြစ်လည်း ပြဋ္ဌာန်းထားပါသည်။ ထို့ကြောင့် ဆရာဦးချမ်းအေးအား ဘာသာပြန်ပေးပါရန် ဦးလှသောင်းမှ တစ်ဆင့် မေတ္တာရပ်ခံ ခဲ့ပါသည်။ အဆိုပါ စာအုပ်ကို ဘာသာပြန်ပေးသည့် ဦးချမ်းအေးအား များ စွာ မှ ကျေးဇူးတင်ရှိ ကြောင်း ဖော်ပြလိုပါသည်။

ထိုသို့ ဘာသာပြန်ရာ၌ အဓိပ္ပာယ်ဆိုလိုသည့် ဝေါဟာရများ တွင် စီးပွားရေး တက္ကသိုလ်မှ သုံးနှုန်းသည့် ဝေါဟာရများ နှင့် အနည်းငယ် ကွာခြားမှု ရှိကောင်း ရှိမည် ဖြစ်ပါသည်။ သို့သော်လည်း Marketing ၏ ဆိုလိုရင်းစွဲအနှစ်သာရများ ကို စာဖတ်သူအနေဖြင့် သိရှိသဘော ပေါက်နိုင်မည်ဖြစ်သည့်အတွက် စာဖတ်သူအား အကျိုးသက်ရောက်မှု ရှိမည်သာ ဖြစ်ပါသည်။

ဆိုရှယ်လစ်စီးပွားရေးစနစ်ကို (၂၆) နှစ်တာ ကျင့်သုံးခဲ့သည့် မြန်မာနိုင်ငံတွင် ဈေးကွက် စီးပွားရေးစနစ်ဖြင့် ကင်းကွာနေခဲ့၍ အတွေ့အကြုံ နည်းပါးသေးသည့် လုပ်ငန်းရှင်များ အတွက် သော်လည်းကောင်း၊ စီးပွားရေး လုပ်ငန်းကို လုပ်ကိုင်ဆောင်ရွက်နေသည့် Operator များ အတွက် သော်လည်းကောင်း များ စွာ မှ အသုံးဝင်၊ အထောက်အပံ့ဖြစ်လိမ့်မည်ဟု ကျွန်တော် ယုံကြည်သည့် အတွက် ဤ Principles of Marketing စာအုပ်ကို ထုတ်ဝေရခြင်း ဖြစ်ပါသည်။

Principles of Marketing ဟုဆိုရ၌ ကျွန်တော်အထက်တွင် ဖော်ပြခဲ့သည့် စားသုံးကုန်နှင့် လူသုံးကုန်ပစ္စည်းများ အတွက်သာ ဆိုလိုခြင်း မဟုတ်ဘဲ ထုတ်လုပ်သည့် မည်သည့် ကုန်ပစ္စည်း များ ကိုမဆို ရောင်းချနိုင်ရန်အတွက် ဈေးကွက်ရှာဖွေထူထောင်ခြင်း Marketing သည် အဓိက အရေးကြီးသော အချက်ဖြစ်ပါသည်။

ဈေးကွက်ရှာဖွေထူထောင်ခြင်းဆိုရ၌ အမြတ်အစွန်းတစ်စုံတစ်ရာဖြင့် ဖောက်သည်၏ ကျေနပ်နှစ်သိမ့်မှု ကို ဖြည့်ဆည်းဆောင်ရွက်ပေးခြင်း ဟုလည်း ခေါ်ဆိုနိုင်ပါသည်။ ဈေးကွက် ရှာဖွေထူထောင်ခြင်းတွင် ကျောရိုးဈေးကွက်ရှာဖွေထူထောင်ခြင်းနှင့် ၎င်းနှင့် ဆက်စပ်မှု ရှိသည့် ဈေးကွက်များ ၊ ကုန်သွယ်မှု အဓိကကျသော အချက်များ ၊ တန်ဖိုးနည်းအရည်အသွေး မှန်ကန်မှု ၊ ဖြည့်ဆည်းပေးနိုင်မှု များ ၊ ဖောက်သည်နှင့် စားသုံးသူတို့က ကျေနပ်မှု ရှိသည့် ဝန်ဆောင်မှု များ သည် အဓိကကျပါသည်။ ကုန်ပစ္စည်း တစ်ခုသည် ရောင်းရလေလေ လတ်ဆတ်လေလေဆိုသလို ဖောက်သည်အပေါ်တွင် ဝန်ဆောင်မှု ၊ ဆက်ဆံမှု နှင့် တစ်ဦး၏ အကျိုးစီးပွားအပေါ် တစ်ဦးကနားလည်လေလေ ရောင်းရလေလေ ဖြစ်မည်ဖြစ်ပါသည်။

ဈေးကွက်ရှာဖွေ ထူထောင်ခြင်း ဟုဆိုရာ၌ စက်ရုံမှ စတင်ထုတ်လုပ်သည့် အချိန်မှ စ၍ စားသုံးသူ လက်ဝယ်ရောက်သည်အထိ အဆင့်လိုက် ဆောင်ရွက်ရမည့် အောက်ပါအချက် များ သည် လွန်စွာ အရေးကြီးပါသည်။ သို့ အတွက်-

(၁) နှစ်ဦးနှစ်ဖက်အကျိုးအမြတ်ရှိသော ဖောက်သည်ဆက်ဆံရေးကို ထူထောင်ခြင်း။

(၂) စနစ်တကျပုံစံချ၍ ဈေးကွက်ရှာဖွေ ထူထောင်ခြင်း။

(၃) ကုန်သည်များ နှင့် ရောင်းချသည့် ကုမ္ပဏီတို့မှ စနစ်တကျ ဈေးကွက်ရှာဖွေ ထူထောင်ခြင်း။

(၄) နေ့စဉ်ဈေးကွက်အသစ် ရှာဖွေဖော်ထုတ်ခြင်း။

စသည့် အချက်များ သည် အမြဲတမ်းလိုက်နာ ကျင့်သုံးနေရမည် ဖြစ်ပါသည်။

ကျွန်တော်တို့၏ နေ့စဉ်ဈေးကွက်ရှာဖွေထူထောင်နေခြင်းအတွက် အောင်မြင်ရန် အောက် ပါအချက်များ သည် အရေးကြီးကြောင်း Phillip Kotler ၏ စာအုပ်များ ကဆိုပါသည်-

(၁) အရည်အသွေးဖြင့် အောင်မြင်မှု ရယူရန်။

(၂) ကောင်းသော ဝန်ဆောင်မှု ဖြင့် အောင်မြင်မှု ရယူရန်။

(၃) ဈေးနှုန်းသက်သာမှု ဖြင့် အောင်မြင်မှု ရယူရန်။

(၄) မိမိကုန်ပစ္စည်းအား မြင့်မားသော ဈေးကွက်ပမာဏ ရရှိမှု ဖြင့် အောင်မြင်မှု ရယူရန်။

(၅) မိမိထုတ်လုပ်သည့် ကုန်ပစ္စည်းအား အဆက်မပြတ် အရည်အသွေး မြင့်မားစေမှု ဖြင့် အောင်မြင်မှု ရယူရန်။

ကျွန်တော်တို့ ထွန်းဖောင်ဒေးရှင်းဘဏ် စာပေကော်မတီ အနေဖြင့် ဈေးကွက်စီးပွားရေး အတွက် အသုံးဝင်သည့် စာအုပ်များ ထုတ်ဝေဖြန့်ချီရသည့်အတွက် များ စွာ မှ ဝမ်းမြောက်မိပါသည်။ ရှေ့ဆက်၍ လည်း ဈေးကွက်စီးပွားရေးအတွက် အကျိုးရှိမည့် စာအုပ်များ ကို ဆက်လက် ထုတ်ဝေမည်ဖြစ်ပြီး လူငယ်များ ၏ ဘဝတိုးတက်ရာတိုးတက်ကြောင်း စာအုပ်များ ကိုလည်း ထုတ်ဝေသွားမည် ဖြစ်ပါသည်။ မိမိတို့၏ ဘဝတိုးတက်ရာ တိုးတက်ကြောင်းကို မြော်မြင်မှု များ စွာ ဖြင့် ကြိုးစားနေကြသော လူငယ်များ အတွက် အထောက်အပံ့ တစ်စိတ်တစ်ဒေသဖြစ်ပါက များ စွာ ဝမ်းမြောက်မိပါသည်။

သိန်းထွန်း

ဥက္ကဌ

ပြောင်းလဲနေသော ကမ္ဘာကြီးတွင် ဈေးကွက်ရှာဖွေထူထောင်ခြင်း/ဖောက်သည်တန်ဖိုးနှင့် ကျေနပ်မှု ကို ဖန်တီးခြင်း

“ Swoosh ” “ နေရာတကာ၌ ရောက်နေသည် ” ဤစကားသည် ရှေးဟောင်းဂရိဒဏ္ဍာရီမှ အောင်ပွဲနတ်ဘုရားမ (the Greek goddess of victory ) ကို ရည်ညွှန်းသည်။ အားကစား မဂ္ဂဇင်း၊ ဘတ်စကက်ဘောကစားပွဲ၊ ရုပ်မြင်သံကြား၊ ဂေါက်သီးကစားပွဲ ကြည့်ချင်တာကို ကြည့် လိုက်လျှင် နိုက်- NIKE ကိုတွေ့ရမည်။ ၎င်းနှင့်အတူ Swoosh ကိုလည်း တွေ့ရမည်။ နိုက်၏ ကုန်အမှတ်တံဆိပ် ဘရင်း(န်) brand ပေတည်း။

နိုက်ဘရင်း(န်)၏ ခွန်အားနှင့် လိုဂိုတို့သည် နိုက်၏ ဈေးကွက်ရှာ စူပါကျွမ်းကျင်မှု ကို အကျယ်ကြီး ပြောပြနေသည်။ နိုက်၏ မဟာဗျူဟာသည် နာမည်ကျော်အားကစားသမားတို့ကို ဗဟိုပြုရင်း မိမိပစ္စည်း အရည်အသွေးကို အထူးတိုးတက်ကောင်းမွန်အောင် ကြိုးစားသည်။ ကြော်ငြာလှုပ်ရှားမှု ၌ “ လုပ်ကြည့်ပါ ” “ Just do it ” ဆောင်ပုဒ်ကလည်း အားကစားဈေးကွက် ရှာဖွေမှု ၏ မျက်နှာပြင်ကို အမြဲတမ်းပြောင်းလဲ ပေးနေသည်။

နိုက်သည် နာမည်ကြီးတို့၏ ထောက်ခံမှု (big name endorsement) တို့ဖြင့် လည်းကောင်း၊ တောက်တောက်ပြောင်ပြောင် ပြိုးပြိုးပြက်ပြက် အရောင်းမြင့်တင်ရေးပွဲကြီးတို့ဖြင့် လည်းကောင်း အာရုံစူးစိုက်မှု အများ ဆုံးရနိုင်သော ကြော်ငြာလုပ်ငန်းတို့ဖြင့်လည်းကောင်း၊ နှစ်စဉ် ဒေါ်လာသန်းပေါင်းများ စွာ ကို အသုံးပြုခဲ့သည်။ နှစ်အတော်ကြာကြာ၌ နိုက်သည် အချို့သော နာမည်ကြီးဆုံးသူတို့နှင့် ဆက်နွယ်မိခဲ့သည်။ မည်သည့်အားကစားမျိုးကို ကြည့်ကြည့် သင် အနှစ်သက်ဆုံး အားကစားသမား တစ်ဦးဦးသည် နိုက်အမှတ် တံဆိပ် နိုက်ဆုရ်ှကိုသာ ဝတ်ဆင် နေရမည်ဖြစ်သည်။

သို့ ရာတွင် ကောင်းမွန်သော ဈေးကွက်ရှာဖွေမှု သည် အရောင်းမြှင့်တင်ရေးကို အကြီး အကျယ်ပြုလုပ်ခြင်းနှင့် ကတိစကားတို့ထက် လိုကြောင်းနိုက်က သိသည်၊ ယင်းမှာ ဖောက်သည် တို့အား တန်ဖိုးအစစ်အမှန်တို့ ဖြည့်ဆည်းပေးရေးကို သိခြင်းဖြစ်သည်၊ နိုက်၏ ကနေဦး အောင်မြင်မှု သည် အပြေးဖိနပ်နှင့် ဘတ်စကက်ဘောဖိနပ်တို့ကို နည်းပညာအရ သာလွန် ကောင်းမွန်အောင် ထုတ်လုပ်နိုင်သောကြောင့် ဖြစ်သည်၊ ဤပစ္စည်းတို့သည် အားကစား ပစ္စည်းတို့တွင် တီထွင်ဆန်းသစ်မှု များ ရှားပါးမှု အပေါ် စိတ်ပျက်နေသော လေးနက်သည့် အားကစားသမားတို့အတွက် အတော် အဆင်ပြေသွားသည်၊ ယနေ့အထိ နိုက်သည် ပစ္စည်း အမျိုးမျိုး တိုးတက်မှု နှင့် တီထွင်ဆန်းသစ်မှု တို့ အရေးတွင် ရှေ့ဆောင်နေသည်။

နိုက်သည် မိမိဖောက်သည်တို့အား အားကစားဂီယာ ကောင်းဖြည့်စွမ်းသည်ထက် ပိုမို အကျိုးဆောင်ပေးသည်။ မိမိ၏ website (w w w. nike. com) တွင် အလေးအနက် ဖော်ပြထား သလို “ နိုက်သည် အမှန်တရားကို အမြဲ သိရှိသည်၊ ဖိနပ်အကြောင်းထက် ဖိနပ်က သင့်ကို ဘယ်ခေါ်ဆောင်သွား သနည်းဆိုသော အချက်၏ အမှန်တရားကို ပို၍ အလေးထားသည်။ ”

ဖိနပ်၊ အသုံးအဆောင်ပစ္စည်းများ နှင့် ကိရိယာတို့ကို ကျော်လွန်၍ နိုက်ကဘဝ နည်းလမ်းတစ်ရပ်၊ အားကစားယဉ်ကျေးမှု နှင့် “ လုပ်ကြည့်ပါ ” သဘောထားတို့ကိုလည်း ဈေး ကွက်တင်သည်။ နိုက်ကို စတင်တည်ထောင်သူလည်းဖြစ်၊ စီအီးအိုလည်း ဖြစ်သော Phil Knight က ဤသို့ ပြောသည်။ “ အခြေခံအားဖြင့် ပြောရလျှင် ကျွန်တော်တို့၏ ယဉ်ကျေးမှု နှင့် ကျွန်တော် တို့၏ စတိုင်သည် သူပုန်တစ်ယောက်ဖြစ်ရန် ဖြစ်သည်။ ” ကုမ္ပဏီသည် အားကစားအပေါ် အမှန် တကယ်စိတ်အားထက်သန်မှု ရှိသည်။ အစဉ်အလာကို လမ်းခွဲထွက်သည်။ ပြင်းပြင်းထန်ထန် အလုပ်လုပ်သည်။ လေးနက်သော အားကစားလုပ်ငန်းတို့တွင် ပါဝင်သည်။ နိုက်အကြောင်း မည်သူ့ကိုမဆို မေးကြည့်ပါ။ အဲသည် လူက ပြောပါလိမ့်မည်။ “ နိုက်သည် အားကစားသမား တွေဖြစ်သည်။ အားကစားသမားသည် အားကစားစပို့(တ်) ဖြစ်သည်။ နိုက်သည် အားကစား စပို့(တ်) ဖြစ်သည်။ ”

နိုက်သည် ဖောက်သည်တို့၏ ကိုယ်ခန္ဓာကို ဂရုစိုက်သကဲ့သို့ ပင် သူတို့၏ အသက်ကိုလည်း ဂရုစိုက်သည်။ အရောင်းမြှင့်တင် ရေးလုပ်ငန်း သက်သက်ကိုသာ လုပ်ဆောင်သည် မဟုတ်ပါ။ အားလုံး အကျိုးငှာ အားကစား လုပ်ငန်းများ ကိုလည်း မြှင့်တင်အားပေးသည်။ ဥပမာ -မကြာသေးမီက ထည့်သွင်းခဲ့သော “ နိုက်-လုပ်ကြည့်ပါ ” ကြော်ငြာစီးရီးတွင် အမျိုးသမီး အားကစား လှုပ်ရှားမှု တို့ကို ပြင်းပြင်းထန်ထန် ထောက်ခံထားသည်။ မိန်းကလေးနှင့် အမျိုးသမီး များ အားကစားလှုပ်ရှားမှု တွင် ပါဝင်ကြခြင်းအတွက်လည်း နိုက်က အကျိုးအမြတ်တွေ အများ ကြီး ပေးခဲ့သည်။ နိုက်သည် သိပ်မထင်မရှား ဖြစ်သည့် အားကစားနည်းတို့တွင်လည်း စီးပွားရေးအရ တွက်ခြေမကိုက်စေကာမူ ရင်းနှီးမြုပ်နှံသည်။ ဤသို့ ဆောင်ရွက်မှု တို့ကြောင့် နိုက်သည် အားကစားပစ္စည်းကောင်းများ ထုတ်လုပ်သော ကုမ္ပဏီ အဖြစ်သာမဟုတ်ဘဲ အများ ကို ဂရုစိုက် စောင့်ရှောက်သော ကုမ္ပဏီအဖြစ်လည်း ထူထောင်မိလာသည်။

ဖောက်သည်တို့ကို ဂရုစိုက်စောင့်ရှောက်ခြင်းသည် နိုက်အတွက်လည်း အကျိုးအမြတ် ဝင်ငွေအတော်များများ ဝင်စေသည်။ ၁၉၉၇ ခုနှစ် နောက်ဆုံးထားသော ဆယ်စုနှစ်တွင် နိုက်ဝင်ငွေသည် မယုံကြည်နိုင်လောက်သော နှုန်းအဖြစ် နှစ်စဉ် ၂၁ ရာခိုင်နှုန်းတိုး၍ ဝင်ခဲ့သည်။ ရင်းနှီးမြုပ်နှံသူတို့အား နှစ်စဉ်ပေးငွေမှာ ပျမ်းမျှ ၄၇ ရာခိုင်နှုန်း ရှိခဲ့သည်။ နိုက် “ ဖလက်အောက် ” သည် ကမ္ဘာ့အားကစား ဖိနပ်ဈေးကွက်ကို စိုးမိုးထားသည်။ ယူအက်စ်ဈေးကွက်တွင် ၄၇ ရာခိုင်နှုန်း ရရှိထားရာ၊ အနီးစပ်ဆုံး ပြိုင်ဘက် Reebok ၏ ဝေစုထက် နှစ်ဆရထားခြင်းဖြစ်သည်။ ကမ္ဘာတစ်လွှား ဈေးကွက်၌ ၂၇ ရာခိုင်နှုန်း ရရှိထားသည့် နိုက်သည် ပစ္စည်း အမျိုးအစားအသစ်တွေကြားထဲ၊ အားကစားမျိုးစုံကြားထဲ၊ ကမ္ဘာ့ဒေသအားလုံးထဲ ခပ်ကြမ်းကြမ်း ဝင်ရောက် ထိုးဖောက်သည်။ နှစ်အနည်းငယ်အတွင်း၌ နိုက်၏ အားကစားအဝတ်အစား တန်ဆာလုပ်ငန်းသည် နိုက်၏ နှစ်စဉ်ရောင်းရငွေ ဒေါ်လာ ၉.၅ ဘီလီယံ၏ လေးပုံတစ်ပုံ အထိ ထောင်တက်သွားခဲ့သည် ထို့အပြင် နိုက်သည် မိမိ၏ ဆူ(ရှ်) လိုဂို အမှတ်တံဆိပ်ကို နေကာမျက်မှန်မှ အစ ဘောလုံး ၊ ဘက်တန် လက်အိတ် နှင့် ဟော်ကီအတန်တို့အထိ ရိုက်နှိပ်ထားနိုင်သည် ။ တစ်ဒါဇင် ခန့်ရှိသော အားကစားအမျိုးအစား သစ်များ ဖြစ်သည့် ဘေ့(စ်)ဘော၊ ဂေါက်သီး၊ ရေခဲပြင်နှင့် လမ်းပေါ်ဟော်ကီ ၊ စကိတ်၊ နံရံတက်နှင့် တောင်တက်စသည်တို့ ထဲသို့ လည်း ထိုးဖောက်ဝင်ရောက်ခဲ့သည်။

သို့ သော် ၁၉၉၈ ခုနှစ်တွင် နိုက်သည် စီးပွားရေးကျဆင်းကာ အရောင်းလျော့ကျခဲ့သည်။ ကုမ္ပဏီတွင် တွေ့ရသော အခက်အခဲ တို့နှင့် ပတ်သက်၍ အကြောင်းမျိုးစုံ ရှိနေသည်။ တောင်တက်သော “ အညိုရောင် ဖိနပ်ခရေဇီး ” နှင့် တင်ဘာလင် Timberland ကဲ့သို့ သော အပြင်ထွက်ကစားသည့် နည်းလမ်းတို့တွင် အားကစားသမားစနစ် လုပ်ငန်းထဲ တိုးဝင်လာသည်။ ပြိုင်ဆိုင်မှု ကလည်း တိုးတက်ကောင်းမွန်လာရာ ပြန်လည်သန်စွမ်းအောင် ပြုလုပ်လာသည့် အာဒီဒက်(စ်)သည် အမေရိကား၌ အရောင်းထောင်တက်ခဲ့သည်။ သူထောင်တက်သဖြင့် နိုက် အရောင်း ကျသွားသည်။ ပို၍ ဆိုးဝါးသွားသည့် အချက်မှာ တက္ကသိုလ်အသီးသီးမှ ကောလိပ် ကျောင်းသားတို့က နိုက်သည် အာရှ၌ ကလေးအလုပ်သမားတို့ကို ခေါင်းပုံဖြတ်သည်။ အားကစား ကို စီးပွားရေးဆန်အောင် သိပ်လုပ်လွန်းသည်ဆိုသော အကြောင်းပြချက်တို့ဖြင့် ဆန့်ကျင် ကန့်ကွက် ဆန္ဒပြလာသောအချက်ဖြစ်သည်။

သို့ ရာတွင် နိုက်၏ အကြီးမားဆုံး အဟန့်အတား အခက်အခဲမှာ တစ်ခြားမဟုတ်။ မိမိ၏ မယုံကြည်နိုင်လောက်အောင် ရရှိထားသောအောင်မြင်မှု ပင် ဖြစ်ပါသည်။ အမေရိကားအပေါ် လိုအပ်တာထက်ပိုပြီး မြန်မြန်ဆန်ဆန် swoosh က အရိပ်ထိုးထားသည်။ အမှတ်တံဆိပ် (brand) သည် ကြီးလွန်းသော အမှတ်တံဆိပ်၏ တန်ပြန်ရိုက်ခတ်ခြင်းကို ခံနေရသည်။ swoosh သည် အအေးခံလို့ မရလောက်အောင် ဘုံကိန်းဖြစ်နေသည်။ စိစစ်သုံးသပ်သူတစ်ဦး၏ အမြင်အရဆိုလျှင် တိုက်ဂါးဝုဒ်က နိုက်၏ ပစ္စည်းစုံဖြင့် ပွဲထွက်လာသောအခါ သူ့ကိုယ်ပေါ်၌ လိုဂိုတို့က ပြည့်နှက် နေသည်။ ဘယ်လောက်တောင် ပြည့်နှက်နေသနည်းဆိုလျှင် သူ ဇာထိုးစက်ထဲပိတ်မိ နေသလား လို့ပင် ထင်ရသည်။ နိုက်မှ မန်နေဂျာတစ်ဦးက “ အေးဗျာ၊ swoosh တွေများ လွန်းလို့ တန်ပြန် အရိုက်ခံရတာ တော့ အနည်းငယ်ရှိသွားတယ် ” ဟု ဝန်ခံသည်။ ထို့အပြင် အရောင်းတန်ဖိုး ဒေါ်လာကိုးဘီလျံရှိလာသောအခါ နိုက်သည် လမ်းဘေးမှ ပင်မရေစီးကြောင်းထဲ ရောက်လာခဲ့ သည်။ ယနေ့ဆိုလျှင်ကား နိုက်အတွက် ဇာစ်မြစ်ရှာဖွေခြင်းသည် မိုက္ကရိုဆော့(ဖ်) အတွက် ဇာစ်မြစ်ရှာဖွေခြင်းနှင့် တူနေပြီ။

ဤပြဿနာတို့ကို ဖြေရှင်းရန်အလို့ငှာ နိုက်သည် မူလအခြေခံ တရားတို့ဆီ ပြန်လှည့် သည်။ ယင်းမှာ တီထွင်ဆန်းသစ်မှု ၊ ပစ္စည်းအမျိုးအစား အသစ်လိုင်းဖော်ထုတ်ခြင်း၊ အမှတ်တံဆိပ် ခွဲများ ဖန်တီးခြင်း (ဥပမာ မိုက်ကယ်ဂျော်ဒန် “ ခုန်နေသောလူ ” လိုဂိုလိုင်းတွင် အခွဲများ ဖန်တီး ခြင်း) နှင့် swoosh ကို အလေးပေးမှု လျှော့ချခြင်း စသည်တို့ဖြစ်ကြသည်။ ဥပမာ - မကြာသေးမီက ထည့်သောကြော်ငြာတွင် ပစ္စည်း၏ ဆောင်ရွက်မှု အပေါ် ထပ်မံ focus လုပ်ထားပြီး၊ swoosh ကို အထင်ကရ မဖော်ပြဘဲ၊ နိုက်၏ စာသားလိုဂိုအမည်ဖြင့် အဆုံးသတ်ထားလိုက်သည်။ နိုက်သည် မိမိစရိတ်ကိုလည်း လျှော့ချရာ၊ ကြော်ငြာအသုံးစရိတ် ဖောဖောသီသီ သုံးစွဲခဲ့ခြင်းကိုလည်း လျှော့ချလိုက်သည်။ ဤခြေလှမ်းတို့သည် အလုပ်ဖြစ်ပုံရသည်။ နိုက်၏ အမြတ်နှင့် စတော့ဈေးနှုန်း တို့သည် ပြန်တက်လာသည်။

နိုက်သည် ဈေးကွက်သစ်ထဲသို့ ခပ်ကြမ်းကြမ်းဝင်သေးသည်။ အထူးသဖြင့် ပြည်ပ ဈေးကွက်တို့တွင် ဖြစ်သည်။ နိုက်၏ အမေရိကား ပြင်ပရောင်းရငွေသည် စုစုပေါင်း၏ ၃ဝ ရာခိုင်နှုန်း ရှိလာသည်။ အမေရိကားတွင် လွှမ်းမိုးနိုင်သလို ကမ္ဘာနှင့်ချီပြီး လွှမ်းမိုးနိုင်ဖို့ဆိုလျှင် နိုက်သည် ဘောလုံးပွဲတွင် စိုးမိုးနိုင်ရမည်။ ဘောလုံးပွဲသည် ကမ္ဘာတွင် ပေါ်ပြူလာအဖြစ်ဆုံး အားကစား မဟုတ်ပါလား။ ဘောလုံးဈေးကွက်သည် မာလ်တီဘီလျံ ဒေါ်လာတန်ဖိုးရှိလေရာ နိုက်၏ ဝေစုသည် ၃ ရာခိုင်နှုန်း လောက်ပဲရှိသည်။ ယခုဆိုလျှင် ဘောလုံးပွဲသည် နိုက်၏ ထိပ်ဆုံးဦးစားပေးမှု ဖြစ်နေပြီ။ နမူနာစံပြအနေဖြင့် နိုက်သည် ကမ္ဘာ့ဖလားဘောလုံးပွဲ ၂ဝဝ၂ ကို ဘောလုံးကန်ဖိနပ်၊ ခြေအိတ်၊ အဝတ်အထည်တန်ဆာနှင့် ပစ္စည်းများ နံပါတ်တစ်ထောက်ပံ့သူ ဖြစ်အောင် ပြုလုပ်မည်ဟု နောက်ဆုံးရက်ချိန်းထားသည်။

၂ဝဝ၂ ခုနှစ်တွင်၊ ထိပ်တန်းရောက်အောင် လှုပ်ရှားကြိုးပမ်းမှု သည် လွယ်ကူမည်တော့ မဟုတ်ပေ။ ကမ္ဘာ့ဘောလုံးပွဲတို့ကို အာဒီဒတ်(စ်)က လွှမ်းမိုးထားခဲ့သည်မှာ ကြာပါပြီ။ ဘောလုံးပွဲ ပစ္စည်းမျိုးစုံရောင်းသော ကမ္ဘာ့ဘောလုံးပွဲဈေးကွက်တွင် အာဒီဒက်(စ်)က ၈ဝ ရာခိုင်နှုန်း ရရှိထား ရာ အာဒီဒတ်(စ်)၏ လွန်ခဲ့သောနှစ်ပေါင်း (၅ဝ) က ကြိုးပမ်းမှု မျိုးကို နိုက်က နှစ်အနည်းငယ်နှင့် ဝင်တိုးရပေမည်။ ရှေးဟောင်းဂန္တဝင်မြောက် “ သင့် မျက်နှာကို တည့်တည့်ကြည့်သောဈေးကွက် ရှာဗျူဟာ ” ကို အသုံးပြုလျှက် နိုက်သည် ပြိုက်ဘက်တို့အပေါ် တိုက်ခိုက်ရန် ဒေါ်လာသန်းပေါင်း ရာပေါင်းများ စွာ ကို သုံးစွဲလျက် ရှိသည်။ နိုက်၏ ပိုက်ဆံအိတ်ဖွင့် ပြီး သုံးစွဲမှု သည် ကမ္ဘာ့ ဘောလုံးလောကကို မိန်းမောတွေဝေစေသည်။ ထို့အပြင် နိုက်၏ ကျယ်ပြန့်သော အရင်းအမြစ်၊ အင်အားကြောင့် အားကစား၏ ဘောဂဗေဒသည် မြန်မြန်သွက်သွက် ပြောင်းလဲသွားနေပြီ။ ဥပမာ - အမ်ဘရို Umbro လက်ထဲမှနေ၍ ကမ္ဘာ့ဖလား ဘောလုံး ချန်ပီယံ ဘရာဇီးအသင်း၏ ဦးစီးမှု ကို မှတ်တမ်းအမြင့်ဆုံး ဆယ်နှစ်လျှင် ဒေါ်လာသန်းပေါင်း ၂ဝဝ ပေး၍ လုယူနိုင်ခဲ့သည်။ ထိုနည်းတူစွာ အမေရိကား ဘောလုံးအသင်းဦးစီးမှု ကိုလည်း ဒေါ်လာသန်း ၁၃ဝ ပေး၍ ရယူထားသည်။

ပြိုင်ဘက်တို့က နိုက်၏ ကျဆင်းမှု သည် ဆက်လက်ဖြစ်နေလိမ့်မည်ဟု မျှော်လင့် နိုင် ကြသည်။ သို့ သော် အနည်းငယ်လောက်ကသာ တကယ်ထည့်တွက်သည်။ အများ ကတော့နိုက်၏ ဈေးကွက်ရှာနိုင်သော ကျွမ်းကျင်မှု တွင် အံ့အားသင့်နေကြသည်။ ဈေးကွက်သုံးသပ်သူ တစ်ဦးက ဤသို့ ဝေဖန်ပြသည်။ နိုက်သည် ကမ္ဘာတစ်လွှား၌ ကုတ်နှင့် မက်ဒေါ်နယ်တို့ကို လူတိုင်းသိသလို မဟာအမေရိကန်အမှတ်တံဆိပ်တို့အထဲတွင် တစ်ခုအပါအဝင် ဖြစ်နေသေးသည်။ ဖီလာ Fila ကြော်ငြာအဖွဲ့၏ ဒုတိယဥက္ကဌဖြစ်သူက “ ကျွန်တော်တို့က ဘယ်လောက်ပဲ ကောင်းအောင် ကြိုးစားကြိုးစား၊ ကျွန်တော်တို့ရဲ့ အသံက သူတို့ရဲ့ အသံ လောက်ကျယ်နိုင်လိမ့်မယ် မဟုတ်ပါဘူး။ သူတို့ဟာ သိပ်ခွန်အားကြီးပါတယ် ” ဟူ၍ လည်းကောင်း၊ ဘောလုံးပွဲနှင့် ပတ်သက်၍ ပူးမား နော့သ် အမေရိကား၏ ဥက္ကဌဖြစ်သူက “ နိုက်၏ နည်းဗျူဟာသည် အပေါ်စီးနှင့် ပြင်းပြင်းထန်ထန် ပြုလုပ်တတ်သော်လည်း နိုက်၏ ထိပ်တန်း ဈေးကွက်ရှာနည်းသည် အောင်မြင်မည်ဆိုသော အချက်၌ သံသယ မရှိနိုင်ပါ။ နိုက်က ဘောလုံးလောကကို စိုးမိုးချုပ်ထိန်း ထားပါလိမ့်မည် ” ဟူ၍ လည်းကောင်း သုံးသပ်ပြကြသည်။

ကမ္ဘာတစ်လွှား ဘောလုံးလောက သို့ မဟုတ် အခြားလုပ်ငန်းတို့တွင် အောင်ပွဲခံမှု တို့မှာ နိုက်က ချက်လက်မှတ်ကြီးကြီးတွေ ရေးပေးခြင်းထက်ပိုသော အကြောင်းရှိပါသည်။ ထိပ်ဆုံးနေရာ ၌ ဆက်လက် ထိန်းသိမ်းထားရန် အလို့ငှာ နိုက်သည် အလားတူ အရည်အသွေး၊ တီထွင်ဆန်းသစ်မှု နှင့် အမေရိကားတွင် အလွန်ခွန်အားကောင်းသော အမှတ်တံဆိပ်ကို ထူထောင်ပေးသည့် တန်ဖိုးတို့ကို ဖြည့်ဆည်းပေးရပါဦးမည်။ တိုင်းပြည်တစ်ခု စီလိုက်၍ လေးစားမှု ရရှိအောင် ကြိုးပမ်းရဦးမည်။ ထို့အပြင် ဈေးကွက် အသစ် တစ်ခုစီတိုင်း၏ ယဉ်ကျေးမှု အခြေခံအဆောက်အအုံတွင် တစ်စိတ်တစ်ပိုင်းဖြစ်နေအောင် ကြိုးပမ်းရဦးမည်။ သူပုန်ဆန်ဆန် လက်ရှိစနစ်ကို ဆန့်ကျင်သည့် အနေအထားဖြင့် စတင်သည့် လုပ်ဟန်မျိုးကို မထားရှိနိုင်တော့ပေ။ ဖောက်သည်တို့နှင့် ဆက်ဆံရေးကို ကြီးမားသော နိုက်သည် ပြန်လည်သုံးသပ်ရလိမ့်မည်။ နိုက်က “ ကျွန်တော်တို့ အလွန်အမင်း အင်အား ကြီးလာပြီဆို ကတည်းက သူပုန်တစ်ယောက်ဖြစ်ခြင်းနှင့် လူဆိုးတစ်ယောက် ဖြစ်ခြင်းတို့ကြားတွင် သိမ်မွေ့သော မျဉ်းတစ်ခုရှိလာပါသည်။ ဖောက်သည်တို့၏ အမြင်တွင် ကျွန်တော်တို့သည် လှလည်း လှရမည်၊ ကြီးလည်း ကြီးရမည် ” ဟု ပြောပြသည်။

ယနေ့အဆင့်ဆင့် အောင်မြင်နေသော ကုမ္ပဏီတို့တွင် တူညီသော အချက်တစ်ချက်ရှိသည်။ ယင်းမှာ နိုက်ကဲ့သို့ ပင် သူတို့သည် ဖောက်သည်တို့ အပေါ်အာရုံစိုက်၍ ဈေးကွက်ရှာဖွေခြင်းကို ပြင်းပြင်းထန်ထန် အခိုင်အမာ သန္နိဌာန်ချထားသော အချက်ဖြစ်သည်။ သူတို့သည် ကောင်းကောင်းမွန်မွန် အနက်အဓိပ္ပာယ် ရှင်းလင်းနေသော ပစ်မှတ်ဈေးကွက်တို့တွင် ဖောက်သည်တို့၏ လိုအပ်ချက်တို့ကို နားလည်ခြင်းနှင့် ဖြည့်ဆည်းပေးခြင်းတို့အပေါ် လုံးလုံး လျားလျား ဦးခိုက်ထားကြသည်။ ဖောက်သည် တို့အတွက် ပို၍ သာလွန် ကောင်းမွန်သော တန်ဖိုးတို့ကို ထုတ်လုပ်ပေး၍ သူတို့၏ ကျေနပ်နှစ်သိမ့်မှု ကို အမြင့်ဆုံး ရရှိစေရမည်ဆိုသော အမြင်ကို အဖွဲ့အစည်းအတွင်း၌ အားကောင်းကောင်းနှင့် စေ့ဆော်တိုက်တွန်းကြသည်။ Home Depot မှ Bernie Marcus အခိုင်အမာပြောသလို ပြောရလျှင် “ ကျွန်တော်တို့ အားလုံးသည် Holy Grail ဆိုတာ ဘာလဲ ” ဆိုသည်ကို နားလည်ကြသည်။ ဤ Holy Grail သည် အခြေခံ အချက်မဟုတ်ပေ။ ယင်းမှာ ဖောက်သည်တို့အကျိုးကို စောင့်ရှောက်မည်ဟူ၍ အာသီသပြင်းပြင်း နှင့် မျက်စိစုံမှိတ်ပြီး သန္နိဌာန်ချထားခြင်း ဖြစ်ပေသည် ”

ဈေးကွက်ရှာဖွေထူထောင်ခြင်း ဆိုတာဘာလဲ

အခြားစီးပွားရေးလုပ်ငန်း (Business Function) တို့ထက်ပိုပြီး ဈေးကွက်ရှာဖွေ ထူထောင်ခြင်းသည် ဖောက်သည်တို့နှင့် ဆက်ဆံရသော ကိစ္စဖြစ်သည်။ ဖောက်သည်တန်ဖိုးနှင့် ဖောက်သည်၏ ကျေနပ်နှစ်သိမ့်မှု တို့ကို နားလည်ခြင်း၊ ဖန်တီးခြင်း၊ ဆက်သွယ်ခြင်းနှင့် ဖြည့်ဆည်း ပေးခြင်းတို့သည် ခေတ်သစ်ဈေးကွက်ရှာဖွေထူထောင်ခြင်းဆိုင်ရာ အတွေးအမြင်နှင့် လက်တွေ့ ကျင့်စဉ်တို့၏ နှလုံးသည်းပွတ်နေရာတွင် ရှိကြသည်။ နောက်ပိုင်း၌ ဈေးကွက်ရှာဖွေ ထူထောင်ခြင်းနှင့် ပတ်သက်၍ အနက်အဓိပ္ပာယ်ရှင်းပြမှု ကို ပို၍ အသေးစိတ်ရှင်းပြသွားမည် ဖြစ်သော်လည်း ယခုအလွယ်ကူဆုံး အနက်အဓိပ္ပာယ် ရှင်းပြမှု ကို ပြုရလျှင် ဤသို့ ဖြစ်မည်။ ဈေးကွက်ရှာဖွေထူထောင်ခြင်းဆိုသည်မှာ အမြတ်တစ်စုံတစ်ရာဖြင့် ဖောက်သည်၏ ကျေနပ်နှစ်သိမ့်မှု ကို ဆောင်ရွက်ဖြည့်ဆည်းပေးခြင်းကို ခေါ်ဆိုသည်။ ဈေးကွက် ရှာဖွေထူထောင်ခြင်း၌ ပန်းတိုင် နှစ်ရပ်ရှိလေရာ ပထမသည် သာလွန်ကောင်းမွန်သော တန်ဖိုးကို အာမခံ၍ ဖောက်သည်အသစ်တို့ကို ဆွဲဆောင်ရန်ဖြစ်သည်။ ဒုတိယသည် ကျေနပ်နှစ်သိမ့်မှု ကို ဖြည့်ဆည်းပေးခြင်းအားဖြင့် လက်ရှိဖောက်သည်တို့ကို ထိန်းထားရန်ဖြစ်သည်။

ဝေါလ်မတ်သည် “ ဈေးနှုန်းအမြဲတမ်း ချိုသာရမည်။ အမြဲတမ်းပါ ” ဆိုသော ကတိစကားဖြင့် ကမ္ဘာတွင် အကြီးကျယ်ဆုံး လက်လီအရောင်းသမားဖြစ်လာသည်။ ဖက်(ဒ်)အိပ်(စ်)(FedEx) သည် “ မြန်ရမည်၊ စိတ်ချရသည် ” ဆိုသော ဆောင်ပုဒ်ဖြင့် ပစ္စည်းအထုပ်အပိုးအသေးတို့ကို ပို့ဆောင်ပေးသော အမေရိကားဈေးကွက်ကို စိုးမိုးထားသည်။ ရစ်(ဇ)ကာ(လ်)တန်သည် “ စစ်မှန်သော မမေ့နိုင်သည့် အတွေ့အကြုံတို့ကို ခံစားစေရမည် ” ဆိုသော အာမခံချက်ဖြင့် ဟိုတယ်ဧည်သည်တို့ကို ဆွဲဆောင်နိုင်သည်။ ကမ္ဘာ့အချိုရည် ဈေးကွက်၏ ရှေ့ဆောင် ကိုကာကိုလာသည် “ လွယ်ရှင်း ” ဖြစ်သော်လည်း ကြာရှည်မြဲသည့် ဆောင်ပုဒ် “ အမြဲတမ်း၊ ကိုကာကိုလာ ” မွတ်သိပ်ရေဆာခြင်းကို အမြဲဖြည့်ဆည်းပေးသော၊ အစားအသောက်နှင့် အမြဲအဆင်ပြေသော၊ အမြဲတမ်း အေးနေသော သင့်ဘဝ၏ အစိတ်အပိုင်းတစ်ရပ်အမြဲဖြစ်နေသော၊ ကတိကဝတ်တို့ဖြင့် ကမ္ဘာ့ဈေးကွက်ကြီးကို စိုးမိုး ထားသည်။ ဤသို့ အလွန်အောင်မြင်နေသော ကုမ္ပဏီတို့နှင့် အခြားကုမ္ပဏီတို့က သူတို့၏ ဖောက်သည်တို့ကို ဂရုပြုစောင့်ရှောက်လျှင် ဈေးကွက်ဝေစုနှင့် အမြတ်တို့မှာ နောက်က လိုက်လာမည်သာ ဖြစ်ကြောင်း သိရှိကြသည်။

ခိုင်မာသော ဈေးကွက်ရှာဖွေထူထောင်မှု သည် ကြီးသည်ဖြစ်စေ၊ ငယ်သည်ဖြစ်စေ၊ အမြတ်အတွက်ဖြစ်စေ၊ အမြတ်အတွက် မဟုတ်သည်ဖြစ်စေ၊ ပြည်တွင်းဖြစ်စေ၊ ပြည်ပဖြစ်စေ၊ အဖွဲ့အစည်းတိုင်း၏ အောင်မြင်မှု အတွက် ပဓာနကျပါသည်။ မိုက္ကရိုဆော့(ဖ်)၊ ဆိုနီ၊ ဖက်(ဒ်)အိပ်(စ်)၊ ဝေါလ် မတ်၊ အိုင်ဘီအမ်နှင့် မာရီယော့တို့သည် ဈေးကွက်ရှာဖွေ ထူထောင်ခြင်းကို အသုံးပြုနေကြသည်။ ကောလိပ်၊ ဆေးရုံ၊ ပြတိုက်၊ ဆင်ဖိုနီတီးဝိုင်းအဖွဲ့နှင့် ဘုရားရှိခိုးကျောင်းကြီးတို့ကပင် ဈေးကွက်ရှာဖွေထူထောင်ရေး နည်းလမ်းတို့ကို အသုံးပြု ကြသည်။ ထို့အပြင် ဈေးကွက်ရှာဖွေထူထောင်ရေးကို အမေရိကားတွင်သာမက ကျန်ကမ္ဘာ တစ်ဝှမ်းလုံးတို့တွင်လည်း ကျင့်သုံးနေကြသည်။ မြောက်နှင့် တောင်အမေရိက၊ အနောက်ဥရောပနှင့် အာရှနိုင်ငံအများ အပြားတို့တွင် အတော်အတန် ခေတ်မီဖွံ့ဖြိုးသော ဈေးကွက်ရှာဖွေထူထောင်ရေးစနစ်များ ရှိကြသည်။ အရှေ့ဥရောပနှင့် ကျန်ကမ္ဘာ့အရပ်ဒေသ တို့တွင် ဈေးကွက်ရှာဖွေထူထောင်ခြင်းသည် နာမည်ဆိုးဖြင့် အဖတ်တင်ခဲ့ဖူးသော်လည်း၊ ရုတ်ခြည်းအံ့ဖွယ်နိုင်ငံရေးနှင့် လူမှု ရေးပြောင်းလဲမှု တို့ကြောင့် ဈေးကွက် ရှာဖွေ ထူထောင်ရေးအတွက် အခွင့်အလမ်းသစ်များ ပေါ်ပေါက်လာသည်။ ဤနိုင်ငံတို့မှ စီးပွားရေးနှင့် အစိုးရခေါင်းဆောင်တို့သည် ခေတ်သစ်ဈေးကွက်ရှာဖွေထူထောင်ခြင်း လက်တွေ့ဖြစ်စဉ်တို့ကို လေ့လာမှတ်သားရန် အတော်စိတ်ဝင်စားလာကြသည်။

ဈေးကွက်ရှာဖွေထူထောင်ခြင်းအကြောင်း သင်အများ ကြီး သိပြီး ဖြစ်ပါသည်။ ထို ကိစ္စက သင့်အနီးတစ်ဝိုက်၌ ပင်ရှိသည်။ နီးရာဈေးဆိုင်၊ ကုန်တိုက်ရှိ ကုန်စည်အများ အပြားတို့ကြား၌ ရလဒ်တို့ကို သင်တွေ့နေရသည်။ ရုပ်မြင်သံကြား၊ မဂ္ဂဇင်း၊ စာတိုက်၊ အိမ်၊ အင်တာနက် စာမျက်နှာ တို့၌ ပြည့်လျှံနေသော ကြော်ငြာတိုိ့ကို ကြည့်၍ ဈေးကွက်ရှာဖွေ ထူထောင်နေကြခြင်းကို မြင်နေသည်။ အိမ်၊ ကျောင်း၊ အလုပ်ခွင်၊ ကစားသည့်နေရာတို့၌ သင်လုပ်သမျှတို့တွင် ဈေးကွက်ရှာဖွေ ထူထောင်ခြင်းအကြောင်း၏ exposure အထဲတွင် သင်မိနေမည်သာဖြစ်သည်။ သို့ ရာတွင် စားသုံးသူ၏ သာမန်မျက်စိမြင်တာထက်၊ ဈေးကွက်ရှာဖွေထူထောင်ခြင်းက ပို၍ မြင်ပါသည်။ ယင်း၏ နောက်ကွယ်တွင် လူထုချင်းဆက်သွယ်ထားသော ကွန်ရက်ပေါင်းများ စွာ ရှုပ်ရှုပ် ထွေးထွေးရှိသည်။ သင့်အာရုံကို ဝယ်နိုင်သော ဒေါ်လာတို့ကို ဖမ်းစားရန်အတွက် အပြိုင်အဆိုင် လှုပ်ရှားနေကြသော လှုပ်ရှားမှု တို့ကလည်း ကွန်ရက်တို့ဖြင့် ရောထွေးယှက်တင် ဖြစ်နေကြသည်။

ဤစာအုပ်သည် ယနေ့ ဈေးကွက်ရှာဖွေ ထူထောင်ခြင်းဆိုင်ရာ အယူအဆနှင့် လက်တွေ့ ကျင့်စဉ်တို့ကို ပုံစံကျခြင်းပြည့်ပြည့်စုံစုံ ရှင်းပြထားပါသည်။ ဤအခန်း၌ ဈေးကွက်ရှာဖွေ ထူထောင်ခြင်းဆိုင်ရာ အနက်ဖွင့်ဆို ချက်နှင့် ကျောရိုးအယူအဆတို့အကြောင်း၊ ဈေးကွက် ရှာဖွေခြင်းဆိုင်ရာ တွေးခေါ်ဆင်ခြင်မှု နှင့် ကျင့်စဉ်တို့နှင့်ပတ်သက်သော ဒဿနကြီးတို့ကို သရုပ် ဖော် ရှင်းလင်းပြ၍ ဋီကာချဲ့ထားသည်။ ထောင်စုနှစ်သစ်ထဲ လိုက်ဝင်သွားသည်နှင့် ဈေးကွက် ရှာဖွေ ထူထောင်သူတို့ ရင်ဆိုင်တိုးရသော အရေးပါသည့် အကဲစမ်း စိမ်ခေါ်မှု ကြီးတို့ အကြောင်း ကိုလည်း ဆွေးနွေးထားသည်။

ဈေးကွက်ရှာဖွေထူထောင်ခြင်းကို အနက်အဓိပ္ပာယ်ရှင်းပြခြင်း

(Marketing Defined)

ဈေးကွက်ရှာဖွေထူထောင်ခြင်း marketing ဆိုသော စကားရပ် သည် ဘာကို အဓိပ္ပာယ်ရည်ညွှန်းသနည်း - လူအများ အပြားက ဈေးကွက် ရှာဖွေထူထောင်ခြင်းဆိုသည်မှာ ရောင်းချခြင်းနှင့် ကြော်ငြာတို့သာဖြစ်သည်ဟု ထင်ကြသည်။ နေ့စဉ်နေ့စဉ် ကျွန်တော်တို့အပေါ် ကြော်ငြာတို့က အကြီးအကျယ် ဗုံးကြဲနေသလို ကြဲနေသည်မှာ အံ့ဩစရာမဟုတ်ပါပေ။ ရုပ်မြင်သံကြားကြော်ငြာ၊ စာနယ်ဇင်းကြော်ငြာ၊ တိုက်ရိုက်စာတိုက်ကြော်ငြာ၊ အင်တာနက်နှင့် တယ်လီဖုန်းခေါ်သံတို့ဖြင့် ကျွန်တော်တို့သည် နေ့တဓူဝ ဗုံးကြဲတိုက်ခိုက်ခံ နေရသည်။ သို့ ရာတွင် ရောင်းခြင်းနှင့် ကြော်ငြာတို့သည် ဈေးကွက်ရှာဖွေ ထူထောင်ခြင်းမည်သော ရေခဲတောင်၏ ထိပ်ဖျားများ သာ ဖြစ်ကြသည်။ သူတို့အရေးကြီးသည်မှာ မှန်သော်လည်း၊ သူတို့သည် ဈေးကွက် လုပ်ငန်းများ စွာ ထဲမှ နှစ်ခုသာဖြစ်သည်။ ရံဖန်ရံခါဆိုသလို သူတို့သည် အရေးကြီးဆုံး မဟုတ်ကြပါ။

ယနေ့၌ ဈေးကွက်ရှာဖွေထူထောင်ခြင်းကို အရောင်းတစ်ခုဖြစ်သည့် “ ပြောခြင်း-ရောင်းခြင်း ” ဖြစ်သည်ဆိုသော အသိဟောင်းဖြင့် နားမလည်တော့ပါ။ ဖောက်သည်၏ လိုအင်ကို ဖြည့်ဆည်းကျေနပ်စေသည် ဆိုသောအမြင်သစ်ဖြင့် နားလည်ရသည်။ အရောင်းဆိုသည်မှာ ပစ္စည်းကို ထုတ်လုပ်ပြီးမှ ဖြစ်ပေါ်ခြင်းဖြစ်သည်။ ဆန့်ကျင်ဘက်၌ ဈေးကွက်ရှာဖွေထူထောင်ခြင်း သည် ကုမ္ပဏီအနေနှင့် ပစ္စည်းတစ်ရပ်ကိုမရမီ အကြာကြီးပင် စတင်ပေါ်ပေါက်သည်။ ဈေးကွက်ရှာဖွေထူထောင်ခြင်းသည် လိုအင်တို့ကို အကဲဖြတ်ရန် မန်နေဂျာတို့အတွက် လေ့ကျင့်ခန်းဖြစ်သည်။ လိုအင်တို့၏ အတိုင်းအတာနှင့် စူးရှနက်နဲမှု တို့ကို တိုင်းထွာကြည့်ရသည်။ အကျိုးအမြတ် ပေါ်ထွန်းနိုင်သော အခွင့်အလမ်းရှိမရှိဆိုသော အချက်ကိုလည်း ဆုံးဖြတ်ရသည်။ ဈေးကွက်ရှာဖွေ ထူထောင်ခြင်းသည် ပစ္စည်းသက်တမ်းတစ်လျှောက်လုံး၌ ဆက်ရှိနေရသည်။ ဖောက်သည်သစ်တို့ကို ရှာဖွေနေရသည်။ လက်ရှိ ရှိနေသော ဖောက်သည်တို့ကို ပစ္စည်း၏ ဆွဲဆောင်မှု ပိုအားကောင်းစေခြင်း ဖြင့်လည်းကောင်း၊ ဆောင်ရွက်မှု တိုးတက်ကောင်းမွန်စေခြင်း ဖြင့်လည်းကောင်း၊ ပစ္စည်းအရောင်းရလဒ်မှ လေ့လာခြင်းဖြင့်လည်းကောင်း ၊ ထပ်ဆင့်ဆောင်ရွက် မှု တို့ကို စီမံခန့်ခွဲခြင်းအားဖြင့်လည်းကောင်း ၊ ထိန်းသိမ်းနိုင်ရန် ကြိုးပမ်းရမည် ။ အကယ်၍ ဈေးကွက်ရှာဖွေ ထူထောင်သူက စားသုံးသူတို့၏ လိုအပ်ချက်တို့ကို နားလည်သောအလုပ်၌ အောင်မြင်လျှင်၊ သာလွန်ကောင်းမွန်သောတန်ဖိုးနှင့် ဈေးနှုန်းတို့ကို ပို၍ ပေးနိုင်သော ပစ္စည်းတို့ကို ထုတ်လုပ် နိုင်လျှင်၊ ထိထိရောက်ရောက် အရောင်းမြှင့်တင် နိုင်လျှင် ပစ္စည်းတို့ကို ပိုပြီး လွယ်ကူစွာ ရောင်းချနိုင်ပါလိမ့်မည်။ ဤသို့ ဖြင့် ရောင်းချခြင်းနှင့် ကြော်ငြာ လုပ်ငန်းတို့သည် ပို၍ ကြီးသော “ ဈေးကွက်ရှာဖွေ ဖော်ထုတ်ခြင်းပုံစံခွက် ” ၏ တစ်စိတ်တစ်ဒေသ ဖြစ်ပေ တော့သည်။ ဈေးကွက်နေရာကို အကောင်းအဆုံး ထိခိုက်စေသည့် ဈေးကွက်ရှာဖွေထူထောင်ခြင်း ကိရိယာတန်ဆာပလာအတွဲ တို့ထဲမှ တစ်ခုသာဖြစ်ပေတော့သည်။

ဈေးကွက်ရှာဖွေထူထောင်ခြင်း ကို လူမှု နှင့် စီမံခန့်ခွဲမှု ဖြစ်စဉ် တစ်ရပ်အနေဖြင့် အဓိပ္ပာယ်ဖော်သည်။ ဤဖြစ်စဉ်တွင် လူတစ်ဦးချင်းစီနှင့် အစုအဝေးတို့သည် ပစ္စည်းနှင့် တန်ဖိုးတို့ကို ဖန်တီးထုတ်လုပ်၍ အခြားသူတို့နှင့် ဖလှယ်ကြခြင်းဖြင့် သူတို့၏ လိုအင်နှင့် ဆန္ဒတိုိ့ကို ရရှိကြသည်။ ဤအနက် အဓိပ္ပာယ်ကို ရှင်းလင်းပြရန်အလို့ငှာ ကျွန်တော်တို့သည် အောက်ပါအရေးကြီးသော စကားရပ်တို့ကို စစ်ဆေးကြည့်ပါမည်။ (Needs) လိုအပ်ချက်၊ (Wants) လိုအင်ဆန္ဒနှင့် ဝယ်လိုအား (Demand)၊ (Products and services) ကုန်စည်နှင့် ဝန်ဆောင်မှု ၊ (Value) တန်ဖိုး၊ (Satisfaction) ဆန္ဒပြည့်ဝမှု နှင့် (quality) အရည်အသွေး၊ (exchange) ဖလှယ်ခြင်း၊ (transaction) ရောင်းဝယ်ဖောက်ကားခြင်း၊ (relationship) ဆက်သွယ် ဆက်စပ်မှု များ နှင့် markets ဈေးကွက်များ တို့ဟူ၍ ဖြစ်သည်။ ပုံကားချပ် (၁.၁) သည် ဤကျောရိုးအယူအဆတို့ကို ဆက်ချိတ်ပေးထားပါသည်။ အယူအဆတစ်ခု အောက်ရှိ အယူအဆ အပေါ် တည်ဆောက်ထားကြောင်းကိုပြသည်။

လိုအပ်ချက် ၊ လိုအင်ဆန္ဒနှင့်ဝယ်လိုအား

(Needs, Wants and Demands)

ဈေးကွက်ရှာဖွေထူထောင်ခြင်း၏ အောက်ခြေအုတ်မြစ်၌ အခြေခံအကျဆုံး ယူဆချက် တစ်ရပ်ရှိရာ၊ ယင်းမှာ လူသားနွယ်တို့၏ လိုအင်ဆန္ဒတို့ပင်ဖြစ်သည်။ လူသာနွယ်တို့၏ လိုအင်န္ဒဆိုသည်မှာ ခံစားမိသော မခံစားနိုင်မှု Felt deprivation အခြေအနေကို သရုပ်ပြသည်။ လူတို့၌ စားဝတ်နေရေးနှင့် လုံခြုံမှု အတွက် ရုပ်ဝတ္ထုအတွက် အခြေခံလိုအပ်ချက်များ ၊ မေတ္တာ ၊ ကြင်နာမှု နှင့် မိမိအကျုံးဝင် ပတ်သက်မှု တို့အတွက် ဖြစ်ပေါ်သော လူမှု ရေးလိုအပ်ချက်များ ၊ ပညာနှင့် မိမိကိုယ်ကို မိမိဖေါ်ထုတ်မှု အတွက် တစ်ဦးချင်းလိုအပ်ချက်များ စသည်တို့ပါဝင်ကြသည်။ ဤလိုအပ်ချက်တို့ကို ဈေးကွက်ဖေါ်ထုတ်ရှာဖွေသူတို့က ဖန်တီးသည် မဟုတ်ပါ။ သူတို့ကို လူသား၏ ဖွဲ့စည်းတည်ဆောက်ပုံကသာ ဖန်တီးထားခြင်းဖြစ်သည်။

လိုအင်ဆန္ဒ Wants တို့သည် လူ့လိုအပ်ချက်က ဖော်ထုတ်သော ပုံသဏ္ဍာန်ဖြစ်၍ ယဉ်ကျေးမှု နှင့် လူတစ်ဦးချင်း ဥပဓိအမှတ်အသား Personality တို့က ပုံလောင်းပေးသည်။ အမေရိကန်တစ်ယောက်သည် ရိက္ခာလိုအပ်၏ ။ သူသည် ဟမ်ဘာဂါ ၊ ပြင်သစ်အာလူးကြော်နှင့် အချိုရည်တစ်ပုလင်းကို စားသောက်ချင်းသည်။ မောရစ်သျှမှ လူတစ်ယောက်သည် ရိက္ခာလိုအပ်သည် ။ သို့ သော် သရက်သီးတစ်လုံး၊ ထမင်း ၊လင်တီး(Lentils) နှင့် ပဲ တို့ကို စားချင်သည်။ လိုအင်ဆန္ဒတို့ကို လူ့အဖွဲ့အစည်းတစ်ခုက ပုံလောင်းပေးသည်။ လိုအပ်ချက်တို့ကို ဖြည့်ဆည်းပေးမည့် အရာဝတ္ထုတို့၏ အပိုင်းအခြားဖြင့် ဖော်ပြသည်။

လူတို့၌ အကန့်အသတ်မဲ့ လိုအင်ဆန္ဒတို့ ရှိကြပါသည်။ သို့ သော် ရင်းမြစ် အကန့် အသတ်ရှိသည်။ သို့ အားဖြင့် လူတို့သည် သူတို့အကုန်အကျခံရသော ငွေအသပြာအတွက် တန်ဘိုးအများ ဆုံးရနိုင်သော ၊ ကျေနပ်နှစ်သိမ့်မှု အများ ဆုံးရနိုင်သော ကုန်စည်တို့ကို ရွေချယ်ရန် ဆန္ဒရှိလာတော့သည်။ ဤဆန္ဒတို့ကို ငွေကြေးဖြင့် ကျောထောက်နောက်ခံပြုနိုင်လျှင် လိုအင်ဆန္ဒတို့သည် ဝယ်လိုအား ဖြစ်သွားကုန်သည်။ စားသုံးသူတို့သည် ကုန်စည်တို့ကို အကျိုးကျေးဇူးပေါင်းစုံ စုစည်းထားရာ ထင်းစည်းသဖွယ် ရှုမြင်သည်။ သူတို့အသပြာအတွက် အကျိုးကျေးဇူး အကောင်းဆုံးကိုပေးသည့် ကုန်စည်တို့ကိုရွေးချယ်မည်သာဖြစ်သည်။ Honda Civic တစ်စီးသည် အခြေခံကျသော သွားရေးလာရေး ယာဉ်လည်းဖြစ်သည်၊ တတ်နိုင်သောဈေးနှုန်းလည်းဖြစ်၊ ဆီစားသက်သာသောယာဉ်လည်းဖြစ်ဟု ဆိုနိုင်သည်။ Lexus တစ်စီးသည်မှု သက်တောင့်သက်သာ ဇိမ်ကျသည့် ဂုဏ်အဆင့်အတန်းမြင့်ခြင်းကိုလည်းပြသည်။ လိုအင်ဆန္ဒနှင့် ရင်းမြစ်အင်အားတို့ကိုပြီး လူတို့အများ ဆုံး ကျေနပ်နှစ်သိမ့်မှု ကို ဖြည့်စွမ်းပေးသည့် အကျိုးကျေးဇူများ ပါသည့် ကုန်စည်တို့ကို တောင်းဆိုကြမည်သာ ဖြစ်သည်။

ထင်ရှားသော ဈေးကွက်ရှာဖွေကောင်းသည့် ကုမ္ပဏီတို့ကမှု သူတို့ဖောက်သည်တို့၏ လိုအပ်ချက်၊ လိုအင်ဆန္ဒနှင့် ဝယ်လိုအားတို့ကို နားလည်နိုင်ရန် အတော်ရှည်လျားစွာ ဆောင်ရွက်စွမ်းရှိကြပါသည်။ သူတို့သည် စားသုံးသူတို့ အကြိုက်နှင့် မကြိုက်တို့ကို စုံစမ်းရန် ဈေးကွက်ဆားဗေးများ ပြုလုပ်နိုင်သည်။ စားသုံးသူတို့အကြောင်း စုံစမ်းစစ်ဆေးမှု ကို စိစစ်သုံးသပ်နိုင်သည်။ အာမခံမှု နှင့် ဝန်ဆောင်မှု အချက်အလက်တို့ကို စိစစ်နိုင်ကြသည်။ စားသုံးသူတို့က မိမိနှင့် ပြိုင်ဖက်တို့၏ ကုန်စည်တို့ကို ဘယ်လိုအသုံးပြုကြသနည်း ဆိုသော အချက်ကို စုံစမ်း၍ မဖြည့်စွမ်းပေးရသေးသည့် ဖောက်သည်၏ လိုအပ်ချက်တို့ အပေါ် သတိ ဝိရိယ ဂရုစိုက် ထားရှိရန် အရောင်းဝန်ထမ်းတို့အား လေ့ကျင့်ပေးနိုင်သည်။

ထင်ရှားကျော်ကြားသော ကုမ္ပဏီကြီးတို့တွင် ထိပ်ဆုံးစီမံခန့်ခွဲမှု အပါအဝင် အဆင့်ဆင့်မှ လူအပေါင်းတို့သည် ဖောက်သည်တို့နှင့် အလွန်နီးကပ်စွာ ဆက်သွယ်နေထိုင်ကြသည်။ ဥပမာ-ဝေါလ်မတ်မှ ထိတ်ပိုင်း မန်နေဂျာများ သည် တစ်ပတ်လျှင် နှစ်ကြိမ်ကျ အောက်ခြေစတိုးဆိုင်များ သို့ လည်ပတ်ကြသည်။ ဖောက်သည်တို့နှင့် ရောနှောဆွေးနွေးကြသည်။ ဒစ္စနေဝေါလ် မန်နေဂျာတို့သည် တစ်နှစ်လျှင် တစ်ကြိမ်ရှေ့တန်းစစ်မျက်နှာသို့ ဆင်းကြသည်။ သူတို့ကိုယ်တိုင် လက်မှတ်သိမ်း၊ ပြောင်းဖူးလှော်ရောင်း ၊ ယာဉ်အတင်အချ ကိုယ်တိုင်လုပ်ကြသည်။

ကုန်စည်နှင့် ဝန်ဆောင်မှု ( Products and Services )

လူတို့သည် ကုန်စည်နှင့်ဝန်ဆောင်မှု တို့ဖြင့် မိမိတို့၏ လိုအပ်ချက်နှင့် လိုအင်ဆန္ဒတို့ကို ဖြည့်ဆည်းကြသည်။ ကုန်စည် ဆိုသော အယူအဆကို ရုပ်ဝတ္ထု ပစ္စည်းတို့တွင်သာ ကန်သတ် ထားရှိသည်မဟုတ်ပေ။ လိုအပ်ချက်တစ်ရပ်ကို ဖြည့်ဆည်းပေးနိုင်သည့် မည်သည့်အရာကိုမဆို ကုန်စည်ဟုခေါ်ဆိုနိုင်ပါသည်။ ထိကိုင်၍ ရသော ကုန်ပစ္စည်းကိုသာမက ကုန်စည်တွင် ဝန်ဆောင်မှု လည်းပါဝင်သည်။ ဝန်ဆောင်မှု သည် အခြေခံ အနှစ်အရသာအားဖြင့် ထိကိုင်၍ မရသော အရာများ ဖြစ်၍ ၊ ရောင်းချရန်အလို့ငှာ ကမ်းလှမ်းထားသော ဆောင်ရွက်မှု နှင့် အကျိုးကျေးဇူး တို့ဖြစ်ကြသည်။ ဝန်ဆောင်မှု တို့သည် တစ်စုံတစ်ရာ ပိုင်ဆိုင်မှု တို့ကို အကျိုးဖြစ်ထွန်းစေ သည်ကားမဟုတ်။ ဥပမာတို့မှာ ဘဏ်လုပ်ငန်း၊ လေကြောင်းလိုင်း၊ ဟိုတယ်နှင့် အခွန်စာရင်းပြုစုရေး ဆောင်ရွက်ပေးခြင်းနှင့် အိမ်ပြုပြင်ပေးရေး ဝန်ဆောင်မှု မျိုးတို့ ဖြစ်ကြသည်။

ကျယ်ကျယ်ပြန့်ပြန့် အဓိပ္ပါယ် ဖွင့်ဆိုရလျှင် ကုန်စည်တို့တွင် အတွေ့အကြုံများ ၊ ပုဂ္ဂိုလ်များ ၊ အဖွဲ့အစည်းများ ၊ သတင်းအင်ဖော်မေးရှင်းနှင့် အိုင်ဒီယာ တို့လည်းပါဝင်ကြသည်။ ဥပမာဆိုသော် ဝန်ဆောင်မှု နှင့် ကုန်ပစ္စည်းအမျိုးမျိုးတို့ကို နေသားတကျ ခင်းကျင်းပြသခြင်းဖြင့် ကုမ္ပဏီတို့သည် ဖန်တည်းနိုင်ကြ၏ ။ စင်မြင့်ပေါ်တွင် တင်ပြနိုင်သည်။ ထို့အပြင် အတွေ့အကြုံတို့ကို ရောင်းချနိုင်သည်။ ဒစ္စနေးလဲင်းသည် အတွေ့အကြုံဖြစ်သည်။ ထိုနည်းတူစွာ Nikeworld (သို့ မဟုတ်) Barnes & Nobel များ သို့ လည်ပတ်ခြင်းသည်လည်း အတွေ့အကြုံပင်ဖြစ်သည်။ အကယ်၍ ကုန်စည်နှင့်ဝန်ဆောင်မှု တို့သည် ရောင်းကုန် Commodities သဘောပို၍ ပို၍ ဖြစ်လာသောအခါ များ စွာ သော ကုမ္ပဏီိတို့အဖို့ ကုမ္ပဏီ၏ ကမ်းလှမ်းချက်တို့ကို ပို၍ ခြားခြားနားနား ဝေဝေဆာဆာ ဖြစ်လာစေရန် အတွေ့အကြုံတို့သည် နောက်လှမ်းရမည့် ခြေလှမ်း များ အဖြစ် ပေါ်ထွန်းလာသည်။ မကြာမီနှစ်များ ၌ စတိုးဆိုင်နှင့် စားသောက်ဆိုင်တို့သည် အစားအသောက်နှင့် ကုန်ပစ္စည်းတို့ကို ရောင်းချရုံမျှမက ၊ သည့်ထက်အပိုဆောင်း ပေးလာ ကြသည်။ ပြပွဲများ ၊ ကပွဲများ ၊ ပျော်ပွဲရွှင်ပွဲများ အပိုထည့်ပေးလာကြသည်။ Shoppertainment နှင့် entertailing တို့ဆိုသော စကားအသုံးအနှုံးများ ပေါ်လာသည်။

သို့ အားဖြစ် ကုန်စည် ဆိုသော စကားရပ်ထဲတွင် ရုပ်ဝတ္ထုပစ္စည်းနှင့် ဝန်ဆောင်မှု တို့အပြင် အခြားအပိုအရာတို့ကိုလည်း ထည့်သွင်းလာကြကုန်သည်။ စားသုံးသူတို့က မည်သည့်ဖြစ်ရပ်တို့ကို တွေ့ကြုံခံစားချင်မည်နည်း။ မည်သည့်ဖျော်ဖြေရေးသမားတို့ကို ရုပ်မြင်သံကြားတွင် ကြည့်မည် နည်း၊ အပန်းဖြေရန်အတွက် မည်သည့်နေရာကို ရွေးချယ်မည်နည်း။ မည်သည့်အဖွဲ့အစည်းတို့ကို ကူညီ ထောက်ပံ့ရမည်နည်း။ မည်သည့် အိုင်ဒီယာတို့ကို ရွေးချယ်ရမည်နည်း စသည်ဖြင့် ဆုံးဖြတ်ရပေမည်။ စားသုံးသူအဖို့ရာ၌ ကုန်သည် အားလုံးသည် ကုန်စည်ဖြစ်ပါသည်။ အကယ်၍ ကုန်စည် ဆိုသော စကားရပ်သည် အံကိုက်မဖြစ်သည့်အခါနှင့် ကြုံကြိုက်ခဲ့လျှင် ကျွန်တော်တို့သည် အခြားစကားရပ်များ ဖြစ်ကြသော ကျေနပ်ဖြည့်ဆည်းပေးသူ Satis Fier ရင်းမြစ်အင်အား resources သို့ မဟုတ် ဈေးကွက်ကမ်းလှမ်းချက် marketing offer တို့ဖြင့် အစားထိုးပေးနိုင်ပါသည်။

အရောင်းသမားအတော်များများ သူတို့ပေးသော ကုန်စည် တစ်ခုခုအပေါ်၌ အာရုံစိုက်သော အမှားကို ကျူးလွန်နေကြသည်။ ဤကုန်စည်တို့က ထုတ်လုပ်သော အကျိုးကျေးဇူး တို့အပေါ်တွင် သိပ်အာရုံမစိုက်ကြ၊ အရောင်းသမားတို့သည်ကုန်စည်တစ်ခုခုကို ရောင်းချနေသူ အဖြစ်သာ ကိုယ့်ကိုယ်ကို မြင်နေသည်။ လိုအပ်ချက်တစ်ခုအတွက် အဖြေတစ်ခု ပေးနေသည်ဟု မမြင်ကြပေ။ ဒရိန်းပြပစ္စည်း ထုတ်လုပ်သူတစ်ဦးက ဖောက်သည်သည် ဒရိန်းပြပစ္စည်းကိုပဲ လိုအပ်သည်ဟု ထင်ကောင်းထင်မည်။ အမှန်မှာ ဖောက်သည်က လိုချင်သည်မှာ တွင်း တစ်တွင်းသာဖြစ်သည်။ ဤအရောင်းသမားတို့သည် “ ဈေးကွက်အမြင်ကျဉ်းမှု ” marketing myopia ရောဂါခံစား နေရနိုင်သည်။ သူတို့၏ ပစ္စည်းအပေါ်သိပ် စွဲမက်လွန်းနေသဖြင့် သူတို့သည် လက်ရှိတည်ရှိနေသော လိုအင်ဆန္ဒတို့အပေါ်၌ သာ အာရုံစူးစိုက် ရောက်ရှိနေပြီး အခြေခံ၌ ရှိသော ဖောက်သည်၏ လိုအပ်ချက်ကို မျက်ခြည်ပြတ်နေကြသည်။ သူတို့သည် ကုန်စည်သည် စားသုံးသူ၏ ပြဿနာကိုဖြေရှင်းရန် ကိရိယာတစ်ခုသာ ဖြစ်သည်ဆိုသော အချက်ကို မေ့နေကြသည်။ ဤအရောင်းသမားတို့သည် ဖောက်သည်တို့၏ လိုအပ်ချက်ကို ပို၍ ကောင်းမွန်စွာ ၊ ပို၍ ဈေးချိုသာစွာ ဖြင့် ဖြည့်ဆည်းပေးနိုင်သော ကုန်စည်သစ်တစ်ရပ် ပေါ်လာပြီဟုဆိုလျှင် ဒုက္ခလှလှကြီး တွေ့တော့သည်။ ဤအတိုင်း မပြောင်းမလဲ လိုအပ်မှု ရှိသော ဖောက်သည်သည် ကုန်စည်သစ်ကို ပိုပြီး ဆန္ဒ ရှိပေလိမ့်မည်။

တန်ဖိုး ၊ ကျေနပ်မှု ဖြည့်ဆည်းခြင်းနှင့် အရည်အသွေး

(Value , Satisfaction and Quality)

လိုအပ်ချက် တစ်ရပ်ကို ကျေနပ်ဖြည့်ဆည်း ပေးနိုင်သည့် ကုန်စည်နှင့် ဝန်ဆောင်မှု မျိုးစုံတို့ကို စားသုံးသူတို့က သာမန်အားဖြင့် ကျယ်ကျယ်ပြန့်ပြန့် ကြုံတွေ့ကြရသည်။ ဤမျှ အမျိုးအမည်များ ပြားသော ကုန်စည်နှင့် ဝန်ဆောင်မှု တို့ အထဲမှ ဘယ်လိုရွေးချယ်ကြမလဲ။ ပစ္စည်းနှင့် ဝန်ဆောင်မှု မျိုးစုံတို့က ပေးဆောင်သော တန်ဖိုးအပေါ် ခံစားသိရှိချက်ကို အခြေခံလျှက် သူတို့၏ အဝယ်ရွေးချယ်မှု တို့ကို ပြုလုပ်ကြကုန်သည်။

ဖောက်သည်တန်ဖိုး (Customer Value)

ဖောက်သည်တန်ဖိုး ဆိုသည်မှာ ကုန်စည်တစ်ခုကို ပိုင်ဆိုင်အသုံးပြုရာမှ ရရှိလာသော အကျိုးအမြတ်နှင့် ဤကုန်စည်ကို ရရှိရေးအတွက် ကုန်ကျသောစရိတ်တို့ ခြားနားချက်ကို ခေါ်သည်။ အထင်ရှားဆုံးမှာ အမြန်ဆုံးနှင့် စိတ်အချရဆုံး ချောကုန်ပေးပို့ခြင်းဖြစ်သည်။ ထို့အပြင် ဖက်(ဒ်)အိပ်(စ်)ကို အသုံးပြုသော ဖောက်သည်သည် အဆင့်အတန်းနှင့် ပုံရိပ်တန်ဖိုးကိုလည်း ရရှိ နိုင်သည်။ ဖက်(ဒ်)အိပ်(စ်) ကို အသုံးပြုခြင်းအားဖြင့် ပစ္စည်းချောထုပ်ပို့သူရော၊ လက်ခံသူတို့ပါ ပို၍ အရေးကြီးသူများ အဖြစ် ခံစား မိကြသည်။ ဖက်(ဒ်)အိပ်(စ်) ကို အသုံးပြုသောအခါ ဤတန်ဖိုးနှင့် အခြားတန်ဖိုးတို့ကိုပါ ချိန်ဆတွက်ချက် ကြည့်ပြီး ဤဝန်ဆောင်မှု ကို အသုံးပြုရသည့်အတွက် ငွေအားစိုက်ထုတ်ရမှု နှင့် စိတ်မောရလား၊ စိတ်ချရသလား၊ ဆိုသော စိတ်စရိတ် Psychic costs တို့နှင့် နှိုင်းယှဉ်ကြည့်မည်ဖြစ်သည်။ ထို့အပြင် သူတို့သည် ဖက်(ဒ်)အိပ်(စ်)ကို အသုံးပြု၍ ရသော တန်ဖိုး နှင့် အခြားပြိုင်ဖက် ပို့ဆောင်ပေးသူ ယူပီအက်(စ်)၊ အဲယားဘွန်း၊ အမေရိကား စာပို့လုပ်ငန်းတို့က ပေးဆောင်လာသော တန်ဖိုးတို့ကိုလည်း နှိုင်းယှဉ်ကြည့်ကြမည်ဖြစ်သည်။

ဖောက်သည်တို့သည် မကြာခဏဆိုသလို ကုန်စည်တန်ဖိုး နှင့် စရိတ်တို့ကို မှန်မှန်ကန်ကန် တိတိကျကျ အကဲမဖြတ်နိုင်ပါ။ သူတို့သည် ခံစားသိရှိမိသောတန်ဖိုး Perceived value ပေါ်တွင် အကဲဖြတ်ကြသည်။ ဥပမာ - ဖက်(ဒ်)အိပ်(စ်) သည် တကယ်ပင် မြန်လည်းမြန်ဆန်၊ စိတ်လည်း ချရသော ဝန်ဆောင်မှု ကို ပေးသလား။ အကယ်၍ ပေးသည်ဟုဆိုလျှင် သူယူသော အဖိုးအခသည် သူပေးသောပို၍ ကောင်းမွန်သော ဝန်ဆောင်မှု နှင့် တွက်လျှင် အဆင်ပြေပါသလား။ အမေရိကား စာတိုက်လုပ်ငန်းက ပါဆယ်ထုပ်ပို့ရာတွင် သူလိုကိုယ်လို မြန်ဆန်ပါတယ်။ သို့ သော် ပို့ခနည်းပါသည်ဟု အကြောင်းပြပါသည်။ သို့ ရာတွင် ဈေးကွက်ဝေစုအပေါ် မူတည် အကဲဖြတ်ရလျှင် ဖက်(ဒ်)အိပ်(စ်) သည် အမေရိကား ပါဆယ်ထုပ်ပို့ဈေးကွက်) ၏ ၄၅ % ကို ရရှိထားသည်။ အမေရိကားစာတိုက်က ၈ % သာရရှိသည်။ အမေရိကားစာတိုက်၏ အကဲစမ်းမှု သည် ဖော်ပြပါ ဖောက်သည်တို့၏ တန်ဖိုးအပေါ်ခံစားသိရှိမှု ကို ပြောင်းလဲရန် ဖြစ်လာသည်။

ဖောက်သည်ကျေနပ်မှု (Customer Satisfaction)

ဖောက်သည် ကျေနပ်မှု သည် ကုန်စည်၏ ဆောင်ရွက်မှု အပေါ် ခံစားသိရှိမှု ၌ မူတည်သည်။ ဤခံစားသိရှိမှု ကလည်း ဝယ်သူတစ်ဦး၏ မျှော်လင့်ချက်နှင့် ပေးဆောင်သော တန်ဖိုးနှင့် နှိုင်းယှဉ်မူ အပေါ်မူတည်ပြန်သည်။ အကယ်၍ ကုန်စည်ဆောင်ရွက်မှု သည် ဖောက်သည် မျှော်လင့်သလို မဟုတ်ဘဲ အောက်နိမ့် ကျနေလျှင် ဝယ်သူသည် ကျေနပ်မည် မဟုတ်ပေ။ အကယ်၍ ဆောင်ရွက်မှု သည် မျှော်လင့်ချက်နှင့် ကိုက်ညီနေလျှင် ဝယ်သူသည် ကျေနပ် သည်။ အကယ်၍ ဆောင်ရွက်မှု သည် မျှော်လင့်သည်ထက် ပိုကောင်းနေလျှင် ဝယ်သူသည် စိတ်ကြည်နူး ပျော်ရွှင်သွားသည်။ ထင်ရှားသော ကုမ္ပဏီတို့သည် သူတို့၏ ဖောက်သည်များ ကျေနပ်နေအောင် နည်းမျိုးစုံဖြင့် ကြိုးပမ်းကြသည်။ ကျေနပ်သော ဖောက်သည်သည် ထပ်ထပ်ပြီး ဝယ်ယူသည့် အပြင် သူတို့၏ ကုန်စည်နှင့် ပတ်သက်သော အတွေ့အကြုံကောင်းတို့ကိုလည်း အခြားသူတို့အား ဖောက်သည်ချသည်။ ထို့ကြောင့် သော့ချက်မှာ ဖောက်သည်မျှော်လင့်ချက်နှင့် ကုမ္ပဏီ၏ ဆောင်ရွက်ပေးမှု တို့ အံကိုက်ဖြစ်စေရန် ဖြစ်သည်။ စမတ်ကျသော ကုမ္ပဏီတို့သည် သူတို့ ပေးဆောင်နိုင်သော အရာလောက်ကိုသာ ကတိပေး၍ ဖောက်သည်တို့အား စိတ်ကြည်နူးစေရန် ရည်ရွယ်ကြသည်။ ဤသို့ ရည်ရွယ်ပြီး တကယ်ပေးသောအခါ သူတို့ကတိ ပေးသည်ထက် ပိုပေးဆောင်သည်။

ဖောက်သည်ကျေနပ်မှု သည် အရည် အသွေးနှင့် အလွန်နီးစပ်စွာ ချိတ်ဆက်ပေးနေသည်။ မကြာသေးမီနှစ်များ နှင့် ကုမ္ပဏီအတော် များများ သည် စုစုပေါင်းအရည်အသွေး စီမံခန့်ခွဲမှု (Total Quality Management) ပရိုဂရမ် အစီအစဉ်တို့ကို လိုက်နာကျင့်သုံးလာကြသည်။ ဤအစီအစဉ်တို့ဖြင့် သူတို့၏ ကုန်စည်အရည်အသွေး၊ ဝန်ဆောင်မှု နှင့် ဈေးကွက်ရှာဖွေ ထူထောင်ရေးဖြစ်စဉ်တို့ တိုးတက်ကောင်းမွန်အောင် ကြိုးပမ်းလာကြသည်။ အရည်အသွေးသည် ကုန်စည်ဆောင်ရွက်မှု အပေါ် တိုက်ရိုက် အကျိုးသက်ရောက်မှု တစ်ရပ်ရှိသည်။ သို့ ဖြင့် ဖောက်သည်၏ ကျေနပ်မှု အပေါ် အကျိုးသက်ရောက်သွားသည်။

အဓိပ္ပာယ်ကျဉ်းကျဉ်းနှင့် ပြောရလျှင် အရည်အသွေးဆိုသည်မှာ “ အပြစ်အနာအဆာ ချွတ်ယွင်းချက်တို့မှ လွတ်ကင်းရေး ” “ Freedom from defects ” ဖြစ်သည်ဟု အနက်ဖွင့်နိုင်သည်။ သို့ ရာတွင် ဖောက်သည်ဗဟိုပြု ကုမ္ပဏီတို့သည် အရည်အသွေးနှင့် ပတ်သက် ပြီး ကျဉ်းကျဉ်းမြောင်းမြောင်း အနက်ဖွင့်ဆိုချက်ကို ကျော်လွန်ပြီး ကြည့်ကြကုန်သည်။ ထိုအစား သူတို့က အရည်အသွေးကို ဖောက်သည် ကျေနပ်မှု ဆိုသော အပိုင်းအခြားဖြင့် အနက် အဓိပ္ပာယ်ဖော်သည်။ ဥပမာ - မိုတိုရိုလာ ဆိုကြပါစို့၊ ဤကုမ္ပဏီသည် အမေရိကန်ပြည်ထောင်စု၌ စုစုပေါင်း အရည်အသွေးတိုးမြှင့်ရေးကို ကနဦးရှေ့ဆောင်ကြိုးပမ်းခဲ့သော ကုမ္ပဏီဖြစ်သည်။ ဤကုမ္ပဏီ၏ အရည်အသွေးဘက်ဆိုင်ရာ ဒုတိယဥက္ကဌက “ အရည်အသွေးဆိုသည်မှာ ဖောက်သည်နှင့် တစ်စုံတစ်ရာ သက်ဆိုင်ရမည်။ ကျွန်တော်တို့ရဲ့ အပြစ်အနာအဆာ ချို့ယွင်းချက်နှင့် ပတ်သက်ပြီး အဓိပ္ပာယ်ဖွင့်ဆိုတာကတော့ ရှင်းပါတယ်။ ဖောက်သည်က မကြိုက်ဘူးဆိုလျှင် ဒါဟာအပြစ်အနာအဆာ ချို့ယွင်းချက်ပဲ ” ဟု ပြောပြသည်။ ထိုနည်းတူစွာ ပင် အရည်အသွေး ထိန်းသိမ်းရေး အမေရိကန် အဖွဲ့အစည်းကလည်း အရည်အသွေး ကို ဤသို့ အနက်ပေးထားသည်၊ “ ဖောက်သည်၏ လိုအပ်ချက် တို့ကို ကျေနပ်ဖြည့်ဆည်းပေးနိုင်သည့် စွမ်းရည်အပေါ် အကျိုးသက်ရောက်မှု ရှိသော ကုန်စည်နှင့် ဝန်ဆောင်မှု တစ်ရပ်ရှိ ကြန်အင် လက္ခဏာနှင့် အသွင်အပြင်အားလုံး စုစုပေါင်းတို့ကို ခေါ်ဆိုသည် ” ဤသို့ သော ဖောက်သည် ဗဟိုပြုအနက်ဖွင့်ဆိုချက်တို့က ဘာကိုညွှန်းသလဲဆိုလျှင် ဖောက်သည်၏ မျှော်လင့်ချက်တို့နှင့် ကိုက်ညီအောင် (သို့ တည်းမဟုတ်) ပိုမို အောင်ပြုလုပ်နိုင်မှသာလျှင် စုစုပေါင်း အရည်အသွေး ကြိုးပမ်းမှု အောင်မြင်သည်ဟု ရည်ညွှန်းသည်။ သို့အားဖြင့် ယနေ့ စုစုပေါင်းအရည်အသွေး တိုးတက်ကောင်းမွန်ရေး လှုပ်ရှားမှု သည် စုစုပေါင်း ဖောက်သည် ကျေနပ်မှု ရရှိရေး ဖြစ်လာသည်။ အရည်အသွေးသည် ဖောက်သည် လိုအပ်ချက်တို့မှ စတင်သည်။ ဖောက်သည်ကျေနပ်မှု ဖြင့် ဆုံးသည်။ ဖောက်သည် ကျေနပ်မှု တန်ဖိုးနှင့် အရည်အသွေးတို့ အကြောင်းကို အခန်း (၁၈)၌ ပိုပြီး ပြည့်ပြည့်စုံစုံ ရှင်းပြပါမည်။

ဖလှယ်မှု ၊ ဖောက်ကားဆောင်ရွက်မှု နှင့် ဆက်သွယ်မှု များ

(Exchanges, Transactions and Relationships)

လူအပေါင်းတို့က ဖလှယ်မှု မှတစ်ဆင့် လိုအပ်ချက် နှင့် လိုအင်ဆန္ဒတို့ကို ကျေနပ်ဖြည့်ဆည်းရန် ဆုံးဖြတ်ကြသောအခါ၌ ဈေးကွက်ရှာဖွေထူထောင်ရေး ဖြစ်ပေါ်လာသည်။ ဖလှယ်မှု သည် တစ်စုံတစ်ရာကို မိမိကပေး၍ အခြားသူတစ်ဦးဦးထံမှ မိမိလိုချင်သော အရာဝတ္ထုတစ်ခုခုကို ရရှိအောင် ဆောင်ရွက်ခြင်းကို ခေါ်သည်။ လိုချင်သော အရာဝတ္ထုတို့ကို ရရှိစေသည့် နည်းလမ်းတို့၌ ဖလှယ်မှု သည် နည်းလမ်းတစ်ခုသာဖြစ်သည်။

လိုအပ်ချက်တို့ကို ဖြည့်ဆည်းပေးသည့် နည်းလမ်းတစ်ခုအနေဖြင့် ဖလှယ်မှု ၌ အခွင့်သာမှု အများ ကြီးရှိသည်။ လူတို့သည် အခြားသူတို့ထံမှ လုယက်စရာ မလို၊ အလှူဒါနတောင်းခံရန် မလို၊ သူတို့လိုသမျှကို ကိုယ်တိုင် အကုန်ထုတ်လုပ်ရမည့် အင်အားလည်း မလို၊ ကျွမ်းကျင်မှု လည်း မလို။ ဖန်တီးထုတ်လုပ်ရာတွင် မိမိတတ်စွမ်းနိုင်သည့်ဘက် အာရုံစူးစိုက်ထားနိုင်သည်။ ပြီးမှ မိမိ လိုချင်သော အရာကိုသူများ ဖန်တီးသည့် ပစ္စည်းတို့နှင့် ရောင်းဝယ်ဖလှယ်နိုင်သည်။ ထို့ကြောင့် ဖလှယ်မှု သည် လူ့အဖွဲ့အစည်းအား အခြားနည်းလမ်းတို့က ထုတ်လုပ်နိုင်သည်ထက် ပို၍ ထုတ်လုပ်နိုင်စေသည်။

ဖလှယ်မှု သည် ဈေးကွက်ရှာဖွေထူထောင်ရေး marketing ၏ ကျောရိုးအယူအဆ ဖြစ်သည့်အခါ၌ ဖောက်ကားဆောင်ရွက်မှု တစ်ရပ်သည် ဈေးကွက်၏ တိုင်းထွားရာ ယူနစ် ဖြစ်လာသည်။ ဖောက်ကားဆောင်ရွက်မှု သည် ပါတီနှစ်ခုကြား တန်ဖိုးများ ကူးသန်းရောင်းဝယ်ခြင်း ဖြစ်ပါသည်။ တစ်ပါတီက အခြားပါတီအား အိပ်(စ်)ပေးသည်။ ဝိုင်ကို အတုံ့အလှည့်အားဖြင့် ရရှိသည်။ ဥပမာ - ဆီးယား(Sears) သို့ သင်က တီဗွီတစ်လုံးအတွက် ဒေါ်လာသုံးရာ ငါးဆယ်ပေး သည်။ ယင်းမှာ ဂန္ထဝင်မြောက် ငွေကြေးဖောက်ကား ဆောင်ရွက်မှု monetary transaction ဖြစ် သည်။ သို့ရာတွင် ဖောက်ကား ဆောင်ရွက်မှု တိုင်း၌ ငွေကြေးပါဝင်သည် မဟုတ်။ ဘာတာစနစ် (ကုန်-ကုန်ချင်းဖလှယ်သည့် စနစ်) တွင် သင်၏ ရေခဲသေတ္တာအဟောင်းကို အိမ်နီးနားချင်း၏ တယ်လီဗေးရှင်း တစ်ပါတ်ရစ်နှင့် ဖလှယ်နိုင်သည်။

ကျယ်ကျယ်ပြန့်ပြန့် အဓိပ္ပာယ်၌ ဈေးကွက်သမားတို့သည် ကမ်းလှမ်းမှု တစ်ခုခုအပေါ် တစ်စုံတစ်ရာ တုံ့ပြန်မှု ပြုရခြင်းဖြစ်သည်။ တုံ့ပြန်မှု သည် ကုန်စည်နှင့် ဝန်ဆောင်မှု တို့ကို ဝယ်ခြင်း၊ ဖောက်ကားခြင်းထက်ပိုကောင်း ပိုပါမည်။ နိုင်ငံ့ကိုယ်စားလှယ်လောင်း တစ်ဦးသည် မဲလိုချင်သည်။ ဘုရားရှိခိုးကျောင်းက အဖွဲ့ဝင်လိုချင်သည်။ လူမှု အဖွဲ့အစည်းတစ်ခုက သူတို့၏ အတွေးအခေါ် တစ်ခုခုကို လက်ခံစေချင်သည်။ ဈေးကွက်ရှာဖွေထူထောင်ခြင်းသည် ပစ်မှတ်ပရိသတ်ထံမှ လိုလားသော တုံ့ပြန်မှု ကို ရရှိရန် ကြိုးပမ်းမှု တို့ဖြစ်သည်။ ကုန်စည်နှင့် ဝန်ဆောင်မှု အချို့နှင့် အခြား အရာဝတ္ထုများ ဆီသို့ အခြားအရာဝတ္ထုများ ဆီသို့ ဦးတည်သော တုံ့ပြန်မှု များ ဖြစ်စေရာသည်။

ဖောက်ကားဆောင်ရွက်မှု ဈေးကွက်ရှာဖွေ ထူထောင်ခြင်း (transaction marketing) သည်ပို၍ ကျယ်ပြန့်သော ဆက်သွယ်မှု ဈေးကွက်ရှာဖွေထူထောင်ခြင်း (relationship marketing) အယူအဆ၏ တစ်စိတ်တစ်ဒေသ ဖြစ်ပေသည်။ ရေတိုဖောက်ကား ဆောင်ရွက်မှု တို့ကို ဖန်တီးခြင်းထက်လွန်၍ ဈေးကွက်သမားတို့သည် တန်ဖိုးကြည့်ဖောက်သည်များ ၊ ဖြန့်ချိသူများ ၊ အရောင်းကိုယ်စားလှယ်များ ၊ ပစ္စည်းထောက်ပံ့သူ supplier တို့နှင့် ရေရှည်ဆက်ဆံမှု ကို ထူထောင်ရပေမည်။ အရည်အသွေးမြင့်ကုန်စည်၊ ဝန်ဆောင်မှု နှင့် သင့်မြတ်သော ဈေးနှုန်းတို့ကို ကတိကဝတ်ပြုပြီး ပုံမှန်ပေးဆောင်ခြင်းအားဖြင့် စီးပွားရေးနှင့် လူမှု ရေး ချိတ်ဆက်မှု တို့ကို အင်အားကောင်းကောင်း ထူထောင်ရမည်။ သို့ အားဖြင့် ဈေးကွက်ရှာဖွေထူထောင်ခြင်းသည် ဖောက်ကားမှု တစ်ခုစီ အပေါ်အမြတ်အများ ဆုံး ရရှိရေးမှ စားသုံးသူနှင့် အခြားပါတီတို့ အပြန်အလှန် အကျိုးရှိသော ဆက်သွယ်မှု တို့ကို ထူထောင်ရေးဘက်ဆီသို့ ပိုမိုပြီး ရွှေ့ပြောင်း ခဲ့ပေပြီ။ တကယ်စင်စစ်၌ အဆုံး စွန်စခန်းတွင် ကုမ္ပဏီ တစ်ခုသည် တစ်မူထူးခြားသော ကုမ္ပဏီ assets (ပုံသေပိုင်ပစ္စည်း) တစ်ခုပေါ်ထွက် လာစေချင်သည်။ ဤပုံသေပိုင်ပစ္စည်း assets မှာ ဈေးကွက်ကွန်ရက် (marketing network) တစ်ရပ်ဖြစ်ပေသည်။ ဈေးကွက်ကွန်ရက်တွင် ကုမ္ပဏီနှင့် ကုမ္ပဏီကို ထောက်ခံနေသော အကျိုးဆိုင် stakeholders တို့အားလုံးပါဝင်သည်။ အကျိုးဆိုင်တို့၌ လည်း ဖောက်သည်များ ၊ လုပ်သားများ ၊ ပစ္စည်းထောက်ပံ့သူများ ၊ ဖြန့်ချိရေးသမားများ ၊ လက်လီသမားများ ၊ ကြော်ငြာအေဂျင်စီများ စသည့် ကုမ္ပဏီနှင့် အပြန်အလှန် အကျိုးအမြတ်ရှိသော လုပ်ငန်းဆက်ဆံမှု တို့ကို ထူထောင်ထားသည့် သူများ ပါဝင်ကြကုန်သည်။ တိုး၍ တိုး၍ ပေါ်လွင်လာသော အချက်တစ်ချက်မှာ ယှဉ်ပြိုင်မှု သည် ကုမ္ပဏီချင်းယှဉ်ပြိုင်မှု မဟုတ်တော့ခြင်းဖြစ်သည်။ တစ်ခုလုံး ခြုံသော ကွန်ရက်ချင်း ယှဉ်ပြိုင်မှု ဖြစ်လာသည်။ ဤကွန်ရက်ချင်း ယှဉ်ပြိုင်မှု တွင် ကွန်ရက်ကောင်းကောင်းနှင့် ပြိုင်နိုင်သော ကုမ္ပဏီတို့က ဆုလာဘ်တို့ကို ပို၍ ချီးမြှင့် ရရှိလာသည့်သဘော ဖြစ်လာသည်။ အလုပ်လည်ပတ်မှု မူ operating principle သည် ရိုးရိုးလွယ် လွယ်ပင် ဖြစ်သည်။ ယင်းမှာ သော့ချက်ကျသောာ အကျိုးဆိုင် stakeholders တို့နှင့် ဆက်သွယ်မှု ကွန်ရက်ကောင်းကောင်းထူထောင်ပါ။ အမြတ်က နောက်မှ လိုက်လာပါလိမ့်မည် ဟူသတတ်။

ဈေးကွက်များ (Markets)

ဖလှယ်မှု နှင့် ဆက်ဆံရေးဆိုင်ရာ အယူအဆတို့သည် ဈေးကွက် အယူအဆဆီသို့ ရှေ့ရှုသွားသည်။ ဈေးကွက်တစ်ခု ဆိုသည်မှာ ကုန်စည် တစ်ရပ်အား တကယ်ဝယ်သူနှင့် ဝယ်ရန် အလားအလာရှိသူတို့၏ အတွဲ အစုံကို ခေါ်ဆိုသည်။ ဖလှယ်ခြင်းနှင့် ဖောက်ကား ဆောင်ရွက်ခြင်း တို့မှ တစ်ဆင့် ကျေနပ်မှု ရနိုင်သော လိုအပ်ချက် သို့ မဟုတ် လိုအင်ဆန္ဒ တစ်စုံတစ်ရာကို ဤဝယ်ယူသူတို့က မျှဝေထားရှိကြသည်။ သို့ အားဖြင့် ဈေးကွက်အရွယ်အစားသည် ဤလိုအပ်ချက်ကို ဖော်ပြသော ဖလှယ်မှု တွင် ဆောင်ရွက်နိုင်သည့် ရင်းမြစ်ရှိသော သူတို့ လိုချင်သည့် အရာတို့နှင့် ဖလှယ်ပြီး ဤရင်းမြစ်တို့ကို ကမ်းလှမ်းလိုသည့် လူထု၏ ဦးရေအပေါ် မှီတည်နေသည်။

မူလဇစ်မြစ်အားဖြင့် ပြောရလျှင် ဈေးကွက်ဆိုသည်မှာ ဝယ်သူနှင့် ရောင်းသူတို့ ကုန်ပစ္စည်း များ ဖလှယ်ရန် တွေ့ဆုံရာနေရာဟု ဆိုခဲ့သည်။ ဥပမာ - ရွာတစ်ရွာ၏ အလယ်ဗဟိုမျိုး၊ ဘောဂဗေဒပညာရှင်တို့က ဈေးကွက်ဆိုသော စကားရပ်ကို အိမ်ရာမြေဈေးကွက် သို့တည်းမဟုတ် သီးနှံဈေးကွက်လို ကုန်စည် အတန်းအစားတစ်ရပ်ရပ်ကို ဖောက်ကားဆောင်ရွက်ကြသော ဝယ်သူ နှင့် ရောင်းသူတို့၏ အစုအပေါင်းတစ်ရပ် အဖြစ် ရည်ညွှန်းဖော်ပြကြသည်။ သို့ သော် ဈေးကွက်သမားတို့ကမူ ရောင်းသူတို့ကို ထုတ်လုပ်မှု လုပ်ငန်း industry တစ်ခုကို ဖွဲ့စည်းနေသူများ အဖြစ်လည်းကောင်း၊ ဝယ်ယူသူတို့ကို ဈေးကွက်တစ်ရပ် ဖွဲ့စည်းနေသူများ အဖြစ်လည်းကောင်း၊ ရှုမြင်သုံးသပ်သည်။ ပုံကားချပ် (၁.၂) တွင် ဖော်ညွှန်းထားသည့် အတိုင်းပင်။

ဤပုံကားချပ်အရ ရောင်းသူနှင့် ဝယ်သူတို့ကြားတွင် စီးဆင်းမှု လေးရပ်ဖြင့် ချိတ်ဆက်မိနေ ကြသည်။ ရောင်းသူသည် ကုန်စည်၊ ဝန်ဆောင်မှု နှင့် ဆက်သွယ်မှု communications တို့ကို ဈေးကွက်ထဲပို့သည်။ အတုံ့အလှည့်အားဖြင့် သူတို့က ငွေအသပြာနှင့် သတင်းရရှိသည်။ အတွင်း ကြိုးကွင်းသည် ကုန်နှင့် ငွေအသပြာဖလှယ်မှု ကို ပြ၍ အပြင်ကြိုးကွင်းသည် သတင်း ဖလှယ်မှု ကို ပြသည်။

ခေတ်သစ်စီးပွားရေးသည် အလုပ်တာဝန် ခွဲဝေနေရာချထားမှု division of labour အပေါ် မူတည်၍ လည်ပတ်ခုတ်မောင်း နေခြင်းဖြစ်သည်။ ဤမူအရ လူတစ်ဦးသည် မိမိသန်ရာ အလုပ်တွင် အထူးစပယ်ရှယ် သီးသန့် ထုတ်လုပ်လျှင် ဝင်ငွေရသည်။ ရသည့်ငွေနှင့် လိုအပ်သော အရာတို့ကို ဝယ်ယူသည်။ ဤခေတ်သစ် စီးပွားရေးမျိုးသည် ဈေးကွက်ထဲတွင် အမြော်အမြင် ရှိသည်။ ထုတ်လုပ်သူတို့သည် ရင်းမြစ်အင်အားဈေးကွက် (ကုန်ကြမ်းဈေးကွက် အလုပ်သမား ဈေးကွက်နှင့် ငွေကြေးဈေးကွက်) များ ဆီသို့ သွားသည့် ရင်းမြစ်အင်အားတို့ကို ဝယ်သည်။ ကုန်ချောနှင့် ဝန်ဆောင်မှု များ အဖြစ် အချောကိုင်ပုံ ပြောင်းပစ်သည်။ ပြီးလျှင် ကြားလူများ ဆီသို့ ရောင်းချပစ်လိုက်သည်။ ဤကြားလူတို့က စားသုံးသူတို့ထံ ပြန်ရောင်းသည်။ စားသုံးသူ တို့သည် သူတို့၏ လုပ်အားကို ရောင်းသည်။ ဤသို့ ရောင်းခြင်းဖြင့် သူတို့လိုချင်သော ကုန်ပစ္စည်းနှင့် ဝန်ဆောင်မှု တို့ကို ဝယ်ယူရန် ဝင်ငွေရရှိသည်။ အစိုးရသည်လည်း ဈေးကွက်တစ်မျိုးပင် ဖြစ်လေရာ ကဏ္ဍပေါင်းစုံမှ ကစားသည်။ ရင်းမြစ်အင်အား၊ ထုတ်လုပ်သူနှင့် ကြားဈေးကွက်တို့မှ ကုန်ပစ္စည်း များ ဝယ်ခြမ်းသည့်သူတို့ကို ငွေချေးသည်။ ဈေးကွက်တို့ထဲမှ အခွန်ကောက်သည်။ စားသုံးသူ ဈေးကွက်တို့မှလည်း ကောက်သည်။

အတုံ့အလှည့်အားဖြင့် အစိုးရက ပြည်သူ့ဝန်ဆောင်မှု တို့ကို ဆောင်ရွက်ပေးသည်။ သို့ အားဖြင့် နိုင်ငံတစ်ခုစီ၏ စီးပွားရေးနှင့် ကမ္ဘာ့စီးပွားရေး တစ်ခုလုံးသည် ဖလှယ်မှု ဖြစ်စဉ် တို့မှ တစ်ဆင့် ချိတ်ဆက်နေသော ဈေးကွက်၊ အပြန်အလှန် တုံ့ပြန်နေသော ရှုပ်ထွေးလှသည့် ဈေးကွက်ပေါင်းစုံတို့ဖြင့် ဖွဲ့စည်းထားမိချေပြီ။

ဈေးကွက်သမားတို့ကလည်း ဈေးကွက်တို့တွင် အထူးစူးရှစွာ စိတ်ဝင်စားကြပါသည်။ သူတို့ ၏ ပန်းတိုင်သည် ဈေးကွက်တစ်ခုစီ၏ လိုအပ်ချက်နှင့် လိုအင်ဆန္ဒတို့ကို နားလည်ရန်ဖြစ်ကာ သူတို့အကောင်းဆုံး အကျိုးပြု နိုင်သည့် ဈေးကွက်တို့ကို ရွေးချယ်ရန်ဖြစ်ပေတော့သည်။ အပြန်အလှန် အားဖြင့်ကုမ္ပဏီ အတွက် ရောင်းအားတက်ပြီး အမြတ်ပိုရစေရန်အလို့ငှာ ဤဈေးကွက်တို့မှ ဖောက်သည်အတွက် ကျေနပ်မှု နှင့် တန်ဖိုးကို ဖန်တီးပေးနိုင်သည့် ကုန်စည်နှင့် ဝန်ဆောင်မှု မျိုးတို့ကို ဖော်ထုတ်ပေးနိုင်သည်။

ဈေးကွက်ရှာဖွေထူထောင်ခြင်း (Marketing)

ဈေးကွက်ဆိုင်ရာ အယူအဆသည် ဈေးကွက်ရှာဖွေ ထူထောင်ခြင်းဆိုင်ရာ အယူအဆ ဆီသို့ တစ်ပတ်ပြန်ဝင်လာသည်။ ဈေးကွက်ရှာဖွေ ထူထောင်ခြင်းဆိုသည်မှာ ဈေးကွက်ကို စီမံခန့်ခွဲ ခြင်းပင်ဖြစ်သည်။ တန်ဖိုး ဖန်တီးရန်နှင့် လိုအပ်ချက်၊ လိုအင်ဆန္ဒတို့ကို ဖြည့်ဆည်းပေးရန် အလို့ငှာ ဖလှယ်မှု နှင့် ဆက်ဆံရေးတို့ကို ဖြစ်ပေါ်စေရသည်။ ဤသို့ ဖြစ်ပေါ်စေရန် စီမံခန့်ခွဲခြင်းသည်ပင် ဈေးကွက်ရှာဖွေထူထောင်ခြင်း မည်ပေသည်။ သို့ အားဖြင့် ဈေးကွက်ရှာဖွေ ထူထောင်ခြင်းဆိုင်ရာ အနက် အဓိပ္ပာယ်ဖွင့်ဆိုမှု ဆီသို့ ကျွန်ုပ်တို့ ပြန်ရောက်ရသည်။ ဤ အနက်ဖွင့်ဆိုချက်အရ ဈေးကွက်ရှာဖွေ ထူထောင်ခြင်းသည် ဖြစ်စဉ်တစ်ရပ်ဖြစ်၍ ဤဖြစ်စဉ်တွင် လူတစ်ဦးနှင့် လူအစုတို့သည် ကုန်စည်နှင့် တန်ဖိုးတို့ကို ဖန်တီးပြီး အခြားသူတို့နှင့် ဖလှယ်ကာ သူတို့ လိုအပ်သောအရာ၊ သူတို့ ဆန္ဒရှိသောအရာတို့ကို ရရှိကြကုန်သည်။

ဖလှယ်မှု ဖြစ်စဉ်တွင် အလုပ် Work ပါသည်။ ရောင်းသူတို့သည် ဝယ်သူတို့ကို ရှာဖွေရသည်။ ဝယ်သူတို့၏ လိုအပ်ချက်တို့ကို အတိအကျ သိစေရသည်။ ကုန်စည်ကောင်းနှင့် ဝန်ဆောင်မှု ကောင်းကို ဒီဇိုင်းပြုကြံဆ ရသည်။ ပြီးလျှင် ဈေးနှုန်းဖြတ်ရသည်။ အရောင်း မြှင့်တင်ရေး လုပ်ငန်း လုပ်ရသည်။ သိုလှောင်ပြီး ပို့ဆောင်ပေးရသည်။ ကုန်စည်သစ်ဖော်ထုတ်ရေး၊ သုတေသန၊ ဆက်သွယ်ရေး၊ ဖြန့်ချိရေး၊ ဈေးနှုန်းဖြတ်ရေးနှင့် ဝန်ဆောင်မှု တို့သည် ဈေးကွက် ရှာဖွေထူထောင်ခြင်း၏ ကျောရိုးလုပ်ငန်းတို့ဖြစ်ကြပေသည်။ ဈေးကွက်ရှာဖွေ ထူထောင်ခြင်း ဟုဆိုလျှင် ရောင်းသူတို့ကလုပ်သော အလုပ်ဟု သာမန်အားဖြင့် နားလည်ရသော်လည်း ဝယ်သူတို့ကလည်း ဈေးကွက်ရှာဖွေ ထူထောင်ခြင်းအလုပ်တို့ကို လုပ်ကြသည်။ စားသုံးသူတို့သည် သူတို့တတ်စွမ်းနိုင်သော ဈေးနှုန်းတို့၌ သူတို့လိုအပ်သောကုန်စည်တို့ကို ရရှိအောင် ရှာဖွေသော အခါ ဈေးကွက်ရှာဖွေထူထောင်ခြင်း အမူကိုပြုကြသည်။ ကုမ္ပဏီ၏ အဝယ် ကိုယ်စားလှယ်တို့သည် ရောင်းသူတို့ကို လိုက်လံရှာဖွေပြီး သင့်သည့် ဈေးနှင့် ရနိုင်ရန် ဈေးဆစ်စကားပြောဆိုကြသောအခါ ၌ သူတို့လည်း ဈေးကွက်ရှာဖွေ ထူထောင်ခြင်းအမှု ကို ပြုပါသည်။ ပုံပြကားချပ် (၁.၃) သည် ခေတ်သစ်ဈေးကွက် ရှာဖွေထူထောင်ခြင်းစနစ်၌ ပါရှိသော အဓိကအခြေခံတို့ကို သရုပ်ဖော် ပြထားသည်။

သာမန်အခြေအနေ၌ ဈေးကွက်ရှာဖွေထူထောင်ခြင်းသည် ပြိုင်ဆိုင်သူတို့နှင့် ရင်ဆိုင်၍ နောက်ဆုံး အသုံးပြုသူ end users တို့၏ ဈေးကွက်ကို ဖြည့်ဆည်းပေးရန်ဖြစ်သည်။ ကုမ္ပဏီနှင့် ၎င်း၏ ပြိုင်ဖက်တို့သည်မိမိတို့ဆိုင်ရာ ကုန်စည်နှင့် အမှာ စကားတို့ကို စားသုံးသူတို့ထံ တိုက်ရိုက်ဖြစ်စေသို့ တည်းမဟုတ် ကြားအလယ်လူတို့မှ တစ်ဆင့် နောက်ဆုံးအသုံးပြုသူများ ထံ ပေးပို့သည်။ စနစ်အတွင်းရှိ ဇာတ်ကောင်အားလုံးတို့သည် ဝန်းကျင်အင်အားစုကြီးတို့၏ အကောင်းအဆိုးရိုက်ခတ်မှု ကို ခံကြရသည်။ (လူဦးရေ၊ စီးပွားရေး၊ ရုပ်ဝတ္ထုရေးရာ၊ တက္ကနိုလိုဂျီ၊ နိုင်ငံရေး၊ ဥပဒေ၊ လူမှု ရေး၊ နှင့်ယဉ်ကျေးမှု တို့၏ အပြောင်းအလဲ ရိုက်ခတ်မှု တို့ကို ခံကြရသည်။)

စနစ်အတွင်းရှိ ပါတီတစ်ရပ်ရပ်စီသည် နောက်အဆင့်အတွက် တန်ဖိုးဖြည့်ပေးသည်။ သို့ အားဖြင့် ကုမ္ပဏီ၏ အောင်မြင်မှု သည် မိမိ၏ ကိုယ်ပိုင်ဇာတ်ကောင်တို့ အပေါ်၌ သာ မငတည်နေသည်မဟုတ်။ စနစ်တခုလုံးအနေဖြင့် နောက်ဆုံးပိတ် စားသုံးသူတို့၏ လိုအပ်ချက်တို့အား ဘယ်လောက်ကောင်းကောင်း ဖြည့်ဆည်းဆောင်ရွက်ပေးနိုင်သနည်းဆိုသော အချက်ပေါ်တွင်လည် မှု တည်နေသည်။ ဝေါလ်မတ်သည် မိမိအား ပစ္စည်းထောက်ပံ့သူ ဆပ္ပလိုင်ရာတို့က ချိုသာသောဈေးနှုံးဖြင့် ထောက်ပံ့နိုင်မှသာ ဈေးနှုံးချိုသာစေရမည် ဟူသော မိမိကတိကဝတ်ကို အကောင်အထည်ဖေါ် ဖြည့်စွမ်းပေးနိုင်မည် ဖြစ်သည်။ အရောင်းကိုယ်စား လှယ်တို့က အတော်ကောင်းမွန်သော ဝန်ဆောင်မှု တို့ကို မပေးဆောင်ဘဲနှင့် ဖို့(ဒ်)ကုမ္ပဏီသည် အရည်အသွေးမြင့်မားမှု ကိုကား ဝယ်သူတို့အား ပေးဆောင်နိုင်လိမ့်မည်မဟုတ်ပေ။

ဈေးကွက်ရှာဖွေထူထောင်ခြင်းကို စီမံခန့်ခွဲခြင်း

(Marketing Mamagement)

ဈေးကွက်ရှာဖွေထူထောင်ခြင်းသည် အဖွဲ့အစည်း၏ ပန်းတိုင်သို့ အောင်မြင်မှု ရရှိစေရန် အတွက် ပစ်မှတ်ထားသော ဝယ်သူများ နှင့် အကျိုးရှိစွာ ဖလှယ်နိုင်ရေးကို ဖန်တီးထူထောင်ရန်နှင့် ထိန်းသိမ်းရေးတို့ကို ကြံဆထားသည်။ စိစစ်သုံးသပ်မှု ၊ စီမံကိန်းရေးဆွဲပြုစုမှု ၊ လက်တွေ့အကောင် အထည်ဖေါ်မှု နှင့် အစီအစဉ်ကို ထိန်းသိမ်းကွက်ကဲမှု တို့ပင် ဖြစ်သည်ဟု အနက်အဓိပ္ပါယ် ပေးနိုင်သည်။ သို့ အားဖြင့် ဈေးကွက်ရှာဖွေထူထောင်ရေး စီမံခန့်ခွဲမှု တွင် ဝယ်လိုအား ကိုစီမံခန့်ခွဲခြင်းလည်း အကျုံးဝင်သည်။ ထိုမှတဖန် ဖောက်သည်တို့နှင့် ဆက်ဆံရေးတို့ကို စီမံခန့်ခွဲခြင်းလည်း အကျုံးဝင်သွားသည်။

ဝယ်လိုအားစီမံခန့်ခွဲမှု (Demand Management)

အချို့ပုဂ္ဂိုလ်တို့က ဈေးကွက်ရှာဖွေထူထောင်မှု စီမံခန့်ခွဲရေး ဟူသည် ကုမ္ပဏီက လက်ရှိ ထုတ်လုပ်ထားသော ထုတ်ကုန်များ အတွက် လုံလောက်သော ဖောက်သည်များ ရှာဖွေရေးဟု ယူဆကြသည်။ ဤအမြင်သည် ကျဉ်းမြောင်းလွန်းနေသည်။ အဖွဲ့အစည်းသည် မိမိထုတ်ကုန် အတွက် မိမိလိုချင်သော ဝယ်လိုအား အဆင့်တစ်ဆင့်ကို ရရှိထားသည်။ အချိန်တစ်ချိန်၌ ဝယ်လိုအား မရှိမှု ၊ လုံလောက်သောဝယ်လိုအား၊ ပုံမှန်မဟုတ်သော ဝယ်လို အား၊ သို့ တည်းမဟုတ် ဝယ်လိုအား သိပ်များ နေခြင်း စသည်ဖြင့် တွေ့တတ်လေရာ၊ ဈေးကွက်ရှာဖွေ ထူထောင်ရေး စီမံခန့်ခွဲမှု သည် ဤသို့ သော ခြားနားသည့် ဝယ်လိုအား အခြေအနေတစ်ခုခုကို ကိုင်တွယ် ဖြေရှင်းရန် နည်းလမ်းများ ရှာဖွေရမည် ဖြစ်ပေသည်။ ထို့ကြောင့် ဈေးကွက်ရှာဖွေ ထူထောင်ရေး စီမံခန့်ခွဲမှု သည် ဝယ်လိုအားကို ရှာဖွေခြင်းနှင့် တိုးမြှင့်ခြင်းတို့နှင့်သာ သက်ဆိုင်သည်မဟုတ်ဘဲ ဝယ်လိုအားပြောင်းလဲခြင်း၊ အချို့အခြေအနေတို့၌ ဝယ်လိုအားကို လျှော့ချရခြင်းတို့နှင့်လည်း သက်ဆိုင်ပေးရသည်။

ဥပမာ - ဂိုလ်ဒင်းဂိတ်တံတားသည် တစ်ခါတစ်ရံ၌ ယာဉ်ဖြတ်သန်းမှု စိတ်မချရသည့် အဆင့်ထိ ကြုံတွေ့နိုင်သည်။ Yosemite နေရှင်နယ် ပန်းခြံသည် နွေရာသီ၌ ဆိုးဆိုးဝါးဝါး လူတွေ ပြည့်ကျပ်နိုင်သည်။ ဤကဲ့သို့ သော ဝယ်လိုအား ပိုလျှံမှု အခြေအနေတွင် ဝယ်လိုအားကို ယာယီ ဖြစ်စေ၊ အမြဲတမ်း ဖြစ်စေ၊ လျှော့ချရန်အလို့ငှာ ဈေးကွက်ကို ရုပ်သိမ်းထားခြင်း Demarketing ပြုလုပ်ရန် လိုကောင်းလိုမည်။ ဈေးကွက်ကို ရုပ်သိမ်းထားခြင်း၏ ရည်ရွယ်ချက်သည် ဝယ်လိုအားကို ဖျက်ဆီးပစ်ရန် မဟုတ်ပါ။ လျှော့ချဖို့နှင့် နေရာ ရွှေ့ဖို့သာဖြစ်ပါသည်။ သို့ဖြစ် ဈေးကွက်ရှာဖွေထူထောင်ခြင်း စီမံခန့်ခွဲမှု သည် ဝယ်လိုအားအဆင့် Level ၊ ဝယ်လိုအားအချိန်နှင့် ဝယ်လိုအား၏ သဘာဝ တို့ဖြင့် ရည်မှန်းချက်များ အောင်မြင်စေသော နည်းလမ်းတို့ကို ရှာဖွေရာသည် ရိုးရိုးစင်းစင်း ပြောရလျှင် ဈေးကွက်ရှာဖွေထူထောင်ခြင်း စီမံခန့်ခွဲမှု ဆိုသည်မှာ - ဝယ်လိုအားစီမံခန့်ခွဲမှု ပင်ဖြစ်တော့သည်။

အကျိုးအမြတ်ရှိသော ဖောက်သည်ဆက်ဆံရေးတို့ကို ထူထောင်ခြင်း

(Building Profitable Customer Relationships)

ဝယ်လိုအားကို စီမံခန့်ခွဲခြင်းသည် ဖောက်သည်တို့ကို စီမံခန့်ခွဲခြင်း ပင်ဖြစ်သည်။ ကုမ္ပဏီ တစ်ခု၏ ဝယ်လိုအားသည် အစုနှစ်စုမှလာသည်။ ဖောက်သည်အသစ်နှင့် ဖောက်သည်အဟောင်း တို့ဖြစ်ကြသည်။ အစဉ်အလာအရ ဈေးကွက်သမားတို့သည် ဖောက်သည်အသစ်တို့ကို ဆွဲဆောင် နိုင်ရေးတွင် focus လုပ်ကြသည်။ သူတို့နှင့် ဖောက်ကားဆောင်ရွက်နိုင်မှု ကို ဖန်တီးရန် အာရုံထားကြသည်။ သို့ သော် ယနေ့ဈေးကွက်ရှာဖွေ ဖော်ထုတ်ရေးဝန်းကျင်၌ လူဦးရေ၊ စီးပွားရေးနှင့် ပြိုင်ဘက်ယှဉ်ပြိုင်မှု စသည့် အကြောင်းအရာတို့သည် ရှာဖွေရန် ဖောက်သည် သစ်ဦးရေ နည်းပါးလာခြင်းကို ညွှန်းနေသည်။ ဖောက်သည်အသစ်ရှာရသော စရိတ်တို့ကလည်း တက်လာသည်။ သို့ အားဖြင့် ဖောက်သည်သစ် ရှာဖွေရေးသည် အရေးကြီးနေဆဲဖြစ်စေကာမူ အလေးမူသည်ကို အကျိုးအမြတ်ရှိသော ဖောက်သည်တို့ကို ထိန်းထားနိုင်ရေး ဘက်သို့ လည်းကောင်း၊ ၎င်းတို့နှင့် ရေရှည်ခံဆက်ဆံရေး များ ထူထောင်ရေး ဘက်သို့ လည်ကောင်း၊ ရွှေ့ပစ်လိုက်ကြသည်။

ကုမ္ပဏီတို့က ဘာတွေထပ်မံ တွေ့ကြသေးသလဲဆိုလျှင် ဖောက်သည်တစ်ဦး ဆုံးရှုံးခြင်း သည် အရောင်းတစ်ခုဆုံးရှုံးသွားရုံသာမက၊ ဘဝတစ်သက်တာ ဝယ်ယူမှု နှင့် အညွှန်းတို့ကို ဆုံးရှုံးသွားရာလည်းမည်ကြောင်း တွေ့ရှိကြသည်။ ဥပမာ Tacobell မှ ဖောက်သည်တစ်ယောက်၏ ဖောက်သည်တစ်သက်တာတန်ဖိုး customer lifetime value သည် ဒေါ်လာတစ်သောင်း နှစ်ထောင်ကျော်သည်။ လီဇပ်အတွက် ကျေနပ်သွားသော ဖောက်သည်တစ်ယောက်သည် တစ်သက်တာ ဝယ်ခြမ်းမှု ၌ ဒေါ်လာခြောက်သိန်းတန်သည်။ သို့ ဖြင့် အကျိုးအမြတ်ရှိသော ဖောက်သည်တို့ကို ထိန်းထားနိုင်ရေးသည် စီးပွားရေး အရ အဓိပ္ပာယ်ကောင်းရှိနေသည်။ ဖောက်သည်ကို ထိန်းထားရေးအတွက် သော့ချက်သည်ပို၍ ကောင်းမွန်သော ဖောက်သည် တန်ဖိုးနှင့် ကျေနပ်နှစ်သိမ့်မှု တို့ပင် ဖြစ်သည်။ ဤအချက်ကို နှလုံးမူ၍ ကုမ္ပဏီပေါင်းများ စွာ တို့သည် သူတို့ဖောက်သည်တို့ကို ကျေနပ်မှု ရအောင် အစွမ်းကုန်ကြိုးပမ်း လျှက်ရှိကြသည်။

ဈေးကွက်ရှာဖွေထူထောင်ရေး လက်တွေ့ကျင့်စဉ်

(Marketing Management Practice)

အဖွဲ့အစည်းမျိုးစုံသည် ဈေးကွက်ရှာဖွေ ထူထောင်ရေးကို အသုံးပြုကြသည်။ ပုံစံကျ နည်းမျိုးစုံတို့ဖြင့်လည်း ကျင့်သုံးကြသည်။ ကုမ္ပဏီကြီးကြီး အတော်များများ သည် ပုံစံကျနည်းလမ်း တစ်လမ်းဖြင့် စံနမူနာပြ ဈေးကွက်ရှာဖွေ ထူထောင်ရေး လက်တွေ့ကျင့်စဉ်တို့ကို အသုံးပြု ကြသည်။ သို့ ရာတွင် အချို့သောကုမ္ပဏီ တို့ကမူ သိပ်ပုံစံတကျမဟုတ်၊ သိပ်စနစ်တကျမဟုတ်ဘဲ ဈေးကွက်ရှာဖွေထူထောင်ရေး ကျင့်စဉ်ကို ကျင့်ကြသည်။ မကြာသေးမီက ထုတ်ဝေသော “ အစွန်းရောက်ဈေးကွက် ရှာဖွေထူထောင်ခြင်း ” Radical Marketing စာအုပ်တွင် ဈေးကွက်ရှာဖွေ ထူထောင်ခြင်းဆိုင်ရာ စည်းမျဉ်းအချို့ကို ချိုးဖောက်၍ ဆောင်ရွက်ကြခြင်းကြောင့် အောင်မြင်မှု များ ရရှိလာသည့် ဟာလေဒေးဗစ်ဆန်၊ ဗာဂျင်အတ္တလန်တိတ် အဲယားဝေးနှင့် ဘော့စတွန် ဘီယာတို့ကို ချီးကျူးထားသည်။ စရိတ်ကြီးလှသော ဈေးကွက်သုတေသနတို့ကို မလုပ်တော့ဘဲ ကြော်ငြာတွင် ဖိသုံးစွဲလိုက်ကြသည်။ ထို့အပြင် ဈေးကွက်ရှာဖွေထူထောင်ရေး ဌာနကို ကြီးကြီးဖွဲ့စည်းပြီး ဆောင်ရွက်စေသည်။ ဤနည်းဖြင့်အဆိုပါ ကုမ္ပဏီတို့သည် သူတို့၏ အကန့်အသတ်နှင့် ရှိသောရင်းမြစ်အင်အားတို့ကို ဆန့်ထုတ်ပစ်လိုက်သည်။ ဖောက်သည်တို့နှင့် နီးကပ်စွာ ဆက်ဆံပြီး ဖောက်သည်တို့၏ လိုအပ်ချက်တို့ကို ကျေနပ်လောက် အောင်ဖြည့်စွမ်းပေး မည့်အဖြေတို့ကို ဖန်တီးခဲ့ကြသည်။ သူတို့က ဝယ်သူကလပ်များ ထူထောင်သည်။ ပြည်သူ့ဆက်ဆံရေးလုပ်ငန်းတွင် ပိုမိုပြီး တီထွင်ဆန်းသစ်သောနည်းတို့ကို အသုံးပြုသည်။ အဆင့်မြင့်အရည်အသွေးကို ပေးဆောင်ရန် focus လုပ်သည်။ ဖောက်သည်တို့၏ ရေရှည်သစ္စာရှိ မှု ကိုရအောင် ဆောင်ရွက်သည်။ Procter & Gamble တို့ကဲ့သို့ သော ဈေးကွက်ရှာဖွေ ထူထောင်ရေး ဧရာမအဖွဲ့အစည်းတို့၏ ခြေရာအတိုင်း ဈေးကွက်ရှာဖွေ ထူထောင်ရေး လုပ်ငန်းတို့က လိုက်နိုင်မည့် ဟန်မရှိပါပေ။

တကယ်စင်စစ်၌ ဈေးကွက်ရှာဖွေ ထူထောင်ရေး လက်တွေ့ကျင့်စဉ်သည် အဆင့်သုံးဆင့် ကို မကြာခဏဖြတ်သန်းရပါသည်။ (၁) စွန့်ဦးတီထွင် သူတို့၏ ဈေးကွက်ရှာဖွေ ထူထောင်မှု entrepreneurial marketing (၂) စနစ်တကျ ပုံစံချထားသည့် ဈေးကွက်ရှာဖွေထူထောင်မှု formulated marketing နှင့် (၃) အင်ထရောပရိုနီရဲလ် ဈေးကွက်ရှာဖွေ ထူထောင်မှု intrepreneurial marketing တို့ဟူ၍ ဖြစ်သည်။

စွန့်ဦးတီထွင်သူတို့၏ ဈေးကွက်ရှာဖွေထူထောင်ခြင်း

(Entrepreneurial Marketing)

ကုမ္ပဏီအများ အပြားကို ဖြတ်ထိုးဥာဏ်ဖြင့် လုပ်ကိုင်စားသောက် တတ်သောလူတို့က စတင်တည်ထောင်လေ့ရှိကြသည်။ အခွင့်အလမ်းတစ်ရပ်ကို သူတို့မြင်တတ်သည်။ လူတိုင်း၏ အာရုံကိုရရှိစေရန် အိမ်တိုင်းစေ့ တံခါးလိုက်ခေါက် တတ်သည်။ Samuel Adams ဘီယာသည် ထိပ်တန်းအရောင်းရဆုံးလက်မှု ဘီယာ “craft beer” ဖြစ်၍ ဘောစတွန်ဘီယာ ကုမ္ပဏီက ထုတ်လုပ်သည်။ ဤဘီယာ ကုမ္ပဏီကို ဂျင်းကော့(ခ်ျ)က ၁၉၈၄ ခုနှစ်တွင် စတင်ထူထောင်ခဲ့ရာ သူသည် အရက်ဆိုင်ဘားတကာသို့ ဘီယာပုလင်းတွေ ပွေ့ပိုက်ပြီး ဘားဆိုင်ဘွိုင်(စားပွဲထိုး) တို့အား သယ်ယူပေးရန် ဖျောင်းဖျသည်။ ဘားဆိုင်တို့မှ မီနူးစာရင်းတွင် ဆယ်မြူရယ်အဒမ် ဘီယာကို ထည့်သွင်းပေးရန် ဆွဲဆောင်သည်။ ဆယ်နှစ်လုံးလုံး သူသည် ကြော်ငြာခ မတတ်နိုင်ခဲ့ပေ။ သူ၏ ဘီယာကို တိုက်ရိုက်ရောင်းချခြင်းနှင့် အောက်ခြေသိမ်း ပြည်သူ့ ဆက်ဆံရေး လုပ်ငန်းတို့ဖြင့် ရောင်းချခဲ့ရသည်။ ယနေ့၌ ကား သူ၏ လုပ်ငန်းသည်ဒေါ်လာ သန်းပေါင်း ၁၂ဝ ဖိုးဝင်နေပြီ။ လက်မှု ဘီယာဈေးကွက်တွင် ခေါင်းဆောင်ဖြစ်နေပြီ။

စနစ်တကျ ပုံစံချဈေးကွက် ရှာဖွေထူထောင်ခြင်း

(Formulated Marketing)

ကုမ္ပဏီသေးသေးတို့က အောင်မြင်မှု ရသောအခါ သူတို့သည် စနစ်တကျ ပုံစံချ ဈေးကွက် ရှာဖွေ ထူထောင်ခြင်းဆီသို့ ရွေ့လျားသွားကြသည်။ ဘော်စတွန်ဘီယာသည် သီးသန့်ရွေးချယ် ထားသော ဈေးကွက်တို့အတွက် ရုပ်မြင်သံကြား၌ ကြော်ငြာရန် ဒေါ်လာ ၁၅ သန်း မကြာမီက သုံးစွဲခဲ့သည်။ ကုမ္ပဏီသည် ယခုအခါ အရောင်းသမား ၁၇၅ ယောက်ကို ခန့်ထားသည်။ ဈေးကွက် သုတေသနပြုလုပ်သော ဈေးကွက်ရှာဖွေ ထူထောင်ရေးဌာနကိုလည်း ဖွင့်ထားသည်။ ဘော်စတွန် ဘီယာသည် မိမိ၏ ကမ္ဘာ့ရန်ပြိုင်ဘက် Anheuser Busch နှင့် နှိုင်းယှဉ်လျှင် သိပ်ပြီး အနုစိတ် ခေတ်မမီသော်လည်း ပညာရှင်ဆန်ဆန် ဆောင်ရွက်နေသော ဈေးကွက်ရှာဖွေ ထူထောင်ရေး ကုမ္ပဏီတို့တွင် အသုံးပြုသော ကိရိယာအချို့ကို အသုံးပြုနေသည်။

အင်ထရော ပရိုနီရဲလ် ဈေးကွက်ရှာဖွေထူထောင်ရေး

(Intrepreneurial Marketing)

ကုမ္ပဏီကြီးများ နှင့် ရင့်ကျက်လာသော ကုမ္ပဏီတို့သည် စနစ်တကျ ပုံစံချဈေးကွက် ရှာဖွေ ထူထောင်မှု တွင် နစ်မြုပ်နေတတ်သည်။ ဈေးကွက် သုတေသနအစီရင်ခံစာတို့ကို စစ်ဆေး ထားသော နောက်ဆုံးပေါ် နီဆင် Nielsen ကိန်းဂဏန်းတို့ကို ရှုမြင်သုံးသပ်သည်။ ကိုယ်စား လှယ်တို့နှင့် ဆက်ဆံရေးစနစ်ကို အသံညှိပေးသည်။ ကြော်ငြာအမှာ စကား message တို့ကို ပြင်သည်။ သို့သော် ဤကုမ္ပဏီတို့သည် စထူထောင်ကာစ လိုမဟုတ်ဘဲ ဈေးကွက်ရှာဖွေ ထူထောင်မှု ၌ တီထွင်ကြံဆမှု ခွန်အား ဆုံးရှုံးနေတတ်သည်။ စိတ်အားထက်သန်မှု လျော့ပါး နေတတ်သည်။ ဤကုမ္ပဏီတို့သည် စထူထောင်ကာစက အောင်မြင်သကဲ့သို့ စွန့်ဦးတီထွင် စိတ်ဓာတ်ကို ပြန်နှိုးရမည်။ တက်ကြွအောင် ပြန်ပြုလုပ်ရမည်။ သူတို့သည် အစွမ်းအစရှိမှု နှင့် Intrepreneurship တို့ကို ဒေသအဆင့်၌ အားပေးရန်လိုသည်။ သူတို့၏ အမှတ်တံဆိပ်နှင့် ကုန်စည် မန်နေဂျာတို့သည် ရုံးတွင်းအောင်းနေရာမှ အပြင်ထွက်ရမည်။ ဖောက်သည်တို့နှင့် အတူ နေရမည်။ သူတို့ဖောက်သည်တို့၏ ဘဝတွင် တန်ဖိုးဖြည့်ပေးနိုင်ရန် တီထွင်ဆန်းသစ်သော နည်းလမ်းတို့ကို စိတ်ကူးရှာဖွေရပေမည်။

လိုရင်းအခြေခံသဘောမှာ ထိရောက်သော ဈေးကွက်ရှာဖွေ ထူထောင်မှု သည် ပုံစံအမျိုးမျိုး ရှိနိုင်သည်ဆိုသော အချက်ဖြစ်သည်။ စနစ်တကျ ပုံစံချ ဈေးကွက်ရှာဖွေ ထူထောင်ခြင်း အပိုင်းနှင့် ယင်း၏ တီထွင်ကြံဆသော အပိုင်းတို့ကြားတွင် အမြဲတမ်းလိုလို တင်းမာမှု များ ရှိပါသည်။ စနစ်တကျ ပုံစံချ ဈေးကွက်ရှာဖွေ ထူထောင်ခြင်းကို လေ့လာရန်သည် လွယ်ကူပါသည်။ ဤစာအုပ်ထဲတွင် ဤအကြောင်းအများ ဆုံး ရှင်းပြထားသည်။ သို့ သော် တကယ့် ဈေးကွက်ရှာဖွေ ထူထောင်ခြင်းဆိုင်ရာ တီထွင်ကြံဆမှု နှင့် ဆန္ဒပြင်းပြမှု တို့က ကုမ္ပဏီအများ အပြားတွင် သေးသည် ဖြစ်စေ၊ ကြီးသည်ဖြစ်စေ၊ အသစ်ဖြစ်စေ၊ အဟောင်းနှင့် ရင့်ကျက်သည်ဖြစ်စေ၊ ဈေးကွက် နေရာတွင် အောင်မြင်မှု ကို ထူထောင်ပြီး ထိန်းသိမ်းထားနိုင်ရန် အလို့ငှာ မည်သို့ အလုပ်လုပ်ကြကြောင်းကို တွေ့ရှိပါလိမ့်မည်။

ဈေးကွက်ရှာဖွေ ဖော်ထုတ်ခြင်း စီမံခန့်ခွဲမှု ဆိုင်ရာ ဒဿနများ

(Marketing Management Philosophies)

ဈေးကွက်ရှာဖွေ ဖော်ထုတ်ခြင်းဆိုင်ရာ စီမံခန့်ခွဲမှု သည် ပစ်မှတ်ထားသော ဈေးကွက် တို့နှင့် လိုချင်သော ဖလှယ်မှု ဖြစ်မြောက်စေရန် လုပ်ငန်းတို့ကို ဆောင်ရွက်ခြင်းမည်၏ ဟု ဖော်ပြထားခဲ့သည်။ ဤဈေးကွက်ရှာဖွေ ဖော်ထုတ်သော ကြိုးပမ်းမှု တို့တွင် မည်သည့် ဒဿန က လမ်းညွှန်သင့်ပါသနည်း။ အဖွဲ့အစည်းများ ၊ ဖောက်သည်များ နှင့် လူ့အဖွဲ့အစည်းတို့၏ အကျိုးစီးပွားတို့နှင့် စပ်လျဉ်း၍ တစ်ခုစီအပေါ်မည်မျှ အလေးချိန်များ ချထားမည် နည်း။ ဤအကျိုး စီးပွားတို့သည် ရံဖန်ရံခါ၌ ဝိရောဓိ ဖြစ်ကြကုန်သည်။

အခြေခံ ယူဆချက်ကြီး ၅ခု ရှိလေရာ အဖွဲ့အစည်းတို့သည် ဈေးကွက် ရှာဖွေ ဖော်ထုတ်ရေး ဆောင်ရွက်လှုပ်ရှားမှု တို့ကို ဤအခြေခံယူဆချက်တို့နှင့် အညီ ဆောင်ရွက်ကြကုန်သည်။ ဤအခြေခံယူဆချက်ကြီး ၅ ပါးမှာ ထုတ်လုပ်မှု ကုန်စည်၊ ရောင်းချခြင်း၊ ဈေးကွက်ရှာဖွေ ထူထောင်ခြင်းနှင့် လူအဖွဲ့အစည်းပိုင်းဈေးကွက် ရှာဖွေ ဖော်ထုတ်ခြင်း societal marketing ယူဆချက် တို့ဖြစ်ပါသည်။

ထုတ်လုပ်မှု ယူဆချက် ( Production Concept)

ထုတ်လုပ်မှု ယူဆချက် က ဤသို့ လက်ခံယူဆထားသည်။ စားသုံးသူတို့ မည်သည် ရနိုင်သော ကုန်စည်နှင့် မိမိတို့ ဝယ်ရန် တတ်နိုင်သော ကုန်စည်တို့ကို ပို၍ နှစ်ခြိုက်လိုလားသည် ဟူ၍ ဖြစ်ပေသည်။ ထို့ကြောင့် စီမံခန့်ခွဲမှု အပိုင်းသည် ထုတ်လုပ်မှု နှင့် ဖြန့်ဖြူးရေးအပိုင်း စွမ်းရည် ထက်မြက်မှု ကို Focus လုပ်ရာသည်။ ဤယူဆချက်သည် ဈေးရောင်းသူတို့အား လမ်းညွှန်ခဲ့သော အဟောင်းဆုံး ဒဿနများ အနက်တွင် တစ်ခုအပါအဝင်ဖြစ်သည်။

ထုတ်လုပ်မှု ယူဆချက်သည် အခြေအနေ အမျိုးအစားနှစ်ရပ်၌ အသုံးဝင်နေသေးသော ဒဿနဖြစ်လျှက်ရှိပင်ရှိနေသေးသည်။ ပထမအမျိုးအစား အခြေအနေမှာ ကုန်စည်တစ်ခုအတွက် ဝယ်လိုအားသည် ရောင်းလိုအားထက် ပိုများ နေသော အခြေအနေဖြစ်သည်။ ဤအခြေအနေတွင် စီမံခန့်ခွဲမှု သည် ထုတ်လုပ်မှု တိုးပွားရာ နည်းလမ်းတို့ကို ဂရုစိုက်ရှာဖွေရမည်။ ဒုတိယ အမျိုးအစား အခြေအနေမှာ ကုန်စည်၏ စရိတ်သည် အလွန်မြင့်မား နေရာ ဤစရိတ်လျော့ချ ရန်အတွက် ထုတ်လုပ်မှု အစွမ်းသတ္တိတို့ တိုးတက်ကောင်းမွန်ရန် လိုအပ်သော အခြေအနေဖြစ်သည်။ ဥပမာ - ဟင်နရီဖို့(ဒ်)၏ ဒဿနတစ်ခုလုံးသည် Model T တီထွင် ထုတ်လုပ်မှု ကို တိုးတက်ကောင်းမွန်စေ ခြင်းအားဖြင့် စရိတ်လျှော့ချနိုင်ကာ လူအတော်များများ ဝယ်စီးနိုင်စေရာသည်ဟု ဆိုသည်။ “ သူက မည်သည့်ကား အရောင်ကို ဖြစ်ဖြစ်၊ အနက်ရောင်သာဖြစ်မည်ဆိုလျှင် လူအများ အတွက် ထုတ်လုပ်ပေးနိုင်ပါသည် ” ဟု ပြက်လုံးထုတ်လေ့ရှိသည်။ (ဤနေရာ၌ အနက်ရောင်ဆိုသည်မှာ အမြတ်ပေါ်ခြင်းကို ဆိုလိုဟန်ရှိသည်)

Texas Instruments (တီဆိုင်) သည် နှစ်ပေါင်းများ စွာ “ ဈေးနှုန်း သက်သာစေရန် စရိတ်လျှော့ပြီး ပိုမိုထုတ်လုပ်ရေး ” ဆိုသော ဒဿနကိုလက်ခံ ကျင့်သုံးခဲ့သည်။ ဤချဉ်းကပ်မှု ကို ကျင့်သုံးပြီး ဆောင်ရွက်ခဲ့သောကြောင့် တီအိုင်သည် လက်လှည့် ကွန်ပျူတာ ဈေးကွက်ဝေစု အများ စုကို ရရှိခဲ့သည်။ သို့ ရာတွင် တစ်ခုသတိထားရန်မှာ ထုတ်လုပ်မှု ဒဿနကို ကျင့်သုံးဆောင်ရွက်ကြသော ကုမ္ပဏီတို့သည် သူတို့လုပ်ငန်းလောက်ကိုသာ ကျဉ်းကျဉ်း မြောင်းမြောင်း အာရုံထား Focus လုပ်တတ်သော အန္တရာယ်နှင့် ကြုံတွေ့တတ်သည်။ ဥပမာ - တီအိုင်သည် ဒစ်ဂျစ်တယ် နာရ်ီဈေးကွက်တွင် ဤမဟာဗျူဟာကို ကျင့်သုံးသောအခါ အရေးနိမ့်သွားခဲ့သည်။ နာရီဈေးနှုန်း တို့က နိမ့်နေသော်လည်း ဖောက်သည်တို့အဖို့ ဤဈေးနှုန်းသည်ပင် ဆွဲဆောင်မှု မရှိပေ။ ဈေးနှုန်းကို လျော့ချရန်ကြိုးပမ်းမှု တွင် တီအိုင်သည် ဖောက်သည်တို့လိုချင်သော အခြားအချက်ကိုထည့်မတွက်မိခဲ့ပေ။ ယင်းမှာ ဝယ်ရန်တတ်နိုင်သော၊ ဆွဲဆောင်မှု ရှိသော ဒစ်ဂျစ်တယ်နာရီတို့ ဖြစ်ပေသည်။

ကုန်စည်ယူဆချက် (Product Concept)

ဈေးရောင်းသူတို့အား လမ်းညွှန်နေသော အခြားယူဆချက်တစ်ရပ်မှာ ကုန်စည်ယူဆချက် ဖြစ်၍ စားသုံးသူတို့သည် အရည်အသွေးအကောင်းဆုံး၊ ဆောက်ရွက်မှု အကောင်းဆုံးနှင့် အခြား တီထွင်ဆန်းသစ်သော အသွင်အပြင်တို့ကို ပို၍ လိုလား နှစ်ခြိုက်သည်ဆိုသော ယူဆချက် ဖြစ်သည်။ သို့ ဖြစ်ရာ အဖွဲ့အစည်းတို့သည် စဉ်ဆက်မပြတ် ကုန်စည် တိုးတက်ကောင်းမွန်ရေး အတွက် ကြိုးပမ်းအားထုတ်နေရပေမည်။ အချို့သော ထုတ်လုပ်သူတို့က ကြွက်ထောက်ချောက် ကောင်းသာ တည်ဆောက်နိုင်ပါစေ၊ ကမ္ဘာကြီးက ဤထောင်ချောက်ရှိရာလမ်းကို ဖောက်ပေးပါ လိမ့်မည်ဟု ယုံကြည်ကြသည်။ သို့ ရာတွင် သူတို့သည် အလွန်ကြမ်းတမ်းစွာ shock ရိုက်ခံလိုက် ကြရသည်။ ဝယ်ခြမ်းသူတို့က ကြွက်ပြဿနာနှင့် ပတ်သက်၍ ပိုမိုကောင်းမွန်သော အဖြေတို့ကို မျှော်လင့် ရှာဖွေကောင်း ရှာဖွေပါလိမ့်မည်။ သို့ ရာတွင် ထောင်ချောက်ကောင်းကောင်းကို လိုချင်မှလိုချင်ပါလိမ့်မည်။ အဖြေတို့သည် ထောက်ချောက်ထက် ဓာတုဗေဒဖျဉ်းဆေးနှင့် အခြား ကြွက်နှိမ်နှင်းရေးနည်း တို့ဖြစ်ကောင်းဖြစ်ပါလိမ့်မည်။ ထို့အပြင် ထောင်ချောက်ဒီဇိုင်းမကောင်းဘဲ၊ ထုပ်ပိုးမှု စနစ်မကျဘဲ၊ စွဲမက်စရာ ဈေးနှုန်းမဟုတ်ဘဲနှင့်လည်း ထောင်ချောက်ကောင်း ရောင်းချင်မှ ရောင်းလို့ရနိုင်မည်။ အဆင်ပြေသော ဖြန့်ချိရေးလမ်းကြောင်းကောင်း၊ နေရာကောင်း၊ မရှိဘဲနှင့် လည်းရောင်းလို့ရမည်မဟုတ်။ ထောင်ချောက်လိုချင်သူတို့ သိအောင် မလုပ်နိုင်ဘဲ၊ ဝယ်ယူသူ တို့အား ပစ္စည်းသည်အမျိုးကောင်း ဖြစ်ကြောင်း သဘောပေါက်အောင် မပြုလုပ်နိုင်ဘဲနှင့်လည်း ရောင်းလို့ရနိုင်မည်မဟုတ်။

ကုန်စည်ယူဆချက်သည် ဈေးကွက်ရှာဖွေထူထောင်မှု ၌ အမြင်ကျဉ်းမှု ဆီသို့ လည်း ရှေ့ရှုသွားနိုင်သည်။ ဥပမာ - မီးရထားဌာန စီမံခန့်ခွဲမှု သည် တစ်ခါက ဤသို့ ယူဆဖူးသည်။ ရထားသုံးစွဲသူတို့သည် သယ်ယူပို့ဆောင်ရေး transportation ထက် ရထား trains တို့ကို လိုချင်သည်ဟု ဆိုသည်။ ဤယူဆချက်ကို အသေစွဲကိုင်မိထားသဖြင့် သူတို့သည် လေကြောင်းလိုင်း၊ ဘတ်စ်ကား၊ ထရပ်ကားနှင့် မော်တော်ကားတို့၏ ကြီးထွားလာသော စိန်ခေါ်မှု တို့ကို မျက်စိလျှံသွားခဲ့သည်။ များ စွာ သော ကောလိပ်တို့သည် အထက်တန်းကျောင်းထွက် ပညာတတ်တို့မှာ လစ်ဘရယ် ဝိဇ္ဇာပညာရေးကိုသာ လိုချင်သည်ဟု မှန်းဆထားခဲ့ကြသည်။ သို့ ဖြင့် အသက်မွေးဝမ်းကျောင်းတို့၏ တိုး၍ လာသော စိန်ခေါ်မှု တို့ကို လစ်လျူရှုမိလိုက်ကြသည်။

ရောင်းချခြင်းယူဆချက် (Selling Concept)

များ စွာ သော အဖွဲ့အစည်းတို့သည် ရောင်းချခြင်းယူဆချက် ကို လိုက်နာကျင့်သုံးကြသည်။ ဤယူဆချက်အရ အရောင်းမြှင့်တင်ရေး လုပ်ငန်းကို အကြီးအကျယ်မပြုလုပ်ဘဲ၊ စားသုံးသူ တို့သည် အဖွဲ့အစည်း၏ ကုန်စည်တို့ကို အများ အစားမဝယ်ယူကြဟု ဆိုသည်။ ဤယူဆချက်ကို အရောင်းမထွက်သော ကုန်ပစ္စည်းတို့တွင် လိုက်နာကျင့်သုံးလေ့ရှိသည်။ ဝယ်ယူသူတို့သည် စွယ်စုံ ကျမ်း၊ အသက်အာမခံတို့ကဲ့သို့ ၊ သာမန်အားဖြင့် ဝယ်ယူရန် စဉ်းစားလေ့ မရှိသော ကုန်ပစ္စည်းတို့နှင့် ပတ်သက်လျှင် ကျင့်သုံးသည်။ ဤထုတ်လုပ်မှု တို့သည် အလားအလာကို အကဲခတ်ရာ၌ အတော်တော်ရမည်။ ကုန်စည်၏ အကျိုး အာနိသင်တို့အပေါ် အခြေပြုလျှက် ကုန်စည်တို့ကို ရောင်းချရာတွင် တော်ရမည်။

ကုမ္ပဏီအများ စုက သူတို့၌ စွမ်းပကား ပိုလျံနေလျှင် ဤအရောင်း ယူဆချက်ကို ကျင့်သုံး တတ်ကြသည်။ သူတို့သည် သူတို့ဖန်တီး ထုတ်လုပ်သော အရာတို့ကို ရောင်းချရန်သာ ရည်စူးကြသည်။ ဈေးကွက်ကလိုချင်သော အရာတို့ကို ထုတ်လုပ်ဖန်တီးရန် မရည်စူးတတ်ကြပေ။ ဤကဲ့သို့ သော ဈေးကွက်ရှာဖွေ ထူထောင်မှု သည် မြင့်မားသော အန္တရာယ်တို့နှင့် ကြုံတွေ့တတ် သည်။ ဖောက်သည်တို့နှင့် ရေရှည်အကျိုးအမြတ်ရှိသော ဆက်ဆံရေးကို ထူထောင်ရန်ထက် အရောင်းဖြစ်ဖို့ရန်ကိုသာ ဖိုးကပ်စ် လုပ်သည်။ ဖိအားပေး သွေးဆောင်ပြီး ဝယ်ခြမ်းရသော ဖောက်သည်သည် ကုန်စည်ကို နှစ်ခြိုက်လိမ့်မည်ဟု မှန်းဆသည်။ သို့ တည်းမဟုတ် မနှစ်ခြိုက်လျှင် သူတို့၏ စိတ်ပျက်မှု ကို မေ့ဖျောက်ပစ်လိမ့်မည်ဟု မှန်းဆသည်။ သူတို့နောက် တစ်ကြိမ်ဝယ်လိမ့်ဦးမည်။ ဤမှန်းဆချက်တို့ကား ဝယ်ယူသူနှင့် ပတ်သက်ပြီး မွဲချာလှသော မှန်းဆ ချက်တို့သာ ဖြစ်သည်။ ဆာဗေးအများ စုအရ မကျေနပ်သည့် ဖောက်သည်တို့သည် နောက်မဝယ် တော့ပေ။ ပို၍ ဆိုးဝါးသည်မှာ ကျေနပ်မှု ရသည့်ဖောက်သည် တစ်ဦးသည် ဤကောင်းသော အကြောင်းကို အခြားသုံးဦးအား ပြန်ပြောလေ့ရှိပြီး ကျေနပ်မှု မရသည့် ဖောက်သည်တစ်ဦးသည် ဤမကောင်းသော အကြောင်းကို အခြားဆယ်ဦးအား လိုက်လံပြောပြတတ်ကြောင်းကို လေ့လာမှု အများ စုက တွေ့ရှိထားသည်။

ဈေးကွက်ရှာဖွေထူထောင်ခြင်းယူဆချက်

(The Marketing Concept)

ဈေးကွက်ရှာဖွေ ထူထောင်ခြင်းယူဆချက် က အဖွဲ့အစည်း၏ ပန်းတိုင်တို့ကို အောင်မြင်ထ မြောက်စေရေးသည် ပစ်မှတ်ဈေးကွက်၏ လိုအပ်ချက်နှင့် လိုအင်ဆန္ဒတို့ကို အကဲဖြတ်သည့်အပေါ် ၌ လည်းကောင်း၊ ပြိုင်ဘက်တို့ ပေးစွမ်းသည်ထက် မိမိက ကျေနပ်မှု ကို ပိုပြီး ထိထိရောက်ရောက် အစွမ်းထက်ထက် ပေးစွမ်းနိုင်သည့်အပေါ်၌ လည်းကောင်း၊ မှီတည်နေသည်ဟု ယူဆသည်။ “ သင့်အတွက် ကျွန်တော်တို့ ဖြစ်အောင်ပြုလုပ်ထားပါသည်။ ” (မာရီယော့)ဟူ၍ လည်းကောင်း၊ “ ပျံသန်းရန်နှင့် အကျိုးဆောင်ရန် ” (ဗြိတိသျှအဲယားဝေး) ဟူ၍ လည်းကောင်း၊ “ သင်ကျေနပ် မှု မရမချင်း ကျွန်တော်တို့လည်း မကျေနပ်နိုင် ” (ဂျီအီး) ဟူ၍ လည်းကောင်း၊ “ သင်တို့ မျှော်လင့် တာထက် ပိုပါရစေ ” (စီလီဘရိတီး ကရုဇ်လိုင်း) ဟူ၍ လည်ကောင်း၊ ဈေးကွက်ရှာဖွေ ဖော်ထုတ် ရေး ယူဆချက်ကို အရောင်စုံစုံဖြင့် ဖော်ပြကြသည်။

ရောင်းချခြင်း ယူဆချက်နှင့် ဈေးကွက်ရှာဖွေ ဖော်ထုတ်ခြင်း ယူဆချက်တို့ကို တစ်ခါတစ်ရံ ရောထွေးနားလည်တတ်ကြသည်။ ပုံကားချပ် (၁.၄)သည် ယူဆချက်နှစ်မျိုးကို နှိုင်းယှဉ်ပြထား သည်။

ရောင်းချခြင်းယူဆချက်သည် အတွင်းမှအပြင်ရှုထောင့် inside-out perspective ကိုသုံးသည်။ ဤရှုထောင့်၌ စက်ရုံမှ စထားသည်။ ကုမ္ပဏီ၏ လက်ရှိကုန်စည်တို့အပေါ် ဖိုးကပ်(စ်) လုပ်ပြီး အများ အပြား ရောင်းခြင်းနှင့် အရောင်းမြှင့်တင်ရေးတို့ကို နှိုးဆော်သည်။ ဤနည်းဖြင့် အမြတ်ထွက်သော အရောင်းပမာဏကို ရရှိစေရန်ဖြစ်သည်။ ဤယူဆချက်သည် ဖောက်သည် သိမ်းပိုက်အောင်နိုင်မှု အပေါ် အဓိက ဖိုးကပ်(စ်) လုပ်ထားသည်။ မည်သူဝယ်သည်။ အဘယ် ကြောင့် ဝယ်သည်ကို ဂရုမထားဘဲ ရေတို အရောင်းရတွင် ကျယ်အောင်ကိုသာ အာရုံထားခြင်း ဖြစ်သည်။

ဆန့်ကျင်ဘက်၌ ဈေးကွက်ရှာဖွေ ဖော်ထုတ်ခြင်း ယူဆချက်သည် အပြင်မှအတွင်းသို့ ရှုထောင့် outside-in perspective ကို သုံးသည်။ south-west အဲယားလိုင်းစီအီးအို ဖြစ်သူ Herb Kelleher ပြောသလို ပြောရလျှင် “ ကျွန်တော်တို့ဆီမှာ ဈေးကွက်ရှာဖွေဖော်ထုတ်ရေးဌာန မရှိပါဘူး။ ဖောက်သည်ဌာနသာရှိပါသည် ” ဟုပြောရမည်။ ဈေးကွက်ရှာဖွေဖော်ထုတ်ရေး ယူဆချက်သည် အဓိပ္ပါယ်ကောင်းကောင်း ဖော်ထားသော ဈေးကွက်မှ စသည်။ ဖောက်သည်၏ လိုအပ်ချက်တို့ကို ဖိုးကပ်(စ်) လုပ်သည်။ ဖောက်သည်ကို အကောင်းအဆိုးဖြစ်စေသည့် ဈေးကွက် ရှာဖွေ ဖော်ထုတ်ရေး လှုပ်ရှားမှု အားလုံးကို ညှိနှိုင်းသည်။ ဖောက်သည် တန်ဖိုးနှင့် ဖောက်သည် ကျေနပ်မှု တို့အပေါ် အခြေခံထားသော ရေရှည်ဖောက်သည်ဆက်ဆံရေးကို ဖန်တီးခြင်းအားဖြင့် အမြတ်ရှာသည်။ သို့ အားဖြင့်ဈေးကွက် ရှာဖွေ ထူထောင်ခြင်း ယူဆချက် အောက်တွင် ဖောက်သည် ဖိုးကပ်(စ်)နှင့် တန်ဖိုးတို့သည် အရောင်းနှင့် အမြတ် များ ရှိရာသို့ သွားရာလမ်းများ ဖြစ်ကြကုန်သည်။ ဖို့ဒ်ကုမ္ပဏီ၏ အမှု ဆောင် အရာရှိတစ်ဦးပြောသလို ပြောရလျှင် “ ကျွန်တော်တို့ သာ ဖောက်သည်၏ အမောင်းမခံသူများ ဖြစ်ကြလျှင် ကျွန်တော်တို့ကားတွေလည်း မောင်းလို့ရမည် မဟုတ်ပါ ” ဟု ပြောရမည်။

အောင်မြင်သော ကုမ္ပဏီနှင့် နာမည်ကြီး ကုမ္ပဏီအတော်များများ တို့သည် ဈေးကွက်ရှာဖွေ ဖော်ထုတ်ရေး ယူဆချက်ကို လိုက်နာကျင့်သုံးကြသည်။ ပရိုတာ အင် ဂဲမ်ဘဲလ်၊ ဒစ္စနေး၊ ဝေါလ်မတ်၊ မာရီရော့၊ Nordstrom Dell ကွန်ပျူတာနှင့် ဆောက်ဝက်(စ်) အဲယားလိုင်းတို့သည် ဤ ယူဆချက်ကို မမှိတ်မသုန် လိုက်နာကြကုန်သည်။ ရည်ရွယ်ချက်ပန်းတိုင်သည် ဖောက်သည်၏ ကျေနပ်မှု ကို ကုမ္ပဏီ၏ အခြေခံအဆောက်အအုံထဲ၌ တည်ဆောက်ထားရန် ဖြစ်ပေသည်။ L . L Bean က အပြည့်အစုံ ကျေနပ်မှု ဟု သုံးနှုန်း သည်။ သူ၏ အဆိုတော် စကားအရ မကျေနပ်သော ဖောက်သည်ဆို၍ မရှိစေရန် ရည်ရွယ်ရသည်။ ဖောက်သည်သည် သူ၏ လိုအင်ဆန္ဒ တို့ကို သယ်ပိုးလာသူဖြစ်လေရာ ကျွန်တော်တို့၏ အလုပ်သည် ဤလိုအင်ဆန္ဒတို့ကို နှစ်ဦးနှစ်ဘက် အကျိုးအမြတ် ရှိအောင် ကိုင်တွယ်ဖြေရှင်းပေး ရေးဖြစ်သည်ဟု မစ္စတာဘင်းက ဆိုခဲ့သည်။

များ စွာ သော ကုမ္ပဏီတို့ကမူ ပါးစပ်ကသာ ဈေးကွက်ရှာဖွေ ဖော်ထုတ်ရေး ယူဆချက်ကို လက်ခံသော်လည်း လက်တွေ့၌ လက်မခံပေ။ သူတို့၌ ဈေးကွက် ရှာဖွေဖော်ထုတ်ရေး ဒုတိယ ဥက္ကဌ၊ ကုန်စည်မန်နေဂျာ၊ ဈေးကွက် ရှာဖွေ ဖော်ထုတ်ရေး စီမံကိန်း၊ ဈေးကွက်ရှာဖွေ ဖော်ထုတ်ရေး သုတေသန စသည်ဖြင့် ပုံသဏ္ဌာန်အားဖြင့်သာ ဈေးကွက်ရှာဖွေထူထောင်ရေး ရှိသော်လည်း ဤကုမ္ပဏီတို့အား ဈေးကွက် ဖိုးကပ်(စ်) ပြု ဖော်သည်ဟောင်း ကုမ္ပဏီများ အဖြစ် မယူဆနိုင်ပေ။ ပေါ်လာသောမေးခွန်းမှာ သူတို့သည် ပြောင်းလဲနေသော ဖောက်သည်လိုအပ်ချက် တို့နှင့်၊ ပြိုင်ဘက်မဟာဗျူဟာတို့နှင့် သေသပ်ကောင်းမွန်စွာ သံစဉ်ညှိမညှိဟူ၍ ပေါ်လာသည်။ ယခင်က မဟာ ကုမ္ပဏီကြီးများ ဖြစ်ကြသော ဂျင်နရယ်မော်တာ၊ ဆီးယား၊ ဇီးနစ် Zenith တို့သည် ဈေးကွက်ဝေစု အတော်ကြီးကြီးမားမားကို ဆုံးရှုံးခဲ့ကြသည်။ အဘယ်ကြောင့် ဆိုသော် သူတို့သည် ပြောင်းလဲလာသော ဈေးကွက်အနေအထားနှင့် သူတို့၏ ဈေးကွက်ရှာဖွေထူထောင်ခြင်း မဟာဗျူဟာတို့ကို လိုက်လျောညီထွေမညှိနှိုင်း နိုင်ခြင်းကြောင့်ဖြစ်ကြသည်။

ဈေးကွက်ရှာဖွေ ထူထောင်ခြင်း ယူဆချက်ကို လက်တွေ့အကောင်အထည် ဖော်ခြင်းသည် ဖောက်သည်တို့၏ အတိအလင်း ဖော်ပြသောလိုအင်ဆန္ဒနှင့် သိသာမြင်သာရှိသော လိုအင်ဆန္ဒတို့ ကို တုံ့ပြန်ရုံသက်သက်ထက် ပိုပါသည်။ ဖောက်သည်ဟောင်းကုမ္ပဏီ တို့သည် ဖောက်သည်တို့၏ လိုအင်ဆန္ဒတို့ကို သိရှိနားလည်ရန်အလို့ငှာ လက်ရှိလက်ငင်းဖောက်သည်တို့ကို သုတေသန ပြုကြသည်။ ကုန်စည်သစ်နှင့် ဝန်ဆောင်မှု အိုင်ဒီယာတို့ကို စုဆောင်းကြသည်၊ သည့်နောက်အဆို ပြုသော ကုန်စည်တိုးတက်ကောင်းမွန်ရေးတို့ကို စမ်းသပ်ကြည့်ရှုကြသည်။ ဤသို့ သော ဖောက်သည်ဟောင်းဈေးကွက်ရှာဖွေ ထူထောင်ခြင်းသည် တိကျပြတ်သားသော လိုအပ်ချက် တစ်ရပ် တကယ်တည်ရှိသော အခါ၊ ဖောက်သည်တို့က သူတို့လိုချင်သော အရာကို သူတို့ တကယ်သိသောအခါ၌ ကောင်းမွန်စွာ အလုပ်ဖြစ်လေ့ရှိပါသည်။ သို့ ရာတွင် အခြေအနေ များ စွာ တို့၌ ဖောက်သည်တို့သည် သူတို့ ဘာလိုချင်မှန်း မသိကြပေ။ ဘယ်လို ဘာတွေ ဖြစ်နိုင်သလဲဆိုသည်တို့ကိုပင် မသိကြပေ။ ဤ အခြေအနေမျိုးသည် ဖောက်သည်ဟောင်း ဈေးကွက် ရှာဖွေထူထောင်မှု customer driving marketing ကို လိုအပ်စေသည်။ သဘောမှာ ဖောက်သည်တို့၏ လိုအပ်ချက်တို့ကို ဖောက်သည်တို့ကိုယ်တိုင် သိရှိနားလည်သည်ထက်ပို၍ ကောင်းမွန်စွာ နားလည်ခြင်းဖြစ်တော့သည်။ ယင်းမှာ လက်ရှိနှင့် နောင်အနာဂါတ်၌ ဖြစ်လတ္တံသော လိုအပ်ချက်တို့ကို ဖြည့်ဆည်းပေးမည့် ကုန်စည် နှင့် ဝန်ဆောင်မှု တို့ကို ဖန်တီးပေးရန် ဖြစ်ပေတော့သည်။

အရောင်းဗဟိုပြု ကုမ္ပဏီအဖြစ်မှ ဈေးကွက်ရှာဖွေထူထောင်ရေး ဗဟိုပြုကုမ္ပဏီအဖြစ်သို့ ကူးပြောင်းသွားနိုင်ရန် အလို့ငှာ နှစ်ပေါင်းများ စွာ ခက်ခဲသော အလုပ်တို့ကို ကြိုးပမ်းရန် လိုသည်။ ဖောက်သည်အား ကျေနပ်မှု ရရှိရေးသည် Fancy သဘော၊ ဖက်ရှင်သဘောမဟုတ်တော့ပေ။ ဈေးကွက်ရှာဖွေ ထူထောင်ရေး ဆန်းစစ်သူတစ်ဦးစကားနှင့် ပြောရလျှင် ယင်းမှာ ကော်ပိုရိတ် အမေရိကား၌ ဘဝနည်းလမ်းတစ်ရပ် ဖြစ်လာပါပြီ။ အင်ဖော်မေးရှင်း တက္ကနိုလိုဂျီ နှင့် မဟာဗျူဟာ စီမံကိန်းပြုစုမှု တို့ ကော်ပိုရိတ် ယဉ်ကျေးမှု ထဲ ကိန်းဝပ်လာသလို ဈေးကွက်ရှာဖွေ ထူထောင်မှု ယူဆချက်သည်လည်း အလားတူကိန်း ဝပ်နေပါပြီ။

လူ့အဖွဲ့အစည်းဆိုင်ရာ ဈေးကွက်ရှာဖွေထူထောင်မှု ယူဆချက်

(Societal Marketing Concept)

လူ့အဖွဲ့အစည်းဆိုင်ရာ ဈေးကွက်ရှာဖွေ ထူထောင်ခြင်း ယူဆချက် သည် ပစ်မှတ်ဈေးကွက် ၏ လိုအပ်ချက်၊ လိုအင်ဆန္ဒနှင့် အကျိုးစီးပွား တို့ကို အဖွဲ့အစည်းက စီရင်ပြဌာန်းရမည်ဟု ခံယူသည်။ ထို့နောက် စားသုံးသူနှင့် လူ့အဖွဲ့အစည်း တို့ ကောင်းစားရေးကို တိုးတက်ကောင်းမွန် စေရန်နှင့် ထိန်းသိမ်းထားနိုင်ရန် အလို့ငှာ ဖြစ်စေသော နည်းလမ်းတစ်လမ်းဖြင့် ဖောက်သည် တို့အား ပို၍ သာလွန်ကောင်းမွန်သော တန်ဖိုးကို သယ်ပိုးပေးသင့်သည်။ လူမှု အဖွဲ့အစည်းဆိုင်ရာ ဈေးကွက်ရှာဖွေထူထောင်ရေးသည် ဈေးကွက်ရှာဖွေထူထောင်ရေး ဒဿနငါးပါးအနက် အသစ် လွင်ဆုံး ဒဿနဖြစ်သည်။

သဘာဝ ပတ်ဝန်းကျင် ပြဿနာများ ၊ ရင်းမြစ်အင်အားများ ရှားပါးခြင်း၊ လူဦးရေအလျှင် အမြန်တိုးတက်မှု ၊ ကမ္ဘာနှင့် ချီရှိသော စီးပွားရေး ပြဿနာများ နှင့် လျစ်လျူရှုထား၍ ရသော လူမှု ဝန်ထမ်းလုပ်ငန်းတို့ဖြစ်ပွားနေသောခေတ်တွင် ဈေးကွက်ရှာဖွေထူထောင်ရေး စင်စစ်သန့်သန့် သည် မလုံလောက်နိုင်တဲ့ လူ့အဖွဲ့အစည်းဆိုင်ရာ ဈေးကွက်ရှာဖွေ ထူထောင်ရေး ယူဆချက်က မေးခွန်းထုတ်သည်။ ဤယူဆချက်သည် လူတစ်ဦး၏ လိုအင်ဆန္ဒတို့ကို ဖြည့်စွမ်းပေးသော၊ အကျိုးဆောင်ပေးသော၊ ခံစားသိရှိတတ်သော ကုမ္ပဏီတစ်ခုသည် ရေရှည်၌ စားသုံးသူနှင့် လူ့အဖွဲ့အစည်းတို့အား အမြဲတမ်းအားဖြင့် အကောင်းဆုံး အလုပ်အကျွေး ပြုနေပါသလောဟု မေးခွန်းထုတ်သည်။ လူ့အဖွဲ့အစည်းဆိုင်ရာ ဈေးကွက်ရှာဖွေ ထူထောင်ရေး ယူဆချက်အရ ဆိုလျှင် ဈေးကွက်ရှာဖွေ ထူထောင်ရေး ယူဆချက်စစ်စစ်သန့်သန့်သည် စားသုံးသူ၏ ရေတိုလိုအင် ဆန္ဒ နှင့် စားသုံးသူ၏ ရေရှည်ကောင်းစားရေး တို့ကြားဖြစ်နိုင်ခြေ ဝိရောဓိတို့ကို သတိမမူ ဂူမမြင် ဆိုသလို မျက်စိလျှံနေတတ်သည်။

အမြန်စား စားသောက်ဆိုင်လုပ်ငန်းကို စဉ်းစားကြည့်ကြရအောင်၊ ယနေ့ထွန်းကား နေသော ဧရာမအမြန်စား စားသောက်ဆိုင်ကြီးတို့သည် အရသာကောင်းကောင်း၊ အလွယ်တကူ အဆင်ပြေစွာ စားသုံးနိုင်သော အစားအသောက်တို့ကို သင့်တင့်သော ဈေးနှုန်းတို့ဖြင့် ရောင်းချနေကြသည်ကို တွေ့ရသည်။ သို့ ရာတွင် စားသုံးသူနှင့် သဘာဝ ပတ်ဝန်းကျင် ကာကွယ်ရေး၊ စောင့်ရှောက်ရေးသမားတို့ကမူ စိုးရိမ်ပူပန်မှု ကို ထုတ်ဖော်ပြောဆိုကြသည်။ ဝေဖန်သူတို့က ဤဆိုင်ကြီးတို့မှ ရောင်းချသော ဟမ်ဘာဂါ၊ ကြက်ကြော်၊ ပြင်သစ်အာလူးကြော်နှင့် အခြားအစားအသောက်တို့သည် အဆီနှင့် ဆားများ ကြသည်။ အစားအသောက်တို့ကို အဆင်ပြေသလို ထုပ်ပိုးထားသည်။ ထို့ကြောင့် လေလွင့်ပြုန်းတီးမှု နှင့် ပတ်ဝန်းကျင် ညစ်ညမ်းမှု တို့ကို ဖြစ်စေသည်ဟု ဝေဖန်ကြသည်။ သို့ အားဖြင့် စားသုံးသူလိုအင်ဆန္ဒတို့ကို ဖြည့်ဆည်းပေးသောအခါ အလွန်အောင်မြင်သော အမြန်စား စားသောက်ဆိုင်တို့သည် စားသုံးသူ တို့၏ ကျန်းမာရေးကိုလည်း ထိခိုက်နိုင်သည်။ ပတ်ဝန်းကျင်ညစ်ညမ်းမှု ကိုလည်း ဖြစ်ပေါ်စေ နိုင်သည်။

ဤသို့ သော စိုးရိမ်ပူပန်မှု နှင့် ဝိရောဓိတို့ကြောင့် လူ့အဖွဲ့အစည်းဆိုင်ရာ ဈေးကွက်ရှာဖွေ ထူထောင်ရေးဆိုသော ယူဆချက်ပေါ်လာရသည်။ ပုံကားချပ် (၁.၅) တွင် ပြသကဲ့သို့ လူ့အဖွဲ့အစည်းဆိုင်ရာ ဈေးကွက်ရှာဖွေ ထူထောင်မှု ယူဆချက်သည် ဈေးကွက်သမားတို့အဖို့ သူတို့၏ ဈေးကွက်ထူထောင်ရေး ပေါ်လစီ တို့ကို ချမှတ်ရာ၌ ထည့်သွင်းစဉ်းစားရန်အချက် ၃ ချက် ကိုမျှခြေကိုက်အောင် ပြုလုပ်ပေးရန် လိုအပ်လာသည်။ ဤသုံးချက်မှာ ၁။ ကုမ္ပဏီအမြတ် ၂။ စားသုံးသူ လိုအင်ဆန္ဒနှင့် ၃။ လူ့အဖွဲ့အစည်းအကျိုးစီးပွားတို့ ဟူ၍ ဖြစ်သည်။ မူလပင်ရင်းအား ဖြင့် ကုမ္ပဏီတို့သည် သူတို့၏ ဈေးကွက်ထူထောင်ရေး ပေါ်လစီတို့ကို များ သောအားဖြင့် ကုမ္ပဏီရေတို အမြတ်ရရှိရေး အပေါ်တွင် အခြေစိုက်ခဲ့ကြသည်။ နောက်ဆုံး၌ သူတို့သည် စားသုံး သူ၏ လိုအင်ဆန္ဒတို့ကို ဖြည့်ဆည်းပေးရာ၌ ရေရှည်အရေးကြီးမှု ကို အသိအမှတ်ပြုလာကြရသည်။ ဈေးကွက်ရှာဖွေထူထောင်ရေး ယူဆချက်ကိုလည်း ဖော်ပေးရသည်။ ယခုဆိုလျှင် ကုမ္ပဏီတို့သည် ဈေးကွက်ရှာဖွေထူထောင်ရေး ဆုံးဖြတ်ချက်များ ပြုလုပ်မည့်အခါတွင် လူ့အဖွဲ့အစည်း၏ အကျိုး စီးပွားကို ထည့်သွင်းစဉ်းစားလာရပေပြီ။

ချိတ်ဆက်၊ ဆက်နွယ်မှု များ သော ထောင်စုနှစ်သစ်၌ ဈေးကွက်ရှာဖွေ ထူထောင်မှု အတွက် စိန်ခေါ်မှု များ

(Marketing Challenges in the New “Connected” Millennium)

ကမ္ဘာကြီးသည် ၂၁ ရာစုနှစ်ထဲလည်ပတ်ပြီး ဝင်လာသည်နှင့် ဈေးကွက်ကဏ္ဍတို့တွင် ရုတ်ခြည်း အံ့ဩဖွယ်ရာပြောင်းလဲမှု တို့ ဖြစ်ပွားလာတော့သည်။ Hewlett - Packard မှ ရစ်ချက်လဗ်က “ အပြောင်းအလဲ၏ အရှိန်နှုန်းသည် အလွန်မြန်လှလေရကား အပြောင်းအလဲ ပြုလုပ်နိုင်သော အရည်အချင်းသည်ပင် ယှဉ်ပြိုင်မှု ၌ အခွင့်သာမှု ဖြစ်လာသည် ” ဟု မှတ်ချက် ပြုသည်။ New York Yankees မှ အကျော်အမော် Yogi Berra က အနာဂါတ်သည် “ တွေ့မြင် နေကျ မြင်နေကျမဟုတ်ပြီ ” ဟု ပြောပြသည်။ တက္ကနိုလိုဂျီဖွံ့ဖြိုးတိုးတက်မှု ၊ လျင်မြန်သော ဂလိုဘယ်လိုက်ဇေးရှင်းနှင့် ဆက်၍ ဖြစ်ပွားနေသော လူမှု ရေးနှင့် စီးပွားရေးရွေ့ပြောင်းမှု တို့သည် အားလုံးပေါင်းပြီး ဈေးကွက်နေရာ၌ လေးနက်သော အပြောင်းအလဲကြီးတို့ကို ဖြစ်ပေါ်စေသည်။ ဈေးကွက်နေရာ ပြောင်းလဲလျှင် ဈေးကွက်ကို အကျိုးဆောင်နေသော သူတို့သည်လည်း ပြောင်းလဲ ရပေမည်။

ဈေးကွက်ရှာဖွေ ထူထောင်ရေးတွင် ကြီးမားသော ဖြစ်ထွန်းမှု ကြီးတို့ အကြောင်းကို စာတစ် ကြောင်းတည်းဖြင့် အတိုချုံး ဖော်ပြနိုင်သည်။ ယင်းမှာ ချိတ်ဆက်ဆက်နွယ်မှု connectedness ဟူသတည်း။ ယခုအခါ ကျွန်တော်တို့သည် တစ်ဦးနှင့် တစ်ဦး ယခင်ထက်ပိုပြီး ချိတ်ဆက်ဆက် နွယ်မိနေကြပြီ။ ကျွန်တော်တို့ ဝန်းကျင်ကမ္ဘာကြီးထဲရှိ အနီးအဝေးမှ အရာတို့နှင့် လည်း ပိုပြီး ချိတ်ဆက်မိနေကြပြီ။ ထို့အပြင် ကျွန်တော်တို့သည် နည်းသစ်နှင့် ခြားနားသော နည်းလမ်းတို့ဖြင့် ချိတ်ဆက်မိနေကြပြန်သည်။ အမေရိကန်ပြည်ထောင်စုကို ဖြတ်ပြီး ခရီးသွားလျှင် ယခင်က ရက်သတ္တပါတ် သို့ မဟုတ် လများ ကြာမြင့်ခဲ့သည်။ ယခုကမ္ဘာပတ်လျှင် နာရီပိုင်းအတွင်း၊ ရက်ပိုင်းအတွင်း ပတ်နိုင်သည်။ ယခင်က ကမ္ဘာ့ဖြစ်ရပ်သတင်းတို့ကို သိရှိရန်ရက်ပိုင်း သို့ မဟုတ် သီတင်းပတ် လိုခဲ့သော်လည်း ယခုမူ သတင်းတို့ကို ဖြစ်ပွားရာ နေရာတို့မှနေ၍ ဂြိုလ်တု မှတစ်ဆင့် ချက်ချင်း သိရှိနိုင်ကြသည်။ ရပ်ဝေးနေပုဂ္ဂိုလ်တို့နှင့် အဆက်အသွယ်ပြုလုပ်ရာတွင် ယခင်က ရက်ပေါင်းများ စွာ ချီပြီး ကြာမြင့်ခဲ့သော်လည်း ယခုဆိုလျှင် တယ်လီဖုန်း သို့ မဟုတ် အင်တာနက်ဖြင့် တစ်ခဏအတွင်း ဆက်သွယ်နိုင်နေပြီ။

ဤအခန်း၌ အချိတ်အဆက်များ သော ထောင်စုနှစ်သစ်တွင်ဈေးကွက် ရှာဖွေထူထောင်ရေး မျက်နှာပြင်ကို ပြောင်းလဲစေသော အင်အားနှင့် တိမ်းညွတ်ချက် တို့အကြောင်းနှင့် စိန်ခေါ်နေသော ဈေးကွက်ရှာဖွေ ထူထောင်ရေး မဟာဗျူဟာတို့အကြောင်းကို ရှင်းလင်းသုံးသပ်ထားပါသည်။ ပုံကားချပ် ၁.၆ တွင် ဖော်ပြထားသကဲ့သို့ လာမည့် စာမျက်နှာတို့တွင် ဆွေးနွေးထားသည့် ချိတ်ဆက်ပေးသော တက်ကနိုလိုဂျီတို့တွင် အကြီးအကျယ်ပြောင်းလဲမှု တို့ကြောင့် ဈေးကွက် သမားတို့အား ဈေးကွက်နှင့် မည်သို့ ချိတ်ဆက် ဆက်သွယ်မည်လဲဆိုသော ပြဿနာကို ပြန်လည်၍ အသစ် အနက်အဓိပ္ပာယ်ဖော်ကြည့်ရန် လိုအပ်စေသည်။ ဖောက်သည်တို့နှင့်၊ ဈေးကွက် ပါတနာတို့နှင့်၊ ကုမ္ပဏီအတွင်းအပြင်နှင့်၊ ပတ်ဝန်းကျင်လောကတို့နှင့် ချိတ်ဆက်ရေးကိစ္စတို့ကို အသစ်ပြန်လည်စဉ်းစားသုံးသပ်ရန် လိုလားစေသည်။ ရှေးဦးပထမ ချိတ်ဆက်ပေးသော တက္ကနိုလိုဂျီတို့တွင် ဖြစ်ပေါ်သော အံ့ဖွယ်ရုတ်ခြည်း အပြောင်းအလဲ တို့အကြောင်းကို ကြည့်ရှုပါမည်။ ထို့နောက် ဤအပြောင်းအလဲတို့သည် ဈေးကွက် ထူထောင်ရေး အချိတ်အဆက် တို့ကို မည်သို့ အကျိုးသက်ရောက်စေသနည်း ဟု စစ်ဆေး သွားပါမည်။

ချိတ်ဆက်ရန်တက္ကနိုလိုဂျီများ

(Technologies for Connecting)

ချိတ်ဆက်ဆက်နွယ်မှု တို့ကို ဖြစ်ထွန်းစေသောအဓိက အင်အားစုမှာ - တက္ကနိုလိုဂျီ ဖြစ်သည်။ ကွန်ပျူတာ၊ တယ်လီဆက်သွယ်ရေး၊ အင်ဖော်မေးရှင်း၊ လမ်းပန်းဆက်သွယ်ရေးနှင့် အခြားချိတ်ဆက် တက္ကနိုလိုဂျီတို့တွင် ပေါက်ကွဲမှု ပုံသဏ္ဌာန်ဖြင့် တိုးတက်လာသောအခါ ကုမ္ပဏီတို့ က သူတို့၏ ဖောက်သည်တို့ထံ တန်ဖိုးများ ပေးဆောင်ရာ နည်းလမ်း၌ ကြီးမားသော အကျိုးသက်ရောက်မှု တစ်ပါးဖြစ်ပေါ်လာသည်။ တက္ကနိုလိုဂျီ စန်းပွင့်မှု တို့သည် စိတ်လှုပ်ရှား စရာကောင်းစွာ လေ့လာရန်နည်းသစ်တို့ကို ဖန်တီးပေးသည်။ ဖောက်သည်တို့ကို ခြေရာခံရန်၊ ကုန်စည်သစ်နှင့် ဝန်ဆောင်မှု သစ်တို့ကို ဖောက်သည်ကြိုက်ဖြစ်အောင် ဖန်တီးရန်၊ ကုန်စည် များ ပိုပြီး အစွမ်းထက်ထက်နှင့် ထိထိရောက်ရောက်ဖြန့်ချိရန်၊ ဖောက်သည်တို့နှင့် အုပ်စုကြီးကြီး ဆက်သွယ်နိုင်ရန် သို့ မဟုတ် တစ်ဦးချင်းဆက်သွယ်နိုင်ရန်၊ စိတ်လှုပ်ရှား ဖွယ်နည်းသစ်တို့ကို ဖန်တီးပေးသည်။ ဥပမာ - နယူးရောက်ဌာနချုပ်တို့တွင် ဗွီဒီယို ကွန်ဖရင့်မှတစ် ဆင့် ဈေးကွက် သုတေသနပြုသူတို့သည် လေယာဉ်ပျံဖြင့် ခရီးမသွားဘဲ ချီကာဂိုနှင့် ပါရီရှိ မိမိတွေ့ လိုသော အစုအဝေးတို့ကို တွေ့ဆုံနိုင်သည်။ မောက်(စ်)ခလုတ်ကို ကလစ်နှိပ်ရုံဖြင့် တိုက်ရိုက် ဈေးကွက်ရှာသမားသည် အွန်လိုင်းထဲချိတ်ဆက်ကာ လိုရာအချက်အလက်တို့ကို ရရှိနိုင်သည်။ ဘာကားမောင်းသလဲ၊ ဘာဖတ်သလဲ၊ ရေခဲမုန့်အနံ့အရသာ ဘာကြိုက်သလဲ၊ အဆုံး အကုန် လေ့လာနိုင်သည်။

ယနေ့အလွန်အင်အားကြီးသည့် ကွန်ပျူတာတို့ကို အသုံးပြုလျက် ဈေးကွက်သမား တို့သည် အသေးစိတ်ပါဝင်သော ဒေတာအခြေစိုက်စခန်း (အချက်အလက်အစုံ စုဆောင်းရာဌာန) တို့ကို ဖန်တီးနိုင်သည်။ ဤဒေတာအခြေစိုက်ကို အသုံးပြုလျက် တစ်စုံတစ်ရာသော လိုအပ်ချက် နှင့် ဝယ်ယူမှု ပုံသဏ္ဌာန်တို့ကို ဖြည့်ဆည်းပေးနိုင်သော အဆိုပြုကမ်းလှမ်းချက်တို့ဖြင့် ဖောက်သည်တို့ကို ပစ်မှတ်ရွေးနိုင်သည်။ ဆက်သွယ်ရေး လှိုင်းသစ် တစ်ရပ်နှင့် ကြော်ငြာကိရိယာ အသစ်တို့နှင့် အတူ (ဆဲလ်ဖုံး၊ ဖက်(စ်)၊ စီဒီရွမ်နှင့် အပြန်အလှန် တုံ့ပြန်နိုင်သော တီဗွီ၊ လေယာဉ် ကွင်းနှင့် ကုန်တိုက်ကြီးတို့ရှိ ဗွီဒီယို အခွေတို့ ပါဝင်သည်) ၊ ဈေးကွက်သမားတို့သည် အသေအချာ ရွေးချယ်ထားသော Message အမှာ စကားတို့ဖြင့် ရွေးချယ်ထားသော ဖောက်သည်တို့ကို ပစ်မှတ် ချိန်ရွယ်နိုင်ပေသည်။ အီလက်ထရွန်းနစ်ကုန်သွယ်ရေး (အီး - ကော်မတ်(စ်)) မှတစ်ဆင့် ဖောက်သည်တို့ကလည်း အိမ်မှမခွာဘဲ ပစ္စည်းကို လိုရာဒီဇိုင်း ပြုလုပ်နိုင်သည်။ ကုန်ပစ္စည်းမှာ ယူနိုင်သည်။ ကုန်စည်နှင့် ဝန်ဆောင်မှု တို့အတွက် ငွေပေးချေနိုင်သည် ။ ထို့နောက် အံ့သြဖွယ်ရာ အမြန်ကုန်ပို့ စနစ်ဖြစ် သူတို့ဝယ်ခြမ်းသော ပစ္စည်တို့ကို ၂၄ နာရီအတွင်း ရရှိနိုင်ကြကုန်သည်။

တကယ်ဖြစ်ဘိသကဲ့သို့ သော မြင်ကွင်း virtual reality displays မှ တကယ်ရှိ ဘိစနက် အွန်လိုင်းတို့အထိ ဖြစ်ပွားသောကွန်ပျူတာ၊ အင်ဖော်မေးရှင်း ၊ တယ်လီဆက်သွယ်ရေးနှင့် လမ်းပန်းဆက်သွယ်ရေး ၊ တက္ကနိုလိုဂျီစန်းပွင့်မူတို့သည် ဈေးကွက်ရှာဖွေထူထောင်ရေး၏ အသွင် လက္ခဏာတိုင်းကို ထိခိုက်နေပေပြီ။ ကိုယ်ရေးအရောင်းမျက်နှာစာကိုပင်ကြည့်ပါ။ အလွန်သွက် လက်စွာ ပြောင်းလဲနေပါပြီ။ ကုမ္ပဏီအများ အပြားတို့သည် မိမိတို့၏ အရောင်းဝန်ထမ်းတို့အား အလို အလျောက်စက်ကိရိယာများ ပေးထားကာ တင်ပြမှု ကို မီဒီယာပေါင်းစုံဖြင့် တင်ဆက်နိုင်စေသည်။ ဖောက်သည်ကြိုက် အဆိုပြုချက် နှင့် ကန်ထရိုက်တို့ကို ရှင်းပြစေသည်။ ယခုအခါ ဝယ်ယူသူတို့သည် ရုံးခန်းတွင်းအစား ကွန်ပျူတာ ဖန်သားပြင်၌ အရောင်းဝန်ထမ်းတို့အား တွေ့ချင်ကြသည်။ ဗွီဒီယိုကွန်ဖရင့်တို့မှ တစ်ဆင့် သို့ တည်းမဟုတ် အင်တာနက် တင်ဆက်မှု မှ တစ်ဆင့် ဝယ်သူနှင့် ရောင်းသူတို့သည် ခရီးဘယ်လောက်ဝေးဝေး တွေ့ဆုံနိုင်ကြပြီ။ အပြန်အလှန် တုံ့ပြန်နိုင်ကြပြီ။ အချိန်၊ စရိတ်နှင့် ခရီး ကြန့်ကြာမှု တို့မရှိဘဲ တုံ့ပြန်နိုင်ကြပြီ။

အင်တာနက် (Internet)

ချိတ်ဆက်နေသော ခေတ်ကိုမောင်းနှင်နေသော တက်ကနိုလိုဂျီ တို့အထဲတွင် သည်းထိတ် ရင်ဖိုစရာ အကောင်းဆုံး တက်ကနိုလိုဂျီ အသစ်မှာ အင်တာနက် ပင်ဖြစ်ပါလိမ့်မည်။ အင်တာနက် သည် ဗဟိုမှ စီမံခန့်ခွဲမှု သို့ မဟုတ် ပိုင်ဆိုင်မှု မရှိသော ကွန်ပျူတာ ကွန်ရက်တို့၏ ဖွင့်ကားလာ၍ အလွန်ကျယ် ပြန့်လာသော Web ဖြစ်သည်။ အင်တာနက်ကို ၁၉၆ဝ ပြည့်နှစ်များ အတွင်း လောက်က အမေရိကန်ကာကွယ်ရေး ဝန်ကြီးဌာနက တီထွင်ခဲ့သည်။ ရှေးဦး ပထမအစိုးရဌာန ဓာတ်ခွဲခန်းချင်း၊ ကန်ထရိုက်တာချင်း၊ စစ်ဘက်ဆိုင်ရာအဖွဲ့အစည်းချင်း ချိတ်ဆက်ပေးရန် ဖြစ်ခဲ့ သော်လည်း၊ ယနေ့တွင်မူ ကမ္ဘာတစ်ဝှမ်းရှိ ကွန်ပျူတာ သုံးစွဲသူအမျိုးအစားအားလုံးကို ချိတ်ဆက် ပေးနေပြီ၊ ပီစီ တစ်လုံး၊ မိုဒမ်တစ်လုံးနှင့် မှန်ကန်သော Software ရှိသူ မည်သူမဆိုသည် သို့ တည်း မဟုတ် Settop “ Web box ” ပါသည့် တီဗွီရှိသူမည်သူမဆိုသည် မည်သည့် အကြောင်းအရာပေါ် ၌ မဆို အခြားအသုံးပြုသူတို့နှင့် အင်တာနက်ဖွင့်၍ ဆက်သွယ်နိုင်ပြီ။

စီးပွားရေးလုပ်ငန်းလုပ်ရန် Model အသစ်နောက်မှ တက်ကနိုလိုဂျီအဖြစ် အင်တာနက်ကို ချီးမွမ်းကြသည်။ အင်တာနက်သည် မည်သည့်အချိန်၌ မဆို မည်သည့်နေရာသို့ မဆို သတင်း အင်ဖော်မေးရှင်း ဖြေဖျော်မှု နှင့် ဆက်သွယ်မှု တို့ကို ချိတ်ဆက်ယူနိုင်သည်။ ကုမ္ပဏီတို့သည် ဖောက်သည်နှင့် ဈေးကွက်ပါတနာတို့နှင့် ရင်းရင်းနှီးနှီး ဆက်သွယ်နိုင်ရန် အလို့ငှာ လည်းကောင်း၊ သူတို့၏ ကုန်စည်တို့ကို ပိုပြီး ထိထိရောက်ရောက် ထက်ထက်မြက်မြက် ရောင်းချဖြန့်ဖြူးနိုင်ရန် အလို့ငှာ လည်းကောင်း၊ အင်တာနက်တို့ကို အသုံးပြုလျှက်ရှိကြသည်။ ကုမ္ပဏီတို့သည် “ ပက်ကျိ စာပို့လုပ်ငန်း ” (Snail Mail) နှင့် တယ်လီဖုန်းတို့ကို အင်တာနက် သို့ ပုံစံပြောင်းပစ်နေကြသည်။ ဤနည်းဖြင့် ဖောက်သည်တို့နှင့် ချိတ်ဆက်မှု ပြုကြကာ ကုမ္ပဏီအတွင်း အချင်းချင်း၌ လည်း ချိတ်ဆက် Intranet မှု ပြုကြသည်။ မဟာဗျူဟာမြောက်ဈေးကွက်ပါတနာများ နှင့် ကိုယ်စားလှယ်၊ ဆပ္ပလိုင်ယာတို့နှင့် လည်းချိတ်ဆက် extranet ပြုကြကုန်သည်။ အစဉ်အလာသမားရိုးကျ ဈေးကွက်နေရာတို့၌ ပြိုင်ဆိုင်ခြင်းကိုလွန်၍ သူတို့သည် စိတ်လှုပ်ရှားဖွယ်ရာ ဈေးကွက်နေရာ အသစ်တို့ထံသို့ လည်း အချိတ်အဆက်ပေါက်နေကြပါပြီ။

၁၉၉ဝ ပြည့်နှစ်၊ စောစောပိုင်းကာလများ ၌ အသုံးပြုသူတို့နှင့် မိတ်ဆွေဖြစ်သည့် world wide web စနစ်ဖွံ့ဖြိုးတိုးတက်လာမှု ကြောင့် အင်တာနက်အသုံးပြုမှု သည် ထောင်တက်ခဲ့ပေ သည်။ ၁၉၉၄ ခုနှစ်၌ ယူအက်(စ်) အင်တာနက်သုံးသူ အိမ်ထောင်စုဦးရေသည် ၆ သန်းရှိရာမှ ယနေ့သန်း ၄ဝ ရှိနေပြီ။ သက္ကရာဇ် ၂ဝဝ၃ ခုနှစ်၌ သန်း ၆ဝ ရှိလိမ့်မည်ဟု ခန့်မှန်းထားသည်။ စိစစ် သုံးသပ်သူတစ်ဦးအဆိုအရ အင်တာနက်သည် ဝါသနာပါသူတို့အတွက် ကစားကွင်းဖြစ်ခဲ့ရာမှ ယခုဆိုလျှင် ကျယ်ပြန့်လှသော ဆက်သွယ်ရေးနှင့် ကုန်သွယ်ရေးဗဟိုဌာနကြီး ဖြစ်နေပြီ။ “ Net ” ၏ မည်သည့် နေရာ၌ ရှိရှိ နေရာတိုင်း၌ ဈေးရောင်းလို့ရနေပြီ။

ကုမ္ပဏီမျိုးစုံတို့သည် website ရှိ ဖောက်သည်သစ်တို့ကို မြှူဆွယ်ရန် ကြိုးပမ်းအားထုတ် နေကြသည်။ များ စွာ သော သမားရိုးကျကုမ္ပဏီ brick and mortar တို့သည် ဖောက်သည်သစ်များ နှင့် တွေ့ဆုံရန်နှင့် ဖောက်သည်တို့နှင့် အင်အားတောင့်တင်းသော ဆက်ဆံမှု များ ထူထောင်ရန် အလို့ငှာ အွန်လိုင်းထဲ အရဲစွန့်ဝင်လာကြပြီ။ အင်တာနက်သည် လုံးဝအသစ်ဖြစ်သော ကုမ္ပဏီ အသစ်တို့ကိုလည်း အများ ကြီးမွေးထုတ်ပေးနေလေရာ ၎င်းတို့ကို ဒေါ့ကွန်း dot coms ဟုခေါ်သည်။ ဤဒေါ့ကွန်းတို့သည် အွန်လိုင်း၌ သာ အလုပ်လုပ်ကြသည်။

ဂိုဒေါင်အခြေခံလုပ်ငန်းသစ်များ ၊ အိုင်ဘီအမ်၊ ဂျီအီး၊ မာရီရော့ ဟိုတယ်၊ J C Penney နှင့် အမေရိကန်အဲယားလိုင်းစသည့် လုပ်ငန်းတိုင်းလိုသည် အင်တာနက်တွင် ဆိုင်ဖွင့်ထားကြသည်။ အားလုံးသည် ဝက်(ဘ်)ဆိုက်ရှိ ဈေးကွက်အလားအလာတို့ကို စူးစမ်းရှာဖွေပြီး အသုံးပြုနိုင်ရန် အလို့ငှာ အပြင်းအထန်ပြိုင်ဆိုင်နေကြသည်။ ဝက်(ဘ်)ဆိုက်တစ်ခု၏ တန်ဖိုးကို တိုင်းထွာကြည့်ရန် ခက်ခဲနေသေးသော်လည်း အင်တာနက်ကြိုးပမ်းမှု မှ ကုမ္ပဏီ အနည်းငယ်လောက်ကသာ ဝင်ငွေ အများ အပြား ရှာဖွေနိုင်သေးသည်။

သို့ အားဖြင့် ချိတ်ဆက်မှု ဆိုင်ရာ တက်ကနိုလိုဂျီတို့တွင် အပြောင်းအလဲ ဖြစ်မှု တို့သည် ဈေးကွက်သမားတို့အတွက် စိတ်လှုပ်ရှားစရာကောင်းသော အခွင့်အလမ်းတို့ကို ပေးဆောင်လျှက် ရှိပါသည်။ ဤအပြောင်းအလဲတို့သည် ကုမ္ပဏီတို့အား ဖောက်သည်၊ ဈေးကွက်ပါတနာနှင့် ပတ်သက်သော ဆက်ဆံရေးနှင့် ဝန်းကျင်လောကတို့တွင် မည်သို့ ပြောင်းလဲသွားပုံကို ကျွန်တော်တို့ ယခုကြည့်ပေမည်။

ဖောက်သည်တို့နှင့် ချိတ်ဆက်မှု များ (Connections with Customers)

ဈေးကွက်ရှာဖွေ ထူထောင်ရေးပိုင်း၌ အလေးနက်ဆုံးဖြစ်ထွန်းမှု တစ်ရပ်သည်ယနေ့ ကုမ္ပဏီတို့က သူတို့၏ ဖောက်သည်နှင့် ချိတ်ဆက်ရာ နည်းလမ်းတို့ပင် ဖြစ်သည်။ မနေ့က ကုမ္ပဏီတို့သည် “ အများ အပြား ဈေးကွက် ရှာဖွေထူထောင်ခြင်း ” mass marketing ကို ဖိုးကပ်(စ်)လုပ်ခဲ့ပြီး လက်တစ်ကမ်းမှ ဝင်လာသည့် သူတို့အားလုံးကို မျက်မှော က်ပြု ထားခဲ့ကြသည်။ ယနေ့ ကုမ္ပဏီတို့သည် ဖောက်သည်တို့ကို သေသေချာချာရွေးချယ်ကြသည်။ ဤသို့ သေသေချာချာ ပစ်မှတ်ထားသော ဖောက်သည်တို့နှင့် တိုက်ရိုက်နှင့် ရေရှည်ခံ ဆက်ဆံမှု ရှိရန်တို့ကို ထူထောင်ကြသည်။

ပို၍ သေသေချာချာရွေးချယ်ထားသော ဖောက်သည်တို့နှင့် ချိတ်ဆက်ခြင်း

(Connecting with More Carefully Selected Customers)

ယနေ့၌ ကုမ္ပဏီအနည်းငယ်လောက်ကသာ အများ အပြား ဈေးကွက်ရှာဖွေ ထူထောင် ခြင်းကို လိုက်နာကျင့်သုံးတော့သည်။ ယင်းမှာ ပေါ်လာသမျှမည်သည့် ဖောက်သည်တို့ကိုမဆို စံချိန်အတိုင်း ရောင်းချခြင်းဖြစ်သည်။ ယနေ့၌ ဈေးကွက်သမား အများ အပြားတို့သည် မည်သည့်ဖေါက်သည်တို့နှင့် မဆို ချိတ်ဆက်လိုခြင်းမရှိကြပေ။ ထိုအစား ပို၍ အမြတ် ကောင်း ရရှိနိုင်ရန် အလားအလာရှိသော ဖောက်သည်အနည်း ငယ်လောက်ကိုသာ ပစ်မှတ်ထား လာ ကြသည်။

အမေရိကန်ပြည်ထောင်စု (တကယ်က ကမ္ဘာပါဘဲ) သည် လူမျိုးနွယ်စုံ ၊ ယဉ်ကျေးမှု ၊ လူမှု ရေး နှင့် ဒေသအစုအဝေး ပေါင်းစုံတို့၏ “ ဟင်းရွက်စုံဖလား” “ salad bowl” ဖြစ်နေပါပြီ။ သူတို့သည် ရောထွေးနေကြစေကာမှု သူတို့၏ ခြားနားချက်တို့ကို ထိန်းသိမ်းတန်ဖိုး ထား လျှက်ရှိကြသည်။ ထို့အပြင် ဖောက်သည်တို့သည် သူတို့အချင်းချင်း နည်းလမ်းသစ်တို့ဖြင့် ချိတ်ဆက်၍ “ သီးသန့်စားသုံးသူ အသိုင်းအဝိုင်း” တို့ကို ဖွဲ့စည်းထားကြသည် ။ ထိုအသိုင်းအဝိုင်း၌ ဝယ်ယူသူတို့သည် ဘုံအကျိုးစီးပွား ၊ ဘုံအခြေအနေနှင့် ၊ ဘုံလှုပ်ရှားမှု တို့ဖြင့် အချင်းချင်း ချိတ်ဆက်ထားကြကုန်သည်။

ပဒေသာမျိုးစုံကြီးမားလေလေ ဤစားသုံးသူချိတ်ဆက်မှု အသစ်တို့သည် ပို၍ ကြီးသော ဈေးကွက်စိတ်ဖြာကွဲပြားမှု ရှိကြောင်းကို ပြလာလေဖြစ်သည်။ သို့ ဖြစ်ဤသဘောကို တုံ့ပြန်သည့် အနေဖြင့် ကုမ္ပဏီအများ အပြားသည် “ အများ အပြားဈေးကွက်ရှာဖွေထူထောင်မှု ” mass marketing မှနေ၍ “ စိတ်ဖြာသောဈေးကွက်ရှာဖွေ ထူထောင်မှု ” segmented marketing ဆီသို့ ရွှေ့ပြောင်းကြသည် ။ ဤစိတ်ဖြာဈေးကွက်ထဲတွင် သူတို့သည် “ ဈေးကွက်ငယ်” submarkets တို့ကို ပိုမို၍ သေသေချာချာ ရွေးချယ်သည်။ တစ်ဦးချင်းဖောက်သည်ကပင် သေသေချာချာ ရွေးချယ်သည်။ သို့ ဖြင့် “ တစ်ဦးနှင့်တစ်ဦး ဈေးကွက်ရှာဖွေထူထောင်ရေး ” one to one marketing သည် အချို့သော ဈေးကွက်သမားတို့ အဖို့ ကျောရိုးဖြစ်လာခဲ့သည် ။ သူတို့၌ ဖောက်သည်တစ်ဦးခြင်းနှင့် ပတ်သက်၍ ဒေတာအပြည့်အစုံ ရှိပေသည်။ ဖောက်သည်တစ်ဦးချင်း ဘာနှစ်သက်သလဲ ၊ သူတို့ဘာတွေဝယ်ကြသလဲ စသည်ဖြင့် သတင်းပေါင်းစုံ ကြွယ်ကြွယ်ဝဝရှိကြသည်။ ဤဒေတာပေါင်းစုံတို့ကို မိုင်းခွဲပြီး ဈေးကွက်အစိတ်အပိုင်းတို့ကို ကြည့်သည် ။ ဖောက်သည်တို့၏ ထိုးထွင်းဥာဏ်တို့ကို ရှာဖွေကြည့်သည်။ ဤနည်းဖြင့်သူတို့သည် သူတို့၏ ကမ်းလှမ်းချက်တို့ကို ဖောက်သည် အများ စု ကြိုက်အောင် mass-customize ပြုကြသည်။ တစ်ဦးချင်းဝယ်သူတို့အား တန်ဖိုးများများ ပေးခြင်းဖြင့် ဖောက်သည်များများ က ကြိုက်အောင်ပြုလုပ်ကြသည့် သဘောဖြစ်သည်။

တစ်ချိန်တည်း၌ ပင် ကုမ္ပဏီတို့သည် ဖောက်သည်တို့အား တန်ဖိုးပိုမိုပေးဆောင်နိုင်ရန် စိတ်ကူးကောင်သည့် နည်းလမ်းသစ်တို့ကို လည်း ရှာဖွေကြသည် ။ ထို့အပြင် ဖောက်သည်က ကုမ္ပဏီကို အကျိုးပြုသော တန်ဖိုးတို့ကိုလည်း သေသေချာချာ အကဲဖြတ်ကြည့်ကြကုန်သည်။ ကုမ္ပဏီတို့သည် သူတို့က အကျိုးအမြတ်ရှိရှိ အကျိုးဆောင်ပေးနိုင်သော ဖောက်သည်တို့နှင့် ချိတ်ဆက်လိုကြသည် ။ အကျိုးအမြတ်ရှိနိုင်သော ဖောက်သည်ကိုတွေ့သည်နှင့် သူတို့သည် မက်လုံးရှိသော ကမ်းလှမ်းမှု များ ပြုကာ ဤဖောက်သည်တို့အား သေသေချာချာ ဂရုစိုက်ပြီး ကိုင်တွယ် အမိဖမ်းကြကုန်သည်။ ဖောက်သည်တို့၏ သစ္စာရှိမှု ကိုပင် အမိဖမ်းကြသည်။ ဘဏ်လုပ်ငန်းသည် ဖောက်သည်၏ အမြတ်ထွက်နိုင်မှု အလားအလာကို အကဲခတ်ရာ၌ ရှေ့ဆောင်ရှေ့ရွက်ပြုခဲ့သည်။ ဖောက်သည် များ နိုင်သမျှ များများ ရအောင် ဆယ်စုနှစ်ပေါင်းများ စွာ ကျယ်ပြန့်သော ပိုက်ကွန်ကြီးကို ဖြန့်ခဲ့ပြီးသည့်နောက် သူတို့၏ ဒေတာအခြေခံ စခန်းကို မိုင်းခွဲကြည့်ပြီး အနိုင်ပေါ်သော ဖောက်သည်တို့ကို ရှာဖွေကြသည်။

ဖောက်သည်၏ ဘဝတစ်သက်တာ ချိတ်ဆက်မှု

(Connecting for a Customer's Lifetime)

တစ်ချိန်တည်း၌ ပင် ကုမ္ပဏီတို့သည် ဘယ်လိုဖောက်သည်မျိုးကို ရွေးချယ်ရမလဲဆိုသော အချက်နှင့် ပတ်သက်၍ ပိုပြီးဂရုစိုက်လာကြသည်။ သူတို့ရွေးချယ်လိုက်သော ဖောက်သည် တို့ကိုလည်း ပို၍ လေးလေးနက်နက်ဖြစ်အောင် ပို၍ ထာဝရဖြစ်အောင် အကျိုးဆောင်ပေးကြသည်။ အတိတ်ကဆိုလျှင် ကုမ္ပဏီတို့သည် သူတို့ကုန်ပစ္စည်းရောင်ရသော ဖောက်သည်သစ် တွေ့ရှိရေးအပေါ်၌ သာ ဖိုးကပ်(စ်) လုပ်ခဲ့ကြသည်။ သူတို့ထံ ရောင်းချရန်သာ အာရုံထားခဲ့သည်။ သို့ ရာတွင် မကြာသေးမီ နှစ်များ က ဤဖိုးကပ်(စ်) ကိုရွှေ့ပစ်လိုက်ကြသည်။ လက်ငင်းလက်ရှိ ဖောက်သည် အပေါ် ဖိုးကပ်(စ်) လုပ်ရန်ဖြစ်လာသည်။ကြာရှည် ထာဝရခံသော ဆက်သွယ်မှု ရရှိရန် အလို့ငှာ ဖောက်သည် ကျေနပ်မှု တန်ဖိုးတို့ကို အလွန်ကောင်မွန်အောင် ဆောင်ကြဉ်းသည်။ သို့ အားဖြင့်ရည်မှန်းချက် ပန်းတိုင်ကိုလည်း တစ်ခါရောင်ရတိုင်း အပေါ် အမြတ်ရရှိရေးမှ ဖောက်သည်တစ်ဦး၏ ဘဝတစ်သက်တာ တန်ဖိုးကို စီမ့ခန့်ခွဲပေးခြင်း အားဖြင့် ရေရှည်အမြတ် ရရှိရေးဆီသို့ ရွှေ့ပြောင်းခဲ့ကြသည်။

အပြန်အလှန်အားဖြင့် ဖောက်သည်ဟောင်းတို့အား ထိန်းထားရာ၌ ပို၍ ကောင်းကောင်း မွန်မွန် ဆောင်ရွက်လာကြသောအခါ ပြိုင်ဘက်တို့သည် ဖောက်သည်သစ်များ ရှာရန်ပို၍ ခက်ခဲလာကြသည်။ ရလဒ်အားဖြင့် ဈေးကွက်ရှာသမားတို့သည် ဈေးကွက်ဝေစု ဘယ်လိုတိုးအောင် လုပ်မလဲဆိုသော အချက်အပေါ် စဉ်းစားရန် အချိန်ပေးမှု နည်းလာကြသည်။ ထိုအစား ဖောက်သည်ဝေစု ကိုတိုးပွားအောင် ဘယ်လိုလုပ်မလဲဆိုသော အချက်အားပိုပြီး အာရုံစိုက်ကြသည်။ လက်ရှိဖောက်သည်တို့ကို နည်းမျိုးစုံ အကျိုးဆောင်ပေးခြင်းဖြင့် လည်းကောင်း၊ ဝန်ထမ်းတို့အား လက်ရှိဖောက်သည်တို့ကို ပိုပြီးကုန်ရောင်းရအောင်၊ ပိုပြီးဝန်ဆောင်မှု ရောင်းရအောင်၊ အဖြတ်အရောင်း cross-sell နှင့် အပေါ်အရောင်း up-sell တို့ကို လေ့ကျင့်ပေးလာကြသည်။ ဥပမာ - အမေဇုံကွန်းသည် အွန်လိုင်းစာအုပ်ရောင်းသူအဖြစ် စတင်ခဲ့ပြီး၊ ယခု ဂီတ၊ ဗွီဒီယို၊ လက်ဆောင်ပစ္စည်း၊ ကလေးကစားစရာအရုပ်၊ စားသုံးသူ အီလက်ထရွန်းနစ်ပစ္စည်း၊ အိမ်ဆောက်လုပ်ရေးပစ္စည်းတို့ကိုပါ တိုးချဲ့ရောင်းချလျက်ရှိသည်။ အွန်လိုင်းလေလံတင်လုပ်ငန်းတို့ကိုပါ ဆောင်ရွက် ခဲ့သဖြင့် ဖောက်သည်တစ်ဦးကျ အရောင်းပမာဏမှာ တိုးတက်လျှက်ရှိသည်။ ထို့အပြင် ဖောက်သည်၏ ဝယ်ယူမှု ရာဇဝင်ကို အခြေခံပြီး ဆက်စပ်နေသော စာအုပ်များ စီဒီနှင့် စိတ်ဝင်စားဖွယ်ကောင်းသည့် ဗွီဒီယို တို့ကိုလည်း ရောင်းချသည်။ ဤနည်းအားဖြင့် အမေဇုံကွန်းသည် ဖောက်သည်တစ်ဦး၏ ဖြေဖျော်ရေးနှင့် အပန်းဖြေဘတ်ဂျက် တို့မှ ဝေစုရှယ်ယာများ ကို ဖမ်းယူလျက်ရှိပေသည်။

တိုက်ရိုက်ချိတ်ဆက်ခြင်း (Connecting Directly)

ယနေ့၌ နက်နက်ရှိုင်းရှိုင်း ချိတ်ဆက်ခြင်းကို ကျော်လွန်၍ ကုမ္ပဏီတို့သည် ဖောက်သည်တို့နှင့် ပို၍ တိုက်ရိုက် ဆက်ချိတ်နိုင်သောတက်ကနိုလိုဂျီ အသစ်တို့ကို အခွင့်ကောင်းယူ အသုံးပြုလျှက်ရှိလေပြီ၊ တကယ်စင်စစ်၌ တိုက်ရိုက်ဈေးကွက်ရှာဖွေ ဖော်ထုတ်မှု သည် စန်းပွင့်လျှက်ရှိသည်။ လက်တွေ့သဘော၌ စတိုးဆိုင်တစ်ခုသို့ မသွားဘဲ ကုန်ပစ္စည်း အားလုံးကို ရရှိနိုင်သည်။ တယ်လီဖုန်း၊ စာတိုက် ကက်တလောက်၊ ခလုတ်နှိပ်စက်နှင့် အီလက်ထရွန်းနစ် ကုန်သွယ်ရေးနည်းတို့ဖြင့် ဆိုင်များ သို့ သွားစရာမလိုဘဲ ကုန်ပစ္စည်းတို့ကို ရရှိနိုင်ကြသည်။ ဥပမာ - ဖောက်သည်တို့သည် အင်တာနက်တွင် ရှာဖွေ၍ မည်သည့် ကုန်စည်၏ ရုပ်ပုံတို့ကို ကြည့်ရှုနိုင်သည်။ ကြော်ငြာတို့ကို ဖတ်နိုင်သည်။ အွန်လိုင်းဈေးသည်တို့ထံမှ ဈေးသက်သက် သာသာနှင့် အကောင်းဆုံး ဝန်ဆောင်မှု တို့ဖြင့် ဝယ်ယူနိုင်သည်။ အတိုင်ပင်ခံ တို့နှင့် ဆွေးနွေးနိုင်သည်။ မိမိတို့အမှာ စာများ ကို မှာ နိုင်သည်။ ငွေချေနိုင်သည်။ ဤအချက်တို့ကို မောက်စ်တွင် ကလစ်အနည်းငယ်နှိပ်ရုံဖြင့် ဆောင်ရွက်နိုင်ကြသည်။ ဘိစနက် အချင်းချင်း အင်တာနက်မှ ဝယ်ယူခြင်းသည် စားသုံးသူတို့က အင်တာနက်မှ တစ်ဆင့်ဝယ်ယူခြင်းတို့ ထက်ပင် များ ပြားလာသည်။ ဘိစနက်တို့၏ အဝယ်ကိုယ်စားလှယ်တို့သည် စံချိန်ရှိပစ္စည်းတို့မှအစ ဈေးကြီး၊ အဆင့်မြင့် တက်ကနိုလိုဂျီပစ္စည်းတို့ကို ဝက်(ဘ်)ဆိုက်မှ ဝယ်ယူနေကြကုန်သည်။

အချို့ကုမ္ပဏီတို့သည် တိုက်ရိုက်လမ်းကြောင်း channel မှသာ ရောင်းနေကြသည်။ ဒဲလ်ကွန်ပျူတာ၊ Land's End ၊ ၁၈ဝဝဖလားဝါးနှင့် အမေဇုံတို့သည် ဤလိုကုမ္ပဏီမျိုးဖြစ်ကြသည်။ အခြားကုမ္ပဏီတို့ကမူ အခြားဆက်သွယ်ရေးနှင့် ဖြန့်ဖြူးရေးလမ်းကြောင်းတို့ကို ထပ်မံဖြည့်စွက် သည့် အနေဖြင့် တိုက်ရိုက်ချိတ်ဆက်မှု ကိုသာ အသုံးပြုကြသည်။ ဥပမာ - ပရိုတာနှင့် ဂမ်ဘယ်လ် တို့သည် လက်လီအရောင်းဆိုင်များ နှင့် အချိတ်အဆက်ရှိသော Pampers (သို့ ) တစ်ခါသုံး အထည်ဖြတ်စတို့ကို ရောင်းချသည်။ ဤသို့ ရောင်းချမှု ကို လူထုမီဒီယာ ကြော်ငြာစရိတ် ဒေါ်လာပေါင်းများ စွာ သုံး၍ အားဖြည့်ပေးသည်။ သို့ သော်လည်း P & G သည် Pampers Web-site ကို အသုံးပြု၍ မိဘငယ်တို့ နှင့် ဆက်ဆံရေးတို့ကို တိုးချဲ့သည်။

တိုက်ရိုက်ဈေးကွက်ရှာဖွေ ထူထောင်မှု သည် ရောင်းသူနှင့် ချိတ်ဆက်ရာတွင် ဝယ်ယူ၏ ကဏ္ဍကိုပြန်လည်အဓိပ္ပါယ်ဖော်သည်။ ကုမ္ပဏီ၏ တစ်လမ်းသွားဈေးကွက် ရှာဖွေဖော်ထုတ်ရေး အား ထုတ်မှု ပစ်မှတ်ဖြစ်မည့် အစားဖောက်သည်တို့သည် ဈေးကွက်ကမ်းလှမ်းချက်နှင့် ဈေးကွက်ဖြစ်စဉ် တို့ကို ပုံလောင်းရာတွင် တက်ကြွစွာ ပါဝင်ဆောင်ရွက်သူများ ဖြစ်လာကြ ကုန်သည်။ များ စွာ သော ကုမ္ပဏီတို့သည် အွန်လိုင်းမှတစ်ဆင့်ဖောက်သည်တို့အား မိမိနှစ်သက်ရာ ကုန်စည်အမျိုးအစား ဒီဇိုင်းတို့ကို ရေးဆွဲနိုင်အောင် လမ်းဖွင့်ပေးထားသည်။ ဥပမာ - လဲင်အင် ဝက်ဆိုက်ရှိ ဈေးဝယ်သူတို့သည် မိမိနှစ်သက်ရာ ကိုယ်ရေးမိုဒယ်ကို မိမိဆံပင်အရောင်၊ အရပ်၊ ပုံသဏ္ဌာန်တို့နှင့် အညီထူထောင်နိုင်ကြသည်။ ထို့နောက် သူတို့ အွန်လိုင်းအဝတ်လဲခန်းသို့ ဝင်ပြီး အဝတ်အစားဝတ်ကာ သူတို့ ဘယ်လိုပုံရှိနေကြသည်ကို ကြည့်ရှုနိုင်ကြသည်။ ဝက်ဆိုက်(ဘ်) သည် ဝယ်ယူသူတို့အား သူတို့၏ ကိုယ်ခန္ဓာအချိုးအစား စတိုင်အလိုက် အကောင်းဆုံး အဝတ်အစားဘယ်လိုဖြစ်သည်ကို “ တစ် ” ပေးနိုင်သည်။

အချို့သော ဈေးကွက်သမားတို့က တိုက်ရိုက်ဈေးကွက် ရှာဖွေထူထောင်ခြင်း ဖြစ်လာမည့် ထောင်စုနှစ်သစ်အတွက် ဈေးကွက် ထူထောင်ခြင်း မိုဒယ်အဖြစ် ကောင်းချီးဩဘာ ပေးကြသည်။ အချို့ကတစ်နေ့၌ အဝယ်အားလုံး၊ အရောင်းအားလုံးတို့သည် ကုမ္ပဏီတို့နှင့် ဖောက်သည်ကို တိုက်ရိုက် ချိတ်ဆက်မှု တို့ဖြင့် ဖြစ်မြောက်စေလိမ့်မည်ဟု စိတ်ကူးကြည့်ထားကြသည်။ အခြားလူတို့ကမူ တိုက်ရိုက်ဈေး ကွက်ရှာဖွေ ထူထောင်မှု သည် တိုး၍ တိုး၍ လာပြီး အရေးကြီးသော ကဏ္ဍမှ ပါဝင်ကစားလိမ့်မည်ဟု သဘောတူညီကြသော်လည်း အခြားအပို ချဉ်းကပ်မှု နည်းလမ်းတို့မှလည်း ရှာကြံချင်ကြသေးသည်။ တိုက်ရိုက် ဈေးကွက်ရှာဖွေ ထူထောင်မှု ပေါက်ကွဲနေသော ကမ္ဘာကြီးအကြောင်းကို (အခန်း ၈) ၌ ရှင်းလင်းထားပါသည်။

ဈေးကွက်ပါတနာနှင့် ချိတ်ဆက်ခြင်း

(Connections with Marketing Partners)

ချိတ်ဆက်မှု များ ပို၍ များ လာသော ဤအခါသမယကြီးတွင် ဖောက်သည်တို့အား ပို၍ များ သော တန်ဖိုးတို့ကို ပူးတွဲ ၍ ပေးနိုင်အောင် ကုမ္ပဏီ၏ အတွင်းအပြင် ဈေးကွက်သမားချင်း ချိတ်ဆက်မှု တို့၌ အပြောင်းအလဲကြီးတို့ကလည်း ဖြစ်ထွန်းလျှက်ရှိပါသည်။

ကုမ္ပဏီအတွင်း ချိတ်ဆက်မှု (Connecting Inside the Company)

သမားရိုးကျသဘောအရပြောရလျှင် ဈေးကွက်သမားတို့သည် ကြားပွဲစားအဖြစ် ဆောင်ရွက်ကြသည်။ ဖောက်သည်တို့၏ လိုအပ်ချက်တို့ကို သိရှိ၍ ကုမ္ပဏီအသီးသီးတို့နှင့် စကားပြောဆိုရာတွင် ဖောက်သည်တို့ကို ကိုယ်စားပြုပြောဆိုကြသည်။ ဤလိုအပ်ချက်တို့ကို အခြေခံ၍ ဆောင်ရွက်ကြကုန်သည်။ အတွေးအခေါ်အဟောင်းအရ ဈေးကွက်ရှာဖွေထူထောင်မှု လုပ်ငန်းကို ဈေးကွက်ရှာဖွေခြင်း၊ ရောင်းခြင်း၊ နှင့် ဖောက်သည်လူထုထောက်ခံမှု ဖြင့် လှုပ်ရှားဖို့ရာဖြစ်သည်။ သို့ သော် ယနေ့ကူးသန်းရောင်းဝယ်ရေး လောက၌ ကား ဆောင်ရွက်လှုပ်ရှားနေသော ဧရိယာတိုင်း၌ ဖောက်သည်တို့နှင့် အပြန်အလှန်တုံ့ပြန်နိုင်ကြပြီ။ အထူးသဖြင့် အီလက်ထရောနစ်နည်းတို့ဖြင့် တုံ့ပြန်နိုင်ကြပြီ။ ဈေးကွက်ရှာဖွေထူထောင်ရေးသည် ယခုအခါ၌ ဖောက်သည်တို့နှင့် အပြန်အလှန် တုံ့ပြန်မှု ကို ပိုင်ဆိုင်ရေး သက်သက်သာ မဟုတ်ပြီ။ အတွေးအခေါ်သစ်အရ လုပ်သားတိုင်းသည် ဖောက်သည်အပေါ် ဖိုးကပ်(စ်) ထားရှိရမည်။ ဟူးလက်ပက်ကတ် ကော်ပိုရေးရှင်းကြီးကို ပူးတွဲ စတင်တည်ထောင်သူ ဒေးဗစ်ပက်ကဒ်က သင်ခန်းစာယူစရာ စကားတစ်ခုပြောခဲ့သည်။ “ ဈေးကွက်ရှာဖွေထူထောင်ရေးသည် အလွန်တရာမှ အရေးကြီးလာရာ ဈေးကွက်ရှာဖွေထူထောင်ရေးဌာန တစ်ခုတည်းအပေါ် လွဲအပ်ထားရုံဖြင့် မဖြစ်နိုင်ပြီ။”

ယနေ့၌ ရှေ့သို့ လှမ်းကြည့်သော ကုမ္ပစီတို့သည်ဖောက်သည်တို့၏ လိုအပ်ချက်တို့နှင့် ပို၍ ကောင်သောအလိုင်းမင့် မှန်မှန်ဖြစ်ပေါ်ရန် လုပ်ငန်းတို့ကို ပြန်လည်ဖွဲ့စည်းလာကြသည်။ ဌာနတစ်ခုစီက ကိုယ့်ရည်မှန်းချက်ကို ကိုယ်တိုင်သီးခြားစီ ဆောင်ရွက်ခြင်းထက် ဖောက်သည်တို့အတွက် တန်ဖိုးများများ ဖန်တီးရန်အလို့ငှာဌာနခြင်း ပူပေါင်းဆက်စပ် ဆောင်ရွက်လာကြသည်။ ဖောက်သည်များ စီသို့ ဈေးကွက်ရှာဖွေထူထောင်ရေးနှင့် အရောင်ဌာနမှ ပုဂ္ဂိုတို့ကိုသာ စေလွှတ်တာဝန် လွှဲအပ်ပေးခြင်းမျိုး မလုပ်တော့ဘဲ ဖောက်သည်ဆိုင်ရာ ပူးတွဲ လုပ်ငန်း အဖွဲ့တို့ကို ဖွဲ့စည်းလာကြသည် ။ ဥပမာ- ပရိုတာနှင့် ဂမ်ဘဲလ်သည် “ဖောက်သည်ဖွင့်ဖြိုးရေးအဖွဲ့” “ customer development team ” များ ဖွဲ့ကာ လက်လီဆိုင်တိုင်းသို့ စေလွှတ်သည်။ ဤအဖွဲ့တို့တွင် အရောင်းနှင့် ဈေးကွက်ရှာဖွေ ထူထောင်ရေးဌာနမှ ပုဂ္ဂိုများ ၊ လက်တွေ့ဆောင်ရွက်မှု နှင့် သယ်ယူပို့ဆောင်ရေးပိုင်း ကျွမ်းကျင်သူများ ၊ ဈေးကွက်နှင့် ဘဏ္ဍာရေး စိစစ်သုံးသပ်သူများ နှင့် အခြားပုဂ္ဂိုတို့ပါဝင်ကြသည်။ ကုမ္ပဏီပိုပြီးအောင်မြင်အောင် လက်လီသမားတို့ကို ပိုပြီးအကျိုးဆောင်ပေးအောင် ၊ ပီအင်ဂျီ ဌာနပေါင်းစုံမှ လုပ်ငန်းဆောင်ရွက်ချက်အားလုံးကို ညှိနှိုင်းကြကုန်သည်။

ပြင်ပပါတနာတို့နှင့်ချိတ်ဆက်ခြင်း ( Connecting with Outside Partners )

ပစ္စည်းထောက်ပံ့သူ ဆက်ပလိုင်ရာတို့နှင့် ဘယ်လိုချိတ်ဆက်မလဲ၊ ချဲနယ်လ်ပါတနာတို့နှင့် ဘယ်လိုချိတ်ဆက်မလဲ၊ ပြိုင်ဖက်တို့နှင့် ဘယ်လိုချိတ်ဆက်မလဲ ဆိုသော အပိုင်းတို့၌ လည်း အပြောင်းအလဲတို့သည် သွက်သွက်လက်လက် ဖြစ်ပေါ်လျှက်ရှိပေသည်။ ယနေ့ကုမ္ပဏီ အများ စုသည် ကွန်ရက်ချိတ်ဆက်ကုမ္ပဏီတို့ ဖြစ်နေကြပါပြီ။ အခြားကုမ္ပဏီတို့နှင့် ပါတနာ ဖွဲ့စည်းထားမှု အပေါ် အကြီးအကျယ် အားပြုထားရပြီ။

ဆပ္ပလိုင်းချိန်း စီမံခန့်ခွဲမှု ( Supply Chain Management )

ဆပ္ပလိုင်းချိန်း စီမံခန့်ခွဲမှု တစ်နည်းပြောရလျှင် ပစ္စည်းထောက်ပံ့မှု ကွင်းဆင်းစီမံခန့်ခွဲမှု တွင် ဖြန့်ချိရေးသမားများ ၊ လက်လီသမားများ နှင့် ကုမ္ပဏီနှင့် ဝယ်သူကြား ချိတ်ဆက်ပေးသော အခြားသူတို့လည်း ပါဝင်ကြသည်။ ဆပ္ပလိုင်းချိန်း သည် ရှည်လျှားသော လမ်းကြောင်းကို ဖေါ်ပြသည်။ ကုန်ကြမ်းမှ စတင်ဆွဲဆန့်လျှင် နောက်ဆုံးဝယ်သူတို့ဆီသို့ ရောက်သွားသော အပြီးသတ်ကုန်စည်၏ အစိတ်အပိုင်းများ အထိပါဝင်သည်။ ဥပမာ- ကိုယ်ရေးကွန်ပျူတာ၏ ဆပ္ပလိုင်းချိန်းတွင် ကွန်ပျူတာချစ်(ပ်)နှင့် အခြားအစိတ်အပိုင်းတို့ကို ထောက်ပံ့သူများ ၊ ကွန်ပျူတာထုပ်လုပ်သူများ ၊ ဖြန့်ချိသူများ ၊ လက်လီသမားများ ၊ ဘိစနက်လုပ်ငန်းနှင့် နောက်ဆုံး ဖောက်သည်တို့ထံ ရောင်းချသူများ အထိ ပါဝင်သည်။ ဤဆပ္ပလိုင်းချိန်းတွင် ပါဝင်သူတစ်ဦးစီသည် ဆပ္ပလိုင်းချိန်းကြီး တစ်ခုလုံးက မွေးထုတ်သော စုစုပေါင်းတန်ဖိုး၏ တစ်စိတ်တစ်ဒေသစီကိုသာ ဖန်တီးကြသည်၊ ဖော်ပြကြသည်။

ဆပ္ပလိုင်းချိန်းစီမံခန့်ခွဲမှု မှတစ်ဆင့် များ စွာ သော ကုမ္ပဏီတို့သည် ဤဆပ္ပလိုင်း ချိန်းတစ်လျှောက်ရှိ ပါတနာတို့နှင့် ဆက်ထားသော ချိတ်ဆက်မှု တို့ကို အင်အားခိုင်ခံ့ ကောင်းမွန်အောင် ဆောင်ရွက်ကြသည်။ သူတို့၏ ကံကြမ္မာသည် သူတို့ဘယ်လောက် ကောင်းကောင်းမွန်မွန် ဆောင်ရွက်သလဲဆိုသော အချက်ပေါ်၌ သာ မှီတည်နေသည် မဟုတ်၊ မိမိ၏ ဆပ္ပလိုင်းချိန်းတစ်ခုလုံးက ပြိုင်ဘက်တို့၏ ဆပ္ပလိုင်းချိန်းနှင့် ယှဉ်ပြုင်ရာတွင် ဘယ်လောက်ကောင်းကောင်းမွန်မွန် ဆောင်ရွက်နိုင်သနည်းဆိုသော အချက်အပေါ်၌ လည်း မှီတည်နေကြောင်းကို ကုမ္ပဏီများ စွာ တို့က နားလည်သဘော ပေါက်ကြပါသည်။ ပစ္စည်း ထောက်ပံ့သူ ဆပ္ပလိုင်ရာကို ဈေးသည်အဖြစ်လည်းကောင်း၊ ဖြန့်ချိရေးသမားကို ဖောက်သည် အဖြစ်လည်းကောင်း၊ ယူဆကိုင်တွယ်ခြင်းထက် ဖောက်သည် တို့အား တန်ဖိုးဖြည့်စွမ်း အကျိုးဆောင်ရာတွင် နှစ်ဦးစလုံးအားပါတနာများ အဖြစ် ယူဆကိုင်တွယ် လာကြသည်။ ဥပမာ - ဝေါလ်မတ်သည် ပီအင်ဂျီကဲ့သို့ သော ဆပ္ပလိုင်ရာတို့နှင့် အတူ လက်တွဲ ၍ ပစ္စည်း သယ်ယူပို့ဆောင်ရေးလုပ်ငန်းများ ကို ကျစ်လျစ်သေသပ်စေပြီး ပူးတွဲ ဖြန့်ချိရေး စရိတ်ကို သက်သာအောင် ဆောင်ရွက်သည်။ သို့ ဖြင့် စားသုံးသူအတွက် ဈေးနှုန်းပိုပြီး သက်သာအောင် ပြုလုပ်ပေးနိုင်သည်။ ဆာတန်ကမူ အသေအချာ ရွေးချယ်ထားသော ဆပ္ပလိုင်ရာတို့နှင့် နီးနီးစပ်စပ်လုပ်ကိုင်ပြီး အရည်အသွေးနှင့် လက်တွေ့ပိုင်းစွမ်းရည် ထက်မြက်မှု ကို တိုးတက် ကောင်းမွန်စေသည်။ အခြားတစ်ဖက်၌ တစ်ဆင့်ခံကိုယ်စားလှယ် Franchise dealers တို့နှင့် ပူးတွဲ ဆောင်ရွက်ကာ ထိပ်တန်းအကောင်းစား ရောင်းချမှု ဖြစ်ထွန်းရန်နှင့် ဖောက်သည်တို့၏ တံခါးဝအထိ ဝန်ဆောင်မှု အထောက်အပံ့တို့ကို ဆောင်ရွက်စေသည်။ ထိုနည်းအားဖြင့် ဖောက်သည်တို့ မိမိထံပြန်လာခြင်းကို ထိန်းထား ခဲ့ကြသည်။

မဟာဗျူဟာမြောက် မဟာမိတ်ဖွဲ့စည်းခြင်း (Stratcgie Alliances)

ဆပ္ပလိုင်းချိန်းစီမံခန့်ခွဲခြင်းထက်လွန်၍ ကုမ္ပဏီတို့သည် မိမိတို့ ပို၍ ထက်ထက်မြက်မြက် ရှိလာစေရန် မျှော်လင့်ပြီး မဟာဗျူဟာမြောက်ပါတနာတို့ကို ရှာဖွေတွေ့ရှိနေကြသည်။ ကမ္ဘာ့ ဝန်းကျင်အသစ်၌ ကုန်စည် အမယ်ပေါင်းစုံဖြင့် ယှဉ်ပြိုင်လာရခြင်း၊ ရွေးချယ်စရာမြောက်မြားစွာ တို့ဖြင့် ရင်ဆိုင်ရခြင်းတို့နှင့် တွေ့ကြုံလာရရာ၊ ဤသို့ အခြေအနေတွင် တစ်ဦးတည်းချီတက်ခြင်း သည်စတိုင် အောက်လာတော့သည်။ စက်မှု လုပ်ငန်းနှင့် ဝန်ဆောင်မှု လောကတစ်လျှောက်လုံးတွင် မဟာဗျူဟာမြောက် မဟာမိတ်ဖွဲ့စည်းမှု သည် စန်းပွင့်လာသည်။ မကြာသေးမီက ပြုလုပ်သော လေ့လာမှု တစ်ခုအရ ထိပ်သီးယူအက်စ်ကုမ္ပဏီ တစ်ထောင်တို့က ရှာဖွေရရှိသော ဝင်ငွေ လေးဒေါ်လာထဲမှ တစ်ဒေါ်လာသည် မဟာမိတ်မှ စီးဆင်းရရှိခြင်းဖြစ်သည်။ ၁၉၉ဝ ပြည့်နှစ်များ က ဤသို့ ရရှိငွေထက် ယခုနှစ်ဆတက်လာသည်။ ယူပီအက်စ်၏ စီအီးအိုဖြစ်သူ ဂျန်ကဲယ်လီ ပြောသလို ပြောရလျှင် “ ရှေးဟောင်းအယူက သူတို့ကို နိုင်အောင်မပြိုင်နိုင်လျှင် သူတို့နှင့် ပေါင်းလိုက် ” ဟူ၍ ဖြစ်ခဲ့သည်။ အခု “ သူတို့ နှင့် ပေါင်းလိုက်ပါ။ ခင်ဗျားကို မပြိုင်နိုင်ပါဘူး ” ဆိုသော စကားနှင့် အစားထိုးလာကြသည်။

များ စွာ သော မဟာဗျူဟာမြောက်မဟာမိတ်တို့သည် ဈေးကွက် ရှာဖွေ ထူထောင်ရေး မဟာမိတ် marketing alliances ပုံသဏ္ဌာန်ဖြင့် ဖွဲ့စည်းကြသည်။ ၎င်းတို့မှာ ကုန်စည်မဟာမိတ် သို့ မဟုတ် ဝန်ဆောင်မှု မဟာမိတ် product or service alliances တို့ဖြစ်နိုင်သည်။ ကုမ္ပဏီတစ်ခုက အခြားကုမ္ပဏီမှ လိုင်စင်ခံယူကာ ကုန်စည်တို့ကို ထုတ်လုပ်နိုင်သည်။ ပြီးလျှင် သူတို့၏ အပြန်အလှန် အကျိုးပြုကုန်စည်တို့ကို ပူးတွဲ ပြီးဈေးကွက်ရှာဖွေ ဖော်ထုတ်ကြသည်။ ဥပမာ - Apple ကွန်ပျူတာသည် Digital Vax နှင့် ပူးပေါင်းကာ ကုန်စည်သစ်တစ်မျိုးကို ပူးတွဲ ဒီဇိုင်း ဆွဲသည်။ ပူးတွဲ ထုတ်လုပ်သည်။ ပူးတွဲ ပြီး ဈေးကွက်ရှာဖွေထူထောင်သည်။ အရောင်းမြှင့်တင်ရေး မဟာမိတ် တို့ အနေဖြင့်လည်း ကုမ္ပဏီတစ်ခုက အခြားကုမ္ပဏီတစ်ခု၏ ကုန်စည်နှင့် ဝန်ဆောင်မှု ကို ပူးတွဲ ပြီး အရောင်းမြှင့်တင်ကြသည်။ ဥပမာ - မက်ဒေါ်နယ်သည် တိုင် Ty နှင့် ပူးတွဲ ပြီး မိမိ၏ တန်ဖိုးမြင့် အစားအသောက်တို့အတွက် ဘင်နီဘေဘီအရောင်း မြှင့်တင်ရေးကို မယုံနိုင်လောက်အောင် အောင်အောင်မြင်မြင် ဆောင်ရွက်ပေးခဲ့သည်။ ကုမ္ပဏီတို့သည် သယ်ယူပို့ဆောင်ရေး မဟာမိတ် Logistics alliances တို့ကိုလည်း ဖွဲ့စည်းနိုင်ကြသည်။ ကုမ္ပဏီတစ်ခုက အခြားကုမ္ပဏီတစ်ခု၏ ကုန်စည်တို့ကို ဖြန့်ချိပေးသော ဝန်ဆောင်မှု ကို လုပ်ပေးနိုင်သည်။ Abbot Laboratories သည် သရီးအမ်ဆေးနှင့် ခွဲစိတ်ပစ္စည်းကိရိယာတို့ကို သိုလှောင်ပေး၍ ယူနိုက်တက်စတိတ်ရှိ ဆေးရုံအားလုံးသို့ သယ်ယူပို့ဆောင်ပေးသည်။ နောက်ဆုံး ၌ ကုမ္ပဏီတစ်ခုနှင့် ဖြစ်စေ၊ သည့်ထက်ပိုသော ကုမ္ပဏီတို့နှင့် ဖြစ်စေ၊ လက်တွဲ ကြပြီး အထူးစပါယ် ရှယ် ဈေးနှုန်းမဟာမိတ် price alliances များ ဖွဲ့နိုင်သည်။ ဟိုတယ်နှင့် ကားစင်းလုံးငှား ကုမ္ပဏီတို့ချင်း ဈေးနှုန်းလျော့နှုန်း discount အပြန်အလှန် အကျိုးတူပေးကြခြင်းမျိုးတို့ ဖြစ်ကြသည်။

ကုမ္ပဏီတို့သည် ၎င်းတို့၏ ခွန်အားကို အားဖြည့်စေသော သူတို့၏ အားနည်းချက်တို့ကို ချေဖျက်ပေးနိုင်သော ပါတနာတို့ကို ရွေးချယ်ရာတွင် သေသေချာချာ စေ့စေ့စပ်စပ် ဆင်ခြင်စဉ်းစား ရပေမည်။ စနစ်တကျကောင်းကောင်း မွန်မွန် စီမံခန့်ခွဲနိုင်သော မဟာမိတ်တို့သည် အရောင်းနှင့် အမြတ်တို့အပေါ်တွင် အလွန်ကြီးစွာ သက်ရောက်မှု ရှိပါသည်။ မှန်နှင့် ကြွေထည်လုပ်ငန်း ဖြစ်သော တစ်နှစ်လျှင် ၅ ဘီလျံဒေါ်လာဖိုး အရောင်းပမာဏရှိသည့် ကော်နင်း Corning သည် ပါတနာရှစ် ဖွဲ့စည်းရေး၌ အလွန်နာမည်ကောင်းရရှိသည်။ တိုင်းပြည်များ စွာ တို့တွင် မှန်နှင့် ကြွေထည် တက်ကနိုလိုဂျီတို့ကို လက်တွေ့အသုံးချရန် ဖက်စပ်အဖွဲ့များ ထူထောင်ခဲ့သည်။ ကော်နင်း၏ အမြတ်တစ်ဝက်သည် ဤဖက်စပ်တို့မှ လာခြင်းဖြစ်သည်။ ကော်နင်းသည် မိမိကုမ္ပဏီကို “ အဖွဲ့အစည်းတို့၏ ကွန်ရက် ” network of organizations အဖြစ်အဓိပ္ပါယ် ရှင်းပြသည်။ ဤကွန်ရက်ထဲတွင် ဆီးမင်းနှင့် ဆမ်ဆောင်းစသည့် ဂျာမနီနှင့် ကိုရီးယားတို့မှ အီလက်ထရွန်းနစ် အဖွဲ့ကြီးတို့လည်း ပါဝင်သည်။ မက္ကဆီကိုမှ အကြီးဆုံးဖန်ထည်လုပ်ငန်းကြီး Vitro ဗစ်ထရို လည်းပါဝင်သည်။ အခြားဥပမာ ကောင်းတစ်ခုမှာ AT & T နှင့် Sovintel (ရုရှတယ်လီဖုန်းကုမ္ပဏီ) တို့ဖြစ်ကြသည်။ နှစ်ဖွဲ့ပူးပေါင်းကာ စပိလျှင် မြန်နှုန်း အမြင့်စားအိုင်အက်(စ်) ဒီအဲင်ဝန်ဆောင်မှု ကို ဒစ်ဂျစ်အသံ၊ ဒစ်ဂျစ်ဒေတာနှင့် နှစ်နိုင်ငံကြား ဗွီဒီယို ဆက်သွယ်ရေးစနစ်တို့အတွက် ဆောင်ရွက်ပေးနိုင်ကြသည်။ ဤသို့ ဆက်သွယ်ရေး ကုမ္ပဏီကြီးချင်း လက်တွဲ ပြီး ဆောင်ရွက်ကြ ခြင်းကြောင့် တစ်ဦးချင်းစီ သီးခြား ဆောင်ရွက်သည်ထက်ပို၍ များ လာသော Business ဖောက်သည်များ အတွက် ဝန်ဆောင်မှု အသစ်တို့ကို ဖြည့်ဆည်းဆောင်ရွက်ပေးနိုင်သည်။

ကျွန်တော်တို့ ဝန်ကျင်နှင့် ချိတ်ဆက်မှု

(Connections with the World Around Us)

ဖောက်သည်ပါတနာတို့နှင့် ဆက်ဆံရေးကို အနက်သစ်ဖြင့် ပြန်လည်ရှင်းပြပြီးသည့်နောက် ဈေးကွက်သမားတို့သည် ၎င်းတို့ဝန်းကျင် တစ်ဝိုက်ရှိပို၍ ကျယ်ပြန့်သော ကမ္ဘာကြီးနှင့် ချိတ်ဆက်ရန် နည်းလမ်းတို့ကို အသစ်လတ်လတ် ဆတ်ဆတ် ရှုမြင်ကြည့်ကြပြန်သည်။ ဤနေရာ၌ ကျွန်တော်တို့သည် ပို၍ ကြီးထွားလာသော တစ်ကမ္ဘာလုံး ချိတ်ဆက်ဆက်နွယ်မှု globalization ဆီသို့ ရှေ့ရှုနေသော တိမ်းညွှတ်ချက်တို့ကို ကြည့်ရှုပါသည်။

ဂလိုဘယ်ချိတ်ဆက်မှု များ (Global Connections)

ပို၍ ပို၍ ငယ်သွားသော ကမ္ဘာကြီးထဲတွင် များ စွာ သော ဈေးကွက်သမားတို့သည် သူတို့၏ ဖောက်သည်ဈေးကွက်ပါတနာတို့အား ကမ္ဘာနှင့် ချီပြီး globally ချိတ်ဆက်မိနေကြပါပြီ။ လွန်ခဲ့သော ဆယ်စုနှစ်နှစ်ခု၌ ကမ္ဘာ့စီးပွားရေးကြီးတွင် အခြေခံပြောင်းလဲမှု ကြီးများ ဖြစ်ပေါ်ခဲ့ သည်။ ပထဝီနှင့် ယဉ်ကျေးမှု အကွာအဝေးတို့သည် ဂျက်လေယာဉ်ပျံ၊ ဖက်စ်၊ ဂလို ဘယ်ကွန်ပျူတာနှင့် တယ်လီဖုန်းကွန်ရက်၊ ဂြိုလ်တုရုပ်မြင်သံကြားနှင့် အခြားတက်ကနိုလိုဂျီ တိုးတက်မှု ကြောင့် ကျုံ့သွားပေသည်။ ဤအချက်သည် ကုမ္ပဏီတို့အား ပထဝီဆိုင်ရာ ဈေးကွက် အကျယ်အဝန်း၊ အဝယ်နှင့် ထုတ်လုပ်မှု အကျယ်အဝန်းတို့ကို ကြီးစွာ တိုးချဲ့ပစ်လိုက်စေသည်။ ရလဒ်အားဖြင့် ကုမ္ပဏီတို့အတွက်ရော၊ စားသုံးသူတို့အတွက်ပါ အလွန်ကျယ်ကျယ်ပြန့်ပြန့် ရှုပ်ထွေးသောဈေးကွက် ရှာဖွေထူထောင်ရေး ဝန်းကျင်နှင့် ရင်ဆိုင်ကြရတော့သည်။

ယနေ့၌ ငယ်သည်ဖြစ်စေ။ ကြီးသည်ဖြစ်စေ၊ ကုမ္ပဏီတိုင်းသည် တစ်နည်းနည်းဖြင့် ကမ္ဘာနှင့် ချီသော ဂလိုဘယ်ယှဉ်ပြိုင်မှု တို့နှင့် ထိတွေ့ရသည်။ မက္ကဆီကန်ပန်းခြံမှ ပန်းဝယ်သူ အိမ်နီးချင်းမှအစ ယူအက်စ်အီလက်ထရောနစ် ပစ္စည်းထုတ်လုပ်သူများ အဆုံး မိမိတို့၏ အိမ်တွင်းဈေးကွက်အတွင်း၌ ဂျပန်မှ ဧရာမပြိုင်ဘက်တို့နှင့် ယှဉ်ပြိုင်လာရမည်။ တစ်ကမ္ဘာလုံးမှ အမှာ စာများ ရရှိနေသော အင်တာနက်လက်လီသမားမှအစ ထွန်းသစ်စ ဈေးကွက်များ ဆီသို့ လူသုံးကုန်ပစ္စည်းများ တင်ပို့နေသော အမေရိကန်စားသုံးကုန်ထုတ် လုပ်သူများ အဆုံး ဂျပန်တို့နှင့် ယှဉ်ပြိုင်နေရသည်။

အမေရိကန်ကုမ္ပဏီတို့သည် မိမိအိမ်တွင်း ဈေးကွက်၌ ပင် ကျွမ်းကျင်သော ဥရောပနှင့် အာရှမှနိုင်ငံစုံ ကော်ပိုရေးရှင်းကြီးတို့၏ စိန်ခေါ်မှု ကို အကြီးအကျယ် ခံနေရသည်။ တိုယိုတာ၊ ဆီးမင်း၊ နက်စတဲလ်၊ ဆိုနီနှင့် ဆမ်ဆောင်း ကဲ့သို့ သောကုမ္ပဏီကြီးတို့သည်။ အမေရိကန် ဈေးကွက်ထဲ၌ အမေရိကန်ပြိုင်ဖက်တို့ထက်ပို၍ သာလွန်ကောင်းမွန်အောင် ဆောင်ရွက် ယှဉ်ပြိုင်နိုင်ကြသည်။ ထိုနည်းတူစွာ ပင် လုပ်ငန်းအသီးသီးမှ ယူအက်စ်ကုမ္ပဏီ တို့ကလည်း ပြည်ပတွင် အခွင့်အလမ်းသစ်များ တွေ့ရှိခဲ့ကြသည်။ ကိုကာကိုလာ၊ ဂျင်နရယ်မော်တာ၊ အက်ဇွန်၊ အိုငိဘီအမ်၊ ဂျီအီး၊ ဂျူးပွန့်၊ မိုတိုရိုလာ၊ နှင့် အခြားအမေရိကန် ကုမ္ပဏီပေါင်း တစ်ဒါဇင်လောက်သည် ဂလိုဘယ်လက်တွေ့ စစ်ဆင်မှု များ ကို ပြုလုပ်၍ ဖွံ့ဖြိုးနေခဲ့ကြသည်။ သူတို့၏ ကုန်စည်ကို တစ်ကမ္ဘာလုံးပြန့်အောင် ရောင်းချနေကြသည်။

ယနေ့၌ ကုမ္ပဏီတို့သည် ပြည်တွင်း၌ ထုတ်လုပ်သော ကုန်စည်တို့ကို ကမ္ဘာ့ဈေးကွက်၌ ရောင်းချရန် ကြိုးပန်းနေရုံမျှမက သူတို့သည် ပစ္စည်းအစိတ်အပိုင်းတို့နှင့် ဆပ္ပလိုင်းတို့ကို ပြည်ပမှ အများ အပြား ပို၍ ဝယ်ယူလာကြသည်။ ဥပမာ- ဘီးဘလပ်(စ်) Bill Blass (အမေရိကန်ထိပ်သီး ဖက်ရှင် ဒီဇိုင်းနာ ) သည် သြစတြေးလျမှ သိုးမွှေးဖြင့် ရက်လုပ်ထားသော အဝတ်အထည်တို့ကို အီတလီတွင် ဒီဖိုင်းပြု၍ အိတလီတံဆိပ်ကပ်ပြီးနောက် ဝယ်ယူကောင်းဝယ်ယူမည်။ သူသည် ဒီဇိုင်းတစ်ခုခု ရေးဆွဲပြီးနောက် ၎င်းဒီဇိုင်းကို ဟောင်ကောင်အေဂျင်စီသို့ ဖက်စ်ဖြင့် ပို့ကောင်းပို့မည်။ ဤအေးဂျင့်က တရုတ်စက်ရုံတစ်ခုခုတွင် မှာ ကောင်းမှာ မည်။ ပြီးစီးသော အဝတ်အထည်တို့ကို နယူးယောက်သို့ သဘောင်္ဖြင့်တင်ပို့ပြီး နယူးယောက်ရောက်လျှင် ဤပစ္စည်းတို့ကို ကုန်တိုက်ကြီးများ သို့ လည်းကောင်း၊ တစ်နိုင်ငံလုံးရှိ အထူးဆိုင်များ သို့ လည်းကောင်း ဖြန့်ချိသည်။

သို့ အားဖြင့် ကမ္ဘာတစ်ဝှမ်းမှ မန်နေဂျာတို့သည် ကုမ္ပဏီလုပ်ငန်းအကြောင်း၊ ပြိုင်ဖက်တို့ အကြောင်းနှင့် အခွင့်အလမ်းတို့အကြောင်း တို့ကို ကမ္ဘာနှင့်ချီ (ဂလိုဘယ်) ပြောဆိုနေကြသည်။ ဒေသ(လိုကယ်) အပိုင်းအခြားဖြင့် မပြောကြတော့ပေ။ သူတို့က “ ဂလိုဘယ်ဈေးကွက်ရှာဖွေ ထူ ထောင်ရေးသည် အဘယ်နည်း” ဟုမေးကြသည်။ “ ဂလိုဘယ်ဈေးကွက်သည် ပြည်တွင်းဈေး ကွက်နှင့် မည်သို့ ခြားနည်းသနည်း” “ ဂလိုဘယ်ပြိုင်ဘက်နှင့် အင်အားစုတို့က ကျွန်တော်တို့၏ Business ကို ဘယ်လိုထိခိုက်သလဲ ။ မည်သည့်အတိုင်းအတာအထိ ကျွန်တော်တိုို့ ဂလိုဘယ်သွား သင့်သနည်း။ ” စသည်ဖြင့်မေးခွန်းတွေထုတ်ကြသည်။ ကုမ္ပဏီ များ စွာ သည် နိုင်ငံခြား ကုမ္ပဏီတို့နှင့် သေနင်္ဂဗျူဟာမြောက် မဟာမိတ်များ ဖွဲ့စည်းနေကြသည်။ ဆပ္ပလိုင်ရာအဖြစ် လည်းကောင်း၊ ဈေးကွက်ပါတနာအဖြစ် လည်းကောင်း၊ ပြိုင်ဖက်တို့နှင့်ပင် မဟာမိတ် ဖွဲ့စည်းကြသည်။ အနာဂတ်တွင် အောင်နိုင်သော ကုမ္ပဏီဆိုသည်မှာ အကောင်းဆုံး ဂလိုဘယ် ကွန်ရက်တို့ကို တည်ဆောက်ထားနိုင်သူတို့သာ ဖြစ်ဖွယ်ရှိပေသည်။

ကျွန်တော်တို့၏ တန်ဖိုးနှင့် လူမှု တာဝန်တို့ ချိတ်ဆက်ခြင်း

(Connections with Our Values and Social Responsibilities)

ဈေးကွက်သမားတို့သည် လူမှု တန်ဖိုးနှင့် လူမှု တာဝန်တို့နှင့် ပတ်သက်၍ လည်းကောင်း၊ ကျွန်တော်တို့အား ထိန်းသိမ်းပေးထားသည့် ဤကမ္ဘာမြေကြီးနှင့် ပတ်သက်၍ လည်းကောင်း၊ ပြန်လည်သုံးသပ်နေကြသည်။ ကမ္ဘာနှင့် ချီရှိသော စားသုံးသူဝါဒနှင့် သဘာဝ ပတ်ဝန်းကျင် ထိန်းသိမ်းရေး ဝါဒလှုပ်ရှားမှု တို့ ရင့်ကျက်လာသည်နှင့် အမျှ ဈေးကွက်သမားတို့သည် သူတို့၏ ဆောင်ရွက်မှု တို့ကြောင့် ဖြစ်ပေါ်လာသော လူမှု ရေးနှင့် ပတ်ဝန်းကျင် သက်ရောက်မှု တို့နှင့် ပတ်သက်ပြီး ပို၍ တာဝန်ယူကြရန် နှိုးဆော်ခံနေရပြီး ကော်ပိုရိတ်ကျင့်ဝတ် Corporate ethics နှင့် လူမှု တာဝန်တို့အကြောင်းသည် ဘုတ်အဖွဲ့ရုံးမှ ဘိစနက်ကျောင်းတို့အထိ စီးပွားရေးနယ်ပယ် တိုင်း၌ ပူပူနွေးနွေးပြဿနာ များ ဖြစ်နေပြီ။ ထို့အပြင် ကုမ္ပဏီအနည်းငယ်လောက်ကသာ သဘာဝ ပတ်ဝန်းကျင် ထိန်းသိမ်းရေး လှုပ်ရှားမှု ၏ အသစ်တောင်းဆိုမှု တို့ကို လျစ်လျူရှုနိုင်ပြီ။

လူမှု တာဝန်နှင့် သဘာဝ ပတ်ဝန်းကျင် လှုပ်ရှားမှု တို့သည် အနာဂတ်၌ ကုမ္ပဏီတို့အပေါ်ပို၍ တင်းကျပ်သော တောင်းဆိုမှု တို့ကို ပြုလုပ်ပါလိမ့်မည်။ ကုမ္ပဏီအချို့က ဤလှုပ်ရှားမှု တို့ကို ခုခံဆန့်ကျင်ကြသည်။ တရားဥပဒေနှင့် ဖမ်းကိုင်မှသာ သို့ တည်းမဟုတ် စားသုံးသူတို့၏ ဆန္ဒပြမှု ရှိမှသာ ဤခုခံမှု တို့ကို လျှော့ကြသည်။ ရှေ့အမြော်အမြင်ရှိသော ကုမ္ပဏီတို့ကမူ ကျွန်တော်တို့ ဝန်းကျင်ကမ္ဘာကြီးနှင့် ပတ်သက်သော တာဝန်တို့ကို လွယ်လွယ်ကူကူပင် လက်ခံကြသည်။ ဤကုမ္ပဏီတို့သည် လူမှု ရေးအရ တာဝန်ရှိသော လုပ်ငန်းတို့ကို အခွင့်အလမ်း များ အဖြစ် ရှုမြင်သုံးသပ်ကြသည်။ ပို၍ ကောင်းသော အလုပ်များ ဆောင်ရွက်ကြခြင်းဖြင့် အခွင့်အလမ်းများ ရရှိစေနိုင်သည်ဟု ထွက်ကြသည်။ ဖောက်သည်နှင့် အသိုင်းအဝိုင်းတို့၏ ရေရှည်အကျိုးစီးပွား တို့ကို အကျိုးဆောင်ပေးခြင်းအားဖြင့် အမြတ်ရရှိနိုင်သော အခွင့်အလမ်းများ ပေါ်ပေါက်စေနိုင်သည်ဟု ယုံကြည်ကြသည်။ Ben & Jerry's, Saturn, The Body Shop နှင့် အခြားကုမ္ပဏီတို့သည် “ ယုယပြုစုတတ်သော အရင်းရှင်စနစ် ” Caring Capitalism ကို ကျင့်သုံးနေကြသည်။ သူတို့၏ လူမှု တာဝန်နှင့် ဆောင်ရွက်ချက်တို့ကို ကုမ္ပဏီ၏ တန်ဖိုးနှင့် မစ်ရှင်ကြေညာချက်တို့ထဲတွင် ထူထောင်ထားကြသည်။ ဥပမာ - ဘင်အင်ဂျာရီ၏ မစ်ရှင်ထုတ်ပြန် ကြေညာချက်တွင် ထိပ်ပိုင်းမန်နေဂျာမှ အစ၊ စတိုးဆိုင်တိုင်းရှိ ရေခဲမုန့် ထည့်ပေးသူ အဆုံး လုပ်သားအားလုံးကို နေ့စဉ်နေ့တိုင်း ပြုလုပ်သော ဆုံးဖြတ်ချက်တို့၌ လူတစ်ဦးစီနှင့် လူ့အသိုင်းအဝိုင်း၏ သက်သာချောင်ချိ ကောင်းစားရေးတို့အပေါ် အလေးမူ ဂရုစိုက်ရန် စိန်ခေါ် ထားသည်။

ချိတ်ဆက်မှု တို့ကို ကျယ်ပြန့်စေခြင်း (Broadening Connections)

ခြားနားသော အဖွဲ့အစည်းမျိုးစုံတို့သည် ဖောက်သည်နှင့် အခြားမိမိနှင့် သက်ဆိုင်သည့် အရေးကြီးရာ အစုအဝေးတို့နှင့် ချိတ်ဆက်မိရန် ဈေးကွက် ရှာဖွေထူထောင်ရေးနည်းတို့ကို အသုံးပြုနေကြသည်။ အတိတ်က ဆိုလျှင် အမြတ်ရှေ့ရှုသော လုပ်ငန်းတို့တွင် ဈေးကွက်ရှာဖွေ ထူထောင်ရေးကို အလွန် ကျယ်ပြန့်စွာ အသုံးပြုကြသည် ။ မကြာသေးမီနှစ်များ ကစပြီး ကောလိပ်များ ၊ ဆေးရုံများ ၊ ပြတိုက်များ ၊ ဆင်ဖိုနီတီးဝိုင်းအဖွဲ့ကြီးများ နှင့် ဘုန်းကြီးကျောင်း၊ ဘုရားရှစ်ခိုးကျောင်း၊ စသည်တို့ကဲ့သို့ သော အမြတ်ကို ရှေ့ရှုခြင်းမရှိသည့် အဖွဲ့ အစည်း မျိုစုံတို့ကလည်း သူတို့၏ မဟာဗျူဟာတို့တွင် ဈေးကွက် ရှာဖွေထူထောင်ရေးကို အရေးကြီးသော အစိတ်အပိုင်း များ အဖြစ် ထည့်သွင်း အသုံးပြု လာကြသည် ။ အောက်ပါ နမူနာ တို့ကို ကြည့်ပါ ။

ဆစ်စကင်း ဆေးရုံသည် နာလန်ထပြန် ထူထောင်ရေး ဆေးရုံဖြစ်၍ ဈေးကွက်ရှာဖွေ ထူထောင်ရေး ဝက်(ဘ်)ဆိုက်ကို ထူထောင်ထားသည်။ ဤဝက်ဆိုက်ဖြင့် ဆေးရုံသည် ထိတ်တန်းဆေးရုံ တစ်ခုဖြစ်ကြောင်း ကြေညာသည်။ ထို့အပြင် ဆေးရုံ၏ ခရိုင် ၁၄ ခုမှ ပစ်မှတ်ပရိသတ် တို့အား ကျမ်းမာရေးပညာလည်းပေးသည်။ ကျွမ်းကျင်သူတို့နှင့် မိတ်ဆက် ပေးသည်။ ဆောဆာလီတူဘုရားရှိခိုးကျောင်းသည် ကိုးကွယ်သူတို့က တနင်္ဂနွေနေ့၌ ဘောလုံးပွဲ ကြည့်ရန် သို့ မဟုတ် ပင်လယ်ကမ်းစပ်သွား အပန်းဖြေနိုင်ရန် စနေနေ့ ညပိုင်းတွင် ဘုရားဝတ်ပြု ဓမ္မတေးဂီတများ လွှင့်ပေးသည်။ ဝက်(ဘ်)ဆိုက်လည်း ဖွင့်ထားသည်။

အလားတူပင်များ စွာ သော ပုဂ္ဂလိက ကောလိပ်တို့ကလည်း ကျောင်းဝင်မှု များ လျော့ကျဆင်းလာသည်ကို ရင်ဆိုင်လာရသောအခါ ကျောင်းသားနှင့် ရန်ပုံငွေ ရရှိရန် ဈေးကွက် ရှာဖွေထူထောင်ရေး နည်းလမ်းတို့ကို အသုံးပြုလာကြသည်။ ဤကောလိပ်တို့သည် ပစ်မှတ်ဈေးကွက် ရွေးချယ်၍ ဆက်သွယ်ရေးနှင့် မြှင့်တင်ရေးကို တိုးတက်ကောင်းမွန်အောင် ပြုလုပ်ကြသည်။ ကျောင်းသားတို့၏ လိုအပ်ချက်နှင့် လိုအင်ဆန္ဒတို့ကိုပို၍ ကောင်းမွန်စွာ တုံ့ပြန်ကြသည်။ များ စွာ သော လူလုံးပြအနုပညာအဖွဲ့တို့သည် (ချီကာဂို၏ လိုင်းရစ်အော်ပရာ ကုမ္ပဏီသည်ပင်လျှင်) လက်တွေ့ လက်ငင်းအသုံးစရိတ်လိုငွေတွေ အကြီးအကျယ်ပြနေလေရာ ဤလိုငွေတို့ကို တက်ကြွလှုပ်ရှားသော အလှူရှင်ဈေးကွက် ရှာဖွေထူထောင်ရေး နည်းလမ်းဖြင့်သာ ဖြည့်ဆည်းပေးနိုင်ဖွယ်ရာရှိသည်။ နောက်ဆုံး၌ ဝိုင်အင်မ်စီအေ၊ ဆာလ်ဗေးရှင်းအာမီနှင့် ဂဲလ်စကော့ တို့လို အမြတ်မရှေ့ရှုသော ကျော်ကြားသည့် အဖွဲ့အစည်းတို့သည်လည်း အဖွဲ့ဝင်များ ဆုံးရှုံးခဲ့ကြသည်။ သို့ ဖြင့်ဤအဖွဲ့အစည်းတို့သည်လည်း အဖွဲ့ဝင်နှင့် အလှူရှင်တို့ပို၍ တိုးပွား လာအောင် သူတို့၏ “ မစ်ရှင် ” နှင့် “ ကုန်စည် ” တို့ကို ခေတ်မီအောင် ပြုလုပ်နေကြရသည်။

အစိုးရအေဂျင်စီတို့ပင်လျှင် ဈေးကွက်ရှာဖွေထူထောင်ရေးတွင် ပိုပြီး စိတ်ဝင်စားလာကြ ရပြီ။ ဥပမာ - ယူအက်စ်အာမီ သည် စစ်သားပိုမိုစုဆောင်း ရရှိနိုင်ရန် ဈေးကွက်ရှာဖွေ ထူထောင်ရေး စီမံကိန်းတစ်ရပ်ကို ထားရှိရသည်။ အခြားသော အေဂျင်စီတို့ကလည်း စွမ်းအင် ချွေတာ ထိန်းသိမ်းခြင်းကို အားပေးရန်၊ သဘာဝ ပတ်ဝန်းကျင်အတွက် စိုးရိမ်စိတ်ရှိတတ်ရန်၊ စီးကရက်သောက်ခြင်းကို အားမပေးရန်၊ အရက်နှင့် မူးယစ်ဆေးဝါး အလွန်အကျွံသောက်သုံးခြင်း တို့ကို တားဆီးရန်အလို့ငှာ လူမှု ဈေးကွက်လှုပ်ရှားမှု social marketing campaigns တို့ကို ဒီဇိုင်းဆွဲနေရပြီ။ အလွန်လေးလံကြီးမားသော ယူဆက်စ်စာတိုက်သည်ပင် အမှတ်တံဆိပ်ခေါင်းများ ရောင်းချနိုင်ရန်၊ ဦးစားပေး စာပို့စနစ် မြှင့်တင်ရန်နှင့် ပြိုင်ဘက်တို့နှင့် နှိုင်းယှဉ်လျှင် မိမိပုံရိပ် တိုးတက်ကောင်းမွန်ရန်တို့ အလို့ငှာ တီထွင်ဆန်းသစ်သော ဈေးကွက်ရှာဖွေထူထောင်မှု တို့ကို ပြုလုပ်လာရပေသည်။ စာတိုက်ကြီးသည် မိမိ၏ ပရိုဂရမ်ဖြစ်သော “ လင်းယုန်ကြီးကဲ့သို့ ပျံသည် ” “ Fly like an Eagle ” အတွက် ပုံရိပ်ကြော်ငြာလုပ်ငန်းတွင် အများ အပြား ရင်းနှီးသုံးစွဲထားရသည်။ Roxanne Symko (ယူအက်စ်ပီအက်စ်ကြော်ငြာနှင့် မြှင့်တင်ရေးလုပ်ငန်းမှ မန်နေဂျာ)က “ ကျွန်တော်တို့၏ အနေအထားကို အလင်းရောင်အသစ်တွင် ပေါ်လွင်စေချင်သည်။ တီထွင်ဆန်းသစ်သူနှင့် ရှေ့ကြည့်သူအဖြစ် ပေါ်လွင်စေချင်သည် ” ဟု သုံးသပ်ပြသည်။

သို့ အားဖြင့် အဖွဲ့အစည်း အမျိုးအစားတိုင်းသည် ဈေးကွက်ရှာဖွေ ထူထောင်ရေးမှ တစ်ဆင့် ချိတ်ဆက်နိုင်ကြပြီ။ အမြတ်မရှေ့ရှုသော အများ ပြည်သူဆိုင်ရာကဏ္ဍတို့မှ အဆက်မပြတ် ဈေးကွက်ရှာဖွေ ထူထောင်ရေး ဖွံ့ဖြိုးမှု သည် “ ဈေးကွက် ရှာဖွေထူထောင်ရေး မန်နေဂျာတို့အတွက် အသစ်လည်းဖြစ်၊ စိတ်လှုပ်ရှားစရာလည်းဖြစ်သော စိန်ခေါ်မှု တို့ကို ဖော်ထုတ်တင်ဆက်လိုက်ပေပြီ။ ”

ဈေးကွက်ရှာဖွေထူထောင်ခြင်း၏ ချိတ်ဆက်နေသောကမ္ဘာသစ်

(The New Connected World of Marketing)

သို့ အားဖြင့် ယနေ့စမတ်ကျသော ဈေးကွက်သမားတို့သည် ဖောက်သည်တို့နှင့် ချိတ်ဆက် မှု ၊ သူတို့၏ ဈေးကွက်ပါတနာတို့နှင့် ချိတ်ဆက်မှု ၊ ကမ္ဘာတစ်ဝှမ်း ချိတ်ဆက်မှု တို့အတွက် အခွင့်အလမ်းတို့ကို အသုံးပြုလျှက် ရှိကြကုန်သည်။ ဇယား (၁.၁) သည် ခေတ်ဟောင်းဈေးကွက် ရှာဖွေ ထူထောင်ရေး စဉ်းစားတွေးခေါ်နည်းနှင့် ခေတ်သစ်ဈေးကွက် ရှာဖွေ ထူထောင်ရေး စဉ်းစားတွေးခေါ်နည်းတို့ကို နှိုင်းယှဉ်ဖော်ပြထားသည်။ ခေတ်ဟောင်းဈေးကွက် ရှာဖွေ ထူထောင်ရေး စဉ်းစားတွေးခေါ်ပုံအရ ဈေးကွက်ရှာဖွေ ထူထောင်ခြင်းသည် ရောင်းချခြင်းနှင့် ကြော်ငြာခြင်းတို့ထက်သိပ်မပိုပါပေ။ အဟောင်းတွေးခေါ်ပုံနည်းအရ ဈေးကွက်ရှာဖွေ ထူထောင်ခြင်းသည် ဖောက်သည်အားပြုစုစောင့်ရှောက်ရေးထက် ဖောက်သည်ရရှိရေးကိုသာ ဂရုပြုသည်။ အဟောင်းတွေးခေါ်နည်းသည် အရောင်းတစ်ခုစီတိုင်းအပေါ်မှ အမြတ်ရရှိရေးကိုသာ မဲသည်။ ဖောက်သည်၏ ဘဝတစ်သက်တာ တန်ဖိုးကို စီမံခန့်ခွဲခြင်းဖြင့် အမြတ်ထွက်ရန် မကြိုးစားပေ။ အတွေးအခေါ် ဟောင်းသည် ကုန်စည်ရောင်းရရေး ကိုသာ အာရုံစိုက်သည်။ ဖောက်သည် အားတန်ဖိုးအစစ်အမှန်ပေးရန်၊ ဖောက်သည်နှင့် ချိတ်ဆက်ဆက်သွယ်ရန်၊ ဖောက်သည်တန်ဖိုးကို ဖန်တီးပေးရန်နှင့် နားလည်ရန်စသည်တို့ကို လျစ်လျူရှုသည်။

ကံအားလျော်စွာ ဈေးကွက်ရှာဖွေ ထူထောင်ရေးနှင့် ပတ်သက်သော စဉ်းစားတွေးခေါ်နည်း အဟောင်းသည် ယခုအခါ အတွေးအခေါ်အသစ် တို့ကိုနေရာဖယ်ပေးရလေပြီ။ ယနေ့၌ စမတ်ဈေးကွက် Smart Marketing ရှာဖွေထူထောင်ရေး ကုမ္ပဏီတို့သည် ဖောက်သည်တို့အကြောင်း သိရှိနားလည်မှု နှင့် ဖောက်သည်တို့နှင့် ချိတ်ဆက်မှု တို့ကို တိုးတက်ကောင်းမွန်အောင် ပြုလုပ်လျက်ရှိကြသည်။ သူတို့သည် ဖောက်သည်တို့နှင့် တိုက်ရိုက် ချိတ်ဆက်မိအောင် ကြိုးပမ်းနေကြသည်။ ရာသက်ပန်ဖောက်သည် ဆက်ဆံရေးကိုလည်း ထူထောင်နေကြသည်။ သူတို့သည် အကျိုးအမြတ်ထွက်ဖွယ်ရှိသည့် ဖောက်သည်တို့ကို ပစ်မှတ်ထားကာ ဤဖောက်သည်တို့ကို သိမ်းသွင်းရန်အတွက် တီထွင်ဆန်းသစ်သော နည်းလမ်းတို့ကို ရှာဖွေလျက်ရှိကြသည်။ သူတို့သည် ပစ်မှတ်မီဒီယာတို့ကို ပို၍ ပို၍ အသုံးပြုကာ သူတို့၏ ဈေးကွက်ရှာဖွေ ထူထောင်ရေး ဆက်သွယ်မှု တို့ကို စုစည်းပေးလျှက်ရှိကြသည်။ ဖောက်သည် အဆက်အသွယ်တိုင်းမှတစ်ဆင့် အဓိပ္ပါယ်ရှိသော၊ တည်ငြိမ်သော အမှာ စကား မက်ဆေ့(ခ်ျ)တို့ကို ပေးပို့လျှက်ရှိသည်။ ဗွီဒီယို ကွန်ဖရင့်လို၊ အော်တိုမက်တစ်အရောင်း ဆော့(ဖ်)ဝဲလ်လို၊ အင်တာနက်တို့ကို ပို၍ သုံးစွဲ လျက်ရှိကြသည်။ သူတို့၏ ပစ္စည်းထောက်ပံ့သူ ဆပ္ပလိုင်ရာနှင့် ဖြန့်ချိရေး သမားတို့ကို ပါတနာများ အဖြစ် ရှုမြင်ကြသည်။ ပြိုင်ဘက်များ အဖြစ် မရှုမြင်၊ ခြုံပြီးပြောရလျှင် သူတို့၏ ဖောက်သည်တို့အား ပို၍ သာလွန်ကောင်းမွန်သော တန်ဖိုးတို့ကို ပေးဆောင်နိုင်ရန်အလို့ငှာ သူတို့၏ ချိတ်ဆက်မှု အမျိုးအစားအသစ်တို့ကို ဖွဲ့စည်းထူထောင်လျှက် ရှိကြကုန်သည်။

ဤဖြစ်ထွန်းမှု အားလုံးကို နောက်ပိုင်းတွင် အကျယ်တဝင့် ဆွေးနွေး သွားပါမည်။ ယခု အတွက်ဆိုမူ ၂၁ ရာစုနှစ်ထဲဝင်လာသည်နှင့် အမျှ ဈေးကွက်ရှာဖွေထူထောင်ရေးတွင် အံ့ဩစရာ ကောင်းအောင် အပြောင်းအလဲများ ဖြစ်လာမည်ဆိုသော အချက်ကို အသိအမှတ် ပြုထားရန် လိုမည်။ ထောင်စုနှစ်သစ်တွင် ရှေ့ကြည့်စဉ်းစားတွေးခေါ်သော ဈေးကွက်သမား တို့အတွက် စိတ်လှုပ်ရှားစရာ အခွင့်အလမ်းများ စွာ ပေါ်လာပါလိမ့်မည်။