(၁)

အရူးနှစ်ယောက်ရဲ့ ချစ်ပုံပြင်

'ဟား ... ဟား ... ကျွန်တော် လူသတ်လိုက်ပြီ၊ခင်ဗျားတို့ကြည့်၊ ကျွန်တော် လူသတ်လိုက်ပြီ ...'

ဟိုးရှေးရှေးတုန်းက ဒီလိုအချစ်ပုံပြင်လေးတစ်ပုဒ် ရှိခဲ့ဖူးတယ်။

ပုံပြင်ထဲက ယောက်ျားနဲ့မိန်းမ နှစ်ဦးစလုံးဟာ ရူးနေကြတယ်။ သူကရူးနေလို့ တစ်ချိန်လုံး အရူးစကားပဲ ပြောတတ်တယ်။ သူမကလည်း ရူးနေပြီးတစ်ချိန်လုံး သူ့ကိုပဲ ခပ်တုံးတုံးရယ်ပြပြီး စိုက်ကြည့်နေတတ်တယ်။

အစက သူတို့နှစ်ယောက် တစ်ယောက်ကိုတစ်ယောက် မသိကြဘူး။ သူက တောင်အရပ်မှာ နေပြီး သူမက မြောက်အရပ်မှာ နေကြတယ်။ အိမ်ကလူတွေက သူတို့နှစ်ယောက်ကို တုံးအတယ်ဆိုပြီး ဂရုမစိုက်ဘဲ သွားချင်ရာသွားဆိုပြီး စွန့်ပစ်ထားကြတယ်။ တောင်အရပ်ကနေ မြောက်အရပ်ဆီဦးတည်ပြီး သူ ထွက်လာခ့တယ်။ မြောက်အရပ်ကနေ တောင်အရပ်ဆီဦးတည်ပြီး သူမလေလွင့်ခဲ့တယ်။ နှစ်ယောက်စလုံး လေလွင့်ခြဲ့ကတယ်။

တကယ်တော့ အရင်က သူ မရူးဘူး။ တစ်ခါက အလုပ်ခွင်မှာ ခေါင်းကို အုတ်နဲ့ရိုက်မိပြီး သူ ရူးသွားတာဖြစ်တယ်။ သူမလည်း အစက မရူးဘူး။တက္ကသိုလ်ဝင်တန်းမှာ မြို့နယ်ပထမရခဲ့တဲ့ သူမနေရာကို သူဌေးသမီးတစ်ယောက် ဝင်ယူလိုက်ရာက ဘယ်သူနဲ့မှ သူမ စကားမပြောတော့ဘူး။ အဖေအမေကိုလည်း ဂရုမစိုက်တော့ဘူး။ နောက်တော့ သူမ ရူးသွားခဲ့တယ်။

လမ်းခရီး ဘယ်လောက်ကြာကြာ သူတို့ လျှောက်ခြဲ့ကမှန်း မသိဘူး။သူ့ကိုယ်ပေါ်က အဝတ်အစားတွေ ညစ်ပတ်ပေရေနေတယ်။ မည်းညစ်နေတဲ့ခြေဖျားတွေ ဖိနပ်ထိပ်မှာ ပြူထွက်နေတယ်။ သူမကိုယ်ပေါ်က အနီရောင်ဝတ်စုံလည်း မီးခိုးရောင်ဖြစ်နေခဲ့တယ်။ ရှုပ်ပွနေတဲ့ သူမဆံပင်ပေါ်မှာ မြက်ခြောက်တွေ ကပ်ငြိနေတယ်။ ဒါပေမယ့် သူမမျက်နှာ ဖြူနေတယ်။ ဖြူရော်နေတယ်။ လက်ထဲမှာ ရေပုလင်းတစ်လုံးကိုင်ထားပြီး လမ်းသွားလမ်းလာတွေကိုထုံအအ သူမ ရယ်ပြနေခဲ့တယ်။

ညနေဝင်ရီတရောအချိန်မှာ သူနဲ့သူမ တွေ့ ကြတယ်။ အမှိုက်ပုံးတစ်ခုမှာ မှိုတက်နေတဲ့ ပေါင်မုန့်တစ်ချပ်ကို အတူတွေ့ကြရင်း သူတို့နှစ်ယောက် ဆုံခဲ့ကြတယ်။ ပေါင်မုန့်ဆီ နှစ်ဦးသား လက်လှမ်းပြီး ကောက်ယူချိန်ခေါင်းချင်းတိုက်ဆုံခြဲ့ကတာဖြစ်တယ်။ သူမကို သူ စူးစူးစိုက်စိုက်ကြည့်ပစ်လိုက်တယ်။ သူ့ကို သူမ ရယ်ပြနေတယ်။ နောက်ဆုံး သူ့လက်ထဲ ပေါင်မုန့်ပါလာတယ်။ မည်းညစ်နေတဲ့ပါးစပ်ကြီးကိုဟပြီး ပေါင်မုန့်ကို ခပ်နာနာ တစ်ချက်ကိုက်ချလိုက်တယ်။ သူမ မလှုပ်ဘဲ သူ့ကို ငေးစိုက်ကြည့်နေတယ်။

သူမကို အရောင်မပါတဲ့မျက်လုံးနဲ့ သူ တစ်ချက် စောင်းကြည့်လိုက်တယ်။ တံတွေးတွေကို မပြတ်မျိုချရင်း သူ့ကို သူမ ငေးကြည့်နေခဲ့တယ်။ စားလက်စပေါင်မုန့်ကိုရပ်ပြီး ထုံအအနဲ့ သူ့ကိုစိုက်ကြည့်နေတဲ့ သူမကို ပြန်စိုက်ကြည့်လိုက်တယ်။ အဲဒီ လိုနဲ့ အရူးနှစ်ယောက် ဘာအမူအရာမှမပြဘဲ အချင်းချင်း စိုက်ကြည့်နေကြတယ်။

သူမကို သူ ပေါင်မုန့်ကမ်းပေးလိုက်တယ်။ တစ်ဝက်သာကျန်တဲ့ပေါင်မုန့်ကို သူမ ဆတ်ခနဲဆွဲယူပြီး အားရပါးရ စားလိုက်တယ်။ နေရာက သူလှည့်ထွက်လာခဲ့တယ်။ နောက်လှည့်မကြည့်ဘဲ အိပ်နေကျအိမ်အိုကြီးဆီသူ ပြန်လာခဲ့တယ်။ အိမ်နားရောက်မှ သူ့နောက်မှာ သူမ လိုက်ပါလာမှန်း သိတယ်။ သူ့ကို သူမ ရယ်ပြပြန်တယ်။ သူတို့အချင်းချင်း စကားတစ်ခွန်းမှ မပြောကြဘဲ အိမ်အိုကြီးထဲမှာ အတူနေခဲ့ကြတယ်။

ညအိပ်ချိန်မှာ တစ်ခါမှ မခံစားဖူးတဲ့ နွေးထွေးမှု ကို သူ ခံစားမိတယ်။နိုးလာတော့ သူမက သူ့ကိုဖက်ပြီး အိပ်နေတယ်။ အရူးတစ်ယောက်ပုံစံနဲ့မတူဘဲ နှစ်နှစ်ခြိုက်ခြိုက်သူ့ကိုဖက်ပြီး သူမ အိပ်ပျော်နေခဲ့တယ်။

အဲလိုနဲ့ အရူးနှစ်ယောက် တစ်အိမ်ထဲမှာ အတူနေဖြစ်ခဲ့ကြတယ်။နေ့ခင်းမှာ နှစ်ယောက်အတူ ဈေးထဲက စားစရာတွေကောက်ယူစားပြီး သူတို့ဗိုက်ဖြည့်ကြတယ်။ ညဘက်မှာ အိမ်အိုကြီးဆီ ပြန်အိပ်ကြတယ်။ တစ်ရက်ပြီးတစ်ရက်၊ တစ်လပြီးတစ်လ နေ့ရက်တွေကို သူတို့ ကျော်ဖြတ်ခဲ့ကြတယ်။

တစ်ညမှာ ဘယ်ကကောက်ရမှန်းမသိတဲ့ လက်စွပ်တစ်ကွင်းကို သူယူပြန်ခဲ့တယ်။ သံချေးတွေတက်နေတဲ့ လက်စွပ်ကို သူမလက်ထဲ သူ စွပ်ပေးလိုက်တယ်။ သူမက ထုံးစံအတိုင်း သူ့ကိုကြည့်ပြီး ရယ်နေတယ်။ အဲဒီ ညကသူမ အားရပါးရရယ်ဖြစ်တယ်။ တိတ်ဆိတ်တဲ့ညမှာ သူမရယ်သံကို အတိုင်းသားကြားနေရတယ်။ ရယ်သံတွေရဲ့ နောက်မှာ ငိုသံတွေ ပါနေခဲ့တယ်။ ပထမဆုံးအကြိမ် သူမ ငိုမိတယ်။ သူ့ကိုဖက်ပြီး ဘာမှန်းညာမှန်းမသိ သူမ ငိုနေမိတယ်။ သူက မတုန်လှုပ်တဲ့အပြင် မျက်နှာမှာ လည်း ဘာအမူအရာမှ မပြခဲ့ဘူး။

သူမ ဖျားနေတယ်။ တစ်ခါမှ မဖျားဖူးတဲ့သူမ အပြင်းဖျားနေခဲ့တယ်။သူနဲ့အတူ မနက်စာထွက်မကောက်ခဲ့ဘူး။ သူ့ကို ရယ်ပြမနေခဲ့တော့ဘူး။ သူ့တစ်ယောက်တည်း အစာတွေသွားကောက်ပြီး နေ့ခင်းမှာ ပြန်လာခဲ့တယ်။လက်ထဲမှာ ရေအသစ်တစ်ဗူးနဲ့ ပေါင်မုန့်အသစ်တစ်ထုပ်ယူပြီး သူ ပြန်လာခဲ့တယ်။ သူ့မျက်နှာတွေ ဖုယောင်နေတယ်။ လက်ညှိုးတွေလည်း ညိုမည်းနေတယ်။ နှာခေါင်းမှာ လည်း သွေး တွေပေနေတယ်။ ဆိုင်ထဲက ရေနဲ့ပေါင်မုန့်ကိုသူဝင်လုတဲ့အချိန် ဆိုင်ပိုင်ရှင် ရိုက်ထားလို့ဖြစ်တယ်။

မျက်လုံးတွေကို သူမ မှိတ်ထားလည်း သူ့ကို အရင်လိုပဲ ရယ်ပြနေခဲ့တယ်။ ပေါင်မုန့်ကိုယူပြီး သူမပါးစပ်ထဲ သူ ထည့်ပေးလိုက်တယ်။ သူမ မစားနိုင်တော့ဘူး။ ကြည့်ရတာ သူမ သိပ်မဟန်တော့ဘူး။ အဖျားတွေတက်ပြီး သူမမေ့မျောသွားခဲ့တယ်။ သူ့မျက်နှာပေါ်မှာ ပထမဆုံးအကြိမ် အမူအရာတွေကိုမြင်ရတယ်။ စိုးရိမ်တဲ့အမူအရာ၊ အကူအညီမဲ့တဲ့ အမူအရာ၊ အိမ်အိုထဲကနေသူ ထွက်ပြေးလာခဲ့တယ်။ အစိမ်းရောင်ဝတ် ရဲသားတစ်ဦးကိုတွေ့တော့ သူ ငိုတယ်။ ပထမဆုံးအကြိမ် သူ ငိုခဲ့တယ်။

'ကျွန်တော့်အမျိုးသမီးကို ကယ်ပါ'လို့ ပါးစပ်ကအော်ပြီး သူ ငိုတယ်။

'သွားစမ်း၊ အရူး၊ တောက် . . . အိမ်ကထွက်တာနဲ့ ဘယ်ကအရူးနဲ့လာတိုးနေမှန်း မသိဘူး'

ရဲသားက ပြောပြောဆိုဆို သူ့ကို ကန်ထည့်လိုက်တယ်။ မြေကြီးပေါ်သူ ပက်လက်လှန်ကျသွားတယ်။ ရဲသားက သူ့ဗိုက်တည့်တည့် အားနဲ့ သုံးလေးချက်ဆင့်ပြီး ကန်ချလိုက်တယ်။ ပြီးတော့ သူ့မျက်နှာပေါ် တံတွေးတစ်ချက်ထွေးထည့်ပြီး နေရာက ထွက်သွားတယ်။ မြေပေါ်မှာ သူ အကြာကြီးလဲနေခဲ့တယ်။ သူ ထနိုင်တဲ့အချိန် မျက်နှာပေါ်ကတံတွေး တောင် ခြောက်နေခဲ့ပြီ။

သူမကို ကျောပိုးပြီး လမ်းမကြီးပေါ် သူ ရောက်လာခဲ့တယ်။ လမ်းပေါ်မှာ လူတွေအများ ကြီး။ ဒါပေမယ့် သူတို့ကို တစ်ယောက်မှ ဂရုစိုက်မကြည့်ကြဘူး။ ကြည့်ကြတဲ့လူတွေကလည်း ရွံရှာတဲ့ အေးတိအေးစက်အကြည့်နဲ့ တစ်ချက်ကြည့်ပြီး ကိုယ့်လမ်းကိုယ်သွားလိုက်ကြတယ်။ သူမကို လမ်းဘေးတစ်နေရာမှာ သူ ချလိုက်ပြီး အကူအညီမဲ့မျက်လုံးနဲ့လူတွေကို သူ လိုက်ကြည့်နေခဲ့တယ်။ သူမ အသက်မျှင်းမျှင်းလေးပဲ ရှူနေတယ်။ ရုတ်တရက် လမ်းဘေးကဖန်ကွဲစတစ်စကို သူ ကောက်ယူပြီး သူမရဲ့ ညစ်ပတ်ပိန်လှီနေတဲ့လက်ပေါ်ခုတ်ချလိုက်တယ်။ သူမလက်ထဲကသွေးတွေ ဖြာခနဲ သူ့မျက်နှာပေါ် ပန်းတက်လာတယ်။

'ဟား . . . ဟား . . . ကျွန်တော် လူသတ်လိုက်ပြီ၊ ခင်ဗျားတို့ကြည့်၊ကျွန်တော် လူသတ်လိုက်ပြီ'

အဲဒီ နောက် အရေးပေါ်လူနာတင်ကားရောက်လာပြီး သူမကို သယ်ထုတ်သွားကြတယ်။ ဝိုင်းကြည့်နေတဲ့လူတွေက သူ့ကို ကန်ကျောက်ပြီး ဆဲဆိုထွက်သွားကြတယ်။ ကယ်တင်ခံရပေမယ့် နောက်ဆုံးမှာ သူမ သေဆုံးသွားခဲ့ရတယ်။ အရေးပေါ်ခန်းမှာ တစ်နာရီလောက်တောင် သူမ မနေခဲ့ရဘဲ ရင်ခွဲရုံထဲ ပို့ခံခဲ့ရတယ်။ သေဆုံးသွားပေမယ့် သူမမျက်နှာက ပြုံးနေခဲ့တယ်။ သေဆုံးချိန်ထိ သူမလက်သူကြွယ်မှာ သံချေးတက်နေတဲ့ လက်စွပ်ကို စွပ်ထားဆဲဖြစ်တယ်။

သူမပြန်အလာကို သူ အကြာကြီးစောင့်နေခဲ့တယ်။ ဒါပေမယ့် သူမလုံးဝပြန်မလာခဲ့တော့ပါဘူး။ သူ့ကိုရယ်ပြဖို့ ပြန်မလာခဲ့တော့ပါဘူး။ သူ ငိုမိတယ်။ အားပါးတရ သူ အော်ငိုမိတယ်။ ညတစ်ညလုံး သူ့ငိုသံတွေ လွှမ်းနေခဲ့တယ်။ ဒါပေမယ့် ဘယ်သူမှ သူ့ငိုသံကို သတိမထားခဲ့မိကြဘူး။

သူတို့စတွေ့ခဲ့တဲ့ အမှိုက်ပုံးဘေးမှာ ပဲ သူ့ရဲ့ အေးစက်နေတဲ့အလောင်းကို လူတွေ တွေ့ခဲ့ကြတယ်။ သူ့မျက်နှာပေါ်ကအပြုံးတောင် အေးစက်နေခဲ့ပါပြီ။ မှိုတက်နေတဲ့ပေါင်မုန့်တစ်ချပ်နဲ့ မဖောက်ရသေးတဲ့ ရေတစ်ပုလင်းက သူ့ရင်ခွင်ထက်မှာ တင်းတင်းကျပ်ကျပ်ပွေ့ဖက်လို့။

မူရင်း - http://www.duwenzhang.com/wenzhang/aiqingwenzhang/shanggan/20071216/1494.html

(၂)

ပုစဉ်းရင်ကွဲ

''လုံးဝ နောင်တမရပါဘူး' မျက်ရည်တွေကိုသုတ်ရင်း သူ ပြန်ဖြေတယ် ...'

အေးချမ်းတဲ့မြို့လေးတစ်မြို့မှာ တစ်ဦးကိုတစ်ဦး အရမ်းချစ်ကြတဲ့ချစ်သူနှစ်ဦးရှိတယ်။ သူတို့ဟာ အမြဲမခွာ တတွဲ တွဲ ပဲ နေ့တိုင်း ပင်လယ်ဘေးကိုသွားပြီး နေထွက်၊ နေဝင်ချိန်ကို သွားကြည့်ကြတယ်။ သူတို့က မြင်သူတကာအားကျတဲ့ စုံတွဲ လေးပါ။

ဒါပေမယ့် တစ်နေ့မှာ မတော်တဆ ကားတိုက်မှု ကြောင့် ကောင်မလေး အပြင်းအထန် ထိခိုက်ဒဏ်ရာရပြီး မေ့မြောသွားခဲ့တယ်။ အိပ်ရာထဲမှာ ပဲ ငြိမ်သက်စွာ လဲလျောင်းနေရတယ်။ နေ့ဘက်ဆိုရင် ကောင်လေးကကောင်မလေးနားမှာ နေပြီး သူ့နာမည်ကို တတွတ်တွတ်ရွတ်ခေါ်တယ်။ ညဘက်ဆိုရင် ဘုရားကျောင်းသွားပြီး ကောင်မလေး ကျန်းမာလာစေဖို့ ဘုရားသခင်ထံ ဆုတောင်းတယ်။ အချိန်တွေ တဖြည်းဖြည်း ကုန်လွန်သွားခြဲ့ပီးကောင်လေးခမျာ ငိုရလွန်းလို့ မျက်ရည်တွေတောင် ခမ်းလုနီးနေပြီ။ ကောင်မလေးက မေ့မြောနေဆဲပဲ။ ဒါပေမယ့် ကောင်လေး လက်မလျှော့ခဲ့ဘူး။ ဘုရားသခင်ထံ ဆုတောင်းမြဲဆုတောင်းတယ်။

ဒီလိုနဲ့ တစ်ညမှာ ဘုရားသခင်က ကောင်လေးရဲ့ မလျှော့တဲ့ဇွဲနဲ့ကောင်မလေးအပေါ်ထားတဲ့ မေတ္တာတရားကြောင့် သူ့အပေါ် သနားသက်ဝင်ပြီး မျှော်လင့်ချက်တစ်ခု ပေးလိုက်တယ်။ ဘုရားသခင်က ကောင်လေးကို'ကောင်မလေးရဲ့ အသက်ကို ကိုယ့်ဘဝနဲ့ လဲလှယ်နိုင်မလား'လို့ မေးတယ်။ကောင်လေးက တွေဝေမနေဘဲ လဲလှယ်နိုင်ကြောင်း ချက်ချင်းပြန်ဖြေတယ်။'ဒါဆို ကောင်းပြီ၊ ကောင်မလေး အမြန်နိုးလာဖို့ အသင် ပုစဉ်းဘဝနဲ့သုံးနှစ်အသွင်ပြောင်းရမယ်၊ သဘောတူနိုင်လား'လို့ ဘုရားသခင်က မေးမြန်တယ်။ ကောင်လေးက မဆိုင်းမတွဘဲ သဘောတူကြောင်း ချက်ချင်းပြန်ဖြေလိုက်တယ်။

မိုးလင်းတာနဲ့ ကောင်လေးဟာ ပုစဉ်းတစ်ကောင်အသွင် ပြောင်းသွားခဲ့တယ်။ ပုစဉ်းလေးက ဆေးရုံဘက်ကို အလျင်အမြန်ပျံလာတယ်။ လူနာခန်းထဲဝင်ကြည့်တော့ ကောင်မလေးက နိုးနေပြီး ဆရာဝန်တစ်ဦးနဲ့ စကားပြောနေတာကို တွေ့တယ်။ သူတို့ပြောနေတာတွေကို ပုစဉ်းက မကြားရဘူး။တစ်ပတ်၊ နှစ်ပတ်နေတော့ ကောင်မလေး ကျန်းမာလာပြီး ဆေးရုံက ဆင်းခဲ့တယ်။ ဒါပေမယ့် သူ မပျော်ဘူး။ နေရာအနှံ့ ကောင်လေးကို လိုက်စုံစမ်းတယ်။လိုက်ရှာတယ်။ ကောင်လေးက ပုစဉ်းအသွင်နဲ့ ကောင်မလေးဘေးမှာ ရစ်ဝဲပျံသန်းနေပေမယ့် ကောင်မလေးကို သူ ခေါ်လို့မရဘူး။ ပွေ့ဖက်လို့ မရဘူး။ကောင်မလေးကိုပဲ ငေးစိုက်ကြည့်နေခဲ့ရတယ်။

ဒီလိုနဲ့ နွေရက်တွေတဖြည်းဖြည်း ကုန်လွန်ပြီး ဆောင်းဦးကို ရောက်လာခဲ့တယ်။ ဆောင်းလေညင်းတွေကြောင့် သစ်ရွက်တွေ တဖြုတ်ဖြုတ်ကြွေကုန်တယ်။ ပုစဉ်း ဒီနေရာက ခွာရတော့မယ်။ နောက်ဆုံးအကြိမ်အဖြစ်ကောင်မလေးရဲ့ ပခုံးထက်နားကို သူ အရဲစွန့်ပြီး သွားနားလိုက်တယ်။ နူးညံ့တဲ့တောင်ပံနဲ့ ကောင်မလေးရဲ့ ပါးပြင်ကို ထိလိုက်တယ်။ သေးငယ်တဲ့ပါးစပ်နဲ့ကောင်မလေးရဲ့ ပခုံးသားကို နမ်းရှိုက်လိုက်တယ်။ ကောင်မလေး သတိမထားမိခင်မှာ သူ တိတ်တဆိတ် ထပျံလာခဲ့တယ်။

မျက်စိတမှိတ်အတွင်းမှာ ပဲ နွေဦးရာသီကို ရောက်လာခဲ့တယ်။ နွေရောက်တာနဲ့ ချက်ချင်းပဲ ပုစဉ်းဟာ ကောင်မလေးနားကို အရောက်ပျံသန်းလာခဲ့တယ်။ ဒါပေမယ့် သူ ရင်းနှီးတဲ့ကောင်မလေးရဲ့ ဘေးမှာ ခန့်ညားတဲ့သူစိမ်းကောင်လေးတစ်ယောက်ကို သူ တွေ့လိုက်တော့ ပျံသန်းနေတဲ့ သူ့တောင်ပံတွေ လေဟာနယ်တစ်ဝက်တစ်ပျက်မှာ အရပ်တန့်ခံလိုက်ရတယ်။

လူတွေက ကောင်မလေး ကားတိုက်ခံရတာ ဒဏ်ရာတွေ ဘယ်လောက်ပြင်းထန်ကြောင်း၊ ဒဏ်ရာတွေကို ကုသပေးတဲ့ ဆရာဝန်ဟာ ကောင်မလေးအပေါ် ဘယ်လောက်ဂရုစိုက်ကြောင်း၊ သူတို့ရဲ့ အချစ်တွေက စံတင်ထိုက်တဲ့အကြောင်း၊ ကောင်မလေးဘဝက အရင်လို ပျော်ရွှင်ချမ်းမြေ့နေပြီဖြစ်တဲ့အကြောင်း ပြောသံတွေကို ပုစဉ်း ကြားလိုက်ရတယ်။ ပုစဉ်း ရင်ကွဲရပြန်တယ်။ ဆရာဝန်ကောင်လေးနဲ့ ကောင်မလေး ပင်လယ်ဘေးသွားပြီး နေဝင်၊နေထွက်ကြည့်တာကို သူ အမြဲတွေ့နေရပေမယ့် တစ်ခါတလေ ကောင်မလေးရဲ့ ပခုံးထက်မှာ ခဏသွားနားတာကလွဲလို့ သူ ဘာမှမတတ်နိုင်ခဲ့ဘူး။

ပုစဉ်းလေးဟာ ရင်ထဲကဝေဒနာတွေကို ကြိတ်မှိတ်ခံစားရင်း ဒီနှစ်နွေဟာ ခါတိုင်းနွေထက် ပိုရှည်လျားနေတယ်လို့ ထင်မိတယ်။ ကောင်မလေးနားမှာ ရစ်ဝဲပျံသန်းဖို့လည်း သူ့မှာ ခွန်အားတွေ ယုတ်လျော့နေတယ်။ ဆရာဝန်ကောင်လေးနဲ့ ကောင်မလေးရဲ့ တီးတိုးစကားပြောသံနဲ့ ရယ်သံတွေက သူ့ကိုအသက်ရှူကျပ်စေတယ်။

သုံးနှစ်မြောက်နွေရာသီမှာ တော့ ပုစဉ်းဟာ ကောင်မလေးကို ခဏခဏ သွားမကြည့်တော့ဘူး။ သူနားနေကျ ကောင်မလေးရဲ့ ပခုံးကို ဆရာဝန်ကောင်လေးက တင်းတင်းကျပ်ကျပ် ပွေ့ဖက်ထားတယ်။ သူ့တောင်ပံနဲ့ထိနေကျ ကောင်မလေးရဲ့ ပါးပြင်ဟာလည်း ဆရာဝန်ကောင်လေးက တယုတယနမ်းနေတယ်။ ပုစဉ်းရင်ကွဲတစ်ကောင်က သူတို့ဘေးမှာ ရစ်ဝဲနေတယ်ဆိုတာကို ချစ်တင်းနှောပြီး ကြည်နူးနေတဲ့ သူတို့နှစ်ယောက် သတိထားမိမှာ မဟုတ်ဘူး။ ကောင်မလေးကလည်း အတိတ်ဆိုတာကို လုံးဝသတိမေ့သွားခဲ့ပြီလေ။

သတ်မှတ်ထားတဲ့ သုံးနှစ်ဆိုတဲ့အချိန်ကိုရောက်ဖို့ တစ်ရက်အလိုမှာ ကောင်မလေးနဲ့ ဆရာဝန်ကောင်လေးတို့ လက်ထပ်လိုက်ကြတယ်။ဘုရားကျောင်းထဲ သူ ပျံဝင်ပြီး ကောင်မလေးရဲ့ ပခုံးထက်မှာ နားလိုက်တယ်။ကောင်မလေးနဲ့ ဆရာဝန်ကောင်လေးရဲ့ ဘုရားသခင်ထံ သစ္စာခံယူနေတဲ့အသံကို သူ ကြားလိုက်တယ်။ ဆရာဝန်ကောင်လေးက ကောင်မလေးရဲ့ လက်ကို လက်ထပ်လက်စွပ်စွပ်ပေးပြီး နမ်းလိုက်တာကို သူ ငေးကြည့်နေမိတယ်။သူ့ပါးပြင်ငယ်ပေါ်မှာ မျက်ရည်တွေ စီးကျလာခဲ့တယ်။

'အသင် နောင်တရပြီလား' ဘုရားသခင်က ပုစဉ်းကို မေးတယ်။

'လုံးဝ နောင်တမရပါဘူး' မျက်ရည်တွေကိုသုတ်ရင်း သူ ပြန်ဖြေတယ်။

'မနက်ဖြန်ဆို လူ့ဘဝအသွင် ပြောင်းလို့ရပြီ'ဘုရားသခင်က ပြောတော့ ပုစဉ်းက ခေါင်းခါပြီး 'ပုစဉ်းအဖြစ်နဲ့ ကျွန်တော် တစ်သက်လုံး နေပါရစေတော့၊ တချို့ကံတရားက လက်လွတ်ဆုံးရှုံးဖို့ စီရင်လာပြီးသားပါ၊ တချို့ဖူးစာက ပေါင်းစပ်ဖို့ ကံပါမလာခဲ့ဘူး၊ လူတစ်ယောက်ကိုချစ်တာ ရယူပိုင်ဆိုင်မှမဟုတ်ပါဘူး၊ ဒါပေမယ့် လူတစ်ယောက်ကို ရယူပိုင်ဆိုင်ပြီးရင်တော့ ကောင်းကောင်းတန်ဖိုးထား ချစ်တတ်ရမယ်'

သင့်ပခုံးပေါ်မှာ ရော၊ ပုစဉ်းလေးတစ်ကောင် နားခဲ့ဖူးသလား။

မူရင်း- http://www.youthwant.com.tw

(၃)

'ဆောရီး'လို့ အလွယ်တကူ မပြောပါနဲ့

'ဆောရီးပဲ၊ နင့်ကိုပဲ ငါ ချစ်ပါတယ်ကွာ၊နင့်ကိုပဲ ငါ တကယ်ချစ်တာပါ ...'

ကောင်လေးနဲ့ကောင်မလေးက ငယ်ငယ်လေးကတည်းက အတူကြီးပြင်းလာကြသူတွေဖြစ်တယ်။ ကောင်လေးက ကောင်မလေးကို အမြဲအဖော်ခေါ်ပြီး ရွာပြင်ဘက်က ချောင်းစပ်မှာ ငါးသွားဖမ်းလေ့ရှိတယ်။ ငါးဖမ်းပြန်တိုင်း ကောင်လေးရဲ့ ပလိုင်းထဲမှာ ငါးတွေကအပြည့်။ ကောင်မလေးမှာ တော့ လက်ဗလာနဲ့ ပြန်ခဲ့ရတာ ချည်းပဲ။ ငါးမရခဲ့တဲ့ ကောင်မလေးက မျက်ရည်အဝဲသားနဲ့ အိမ်ပြန်ရောက်တဲ့အထိ မပျော်ရွှင်ခဲ့ဘူး။

ညစာစားခါနီး အိမ်ရှေ့တံခါးခေါက်သံကြားတော့ ကောင်မလေးကတံခါးဖွင့်ကြည့်တယ်။ တံခါးရှေ့မှာ ရပ်နေတဲ့ ကောင်လေးကိုတွေ့တော့ နှုတ်ခမ်းစူပြီး လှည့်ထွက်မယ်လုပ်တော့ ကောင်လေးက ကပျာကယာရှေ့တက်ပြီး 'နင့်ငါးတွေ ငါဖမ်းပစ်လိုက်တာ ဆောရီးနော်၊ ရော့ . . . ဒါ နင့်အတွက် 'လို့တောင်းပန်ပြီး ငါးတွေထည့်ထားတဲ့ ဖန်ငါးကန်လေးကို လှမ်းပေးတယ်။ စူနေတဲ့ ကောင်မလေးရဲ့ နှုတ်ခမ်းလေး ပြေလျော့သွားပြီး အပြုံးပန်းတစ်ပွင့် ဖူးပွင့်လာခဲ့တယ်။ ရိုးသားဖြူစင်တဲ့ကလေးဘဝကို အဲဒီ လို အပြစ်ကင်းကင်း သူတို့ဖြတ်သန်းရင်း တဖြည်းဖြည်း ကြီးပြင်းလာခြဲ့ကတယ်။

အဲဒီ 'ဆောရီး'က ရိုးသားဖြူစင်တဲ့ ဆောရီးဖြစ်ပါတယ်။

ကောင်လေးက ကောင်မလေးကို အမြဲ စနောက်တတ်တယ်။ကောင်မလေးငိုတဲ့အထိ သူ အစသန်ခဲ့သလို ကောင်မလေးရယ်တဲ့အထိ သူချော့တတ်ခဲ့တယ်။ ကောင်လေးက ကောင်မလေးရဲ့ စက်ဘီးကို အမြဲ လေခိုးလျှော့ပြီး တစ်နေရာမှာ ပုန်းနေတတ်တယ်။ ခြေမကိုင်မိ၊ လက်မကိုင်မိဖြစ်နေတဲ့ ကောင်မလေးကို ချောင်းကြည့်ရင်း သူ့ဆီဆက်လာမယ့် ကောင်မလေးရဲ့ ဖုန်းကို သူ စောင့်နေခဲ့တယ်။ ပြီးတော့ ကောင်မလေးဆီက လေခိုးလျှော့တဲ့သူခိုးကို ဆူပူကြိမ်းမောင်းသံတွေ နားထောင်ပြီး သူ သဘောကျနေတတ်တယ်။ ဘာကြောင့်မှန်းမသိ ကောင်မလေးရဲ့ အဲဒီ လိုအပြုအမူကို သူ အရမ်းနှစ်ခြိုက်ခဲ့တယ်။

ချောင်းကြည့်ရာကနေ ကောင်လေးထွက်လာပြီး အဝေးက အခုမှရောက်လာဟန်နဲ့ လေမရှိတဲ့စက်ဘီးကို ကူတွန်းပေးတတ်တယ်။ ဘေးကပွစိပွစိရေရွတ်နေတဲ့ ကောင်မလေးကိုကြည့်ပြီး သူ ခိုးရယ်နေတတ်တယ်။ ပြီးမှ စိတ်မကောင်းဟန်နဲ့ 'ဆောရီး၊ ငါမှားသွားတယ်'လို့ တောင်းပန်တတ်တယ်။ ကျိန်ဆဲနေတဲ့ ကောင်မလေးနှုတ်ခမ်းတွေ ပျော့ပျောင်းသွားပြီး နောက်တစ်ကြိမ် ဒီလိုမလုပ်ဖို့ ကောင်လေးကို ဆုံးမတတ်တယ်။ ကောင်မလေးရဲ့ အဆုံးအမအောက်မှာ ကောင်လေးက ခေါင်းငုံ့လို့။ နေ့ရက်တွေကို ရယ်မောခြင်းနဲ့သူတို့ အဆုံးသတ်ခြဲ့ကတယ်။

အဲဒီ 'ဆောရီး'က ပျော်ရွှင်တဲ့ဆောရီးဖြစ်ပါတယ်။

ဒီလိုနဲ့ကျောင်းပြီးတော့ ကောင်လေးနဲ့ကောင်မလေး ကိုယ်စီအလုပ်ဝင်ကြတယ်။ ကောင်လေးက အလုပ်များ ပြီး နားရက်တွေ သိပ်မရှိခဲ့ဘူး။ကောင်မလေးက သူ့ကို ဂရုမစိုက်ဘူးဆိုပြီး ကောင်လေးကို အပြစ်တင်တယ်။နောက်တော့ ပထမဆုံးအကြိမ် သူတို့ ရန်ဖြစ်ခြဲ့ကတယ်။ ကောင်မလေးငိုတော့ ကောင်လေးက 'ဒါ ငါ့အလုပ်အတွက်'လို့ ဖြေရှင်းတယ်။

ဒီလို သွေးအေးစစ်ပွဲက ရက်တော်တော်ကြာသွားတယ်။ နောက်တော့လည်း ကောင်မလေးက မနေနိုင်ပါဘူး။ ကောင်လေးကိုပြန်ခေါ်ပြီး စစ်ပြေငြိမ်းကြောင်း လက်နက်ချတယ်။ နောက်ပိုင်းမှာ သူတို့ မကြာခဏ ရန်ဖြစ်လိုက်၊ ပြန်ခေါ်လိုက် လုပ်ခဲ့ကြတယ်။ ရန်ဖြစ်တိုင်းလည်း ကောင်မလေးဘက်ကစပြီး ပြေငြိမ်းတာချည်းပဲ။

အဲဒီ နှစ်က ကောင်မလေးရဲ့ မွေးနေ့မှာ ရိုမန်တစ်ဆန်ဆန် မွေးနေ့ပွဲလုပ်ပေးမယ်လို့ ကောင်လေးက ကောင်မလေးကို ကတိပေးတယ်။ မွေးနေ့မှာ ကောင်လေးအလာကို ကောင်မလေး စောင့်နေခဲ့တယ်။ ညဥ့်နက်သန်းခေါင်အထိ၊ မိုးလင်းတဲ့အထိ စောင့်နေခဲ့တယ်။ မနက်နိုးလာတဲ့ ကောင်မလေးရဲ့ပါးပြင်ပေါ်မှာ မျက်ရည်စီးကြောင်းရာတွေ စွန်းထင်းလို့။ ကောင်လေးရောက်လာတော့ ကောင်မလေးရဲ့ မျက်ရည်တွေကို သုတ်ပေးရင်း 'ဆောရီးနော်၊ နင့်ကို ငါ လက်ထပ်ပါရစေ'ဆိုပြီး လက်စွပ်တစ်ကွင်း ထုတ်ပေးတယ်။အဲဒီ 'ဆောရီး'က တစ်ဘဝစာကို တာဝန်ယူရတဲ့ ဆောရီးဖြစ်ပါတယ်။

မင်္ဂလာဆောင်၊ အတူနေပြီးနောက် ကောင်လေးရဲ့ အလုပ်အကိုင်တွေ ပိုတိုးတက်အောင်မြင်ခဲ့တယ်။ ကောင်မလေးက ကောင်လေးအတွက်နေ့တိုင်း ချက်ပြုတ်၊ လျှော်ဖွပ်နဲ့ ကျွမ်းကျင်တဲ့အိမ်ထောင်ရှင်မတစ်ဦး ဖြစ်ခဲ့တယ်။ ကောင်မလေးက ဈေးသွားတိုင်း ငါးတွေဝယ်လာပြီး ကန်လေးထဲမှာ မွေးထားတတ်တယ်။ 'ဘာကြောင့်လဲ'လို့ ကောင်လေးမေးခဲ့ရင် ဘာမှပြန်မဖြေဘဲ သူ ပြုံးနေတတ်ခဲ့တယ်။

တဖြည်းဖြည်း ကောင်လေး အိမ်ပြန်နောက်ကျလာတယ်။ ပြန်လာတိုင်းလည်း ရေမွှေးနံ့တစ်မျိုးမျိုးက ကောင်လေးကိုယ်မှာ ကပ်ငြိလာတတ်တယ်။ ဒါကို ကောင်မလေးမမေးခင် အကြောင်းအမျိုးမျိုးပြပြီး ကောင်လေးဖြေရှင်းတတ်တယ်။ အဲဒီ ကစ ကောင်မလေး စကားသိပ်မပြောတော့ဘူး။အရင်ကလိုလည်း မသွက်လက်တော့ဘူး။ ဘယ်မှလည်း သိပ်မသွားတော့ဘဲမရွှင်မပျနဲ့ အိမ်ထဲမှာ ပဲ အောင်းနေတတ်ခဲ့တယ်။ ခံစားချက်များ တဲ့ ကိုရီးယားကားတွေကြည့်ပြီး ကောင်မလေး ငိုနေတတ်တယ်။

နောက်ပိုင်း ကောင်လေး နောက်ကျပြန်လာတိုင်း သူ့ကိုယ်ပေါ်မှာ ရေမွှေးနံ့တစ်မျိုးပဲ ရတတ်တော့တယ်။ ကောင်မလေး ဘာမှမမေးခဲ့ပါဘူး။ ဒါကို ကောင်လေးက မလုံသလိုနဲ့ 'ဆောရီး၊ ဒီနေ့ အလုပ်မှာ စားပွဲသောက်ပွဲရှိပြန်တယ်'လို့ ပြောတတ်တယ်။

အဲဒီ 'ဆောရီး'က လိမ်ညာခြင်းအစရဲ့ ဆောရီးဖြစ်ပါတယ်။

တဖြည်းဖြည်း အလုပ်အကြောင်းပြပြီး ကောင်လေး အိမ်မပြန်လာခဲ့တော့ဘူး။ အလုပ်အကိုင်ကောင်းလေ၊ ဘေးက မြှောက်ပင့်တဲ့လူများ လေနဲ့ကောင်လေးရဲ့ နေ့ရက်တွေက မြှောက်ပင့်သံတွေကြားထဲမှာ ဂုဏ်ယူဝင့်ကြွားစွာ နဲ့ ကုန်ဆုံးခဲ့တယ်။ ကောင်မလေးကတော့ အိမ်ထဲအိမ်ပြင်တောင် အထွက်နည်းခဲ့တယ်။ ကိုယ့်ကိုယ်ကို အိမ်ထဲမှာ ပိတ်လှောင်ပြီးနေခဲ့တယ်။ အရင်တုန်းက ကောင်လေးနဲ့ ပြောမကုန်နိုင်တဲ့ တီတီတာတာစကားလေးတွေ ရှိခဲ့ပေမယ့် အခုချိန်မှာ တော့ ကောင်မလေးက တစ်ယောက်တည်း အဖော်မဲ့လို့အထီးကျန်နေခဲ့ရတယ်။

ကောင်လေးကို 'ဘယ်အချိန်ပြန်လာမလဲ'လို့မေးတိုင်း ကောင်လေးက အစာနင်သွားတဲ့အသံနဲ့ 'ဆောရီး၊ ငါ အလုပ်များ နေတယ်'လို့ ပြန်ဖြေတတ်တယ်။ ဖုန်းခွက်ကို မသာမယာချရင်း ကောင်မလေး စိတ်မကောင်းဖြစ်ခဲ့တယ်။ အဲဒီ နောက်မှာ တော့ ကောင်လေး ဘယ်အချိန်အိမ်ပြန်လာမလဲဆိုတာကို သူ မမေးခဲ့တော့ဘူး။

အဲဒီ 'ဆောရီး'က ဝတ်ကျေတန်းကျေပြောတဲ့ဆောရီးဖြစ်ပါတယ်။

ရုပ်ရှင်တွေထဲကလိုမျိုး ကောင်မလေးက သူ့ကိုယ်သူ အလှစပြင်ခဲ့တယ်။ ကောင်လေး အိမ်မပြန်တာဟာ တစ်နေ့တစ်နေ့ အိုစာသွားတဲ့ သူ့ရုပ်ရည်ကြောင့်ဖြစ်မယ်ဆိုပြီး အလှတွေ စပြင်ခဲ့တယ်။ ကိုယ့်ရဲ့ ပျော်ရွှင်ခြင်းကိုကိုယ်ကိုယ်တိုင် လုပ်ဆောင်မှရနိုင်မယ်။ တွန့်ဆုတ်နေလို့မဖြစ်မှန်း သူ သိခဲ့တယ်။

အဲဒီ နေ့က ကောင်မလေး အလှတွေပြင်ပြီး ကောင်လေးဆီကို သွားခဲ့တယ်။ ဒါဟာ ကောင်လေးရဲ့ အလုပ်ဆီ ပထမဆုံးအကြိမ် သူ သွားခဲ့တာဖြစ်သလို နောက်ဆုံးအကြိမ်လည်း ဟုတ်ခဲ့တယ်။ ဓာတ်လှေကားခလုတ်ကိုနှိပ်ပြီး ကောင်လေးအမြဲပြောတဲ့ 'အလုပ်များ တယ်'ဆိုတဲ့နေရာကို သူ ရောက်လာခဲ့တယ်။ ခမ်းခမ်းနားနားပြင်ထားတဲ့ ကုမ္ပဏီထောင့်တိုင်းကို သူ လိုက်ကြည့်ခဲ့တယ်။ နေရာတိုင်းက လှပလို့နေတယ်။ ဝရန်တာကိုဖြတ်ပြီး ကောင်လေးရဲ့ ရုံးခန်းဆီ သူ ရောက်လာခဲ့တယ်။ ရုံးခန်းတံခါးကို သူ သာသာလေးတွန်းဖွင့်ကြည့်လိုက်တဲ့တစ်ခဏ သူ အံ့သြမင်သက်သွားမိတယ်။

သူ့မျက်စိရှေ့မှာ တွေ့ရတဲ့သူက သူ့ခင်ပွန်းမဟုတ်ခဲ့ဘူး။ သူ့စက်ဘီးကို လေအမြဲခိုးလျှော့တဲ့ နောက်တောက်တောက်ကောင်လေး မဟုတ်ခဲ့ဘူး။ငါးတွေဖမ်းပြီး ကန်ထဲထည့်ခဲ့တဲ့ကောင်လေးလည်း မဟုတ်ခဲ့ဘူး။

တခြားမိန်းမတစ်ယောက်နဲ့ အကြည့်ဆိုက်နေတဲ့ယောက်ျား၊ သွေးသားတွေဆာလောင်နေတဲ့အရိုင်းတိရစ္ဆာန်ဖြစ်နေခဲ့တယ်။

ကောင်မလေးကိုတွေ့တော့ ကောင်လေးက ကပျာကယာဖြေရှင်းဖို့ လုပ်တယ်။ နေရာကနေ ကောင်မလေး ချက်ချင်းလှည့်ထွက်တော့ နောက်ကနေ ကောင်လေး အပြေးလိုက်တယ်။ အဲဒီ ညက မိုးတွေ သည်းသည်းမည်းမည်းရွာသွန်းလို့။

ကောင်လေးရဲ့ အော်သံတွေကို ကောင်မလေး ဂရုမစိုက်ခဲ့တော့ဘူး။'ဆောရီးပဲ၊ နင့်ကိုပဲ ငါ ချစ်ပါတယ်ကွာ၊ နင့်ကိုပဲ ငါ တကယ်ချစ်တာပါ'တဲ့။ကောင်လေးရဲ့ အော်သံတွေ မိုးသံနဲ့အတူ ရောထွေးလို့ ကောင်မလေး မကြားခဲ့ပါဘူး။

အဲဒီ 'ဆောရီး'က လူကို ထိခိုက်နာကျင်စေတဲ့ ဆောရီးဖြစ်ပါတယ်။

ကောင်မလေးကို ကောင်လေး ရှာမတွေ့ခဲ့တော့ဘူး။ ကောင်မလေးပျောက်နေခဲ့တယ်။ ကောင်မလေးမရှိတော့ ကောင်လေးရဲ့ ကမ္ဘာက မှော င်မည်းလို့။ အလုပ်လုပ်ချင်စိတ်လည်း မရှိတော့ဘူး။ နေ့ရက်တွေကို အရက်နဲ့ဖြတ်သန်းခဲ့တယ်။ ကောင်မလေးကို လိုက်ရှာချင်ပေမယ့် သူငယ်ချင်းမရှိတဲ့ကောင်မလေးကို ဘယ်သွားရှာရမှန်း မသိခဲ့ဘူး။ ကောင်မလေးရဲ့ တစ်ဦးတည်းသောသူငယ်ချင်းက သူပဲရှိခဲ့တာမို့ ဖုန်းအလာကိုစောင့်နေဖို့ပဲ ကောင်လေးတတ်နိုင်ခဲ့တယ်။ ကောင်မလေးရဲ့ ဖုန်းတွေ လွတ်သွားမှာ စိုးလို့ ဖုန်းကို (၂၄)နာရီလုံး ဖွင့်ပြီး စောင့်နေခဲ့တယ်။

ကောင်လေးရဲ့ ဒီလိုစောင့်မျှော်ခြင်းက နှစ်ဝက်အထိ ကြာသွားခဲ့တယ်။ တစ်နေ့မှာ စာတိုက်ကနေ ဗူးလေးတစ်လုံး ရောက်လာခဲ့တယ်။ ဗူးထဲမှာ ချောင်းငါးလေးတွေရဲ့ နမူနာကြွေရုပ်လေးတွေ ပါတယ်။ ငါးတချို့ကသစ်ရွက်လေးဘေးမှာ ၊ တချို့က မြက်တွေကြားထဲမှာ ပုံစံအမျိုးမျိုးနဲ့ ရှိနေခဲ့တယ်။ ဗူးထဲမှာ စာတစ်စောင်လည်းပါပြီး စာထဲမှာ ဒီလိုရေးထားပါတယ်။

'နင့်ကိုတွေ့ဖို့ ငါ့မှာ သတ္တိမရှိခဲ့ဘူး၊ ငါ ပျော့ညံ့လွန်းလို့ဖြစ်မယ်၊ဒါမှမဟုတ် နင့်ကို ငါ လုံးဝမတွေ့ချင်လို့လည်းဖြစ်မယ်။ ငါ နေကောင်းတယ်။နင့်ကိုခွဲပြီး ဘယ်လိုရှင်သန်ရမယ်ဆိုတာကို ငါသိခဲ့တယ်။ ငါ့ကိုယ်ငါ ဂရုစိုက်ကျွေးမွေးနိုင်ခဲ့တယ်။ နင့်အပြန်ကို ငါ နေ့တိုင်း စောင့်စရာမလိုတော့ဘူး။ ဟင်းတွေ ပူပူနွေးနွေးချက်ပြီး အေးစက်သွားတဲ့အထိ ငါ စောင့်စရာမလိုတော့ဘူး။ဖုန်းလည်း ငါ မသုံးတော့ဘူး။ နင့်အတွက်နဲ့ (၂၄)နာရီလုံး ဖုန်းကို ငါ ဖွင့်ထားစရာလည်း မလိုတော့ဘူး။

ငါ့ကိုယ်ငါ ဘယ်လိုကြင်နာရမယ်ဆိုတာကို ငါ နားလည်သွားပြီ။လှပတဲ့နေ့ရက်တွေကို ဘယ်လိုတန်ဖိုးထားရမယ်ဆိုတာကို ငါ သိသွားပြီ။ နင့်ကို ဘယ်လိုချစ်ရမယ်ဆိုတာကို ငါ မေ့လိုက်နိုင်ခဲ့ပြီ။ ဘာဖြစ်လို့လဲဆိုတော့ငါ့အချစ်တွေကို အနာတရဖြစ်အောင် နင် ဆော့ကစားခဲ့လို့ဖြစ်တယ်။ ကွာရှင်းစာချုပ်ကို ငါးကန်အောက်မှာ ငါ ဖိထားခဲ့တယ်။ နင် လက်မှတ်ထိုးပြီးရင် ဒီလိပ်စာအတိုင်း ငါ့ကို ပို့ပေးပါ။ ဆောရီးပဲ၊ ငါ့စိတ်တွေ ပင်ပန်းနွမ်းနယ်သွားခဲ့ပါပြီ'

လိပ်စာအတိုင်း ကောင်မလေးကို ကောင်လေး သွားရှာခဲ့တယ်။ရင်ထဲမှာ မျှော်လင့်ချက်အပြည့်နဲ့ ကောင်မလေးဆီက ခွင့်လွှတ်ခြင်းတွေယူပြီး ကောင်မလေးမရှိရင် သူ့ဘဝ မရှင်သန်ရဲတဲ့အကြောင်းပြောဖို့ ကောင်လေး လိုက်သွားခဲ့တယ်။ ဒါပေမယ့် အိမ်တံခါးဖွင့်ပေးတဲ့သူက ကောင်မလေးကိုယ်တိုင် မဟုတ်ခဲ့ဘူး။ ကောင်လေးဆီကို စာရေးပြီးတဲ့နောက် သူ့ကိုယ်သူအဆုံးစီရင် သွားပါတယ်လို့ ကောင်မလေးအဖေက စိတ်မကောင်းစွာ ပြောတယ်။ ကောင်လေးအသိတွေ ချာချာလည်ကုန်တယ်။ နောင်တတွေကတစ်ပွေ့တစ်ပိုက်နဲ့သူ့တစ်သက်စာတောင် ထမ်းပိုးလို့ မနိုင်ခဲ့ပါဘူး။

တချို့ 'ဆောရီး'က အဲဒီ လိုနည်းနဲ့အဆုံးသတ်ခြဲ့ကတယ်။

ဘဝတလျှောက်မှာ ကိုယ့်ကို တစ်သက်တာတန်ဖိုးထားမြတ်နိုးသူတစ်ယောက်ကိုတော့ လူတိုင်း ကြုံကြရမှာ ပဲ။ အဲဒီ လို ကိုယ့်ကိုယ်ကို တန်ဖိုးထားသူကို မြတ်နိုးတတ်ပါစေ။ 'ဆောရီး'ဆိုတဲ့ တောင်းပန်မှု တိုင်းက 'ကိစ္စမရှိပါဘူး'ဆိုတဲ့စကားနဲ့လဲလှယ်လို့ မရနိုင်ပါဘူး။ ကိုယ်ချစ်တဲ့သူကို မမြင်နိုင်တဲ့ အနာတရနဲ့ ဒဏ်ရာတွေ မပေးမိပါစေနဲ့။ ဒါဟာ နှစ်ဦးနှစ်ဖက်စလုံးကို ထိခိုက်နာကျင်စေပါတယ်။

ဒီပုံပြင်ကို ကြိုက်နှစ်သက်ခဲ့ရင် သူငယ်ချင်းတွေကို မျှဝေပေးပါ။'အချစ်'ဆိုတာ ခံစားစေပြီး 'ဆောရီး'ကို အလွယ်တကူမပြောမိဖို့ သူတို့ နားလည်တတ်ပါစေ။

('ဆောရီး'ဆိုတဲ့စကားတိုင်းက 'ကိစ္စမရှိပါဘူး'ဆိုတဲ့စကားနဲ့လဲလှယ်လို့ မရနိုင်ခဲ့ပါဘူး)

မူရင်း-http://english.tw/space-9206-do-blog-id-9944.html