အသက်တမျှ ဘီအာရ်
With all my life, br ….
Khhin Aung Aye
Translated by Maung Day

ဘီအာရ် ကဗျာတွေ ကို

နှလုံးသားကို ထွေခင်းသလို ခင်းကျင်းပြီး

ရေး ဖွဲ့ခဲ့ပါတယ်။

ဒီတစ်ညတည်းနဲ့ ပုဒ်ရေ ၂ဝ လောက်များ

ရေး မိလေသလား မသိဘူး

ကိုယ့် အရူးစိတ်ကို ကိုယ်

မစိုးမိုး မအုပ်ချုပ်နိုင်ခြင်းရဲ့ ရလဒ်များ လေလား

ဘီအာရ် ကိုယ်တိုင်

ဒီကဗျာတွေ ကို အသားယူ အရသာခံ ဖတ်ရှုနေမှာ မို့

ကိုယ့်ကဗျာ ဖတ်ရှုသူတွေ လည်း ကိုယ့်ကို ဘာမျှအားတုံ့အားနာ

ဖြစ်စရာမလိုဘဲ ပျော်ရွှင်ကြည်နူးစွာ အရသာခံပြီး ဖတ်ရှုနိုင်ကြပါတယ်

ကိုယ့်အချစ်များ

သူ (ဘီအာရ်) ရဲ့ အပေါ်

အဓွန့်ရှည်ပါစေသား။ ။

ခင်အောင်အေး

၃ဝ၊ ဇွန်၊ ၂ဝ၁၄၊ ကျောက်မြောင်း၊ ရန်ကုန်၊ ၂၂း ဝ၄ နာရီ။

‘သိပ်လှတဲ့ မြစ်’ သို့ -

ဘီအာရ် ….

မင်းအဲဒီ မှာ

တယောထိုးနေတာ

အဆင်ပြေရဲ့ လား၊

ကိုယ့်ရင်ထဲ

ရောမမြို့ကြီးတမျှ

မီးဟုန်းဟုန်းတောက်လို့။

ဘီအာရ် ….

သူ့ချည်းသာလော..

လို့ မမေးနဲ့၊

ဝေဒနာတင်းကျမ်းနဲ့ပါလို့

ကိုယ် ဘယ်ဖြေချင်ပါ့မလဲ။

ဘီအာရ် ….

ငါးဟာ

အသားလွှာခံရတယ်

ဖွေးဖြူလို့ အသွေးကြောင်းကလေးပဲ

ပန်းနုရောင်

ကြက်သွန်ဖြူမှု န်နဲ့

ငရုတ်ကောင်းနဲ့ ဒီမီနူး

နေ့လယ်စာဟာ

တစ်ခဲနက်ပဲ

ကော်ဖီပန်းကန်ထဲ

တစ်ယောက် အရိပ်ကို တစ်ယောက်

မမြင်ဖူးသလို ငေးကြည့်မိကြလို့။

ဘီအာရ် ….

ဇလုပ်တိုက်ထားပြီး

အသင့် စာသားများ

မင့် ခံနိုင်ရည်

မင့် ခေါင်းမာမှု

ငါ့ အသာတကြည်

ပျော့ညံ့မှု များ

ညနေဟာ

ညထဲကို တစ်ဟုန်ထိုး

စိုက်ဝင်သွားခဲ့တယ်

ငါ့ ဦးခေါင်း

စိုက်ခင်းကျသွားခဲ့သလို…။

ဘီအာရ် ….

ကျေနပ်ချင့်စရာ

ဘဝရဲ့ ညနေတစ်ခုမှာ

မင်း ချမ်းမြေ့စွာ

ချိတ်တွယ်နေပါ

ငါ ကတော့

အရှင်လတ်လတ်နဲ့

လူ့ပြည်ထဲက

ငရဲခန်း တစ်ခုမှာ

ပူလောင် ပြာကျလုလု။

ဘီအာရ် ….

ငါ ဘာမှ

မကြောက်ဘူး

ငါ့ လူးလိမ့်နေရမှု ကို

မင်းရှေ့ ခင်းပြသလို ဖြစ်မှာ သာ

ငါ

အကြောက်ဆုံးပါ

ဒါနဲ့များ …

ငါ ဘာလို့

ဒီကဗျာတွေ ဆက်ရေး နေမိပါလိမ့်။