မြေလတ်မောင်မြင့်သူ - အလှကိုယ်စီ ပန်းလိုသီ ကလေးကဗျာများ

အလှကိုယ်စီ ပန်းလိုသီ

အလှကိုယ်စီ ပန်းလိုသီ

ကဗျာရေး ဖွဲ့မည် ၊

မောင်မယ် စုံညီ ပျော်တပါး

ဆိုတေးနွဲ့မှာ လား။

အလှကိုယ်စီ ပန်းလိုသီ

ကဗျာရေး ဖွဲ့မည် ၊

မောင်မယ်စုံညီ ပျော်တပါး

ကကြိုးနွဲ့မှာ လား။ ။

* * * * *

မူရာနဲ့ မာယာ

မူရာမာယာ ပိုလွန်းတယ်

ပြောကြ လူ့နယ်ပယ်၊

ပြုံးဟန်သွယ်သွယ်မူရာနွဲ့

ချစ်အောင် ခင်အောင်ဖွဲ့။

ပြုံးယောင်ယောင်နဲ့ မဲ့သလို

လှည့်ဖြားမာယာဆို၊

မူရာပိုတာ အချစ်ပွား

မာယာ လူမုန်းများ ။ ။

* * * * *

အရိုင်းနဲ့ အယဉ်

အရိုင်းအယဉ် ချိန်နှိုင်းယှဉ်

အမြဲပဲ ဆန့်ကျင်၊

ယဉ်ယဉ်ကျေးကျေး နှုတ်ချိုအေး

လိမ္မာသတင်းမွှေး။

မယဉ်မကျေး ရိုင်းတယ်ဆို

မုန်းဖွဲ့မျက်နှာညို၊

ယဉ်သကိုမို့ အချစ်ပွား

မုန်းအောင်ရိုင်းမှာ လား။ ။

* * * * *

အနီနဲ့ အပြာ

ရဲရဲတောက်တဲ့ အနီရောင်

သတ္တိသွေးကိုဆောင်၊

အပြာရောင် က ငြိမ်းချမ်းရေး

မှတ်ကြကွယ်မနှေး။

သတ္တိသွေးလည်း လိုအပ်တယ်

အဖျက်ရန်ကာကွယ်၊

အမုန်းနယ်တွေ ကင်းစင်ဝေး

ငြိမ်းချမ်းစိတ်ကိုမွေး။။

* * * * *

အ၀ါနဲ့ အစိမ်း

သစ်သီးဝါ၀ါ စားစရာ

ပန်ဖို့ ပန်းဝါ၀ါ၊

အ၀ါရောင် ရဲ့ အရည်အသွေး

စိတ်ကိုလွန်နွေးထွေး။

မြစိမ်းရောင် ဆေး လှလှခြယ်

မျက်စိစိတ်အေးတယ်၊

လယ်ကွင်းစိမ်းစမ်း တောစိမ်းစိမ်း

မိုးရွာပေးလို့ စိမ်း။

အစိမ်းရောင် ရဲ့ သဘောမှာ

လိုက်လျောညီထွေစွာ ၊

စိမ်းဝါဆတူ ရောကာပေါင်း

ငှက်ပျောညွှန့်ရောင် ပြောင်းတယ်လေး။

* * * * *

အမည်းနဲ့ အဖြူ

အဖြူအမည်း မတူဘဲ

အမြဲဆန့်ကျင်ကွဲ။

အမည်းပေါ်မှာ တစ်ဝက်ဖြူ

အစွန်းကွက်လို့ ယူ၊

အဖြူပေါ်က အမည်းစက

မှတ်ယူ အစွန်းကွက်။

အစွန်းကွက်ချင်း အတူတူ

အမည်းနဲ့ အဖြူ၊

တူပါရဲ့လား မတူလား

စဉ်းစားကြည့်ပါလား။

* * * * *

အခန်း (၂)

သားနဲ့ မေမေ

မေမေ့မျက်နှာ ၀ါဝါ၀င်းက

ဖိုးလမင်းနဲ့ တူလှတယ်။

မေမေ့လက်ပေါ် မျက်တောင်မှေးလို့

ပုခက်လွှဲတေး နားဆင်မယ်။

မေမေ့တေးသံ ငြိမ့်ငြိမ့်ညောင်းတော့

ရွှေနတ်စောင်းလား ထင်မိတယ်။

မေမေ့ပုံပြင် ထောင်အသော င်းမှာ

သူရဲကောင်းကြီး လုပ်ချင်တယ်။

မေမေ့ရင်ခွင် ခေါင်းဝင်ဝှေ့ (ခွေ့)လို့

ချမ်းမြေ့အိပ်မက် မက်ဦးမယ်

မက်မယ် . . . မက်မယ်။ ။

* * * * *

ချိုမိုင်မိုင်

ချိုမိုင်မိုင် ချိုမိုင်မိုင်

ရွှေလက်ဆုပ်လို့ ချိုမိုင်မိုင်၊

မေ့သား ချိုမိုင် ရွှေလက်ဆုပ်

ဖြန့်လိုက် ဆုပ်လိုက်လုပ်။

သွားငုတ်တုတ်နဲ့ ဟုတ်ပေ့ထိုင်

ဖိုးဝရုပ်စတိုင်၊

မခိုင့်တခိုင် ထိုင်ငုတ်တုတ်

ချိုမိုင် လက်သီးဆုပ်။ ။

* * * * *

ငြိမ်းချမ်း ဓမ္မတေး

က္ကတိပိသော ဘဂ၀ါ

ဗုဒ္ဓဂုဏ်ကိုးဖြာ။

မကြာမကြာ တတွတ်တွတ်

သမ္မုဒ္ဓေလည်းရွတ်။

နှင်းရည်ဆွတ်သို့ အေးမြရန်

အဌာန မေတံ၊

ယနေ့နက်ဖြန် ဘယာဝေး

ငြိမ်းချမ်း ဓမ္မတေး။ ။

* * * * *

ပန်းကလေး

သမီးကလေး ပြုံးတဲ့ခါ

အလှပန်းမျက်နှာ၊

သမီးမျက်နှာ မဲ့ကြည့်စမ်း

အလှညှိုးတဲ့ပန်း။

ညှိုးတဲ့ပန်းဆို မလိုချင်

ပန်းအလှခုံမင်၊

အပြုံးဆင်မှ ပန်းလိုလှ၊

ပန်းလိုသဘောကျမယ်လေး။ ။

* * * * *

မန်နေဂျာမမ

ကွန်ပါဘူးကို နားမှာ ကပ်

ခါးထောက်မတ်တတ်ရပ်။

မတ်တတ်ရပ်ရင်း ပြုံးချိုချို

ဟဲလို ဟဲလိုဆို၊

ဟဲလို ဆိုရင်း အဖြေပေး

အော် … အော် … အေး … အေး … အေး။

အေး … အေး … ဆိုရင်း လမ်းလျှောက်ကာ

စတိုင်လ်ဟန်ပါပါ၊

သမီးမူရာ သဘောကျ

မန်နေဂျာ မမ။ ။

* * * * *

မေမေ့မေတ္တာ

မြည် ကြွေးသံသာ တအုအုနဲ့

ကြက်မိသားစု ရောက်လို့လား။

ကြက်မကြီးမှာ ဘယ်ညာယက်လို့

သားတွေ အတွက် အစာရှာ။

သားကလေးတွေ ပျော်တပါးနဲ့

မိခင်နားက ဘယ်မခွာ။

စွန်ရဲတစ်ကောင် ပျံကာဝဲတော့

ကြက်မရင်ထဲ ထိတ်လန့်ကာ။

ကြက်သားလေးတွေ ရင်မှာ ၀ှက်လို့

အတောင်ဖြန့်လျက် အုပ်ထားရှာ။

မေမေ့မေတ္တာ ဒီလိုလားလို့

စဉ်းစားတွေးတော အဖြေရှာ

တွေးကာ . . . တောကာ . . .။ ။

* * * * *

မေမေ့နို့ရည

မေမေ့ရင်က နို့ချိုရည်

ဘယ်ဆေးမှ မမီ၊

မေမေ့နို့ရည် သဘာဝ

အကောင်းဆုံး အာဟာရ။

မွေးကင်းစမှ သုံးလကြာ

နို့ရည်ပဲ တိုက်ပါ၊

နွေမိုးဆောင်းခါ ဘယ်မရွေး

မျှတ အပူအအေး။

ကိုယ်ရည်ကိုယ်သွေး ကောင်းတဲ့ပြင်

အေးရိပ်မေ့ရင်ခွင်၊

သွေးနီကြင်ကြင် ဖြူလို့သွား

မိခင်စိတ်ကြောင့် လား။ ။

* * * * *

အခန်း (၃)

ကြောင်ဘားမြီးတံတို

အဆီမစား အသားမျို

ကြောင်ဘားမြီးတံတို၊

ရေသာခိုလို့ ကြွက်မခုတ်

အအိပ်အစားပုပ်။

ငါးကြော်ထုတ်လို့ စားပွဲတင်

ညောင်ညောင် တောင်းမယ်ပြင်၊

စားချင်ရင် အလုပ်လုပ်

ငပျင်းနောက်ကိုဆုတ်။

မောင်းထုတ်ပြန်တော့ သနားစရာ

မျှော်ငေးကြည့်နေရှာ၊

ရော့ကွာ စားကွာ ငါးကြော်တစ်ဖဲ့

နောက်ဆို မပျင်းနဲ့။

* * * * *

ကွန်ပျူတာ

ကွန်ပျူတာ ကွန်ပျူတာ

ခေတ်မီနည်းပညာ၊

ကွန်ပျူတာမှာ ဘာတွေ ရှိ

သုတမျိုးစုံရှိ။

ပညာမဖြည့် အပျော်ရှာ

သီချင်းနားထောင်ကာ၊

ကွန်ပျူတာနဲ့ ဂိမ်းကစား

အချိန်ဖြုန်းမှာ လား။ ။

* * * * *

ချစ်စရာ့သင်္ကြန်

သင်္ကြန်ကျလို့ ရေပက်မယ်

စိတ်မဆိုးနဲ့ ပြုံးလို့ရယ်၊

ဥပုသ်သည်ဆို ရေမလောင်း

တင်ကြိုသိဖို့ကောင်း။

ခွက်စောင်းခုတ်လို့ ရေပက်သူ

ရိုင်းပျစရိုက်မှု ၊

ယဉ်ကျေးကြည်ဖြူ ရေကစား

နှစ် သစ်ဦးမှာ တူပျော်ပါး

ချစ်ဖို့မကောင်းလား။ ။

* * * * *

မေးဖို့ပထမ

အိပ်ရာဝင်လည်း တတွတ်တွတ်

အိပ်ရာထလည်း တတွတ်တွတ်

သရဏဂုံရွတ်။

ရွတ်လို့ ဆိုလို့ အမျှဝေ

ဘယာဝေးပါစေ၊

ဖေဖေ မေမေ မာပါစေ

မေးဖို့ ပထမ။ ။

* * * * *

စွယ်တော် ရွက်ကလေးတွေ

နေရောင် ခြည်က လိုက်ကာဖွင့်

မိုးသောက်ပန်းတွေ ပွင့်။

ငှက်တေးသံနှင့် အလှဆည်းဆာ

နံနက်ရှုခင်းသာ၊

မြရွက်နှစ် လွှာ ဘယ်ညာဆန့်

လိပ်ပြာတောင်ပံဖြန့်။

လေပြည်အနှံ့ နေ့ခင်းတွင်

ယိမ်းနွဲ့ကကြိုးဆင်၊

မိုးချုပ်နေ၀င် ကကြိုးရပ်

ရွှန်းကော့မျက်တောင် ဘယ်မခတ်

နှစ် လွှာရင်ချင်းကပ်တယ်လေး။ ။

* * * * *

စံပယ်ရုံနဲ့ ချဉ်ပေါင်ခြံ

အိမ်ခေါင်းရင်းက စံပယ်ရုံ

ကြူလို့မွှေးလို့ထုံ၊

စံပယ်ဖူးငုံ ကြိုးသီတပ်

ဘုရားပန်းတော် ကပ်။

အိမ်ခြေရင်းက ချဉ်ပေါင်ခြံ

အရွက်နုထွားသန်၊

အိမ်ခြံကထွက် ချဉ်ပေါင်ရွက်

အရန် ဟင်းတစ်ခွက်။

အရန်ဟင်းခွက် ဈေးသက်သာ

ပန်းဖိုးမကုန်ပါ၊

ချွေတာ စုဆောင်း သူဌေးလောင်း

ကုသိုလ်ဝမ်းရေး ကျောင်း။ ။

* * * * *

ဘယ်မိဘကမွေး

ကိုယ်နှုတ်မူရာ ပျူပျူငှာ

ယဉ်ကျေးအလိမ္မာ၊

လူတကာက ပြုံးကာတွေး

ဘယ်မိဘက မွေး။

ကိုယ်နှုတ်မူရာ စွာ တာတာ

ဆဲဆိုရိုင်းပျစွာ ၊

လူတကာက မဲ့ကာတွေး

ဘယ်မိဘကမွေး။

* * * * *

အခန်း (၄)

သဘာဝကိုကြည့်

သစ်ပင်မြင့်မြင့် ခေါင်ဖျားမှာ

ငှက်သိုက်ဆောက်တဲ့အခါ၊

လေလာမိုးလာ ရန်မရှိ

သဘာဝကြောင့် သိ။

သစ်ပင်မြင့်မြင့် ခွကြားတွင်

ငှက်သိုက် နိမ့်နိမ့်မြင်၊

လေမိုးလာလျှင် အန္တရာယ်ရှိ

သဘာဝကြောင့် သိ။

သဘာဝနှင့် ပတ်ဝန်းကျင်

သတိမူလျှင်မြင်၊

ကြိုတင်နှိုင်းညှိ ဆင်ခြင်ကြည့်

လောကအကျိုးရှိ။ ။

* * * * *

ကြိုက်ရာလွမ်း

ထန်းပင်ကြီးတွေ တဝေေ၀

မောင်တို့ အညာမြေ၊

တမာပင်တွေ စည်းရိုးခတ်

မောင်တို့ အညာရပ်။

ဒီရေကမ်းစပ် ဗေဒါတွေ

မောင်တို့ အောက်ရပ်မြေ၊

လမုကမ်းခြေ ဓနိတန်း၏

မောင်တို့ အောက်ပြည်နန်း။

အောက်ပြည်နန်းနဲ့ အညာမြေ

တစ်လှည့်စီ လှည့်နေ၊

ဘယ်ရပ်ဌာနေ သာစခန်း

မောင်တို့ ကြိုက်ရာလွမ်း။ ။

* * * * *

အဘွားစိတ်နဲ့ အဘိုိးမာန်

ရိုးရိုးကျင့်လို့ မြင့်မြင့်ကြံ

ဇွဲစိတ်အခြေခံ၊

သတ္တိရဲမာန် နှလုံးလှ

အဘိုးဆီက ရ။

မေတ္တာနှင်းလို့ စိတ်ရင်းဖြူ

ပေးကမ်းသဒ္ဓါလှူ၊

တန်းတူ ညီတူ နှလုံးလှ

အဘွားဆီက ရ။

အဘွားစိတ်နဲ့ အဘိုးမာန်

အမွေ သားဆက်ခံ၊

မနက်ဖြန် အနာဂတ်

လှမည် မလွဲမှတ်။ ။

* * * * *

ပြည်သူ့နီတိစိတ်

ငှက်ပျောသီးလေး အခွံ့နွှာ

စားလို့ လွယ်လိုက်တာ၊

စားပြီးတဲ့ခါ စရိုက်ညစ်

လမ်းပေါ် အမှိုက်ပစ်။

ပစ်တဲ့အမှိုက်ပေါ် အမြင်ချော်

မတော် နင်းမိသော်၊

ခြေချော်ပါလို့ ခွေယိုင်လဲ

ခြေလက်ဒူးခေါင်းကွဲ။

ကိုယ်ကျိုးနည်းရ အ ဖြစ်တွေ

ပြည်သူ့နီတိ မသိပေ၊

မတော် တာတွေ မ ဖြစ်ရေး

ပြည်သူ့နီတိစိတ်ကိုမွေး။ ။

* * * * *

ကူကူးတေးနဲ့ ဗူဗူးတေး

ချိုးကလေးက အိမ်ရှေ့မှာ

နေ့တိုင်းမှန်မှန်လာ၊

မံမံဆာလို့ သံစုံကြူး

တကူကူးတဲ့ ကူး။

မေမေ့ပုခက် လက်ထဲမှာ

သားလေးချစ်စရာ၊

ချိုချိုဆာလို့ သံစုံကြူး

ဗူးမှု တ် တဗူဗူး။ ။

* * * * *

ငှက်ကလေးကို မေးချင်တယ်

ငှက်ကလေး ငှက်ကလေး

သီချင်းဆိုတဲ့ ငှက်ကလေး။

ငှက်ကလေးက နေ့တိုင်းလာ

အိမ်ပေါက်ဝဆီမှာ ၊

ငှက်ဆိုတာ လူကိုကြောက်

လူမြင်တာနဲ့ အဝေးရောက်။

လူကြောက်တတ်တဲ့ ငှက်ကလေးရယ်

ဘာကြောင့် ရဲရတယ်၊

သနားစဖွယ် အတွေးပွား

အစာရေစာ ရှားလို့လား

ဗိုက်ဆာလွန်းလို့လား။ ။

* * * * *

ကျွန်တော် နဲ့ လေချွန်ငှက်ကလေး

အုန်းခွံ့ရောင် နီညိုသွေးနဲ့

ငှက်ကလေးရဲ့ လေချွန်သံ။

နံနက်ဆို ၀င်းတိုင်ဖျားမှာ

ကြားရချိန်မှန်။

အိပ်ရာထ စာကျက်ရန်

နှိုးစက်သံ အချက်ပေး။

သူ့တာဝန် ကျေပွန်ပြီးတာနဲ့

ခရီးဘယ်အကွာသို့

ဘယ်နေရာ ဘယ်ဆီရောက်အောင်

ကိုယ်ဖျောက်လို့ပြေး။

* * * * *