ဝင်းငြိမ်း - ဆင်စွယ်နန်းတော်ပေါ်ကမင်းသမီး (သို့မဟုတ်) အင်ဂျလီနားဂျိုလီ

မသိနားမလည်သေးသည့် ကလေးဘဝက

အ ဖြစ်အပျက်များ သည် ကလေးငယ်အတွက်

တစ်စုံတစ်ရာခံစားမှု ကို ပေးစွမ်းနိုင်မည် မဟုတ်သော်လည်း အသက်အရွယ် ရလာသည့်အခါတွင်

ငယ်ရွယ်စဉ်က ဖြစ်ပျက်ခဲ့သည့် အ ဖြစ်အပျက်များ သည်

နှလုံးသားတွင် နက်နက်ရှိုင်းရှိုင်း

ခံစားနေရပြီ ဖြစ်သည်ကို တွေ့ ရမည် ဖြစ်သည်။

စပိန်စာရေး ဆရာCarlos Ruiz Zafon)

အခန်းတစ်ခန်းလုံးက အဖြူရောင် များ နဲ့သာ လွှမ်းခြုံထားတယ်။ ကော်ဇောအဖြူ၊ လိုက်ကာအဖြူ၊ နံရံအဖြူ အားလုံးအဖြူ ဖြစ်နေပြီး ပရိဘောဂတစ်ခုမှ မရှိဘဲ တစ်ခု တည်းသော ကလေးပုခက်မှာ လည်း အဖြူရောင် သာ ဖြစ်နေခဲ့ပါတယ်။ တစ်နှစ် ကျော် ကျော်ကာလပတ်လုံး ကလေးမကလေးက ဒီအခန်းထဲမှာ ပဲ နေခဲ့ရပါတယ်။ သူ့နံဘေး နားမှာ လာပြီးစောင့်ရှောက်ထိန်းကျောင်းပေးကြတဲ့ ကလေးထိန်းတွေ ကတော့ မမှတ် မိနိုင်လောက်အောင် များ ပြားခဲ့ပါတယ်။ လာပြီးထိန်းကျောင်းပေးကြတဲ့သူတွေ က အလုပ်

မရှိတဲ့သရုပ်ဆောင်တွေ ပါဝင်သလို မိသားစုမိတ်ဆွေတွေ လည်း ပါဝင်ကြပါတယ်။ သူတို့အားလုံးက တစ်နာရီကို ကလေးထိန်းခ ၃ ဒေါ်လာနဲ့ ၂၄ နာရီပတ်လုံး ထိန်း ကျောင်းပေးနေကြတာပါ။

တစ်နှစ် အရွယ်ကလေးမလေးက သူ့ကို ဘယ်သူချော့သိပ်ခဲ့သလဲဆိုတာ မသိသလို မနက်မိုးလင်းချိန်မှာ ဘယ်သူက အဝတ်အစားလဲပေးပြီး ဘယ်သူက မနက်စာ ကျွေးတယ် ဆိုတာကိုလည်း မသိခဲ့ပါဘူး။ ကလေးမလေး ရှိတဲ့အထပ်နဲ့ အောက်သုံးထပ်ကျော်မှာ နေထိုင်တဲ့သူမရဲ့ မိခင်က ကလေးအပါးကို တစ်ခေါက်မှရောက်မလာတဲ့ရက်တွေ လည်း အများ ကြီးပါပဲ။ တစ်ခါတလေ မိခင် ဖြစ်သူက ကော်ဖီသောက်ချိန် တက်လာတတ်ပြီး ကလေးထိန်းအမျိုးသမီးကို ဖြစ်ကြောင်းကုန်စင်ပြောရင်း မဆုံးနိုင်အောင် ငိုနေတတ်တဲ့ အခါတွေ လည်း ရှိခဲ့ပါတယ်။ 'အဲဒီ အကြောင်းတွေ ကြားရတုန်းက ကျွန်မအသည်းတွေ ကွဲကြေလောက်အောင် ခံစားခဲ့ရပါတယ်။ အခုပြန်စဉ်းစားတော့ အဲဒီ လိုခံစားခဲ့ရတာ ဟာ အမေလုပ်သူအတွက်မဟုတ်ဘဲ ကလေးကို သနားလို့ ကျွန်မ ခံစားခဲ့ရတာ လို့ နားလည်လာတယ်'လို့ နောက်နှစ် ပေါင်း ၃ဝ လောက်ကြာတဲ့အခါမှာ အဲဒီ ကလေးကို ထိန်းကျောင်းခဲ့ဖူးတဲ့ ခရစ္စဆန်းမိုရယ်လ် က ကျွန်တော့် ကိုပြောပြခဲ့ပါတယ်။

အဖြူရောင် တွေ နဲ့ လွှမ်းခြုံထားတာကြောင့် ကလေးထိန်းခဲ့ကြတဲ့ သရုပ်ဆောင်တွေ က ဒီအခန်းကို 'ဆင်စွယ်နန်းတော် 'လို့ ကင်ပွန်းတပ်ခဲ့ကြပါသတဲ့။ ဒီအခန်းထဲမှာ တစ်ယောက် တည်းနေရရှာတဲ့ ကလေးလေးဟာ ဒဏ္ဍာရီပုံပြင်ထဲက ဆင်စွယ်နန်းတော် ပေါ်မှာ တင်ထားတဲ့ မင်းသမီးကလေးနဲ့တူတယ်လို့လည်း သူတို့အားလုံးက သုံးသပ်ခဲ့ကြ ပါတယ်။

အဲဒီ ကာလတုန်းက ကလေးအမေဟာ သူ့ရင်သွေးကို တစ်ခါမှ ချီပိုးတာ မလုပ်ခဲ့ သလို ကလေးပျော်အောင် ပန်းခြံထဲလိုက်ပို့တာမျိုး၊ အိပ်ရာဝင်ချိန်မှာ သူများ ကလေး တွေ လို မိခင် ဖြစ်သူက ပုံပြင်စာအုပ်ဖတ်ပြတာမျိုးတွေ လည်း လုံးဝမရှိခဲ့ပါဘူး။ ကလေး လာထိန်းကြတဲ့အပေါင်းအဖော်တွေ က ကလေးကို ထားတဲ့အခန်းအရောင် ကို အဖြူရောင် အစား တခြားအရောင် ပြောင်းလဲဖို့ တိုက်တွန်းခဲ့ကြပေမယ့် ကလေးအမေ ကတော့ ခေါင်း မာမာနဲ့ ငြင်းဆန်ခဲ့ပါတယ်။ သူ လိုက်လျောတာဆိုလို့ ကလေးအတွက် ကစားစရာအရုပ် အနည်းအပါးဝယ်ပေးခဲ့တာလောက်ပဲ ရှိပါတယ်။

အဲဒီ လို အဖြူရောင် အခန်းထဲမှာ နေခဲ့ရတဲ့ ကလေးငယ်ကလေးက ဒီနေ့မှာ တော့ ကမ္ဘာကျော် ရုပ်ရှင်မင်းသမီး အင်ဂျလီနားဂျိုလီ ဖြစ်လာခဲ့ပါတယ်။ မိခင် ဖြစ်သူ မာချလင်းဘာထရန်ကို ဖခင် ဖြစ်တဲ့ရုပ်ရှင်မင်းသား ဂျွန်ဗွိုက်က စွန့်ခွာသွားပြီးတဲ့နောက်မှာ သမီးကို အဖြူရောင် အခန်းထဲမှာ တစ်ယောက် တည်း စတင်ထားခဲ့ခြင်းပါ။ အမြဲတစေနီးပါး ထိန်းကျောင်းပေးနေတဲ့ ခရစ္စဆန်းက မာချီကို ကလေးအတွက် အချိန်ပိုပေးပြီး ဂရုစိုက်သင့်တယ်လို့ တိုက်တွန်းတဲ့အခါမှာ မာချီက 'သမီးက သူ့အဖေနဲ့ တူလွန်းတယ်။ သူ့မျက်နှာကိုမြင်ရင် ကျွန်မ သူ့အဖေကို သတိရလွန်းလို့ ကလေးနားကို ကျွန်မ မကပ်ချင်တာပါ။ ဒီမျက်နှာကိုမြင်လိုက်ရင် ရင်ထဲမှာ နာတဲ့ အနာတွေ က တိုးတိုးလာတယ်'လို့ ဆိုခဲ့ပါတယ်။

ဒါကြောင့် ကမ္ဘာကျော်ရုပ်ရှင်မင်းသမီးအင်ဂျလီနားရဲ့ ကလေးဘဝဟာ ပုခက် ထဲမှာ သာ အနေများ ခဲ့ရပြီး ပြတင်းပေါက်ကတစ်ဆင့် အပြာရောင် ကောင်းကင်ကြီးကို ငေးမောနေခဲ့ရပါ တယ်။ ဘာရယ်မသိ ကလေးသဘာဝ ပြင်ပကို ငေးမောနေခဲ့မိတာပါ။ အခုထက်ထိလည်း အင်ဂျလီနားမှာ အဲဒီ အကျင့်ပါလာပြီး ကောင်းကင်ကြီးကို တမေ့တမော ကြည့်နေတတ်ပါသတဲ့။ 'ငယ်ငယ်တုန်း ကတော့ ပုခက်ထဲကနေ ကောင်း ကင်ကြီးကို ငေးမောခဲ့ရတာ ပါ။ အဲဒီ တုန်း ကတော့ ကျွန်မဘဝရဲ့ ပျော်စရာဆိုတာ တစ်နေရာရာမှာ ရှိတန်ကောင်းရဲ့ လို့ တွေးချင်တွေးခဲ့မှာ ပေါ့နော်'တဲ့။

* * * * *

ကျွန်မ Beverly Hills ကိုပြောင်းလာပြီး နောက်တစ်နေ့မနက်မှာ စဉ်းစားမိတာ ကတော့ ကျွန်မအနေနဲ့ နာမည် ကျော်တဲ့ပုဂ္ဂိုလ် တစ်ယောက် ကို ရအောင်လက်ထပ်ယူသင့်တယ်ဆိုတာပါပဲ။

မာချလင်းဘာထရန်

မာစီယာလင်း ဘာထရန်နဲ့ သူမရဲ့ မိသားစုတို့ ဟောလိဝုဒ်ကို ပြောင်းရွှေ့လာစဉ်မှာ သူမနဲ့ သူမရဲ့ အမေတို့က ဇာတိမြေ ဖြစ်တဲ့Illinois ပြည်နယ်၊ Riverdale မြို့မှာ ကျန်ရစ်တဲ့ အိမ်နီးနားချင်းတွေ ကတော့ မနာလို ဖြစ်နေကြမှာ ပဲလို့ အမြဲတွေးမိနေကြပါတယ်။ မာစီယာ လင်းရဲ့ မောင် ဖြစ်တဲ့ ရယ်လေးရိုလီဘာထရန်နဲ့ ကျောင်းနေဖက်သူငယ်ချင်း ဖြစ်ခဲ့ဖူးတဲ့ မာရီရန်နီက ကျွန်တော့် ကိုပြန်ပြောပြရာမှာ 'ကျွန်မတို့မိတ်ဆွေတွေ ထဲက တစ်စုံတစ် ယောက် ဟောလိဝုဒ်ကို ပြောင်းသွား တယ်ဆိုတဲ့ကိစ္စကို ပထမမှာ တော့ မယုံနိုင်၊ လက် သင့်မခံနိုင်လောက်ပါပဲ။ အထူးသဖြင့် ကျွန်မသူငယ်ချင်းရိုလီက ကြွားတတ်တဲ့ကောင် လေးဆိုတော့ သူတို့မိသားစု ဟောလိဝုဒ်ကိုပြောင်းတော့မယ်လို့ ပြောလာတဲ့အချိန်တုန်းက ကျွန်မက ဒီကောင် ကြွားနေတာပဲလို့ ထင်ခဲ့တာပေါ့'လို့ ဆိုပါတယ်။

တကယ်တော့ သူတို့မိသားစု လိမ်ညာကြွားဝါနေတာ မဟုတ်ပါဘူး။ ဇာတိမြို့ ဖြစ် တဲ့Riverdale ကိုစွန့်ခွာပြီး ၁၉၆၆ ခုနှစ် ၊ စက်တင်ဘာလမှာ ဟောလိဝုဒ်ကိုပြောင်း ရွှေ့ခဲ့ကြတာပါ။ သူတို့ အဲဒီ လိုပြောင်းရွှေ့လာရာမှာ ၁၉၅ဝ ပြည့်နှစ် များ အတွင်းတုန်းက ပေါလ်ထရောက်စ်ဒေးလ်ဆိုသူကSunset Boulevard လမ်းမကြီးရဲ့ ဘေးတစ်ဖက်တစ် ချက်မှာ ရှိတဲ့ ကုန်းမြင့်များ ကို ပြုပြင်ပြီး လူနေအိမ်ခြေတွေ ဆောက်လုပ်ထားခဲ့တာကြောင့် သူတို့ မိသားစုက အိပ်ခန်း ၄ ခန်းပါတဲ့ မွေးမြူရေး ခြံပုံစံ ခြံဝင်းတစ်ခုကိုဝယ်ယူပြီး နေထိုင်ခဲ့ ကြတာပါ။ မိဘနှစ် ပါးက ဆောက်လုပ်ထားတဲ့အိမ်ပုံစံကို အတော် လေး ဘဝင်ကျခဲ့ပါတယ်။ ကြမ်းခင်းက ကျောက်ဖြူသားကို တစ်အိမ်လုံးခင်းထားပြီး ပြတင်း ပေါက် အမြင့်ကြီးတွေ မှာ ဧရာမခန်းဆီးကြီးတွေ တပ်ဆင်ထားတဲ့အပြင် ကိုယ်ပိုင်ရေ ကူးကန်လည်း ပါဝင်ပါသေးတယ်။ သူတို့အိမ်ကနေကြည့်လိုက်ရင် လော့စ်အိန်ဂျလိစ်မြို့ရဲ့ မြို့လယ်ခေါင်ကို အပေါ်စီးကနေ မြင်နေရပါတယ်။ ဒါကြောင့် ကလေးတွေ က ရင်ခုန်စိတ် လှုပ်ရှားစွာ နဲ့ မွေးရာဇာတိမြေမှာ ကျန်ရစ်ခဲ့တဲ့ သူငယ်ချင်းတွေ ဆီကို စာတွေ ရေး ကြတယ်။ ဒီလိုရေး တဲ့နေရာမှာ သူတို့ဟာ အဲဒီ အခါတုန်းက နာမည် ကျော်ကြားနေကြတဲ့ ဂရောက် ချိုမာ့စ်၊ ဒီးန်မာတင်၊ အဲလ်ဗစ္စပရက်စလေတို့နဲ့ အိမ်နီးနားချင်းတွေ ဖြစ်ကြောင်းကိုလည်း ဂုဏ်ယူဝင့်ကြွားစွာ နဲ့ ထည့်ပြီးရေး ကြတာပေါ့။ ဒါပေမယ့် သူတို့သူငယ်ချင်းတွေ ကတော့ မယုံကြပါဘူး။ မာစီယာလင်းရဲ့ ညီမ ဖြစ်တဲ့ ဒယ်ဘီဘာထရန်ကဆိုရင် သူမရဲ့ ကျောင်းနေ ဖက်သူငယ်ချင်း တစ်ယောက် ဆီကို ရုပ်ရှင်မင်းသား ဒွန်အဒမ်(အဲဒီ ကာလတုန်းက အောင် မြင်ကျော်ကြားနေတဲ့Get Smart ရုပ်မြင်သံကြားဇာတ်လမ်းတွဲ ရဲ့ အဓိကမင်းသား ဖြစ် ပါ တယ်။)က လက်ဆောင်ပေးထားတဲ့ အမှတ်တရလက်ဆောင် လက်ကောက်ကလေး ကိုတောင် ပြခဲ့တယ်လို့ဆိုကြပါတယ်။ အဲဒီ တုန်းက ဒယ်ဘီက ဒွန်ရဲ့ အိမ်မှာ ကလေး ထိန်းဝင်လုပ်နေတယ်လို့ ဆိုတယ်။

မာစီယာလင်းရဲ့ မောင် ဖြစ်တဲ့ ရိုလီ ကတော့ ဟောလိဝုဒ်ရဲ့ လူနေမှု မှာ အမြန်ဆုံး ဝင်ဆံ့သွားသူလို့ ဆိုရပါလိမ့်မယ်။ သူ့ ၁၅ နှစ် မြောက်မွေးနေ့အတွက် မိဘများ က အနီရောင် Ferrari ပြိုင်ကားတစ်စီးလက်ဆောင်ဝယ်ပေးခဲ့ပါတယ်။ ရိုလီက တစ်နေ့ နေ့မှာ သူဟာFormula One ပြိုင်ကားမောင်းပြိုင်ပွဲဝင်နိုင်မယ့်သူလို့ ယုံကြည်နေတဲ့ အတွက် မိဘများ က မွေးနေ့လက်ဆောင်ပေးခဲ့ခြင်း ဖြစ်ပါတယ်။ ရိုလီကို ပြိုင်ကား ဝယ်ပေးလိုက် ခြင်းက ကြောင်ကို အတောင်တပ်ပေးလိုက် သလိုပါပဲ။ အဲဒီ အရွယ်မှာ သူက ရုပ်ရှင်မင်းသားကြီး ဒီးန်မာတင်ရဲ့ သမီးဂျီနာမာတင်ကို ချစ်ကြိုးသွယ်နေပြီ ဖြစ်ပါတယ်။ ဂျီနာကို သူ့ကားနဲ့ တင်ခေါ်ချင်ပေမယ့် သူကိုယ်တိုင်က ကားမောင်းခွင့် မရှိသေးတာကတစ်ကြောင်း၊ မမောင်းနိုင်သေးတာကတစ်ကြောင်း သူငယ်ချင်း ဖြစ်တဲ့ ပီတာမာတီနီကို မောင်းခိုင်းခဲ့ရတယ်လို့ဆိုပါတယ်။ သူနဲ့ပတ်သက်ပြီဲးazz ဂီတ ပညာရှင် ဖြစ်တဲ့ ဟာ့ဘ်အဲလ်ပတ်က အမှတ်တရပြန်ပြောပြရမှာ 'ရိုလီက အားလုံးအပေါ် မှာ တကယ်ကောင်းတဲ့သူငယ်ချင်းပါ။Beverly Hills မှာ ကျွန်တော် တို့သူငယ်ချင်းတွေ ပျော်စရာအကောင်းဆုံးအချိန်တွေ ရနိုင်ခဲ့တာဟာ သူ့ကြောင့် ပါ။ သူနဲ့လိုက်သွားရင် အပျော်မှန်သမျှကို ဖန်တီးပေးတော့တာပဲ'လို့ ဆိုတယ်။ ဒါကြောင့် ရိုလီရဲ့ ဘဝဟာ ဇာတိမြေ ဖြစ်တဲ့Riverdale မှာ နေရတာ နဲ့ ဘာမှမတူတော့ပါဘူး။

မိသားစုထဲမှာ မာစီယာလင်းက တစ်ဘာသာထူးခြားတယ်လို့ ဆိုရပါမယ်။ သူမရဲ့ မျက်ဝန်းများ က ကြည်လင်တောက်ပနေပြီး ကျန်မိသားစုဝင်များ ထက် ထူးခြား ပါတယ်။ အမေတူသမီးအ ဖြစ် ရုပ်ရှင်စာစောင်တွေ ကိုလည်း စွဲစွဲမက်မက် ဖတ်ခဲ့သူပါ။ ဒါကြောင့် ငယ်ဘဝကတည်းက မာစီယာလင်းဟာ မင်းသား၊ မင်းသမီးတွေ အကြောင်း ကို အချိန်နဲ့မပြတ် သိရှိနေခဲ့ပါတယ်။ အဲဒါအပြင် ပတ်ဝန်းကျင်မှာ ကလည်း ဟောလိဝုဒ်မှာ ကျင်လည်ကျက်စားနေတဲ့ ငွေကြယ်ပွင့်တွေ ကို ဖျိုးခနဲဖျပ်ခနဲ မြင်တွေ့ နေရတာ ကြောင့် သူ့ကိုယ်သူလည်း ငွေကြယ်တစ်ပွင့်လို အထင်ရောက်နေသူ ဖြစ်ပါတယ်။

မာစီယာလင်းက အတန်းထဲက သူငယ်ချင်းများ ကို သူတို့ ဘယ်ကပြောင်းလာ တယ်ဆိုတာ အ ဖြစ်မှန်မသိစေချင်တာကြောင့် တစ်ရက်သာနေခဲ့ဖူးတဲ့ နယူးယောက် မြို့က အကြောင်းများ သာ ဖန်တစ်ရာတေအောင်ပြောပြီး နယူးယောက် က ပြောင်း လာသလိုလို ထင်ခဲ့စေပါတယ်။ ဟောလိဝုဒ်မှာ ရောက်နေပြီ ဖြစ်လို့ တစ်နေ့ကျရင် ငွေကြယ်တစ်ပွင့် ဖြစ်စေရမယ်ဆိုတဲ့ အသိစိတ်ဓာတ်က မာစီယာလင်းရဲ့ ရင်ထဲမှာ ကိန်း အောင်းစပြုနေခဲ့ပါပြီ။ ၁၉၆၉ ခုနှစ် မှာ Beverly Hillsအထက်တန်းကျောင်းက အောင်မြင်ခဲ့ပြီးတဲ့နောက် Lee Strasberg Theatre and Film Institute ကို ဆက်တက်ခဲ့ပါ တယ်။William Morris Agency နဲ့မော်ဒယ်လ်အ ဖြစ် အလုပ်လုပ်ဖို့ စာချုပ်ချုပ်ဆိုခဲ့ပါ တယ်။ အနုပညာလောကမှာ အောင်မြင်ရမယ်လို့ စိတ်ဝင်လာပြီးတဲ့နောက်မှာ မာစီယာလင်းက သူ့နာမည် ကို မာချလင်းလို့ ပြောင်းလိုက်ပါတယ်။ သူ့အကြောင်းပြချက် ကတော့ သူ့ဘိုးဘွားများ ဟာ ပြင်သစ်၊ ကနေဒါသွေးပါပြီး ဘွားအေ ဖြစ်သူရဲ့ နာမည် မာရီလူစီအင်ဂျလီနားကို ပေါင်းစပ်ပြီး ဒီနာမည် ပြောင်းလိုက်တာလို့ဆိုပါတယ်။ ဒါပေမဲ့ သူမရဲ့ မိသားစု ကတော့ အခုထက်ထိလည်း မာစီယာလို့ခေါ်နေကြဆဲပါပဲ။

မာစီယာက အစားအသောက်ကအစ ဝတ်စားဆင်ယင်ပုံအထိ ပြင်သစ်သွေးပါတယ် လို့ သူ့မိသားစုဝင်များ က သုံးသပ်ကြပါတယ်။ ဆယ်ကျော်သက်ဘဝကို လွန်မြောက် လာပြီးချိန်မှာ သူမ စိတ်ထဲထူးခြားတဲ့ကိစ္စတစ်ခု ကိန်းအောင်းလာခဲ့ပါတယ်။ နောင်မှာ အရင်းနှီးဆုံးသူ့သူငယ်ချင်း တစ်ယောက် ကို ဖွင့်ပြောပြခဲ့တာ ကတော့Beverly Hills ကို ရောက်ကတည်းက ငါ့ရင်ထဲမှာ ဆုံးဖြတ်ချက်တစ်ခု ရှိခဲ့ပါတယ်။ အဲဒါ ကတော့ နာမည် ကျော်တဲ့သူ တစ်ယောက် ကို ရအောင်ယူရမယ်ဆိုတဲ့ ဆုံးဖြတ်ချက်ပဲ' လို့ ဆိုပါတယ်။

မာစီယာလင်းကို ၁၉၅ဝ ပြည့်နှစ် ၊ မေလ ၉ ရက်နေ့မှာ လူးဝစ္စနဲ့ ရိုလန် ဘာထရန် တို့က မွေးဖွားခဲ့ကြတာပါ။ အဲဒီ ကာလမှာ တုန်းက ရိုလန်က ယောက္ခမ ဖြစ်သူပိုင်တဲ့ Bowling ကစားရုံရဲ့ မန်နေဂျာအ ဖြစ် ဆောင်ရွက်နေစဉ် ဖြစ်ပါတယ်။ အဲဒီ ကာလတုန်းကBowling ကစားခြင်းဟာ အမေရိကန်ပြည်ထောင်စုမှာ အင်မတန်ခေတ်စားခဲ့တဲ့အား ကစားနည်းတစ်ရပ် ဖြစ်ပါတယ်။ လူတိုင်းကBowling ကစားချင်ြ ကတော့ တစ်ခါတလေ ကစားရုံထဲမှာ ကစားစရာနေရာမရှိတောင် ဖြစ်တတ်ပါသတဲ့။ အဲဒီ အခါမျိုးမှာ လူတွေ ကBaseball သွားကစားကြရတယ်။ ဒါကြောင့် Bowling ကစားရုံပိုင်ရှင်ဆိုတာ ခိုင်မာတဲ့ စီးပွားရေး လုပ်ငန်းတစ်ခုကို ထူထောင်ထားသလိုပါပဲ။Riverdale မြို့နားမှာ ရှိတဲ့Harveyမြို့ ကတော့ စက်မှု မြို့တစ်ခု ဖြစ်ပြီး အဲဒီ ကာလတုန်းက အလုပ်တွေ ကလည်း အရမ်း ပေါပါတယ်။ ရာဇဝတ်မှု ဆိုတာ မကြားဖူးလောက်အောင် ဖြစ်ပြီး မြို့တစ်မြို့မှာ နေတဲ့ လူဦးရေဆိုတာကလည်း လူလေးထောင်လောက်သာရှိတာမို့ တစ်ယောက် နဲ့ တစ်ယောက် မသိသူဆိုတာ ခပ်ရှားရှားပဲ။

Riverdale မြို့လေးဟာ တိတ်ဆိတ်အေးချမ်းပြီး လုံခြုံစိတ်ချရတဲ့ မြို့ကလေးတစ်မြို့ ဖြစ်ပါတယ်။ ဒါပေမယ့် အပြောင်းအလဲမရှိ ပကတိငြိမ်သက်နေတဲ့နေရာမှာ မနေလိုတဲ့ လူးဝစ္စက ငွေရောင် ပိတ်ကားပေါ်မှာ သရုပ်ဆောင်ရတဲ့မင်းသမီး ဖြစ်ချင်တယ်။ သူ လုပ်နေရတဲ့အလုပ်ကBowling အားကစားရုံရဲ့ မန်နေဂျာကတော် ဆိုတော့ သူ့ဝါသနာနဲ့ မကိုက်ညီလှပါဘူး။ မီးလောင်ရာ လေပင့်ဆိုသလို ဖြစ်ခဲ့တာ ကတော့ သူ့မိဘများ ပိုင် ဆိုင်တဲ့ စတိုးဆိုင်ရဲ့ မျက်စောင်းထိုးဘက်မှာ ရှိတဲ့ စတိုးဆိုင်တစ်ဆိုင်ကို ရုပ်ရှင်မဂ္ဂဇင်း တစ်စောင် ရောက်ရှိလာခြင်းပါပဲ။ အဲဒီ နေ့ကစလို့ လူးဝစ္စဟာMovie Mirror, Motion Picture အစရှိတဲ့ရုပ်ရှင်မဂ္ဂဇင်းများ ကို အပတ်စဉ်ဖတ်ရင်း အသည်းစွဲပရိသတ် တစ်ယောက် ဖြစ် လာခဲ့ပါတယ်။ အိပ်ရာထဲမှာ ခွေခေါက်ပြီး မဂ္ဂဇင်းမှာ ဖော်ပြထားတဲ့ Betty Grable, Rita Hayworth, Ginger Rogers အစရှိတဲ့ မင်းသား၊ မင်းသမီးပုံများ ကို အားပါးတရ ကြည့်ရင်း စိတ်ကူးယဉ်ခဲ့ရတာ အမောပါပဲ။

လူးဝစ္စရဲ့ အဖေ ဖြစ်သူက တစ်သက်လုံး ကြိုးကြိုးကုတ်ကုတ်အလုပ်လုပ်ပြီး စီးပွား ရှာခဲ့သူ ဖြစ်တာကြောင့် သရုပ်ဆောင်အလုပ်ကို စိတ်မဝင်စားပါဘူး။ ဒါပေမဲ့ တစ်ဦး တည်းသော သမီး ဖြစ်တဲ့ လူးဝစ္စ ကတော့ မိဘနှစ် ပါးရဲ့ အလိုလိုက်ထားခြင်းခံရသူပီပီ သူမရဲ့ အိပ်ခန်းထဲမှာ မင်းသား၊ မင်းသမီးတွေ ရဲ့ ပုံတွေ ကပ်ပြီး မင်းသမီး တစ်ယောက် လို အဝတ်တွေ တစ်ထည်ပြီးတစ်ထည်လဲရင်း စိတ်ကူးယဉ်ကမ္ဘာထဲမှာ ပျော်မွေ့နေသူ ဖြစ်ခဲ့ပါပြီ။ ညဆိုရင် မှန်ရှေ့မှာ ဆံပင်ပုံစံကို အမျိုးမျိုးပြောင်းလဲထုံးဖွဲ့ရင်း သူ့ကိုယ်သူ အရိပ်တကြည့် ကြည့် ဖြစ်နေတာကလည်း လူးဝစ္စပါပဲ။ နားထောင်တဲ့သူများ ရှိရင်တော့ လူးဝစ္စက 'တစ်နေ့ကျရင် ကျွန်မဟာ ဟောလိဝုဒ်ရဲ့ ရုပ်ရှင်မင်းသမီးတစ်လက် ဖြစ်ကို ဖြစ် ရမယ်'လို့ ပြောပြတတ်ပါသေးတယ်။

၁၉၄၆ ခုနှစ် ဒုတိယကမ္ဘာစစ်ကြီးပြီးဆုံးစအချိန်မှာ သူမရဲ့ မိဘများ က သူမကို ပက်ထရစ်ရှာစတီဗင် ဖွင့်လှစ်ထားတဲ့ ရှီကာဂိုမြို့လယ်က မော်ဒယ်လ်သင်တန်းကျောင်းမှာ ထားပေးပါတယ်။ ဟောလိဝုဒ်က တစ်နေ့ခေါ်နိုးနိုးစောင့်ရင်းနဲ့ သူမကိုယ်တိုင်ကြိုးစားမှု နဲ့Vogue မဂ္ဂဇင်းမှာ မျက်နှာဖုံးရှင်အ ဖြစ် ပါဝင်ခွင့်ရခဲ့ပါတယ်။ လူးဝစ္စက အသက်မွေးဝမ်း ကျောင်းလုပ်ငန်းအနေနဲ့ ရှီကာဂိုမြို့ကMarshall Field လို့ခေါ်တဲ့ ကုန်တိုက်တစ်ခုမှာ လက်နှိပ်စက်စာရေး မအ ဖြစ် ဝင်ရောက်လုပ်ကိုင်ပါတယ်။ တကယ်ဆိုတော့ မြို့ကြီးမှာ လာရောက်နေထိုင်ရခြင်းဟာ မွေးရာဇာတိမြေထက်တော့ တိုးတက်ဖို့အလားအလာတွေ အများ ကြီးရှိတယ်ဆိုတာ လူးဝစ္စနားလည်ခဲ့ပြီး အချိန်ကိုသာ စောင့်ဆိုင်းနေရခြင်း ဖြစ်ပါ တယ်။ လူးဝစ္စဟာ မိဘဘိုးဘွားဘီဘင်များ ပေါက်ဖွားခဲ့တဲ့Riverdale မြို့ကလေးမှာ သာမန်သူလိုငါလို အရပ်သား တစ်ယောက် အ ဖြစ် မွေးဖွားကြီးပြင်းရပေမယ့် သူ့စိတ်ထား ကတော့ တစ်နေ့နေ့မှာ ရုပ်ရှင်မင်းသမီး ဖြစ်ရစေမယ်ဆိုတဲ့ ရည်မှန်းချက်ကြီးမားခဲ့ပါတယ်။

အဲဒီ လိုရည်မှန်းချက်ကြီးကြီးနဲ့ ရှိတဲ့သူ တစ်ယောက် အတွက် လက်နှိပ်စက်စာရေး မလေးအ ဖြစ် အသက်မွေးဝမ်းကျောင်းနေရတာ ဟာ တကယ်တော့ ကန်သေးသေးထဲမှာ ကြီးပြင်းနေတဲ့ ငါးတစ်ကောင်လို အနေရကျပ်လှပါတယ်။

ရည်မှန်းချက်မပြည့်ခင်မှာ ဘဲ လူးဝစ္စဟာ ရိုလန်ရိုလီဘာထရန်နဲ့ပတ်သက်လာ ခဲ့ပါတယ်။ ရိုလန်က စစ်မှု ထမ်းဟောင်းတစ်ဦး ဖြစ်ပြီး လူပုံစံက ခပ်သေးသေးပါ။ ဒါပေမယ့် မျက်အိမ်ကျယ်ကျယ်၊ အပြာရောင် မျက်လုံးများ က မိန်းကလေးများ ကို ဆွဲ ဆောင်မှု ရှိခဲ့ပါတယ်။ သူ့ကို တောင်သူလယ်သမားမိဘများ က မွေးဖွားခဲ့တာ ဖြစ်ပြီး သူတို့ဘိုးဘွားစဉ်ဆက်များ ဟာလည်း ပြင်သစ်နိုင်ငံမှ ပြောင်းရွှေ့နေထိုင်တဲ့သူများ ဖြစ် ခဲ့ပါတယ်။ ဖခင်အမည် က ဂျော့ခ်ျ ဖြစ်ပြီး မိခင်က မာရီလူစီအင်ဂျလီနား ဖြစ်ပါတယ်။ ရိုလန်က ဒုတိယကမ္ဘာစစ်အတွင်းမှာ ရွပ်ရွပ်ချွံချွံတိုက်ပွဲဝင်ခဲ့သူ ဖြစ်ပြီး ပြင်သစ်နဲ့ ဂျာမနီတိုက်ပွဲများ မှာ နာမည် ရခဲ့တဲ့စစ်သည်ကောင်းတစ်ဦး ဖြစ်ပါတယ်။ ၁၉၄၄ ခုနှစ် ၊ နိုဝင်ဘာလမှာ ခြေထောက်နှစ် ဖက်စလုံး ဒဏ်ရာရခဲ့တဲ့အတွက် ပြင်သစ်နိုင်ငံစစ်ဆေးရုံမှာ တက်ရောက်ကုသမှု ခံယူခဲ့ရပါတယ်။

Riverdale ကို ပြန်လာတဲ့အခါမှာ စစ်မှု ထမ်းဟောင်း ရိုလန်ဟာ လူးဝစ္စရဲ့ မိဘ များ ပိုင်တဲ့Bowling အားကစားရုံမှာ အလုပ်လုပ်ခဲ့ပါတယ်။Bowling ဝါသနာပါတဲ့ လူးဝစ္စ နဲ့နီးစပ်ခဲ့ပြီး မေတ္တာသက်ဝင်ခဲ့ကြပါတယ်။ ၁၉၄၉ ခုနှစ် ၊ ဇွန်လ ၄ ရက်နေ့မှာ သူတို့နှစ် ဦးSt. Mary's Catholic Church မှာ လက်ထပ်ကြတဲ့အချိန် လူးဝစ္စက အသက် ၂၁ နှစ် ရှိ ပြီး ရိုလန်က သူမထက်အသက် ၄ နှစ် ကြီးပါတယ်။Riverdale မြို့ကလေးမှာ တော့ သူတို့မင်္ဂလာပွဲဟာ အကြီးကျယ်ဆုံးမင်္ဂလာပွဲလို့ ပြောစမှတ်ပြုခဲ့ကြပါတယ်။

စစ်ပြီးစကာလ ဖြစ်ပေမယ့် သတို့သမီးက ကိုလိုနီစတိုင်လ်ဆာတင်သားနဲ့ ချုပ်ထား တဲ့သတို့သမီးဝတ်စုံကို ဝတ်ဆင်ထားပါတယ်။ ဇာဝတ်စုံ ဖြစ်တဲ့အပြင် သတို့သမီးရဲ့ ပဝါက ၃ ကိုက်ရှည်လျားပြီး သတို့သမီးအရံ ၇ ဦး၊ သတို့သားအရံ ၇ ဦး၊ လက်ထပ် လက်စွပ်သယ်ဆောင်လာတဲ့မိန်းကလေး၊ ပန်းကြဲတဲ့မိန်းကလေးတို့နဲ့ အလွန်စည်ကားခဲ့ တာပေါ့။ ဖခင် ဖြစ်သူက တစ်ဦးတည်းသော သမီးအတွက် ခမ်းနားတဲ့မင်္ဂလာပွဲကို ကျင်းပ ပေးခဲ့တဲ့အပြင်Steel Wonder Club မှာ တည်ခင်းဧည့်ခံကျွေးမွေးတဲ့မင်္ဂလာဧည့်ခံပွဲအစီ အစဉ်မှာ ဧည့်သည် ၆ဝဝ တို့ကို ကျွေးမွေးခဲ့ပါတယ်။ လက်မထပ်ခင် မနက်စောစော စာကို ကျွေးမွေးခဲ့သေးတဲ့အပြင် ညစာစားပွဲကိုလည်း တည်ခင်းဧည့်ခံခဲ့တာကြောင့် လူးဝစ္စရဲ့ ဖခင်ဟာ Bowling လုပ်ငန်းနဲ့ ဘယ်လောက်ငွေကြေးကြွေယ်ဝနေတယ်ဆိုတာ ခန့်မှန်းလို့ရခဲ့ကြပါတယ်။ မင်္ဂလာဧည့်ခံပွဲကို မြို့မျက်နှာဖုံးလူကြီးများ အားလုံးနီးပါး တက်ရောက်ခဲ့ကြပါတယ်။ မင်္ဂလာဧည့်ခံပွဲမှာ အဲဒီ ခေတ်က နာမည် ကြီးတဲ့ အဆိုကျော်Hank Slorek က အကော်ဒီယံတီးပြီး ဧည့်သည်များ ကို သီဆိုဖျော်ဖြေခဲ့ပါသေးတယ်။ ဒါကြောင့် လူးဝစ္စတို့မင်္ဂလာပွဲဟာ သူတို့မြို့ဝန်းကျင်မှာ ထုတ်တဲ့ သတင်းစာများ ရဲ့ မျက်နှာဖုံးသတင်းအ ဖြစ် ဖော်ပြခံခဲ့ရတဲ့သတင်းတစ်ပုဒ် ဖြစ်ခဲ့ပါတယ်။

ဇနီးမောင်နှံနှစ် ဦးတို့ ပျားရည်ဆမ်းခရီးအ ဖြစ် ဖလော်ရီဒါနဲ့ကနေဒါတို့သို့ တစ်လ ကြာ ခရီးထွက်ခဲ့ကြပြီး များ မကြာမီမှာ လူးဝစ္စကိုယ်ဝန်ဆောင်ခဲ့ပါတယ်။ အဲဒီ ကိုယ်ဝန်က သမီးကြီး မာစီယာလင်းကို မေလမှာ မွေးဖွားခဲ့ပါတယ်။ တစ်ဦးတည်းသော သမီး ဖြစ် တဲ့အတွက် လူးဝစ္စတို့ဇနီးမောင်နှံဟာ သူမရဲ့ မိဘနှစ် ပါးနဲ့သာ နေထိုင်ခဲ့ပြီးBowlingလုပ်ငန်းရဲ့ ဝင်ငွေ၊ ထွက်ငွေများ ကို သူမရဲ့ ခင်ပွန်းသည် ဖြစ်သူ ရိုလန်က ကြီးကြပ်ပေး ခဲ့တာကြောင့် မကြာခင်ကာလအတွင်းမှာ သီးသန့်အိမ်ကလေးတစ်လုံးကို ဝယ်နိုင်ခဲ့ပါ တယ်။

လူးဝစ္စရဲ့ စိတ်ကူးအိပ်မက်တွေ က မော်ဒယ်လ် တစ်ယောက် ဖြစ်ဖို့၊ မင်းသမီးတစ် ယောက် ဖြစ်ဖို့ဆိုပေမယ့် သမီးလေး တစ်ယောက် ကို မွေးဖွားလာပြီးချိန်မှာ တော့ သူ့အိပ်မက် တွေ တစ်ဝက်လောက် ပျက်ပြယ်သွားပြီလို့ ဆိုနိုင်ပါတယ်။ ဒါပေမဲ့ တစ်ချိန်ချိန်မှာ ဖြစ်နိုင်ကောင်းရဲ့ လို့တော့ စိတ်ရှိနေပါသေးတယ်။ နောက်တစ်နှစ် မှာ အသက် ၄၅ နှစ် အရွယ်သာရှိသေးတဲ့ဖခင်ကြီး ရုတ်တရက် ကွယ်လွန်သွားခဲ့ပါတယ်။ မိခင် ဂျင်းက မုဆိုးမ ဖြစ်သွားပြီး အိမ်ရဲ့ စီးပွားရေး လုပ်ငန်းများ ကို ရိုလန်ကသာ ဦးစီးဦးဆောင်ပြု ရပါတော့တယ်။ လူးဝစ္စကိုယ်တိုင်ကBowling ကစားရတာ ကို ဝါသနာပါတာကြောင့် အမျိုးသမီးအဖွဲ့ကို ဦးစီးဦးဆောင်သူ ဖြစ်လာခဲ့ပါတယ်။ အဲဒီ ကာလအတွင်းမှာ ပဲ ဒုတိယ ကိုယ်ဝန်ရလာခဲ့ပြီး ၁၉၅၂ ခုနှစ် မှာ ဒုတိယသမီးကလေး ဒယ်ဘီကို မွေးဖွားလာပြန်တာ ကြောင့် Bowling ကစားခြင်းကို ခေတ္တကျောခိုင်းခဲ့ရပါတယ်။ ၁၉၅၅ ခုနှစ် မှာ တော့ တတိယမြောက်ရင်သွေးရတနာ ဖြစ်တဲ့ သားလေး ရယ်လေးကို မွေးဖွားခဲ့ပါတယ်။

မိသားစုဝင်ဦးရေတိုးပွားလာတာနဲ့အမျှ လူးဝစ္စတို့မောင်နှံက စီးပွားလည်း တက်လာ ပြီ ဖြစ်လို့ မူလနေထိုင်တဲ့သစ်သားအိမ်ကနေSouth Wabash Avenue မှာ ဆောက်လုပ် ထားတဲ့တိုက်အိမ်သို့ ပြောင်းရွှေ့နေထိုင်ခဲ့ကြပါတယ်။ သူတို့ပိုင်မြေကွက်က ပေ ၂၄ဝ နဲ့ ပေ ၉ဝ ရှိတဲ့မြေကွက် ဖြစ်တာကြောင့် အဲဒီ ကာလတုန်းက အလယ်အလတ်တန်း ရဲ့ အထက်မှာ ရှိတဲ့သူများ သာ နေထိုင်နိုင်တဲ့အနေအထားလည်း ဖြစ်ပါတယ်။ သူတို့အိမ် နားမှာ အိမ်ပုံစံချင်းဆင်တူ တစ်အိမ်ရှိပေမယ့် သူတို့အိမ်က မြေကွက်ပိုကျယ်တာကြောင့် ပိုပြီးခမ်းနားတယ်လို့ ဆိုနိုင်ပါတယ်။ လူးဝစ္စက ငယ်ငယ်ကတည်းက အိပ်ခန်း ၅ ခန်းပါတဲ့အိမ်ကြီးများ ကို မျက်စိကျခဲ့သူတစ်ဦး ဖြစ်တာကြောင့် သူ အိမ်ဝယ်နိုင်တဲ့အချိန်မှာ စိတ်ကူးထဲကအတိုင်း ဝယ်လိုက်နိုင်ခြင်းပါ။ ပြောင်းရွှေ့သွားတဲ့အိမ်က အလုပ်နဲ့လည်း ၄ ဘလောက်ခ်ခန့်သာ ဝေးပါတယ်။ အဲဒါအပြင် မုဆိုးမဘဝရောက်နေပြီး ကင်ဆာ ရောဂါ သည် ဖြစ်နေတဲ့ လူးဝစ္စရဲ့ မိခင် ဂျင်းကိုလည်း အိမ်မှာ အတူနေနိုင်အောင် ခေါ်ထား နိုင်ခဲ့ပါတယ်။ တစ်ဦးတည်းသော သမီး ဖြစ်တဲ့ လူးဝစ္စဟာ မိခင်ကို သေသေချာချာ ပြုစုစောင့်ရှောက်တဲ့သမီးရယ်လို့ ပတ်ဝန်းကျင်က အသိအမှတ်ပြုကြရပါတယ်။ မိသားစုစီးပွားရေး လုပ်ငန်းကလည်း ကြီးပွားသည်ထက် ကြီးပွားလာတာကြောင့် ၁၉၅၈ ခုနှစ် မှာ ရိုလန်က နောက်ထပ်Bowling အားကစားရုံတစ်ခုကို တိုးချဲ့ဖွင့်လှစ်နိုင်ခဲ့ ပါတယ်။

လူးဝစ္စရဲ့ ငယ်အိပ်မက် ဖြစ်တဲ့မော်ဒယ်လ် တစ်ယောက် ၊ ဒါမှမဟုတ် ရုပ်ရှင်မင်းသမီး တစ်ယောက် ဖြစ်လာဖို့ဆိုတဲ့ရည်မှန်းချက် ကတော့ တစ်စတစ်စ ဝေးကွာခဲ့ပြီ ဖြစ်ပေမယ့် မြို့ပေါ်မှာ ကျင်းပတဲ့အိမ်ထောင်သည်မိခင်များ ရန်ပုံငွေပွဲတစ်ခုမှာ တော့ တခြားအမျိုး သမီး ၉ ဦးနဲ့အတူ ၁၉၅၉ ခုနှစ် မှာ ဖက်ရှင်ရှိုးတစ်ခု ဝင်နွှဲခဲ့ပါသေးတယ်။ အိမ်ထောင် သည် ဖြစ်သွားခြင်းကြောင့် သူ့စိတ်ကူးယဉ်အိပ်မက်တွေ လွင့်ပြယ်ရချိန်မှာ ဒီလိုမိခင် များ ရဲ့ ထုံးစံအတိုင်း သူတို့လုပ်ချင်တာတွေ ကို မွေးလာတဲ့သားသမီးများ အပေါ် ပုံပြီးတွန်း တော့တာပါပဲ။ လူးဝစ္စအတွက် မျှော်လင့်ချက် ကတော့ သမီးနှစ် ယောက် ရှိပေမယ့် သူ့ ခြေရာကိုနင်းမယ့်သမီးဟာ သမီးကြီး မာစီယာလင်းသာ ဖြစ်ပြီး သမီးငယ် ဒယ်ဘီ ကတော့ မိခင် ဖြစ်စေချင်တဲ့ဖျော်ဖြေရေး လုပ်ငန်းမှာ စိတ်မဝင်စားဘဲ သူနာပြုလုပ်ငန်း မှာ သာ စိတ်ဝင်စားနေခဲ့ပါတယ်။

အိမ်ရဲ့ စီးပွားရေး လုပ်ငန်းများ ကို ခင်ပွန်းသည် ဖြစ်သူ ရိုလန်က ဦးဆောင်လုပ် နေတယ်ဆိုပေမယ့် တကယ်တော့ အဓိကတွန်းအားပေးသူက လူးဝစ္စ သာ ဖြစ်ပါတယ်။ ရိုလန်က ခပ်အေးအေးနေတတ်ပြီး အရက်ကြိုက်သူ၊ ရက်ရောသူ၊ မိတ်ဆွေအပေါင်း အသင်းများ နဲ့ နွေးနွေးထွေးထွေးနေတတ်သူရယ်လို့ သူ့မိတ်ဆွေများ က ပြန်ပြောပြခဲ့ကြ ပါတယ်။

* * * * *

လူးဝစ္စ ကတော့ ဘောင်းဘီဝတ်ပြီး အိမ်ရဲ့ စီးပွားရေး လုပ်ငန်းကို ဒေါင်းတိ မောင်းတိဦးဆောင်သူ ဖြစ်ခဲ့ပါတယ်။ ခပ်အေးအေးနေတတ်တဲ့ဖခင်အပေါ်မှာ သားသမီး များ ကလည်း သူငယ်ချင်းများ လို ခင်တွယ်တာသာရှိပြီး ကြောက်ရကောင်းမှန်း မသိခဲ့ ကြပါဘူး။ အဲဒီ ခေတ်ကာလတုန်းက သားသမီးများ နဲ့ပတ်သက်ရင်Father Know Best ဖခင်သာလျှင် သားသမီးများ နဲ့ပတ်သက်လို့ အသိဆုံးဆိုတဲ့ ခံယူချက်ရှိကြပေမယ့် လူးဝစ္စတို့မိသားစုမှာ တော့ ဖခင် ရိုလန်ထက် မိခင် လူးဝစ္စကသာ အသိဆုံးပါ။

သားသမီးများ ထဲက သမီးကြီး ဖြစ်တဲ့ မာစီယာလင်းဟာ သူ့ခြေရာကိုနင်းမယ့် သမီး ဖြစ်တယ်လို့ ယုံကြည်တာနဲ့အမျှ တနင်္ဂနွေနေ့ဆိုရင် သားအမိနှစ် ယောက် လျှပ်စစ် ရထားစီးပြီး ရှီကာဂိုမြို့တွင်းက သရုပ်ဆောင်သင်တန်း၊ သီချင်းဆိုသင်တန်း၊ အက သင်တန်းတို့ကို သွားကြသလို အဝတ်အစား အသစ်အဆန်းများ ရောင်းချတဲ့ စတိုးဆိုင် များ ကိုလည်း သူငယ်ချင်းနှစ် ယောက် လို သွားခဲ့ကြပါတယ်။ ၁၉၅၈ ခုနှစ် မှာ Drury Lane Theatre u Evergreen Park မှာ ဖွင့်တော့ မာစီယာလင်းက မော်ဒယ်လ်အေးဂျင့် များ ထံမှာ အဆက်အသွယ်ရနေပြီ ဖြစ်ပါတယ်။ ဒါကြောင့် မာစီယာက မျိုးဆက်သစ် လူငယ်အဖွဲ့ဝင်များ ထဲမှာ တစ်ဦး ဖြစ်လာခဲ့ပါတယ်။

နက်မှော င်သန်စွမ်းတဲ့ဆံပင်ရှည်ရှိတဲ့အပြင် ဖခင်ရဲ့ မျက်ဝန်းအစုံလို ဝိုင်းစက်တဲ့ မျက်လုံးပြာရှိတဲ့ မာစီယာလင်းကို အတော် များများ က စိတ်ဝင်စားကြပါတယ်။ သူ့ကို စိတ်ဝင်စားကြခြင်းဟာ သူ့အမေကို ပိုးပန်းကြလိုခြင်းကြောင့် မဟုတ်ပါဘူး။ နုနယ် ပျိုမြစ်တဲ့အပြင် ချောမောတဲ့ သူ့ရုပ်ရည်ကြောင့် ဖြစ်ပါတယ်။ မာစီယာနဲ့အတူ ကျောင်းသွား ဖက်၊ ဘုရားကျောင်းတက်ဖက်သူငယ်ချင်း တစ်ယောက် က ငယ်ဘဝကို ပြန်ပြောင်း ပြောပြရာမှာ 'မာစီယာဟာ ကျွန်မတို့အသိုင်းအဝိုင်းအတွက် အလှတစ်ပါးပါပဲ' လို့ ဆိုခဲ့ပါတယ်။ အထက်တန်းကျောင်းသူဘဝ ရောက်လာတော့လည်း မာစီယာဟာ သူငယ် ချင်းများ ရဲ့ အားကျလောက်တဲ့ရုပ်ရှင်ပိုင်ရှင် ဖြစ်တဲ့အပြင် ခံ့ညားလှပတဲ့အိမ်ကြီးမှာ နေသူ အ ဖြစ်လည်း ရေပန်းစားခဲ့ပါတယ်။ သူငယ်ချင်းများ ကြားမှာ ရေပန်းစားသူ ဖြစ်ပေမယ့် မာစီယာက သူ့ရင်ထဲမှာ ဘယ်လိုရည်မှန်းချက်ရှိတယ်ဆိုတာကိုတော့ တစ်စွန်းတစ်စမှ မဟခဲ့ပါဘူး။

၁၉၆ဝ ခုနှစ် များ အတွင်း ရောက်ရှိလာတဲ့အချိန်မှာ လူးဝစ္စတို့မိသားစုဟာ လူချမ်း သာစာရင်းကိုဝင်လာခဲ့ပါပြီ။ နှစ် ကူးညစာစားပွဲများ ကအစ ပွဲလမ်းသဘင်တိုင်းမှာ သူတို့ မိသားစုတက်ရောက်ခြင်းက အိမ်ရှင်ကို ဂုဏ်တက်စေတဲ့အထိ အရေး ပါအရာရောက် လာခဲ့ပါပြီ။ အဲဒီ လိုအရေး ပါလာတဲ့အတွက်လည်း သူတို့မြို့ကလေးမှာ ထုတ်တဲ့သတင်းစာ များ မှာ သူတို့မိသားစုသတင်းဟာ မပါမ ဖြစ်သတင်းများ ဖြစ်လာခဲ့ပါပြီ။ အဲဒီ ကာလ များ ကတည်းက လူးဝစ္စတို့မိသားစုဟာ အလှူအတန်းမှာ ရက်ရောခဲ့တာကို သူတို့ ပတ်ဝန်းကျင်က အမှတ်တရပြန်ပြောပြကြပါတယ်။ တစ်ခါမှာ တော့ ရှီကာဂိုမြို့ကြီး မှာ ကျင်းပတဲ့ Bowling အလှူပွဲကြီးကို သွားရောက်ကြည့်ရှုကြဖို့ မတတ်နိုင်တဲ့သူများ ကို ရိုလန်ကဦးဆောင်ပြီး အလှူငွေထည့်ဝင်ကာ သွားရောက်ကြည့်ရှုစေတယ်လို့ အမှတ် တရရှိခဲ့ကြပါတယ်။ ဒါကိုထောက်ရင် သူတို့မိသားစုဟာ လှူနိုင်တန်းနိုင်သူတွေ ဖြစ်ပေ မယ့် အများ သူငါအပေါ်မှာ ပလွှားခြင်းတော့ မရှိခဲ့ကြပါဘူး။ Bowling ကစားတဲ့သူများ ဆီက ရခဲ့တဲ့ဝင်ငွေကို ဒီလူတွေ အပေါ်မှာ တရားမျှတစွာ ပြန်လည်သုံးစွဲတယ်လို့ သုံးသပ် နိုင်ပါတယ်။

၁၉၆၂ ခုနှစ် ၊ စက်တင်ဘာလ ၁၈ ရက်နေ့မှာ ရိုလန်ရဲ့ အဖေ ဂျော့ခ်ျကွယ် လွန်သွားခဲ့ပြီး နောက် ၅ ရက်အကြာမှာ လူးဝစ္စရဲ့ အမေ ဂျင်းလည်း ကွယ်လွန်သွား ခဲ့ပြန်ပါတယ်။ အဲဒီ လိုဆက်တိုက်ကြုံလိုက်ရတဲ့ အသုဘနှစ် ခုကြောင့် မိသားစုရဲ့ ပုံမှန် လုပ်ငန်းများ လည်ပတ်မှု ကသော င်းကနင်း ဖြစ်သွားပြီး မိသားစုဝင်ချင်း တခြားလုပ်ငန်း ပြောင်းလုပ်ကြဖို့ တိုင်ပင်ကြတဲ့အဆင့်ကို ရောက်လာခဲ့ပါတယ်။ ၁၉၆၄ ခုနှစ် မှာ ရိုလန်က ကယ်လီဖိုးနီးယားပြည်နယ်၊Oakland မှာ ကျင်းပတဲ့ Bowling ပြိုင်ပွဲကို သွားပြိုင်ခဲ့ ပါတယ်။ အဲဒီ ကအစ ကယ်လီဖိုးနီးယားကို ရိုလန် သဘောကျသွားခဲ့ပြီး မိသားစု လိုက်ပြောင်းရွှေ့ဖို့ စိတ်ဝင်စားခဲ့ခြင်း ဖြစ်ပါတယ်။

သူတို့မိသားစုသာ မဟုတ်ပါဘူး၊ ဒုတိယကမ္ဘာစစ်အတွင်းမှာ ပါဝင်ဆင်နွှဲခဲ့ကြတဲ့ စစ်ပြန်မိသားစုများ တော် တော် များများ ဟာ ကယ်လီဖိုးနီးယားကို မျက်စိကျလာခဲ့ကြပြီး မွေးရပ်မြေများ မှ ပြောင်းရွှေ့ခဲ့ကြတာ ဖြစ်ပါတယ်။ လူးဝစ္စရဲ့ မိခင် ဂျင်းရဲ့ အဆက်အနွယ် တော် တော် များများ လည်း မူလနေထိုင်ခဲ့ရာRiverdale ကနေ ရေကြည်ရာမြက်နုရာကို ပြောင်းရွှေ့ကုန်ကြတယ်။ တချို့က ကယ်လီဖိုးနီးယားပြည်နယ်မှာ ရှိတဲ့ မြို့အသီးသီးကို ပြောင်းကြပြီး တချို့ ကတော့ အရီဇိုးနားပြည်နယ်၊Kashas မြို့သို့ ပြောင်းရွှေ့သွားကြပါ တယ်။ ကယ်လီဖိုးနီးယားပြည်နယ်မှာ ရောက်ရှိကြပြီး အတော် များများ က ဘဝကို အသစ် ကနေ ပြန်စကြပါတယ်။

တချို့ ကတော့ တစ်သက်လုံး စိတ်ကူးယဉ်လာခဲ့သမျှတွေ ကို အကောင်အထည် ဖော်ဖို့ကြိုးစားကြတာပေါ့။ လူးဝစ္စရဲ့ မိခင် ဂျင်းကွယ်လွန်သွားခြင်းက လူးဝစ္စကို အကြီး အကျယ် လွတ်လပ်ရေး ရသွားစေပြီး သူ့စိတ်ကူးယဉ်အိပ်မက်တွေ အကောင်အထည်ဖော်ဖို့ လမ်းစရှာပါတော့တယ်။ မိခင်ကြီးရဲ့ သေတမ်းစာမှာ သူပိုင်ဆိုင်သမျှကို လူးဝစ္စအတွက် ပေးထားခဲ့တာပါ။ ရခဲ့သမျှအမွေတွေ နဲ့ ပတ်သက်ပြီး မိသားစုတိုင်ပင်ကြရာမှာ ပထမပိုင်း တော့ ဝေဝေဝါးဝါး ရေရေရာရာမရှိလှပေမယ့် နောက်ပိုင်းမှာ တော့ ပီပြင်လာတယ်။ အဲဒါ ကတော့ ရှိသမျှပစ္စည်းတွေ ကိုရောင်းချပြီး အနောက်ဘက်ကမ်းခြေ ကယ်လီဖိုးနီး ယားပြည်နယ်ကို ပြောင်းရွှေ့နေထိုင်မယ်ဆိုတဲ့ ရည်မှန်းချက်ပါပဲ။ အဓိကကျတဲ့အချက်

ကတော့ အဲဒီ အချိန်မှာ အသက် ၁၅ နှစ် အရွယ် ရှိနေပြီ ဖြစ်တဲ့ မာစီယာလင်းရဲ့ ရည်မှန်း ချက်များ ပါပဲ။ ကျောင်းကသူငယ်ချင်းများ ကို သူ မော်ဒယ်လ် ဖြစ်ချင်တယ်လို့ ပြောလိုက် ရင် ရယ်စရာ ဖြစ်မှာ စိုးလို့ လုံးဝဖွင့်မပြောခဲ့ပေမယ့် မိသားစုအတွင်းမှာ တော့ မိခင်ရဲ့ ရည်မှန်းချက်အတိုင်း သူဟာ မော်ဒယ်လ် သို့ မဟုတ် ရုပ်ရှင်မင်းသမီး ဖြစ်ချင်တယ်လို့ ပွင့်ပွင့်လင်းလင်း ဆိုလာခဲ့ပါတယ်။

အထက်တန်းကျောင်းအောင်မြင်ပြီးချိန်မှာ မာစီယာလင်းကTheatre Art School ကို ဆက်တက်ခဲ့ပါတယ်။ ဒီကျောင်းကHollywood Sunset Boulevard မှာ ရှိတာပါ။ ဒီကျောင်းကို သမီးတက်ပြီဆိုတော့ လူးဝစ္စကလည်း သူမက်ခဲ့တဲ့အိပ်မက်တွေ ကို သမီးက အကောင်အထည်ဖော်နိုင်တော့မှာ ပဲလို့ တွေးပြီး ကျေနပ်နေခဲ့ပါတယ်။

အခွင့်အရေး ပေါ်လာချင်တော့ သူတို့ရဲBowling လုပ်ငန်းကို ဝယ်ချင်တဲ့ သူကလည်း စကားကမ်းလှမ်းလာတယ်။ ရိုလန်ကိုယ်တိုင်ကလည်း လော့စ်အိန်ဂျလိစ်မှာ ရှိတဲ့ Century Plaza မှာ အုပ်ချုပ်ရေး မှူးအလုပ်ဝင်လုပ်နေပြီ ဖြစ်တာကြောင့် စကားကမ်းလှမ်း လာတဲ့ သူကို ရှိသမျှလုပ်ငန်းရောင်းချပြီး ဟောလိဝုဒ်ကိုပြောင်းမယ်လို့ ဆုံးဖြတ်လိုက် ကြပါတယ်။ ဒီကိစ္စနဲ့ပတ်သက်ပြီး လူးဝစ္စရဲ့ ဝမ်းကွဲအစ်ကိုတစ်ဦး ဖြစ်တဲ့ ချက်ကာရှာက ပြန်ပြောပြတာ ကတော့ 'အဲဒီ အချိန်မှာ သူတို့က မိဘများ လက်ထက်ကတည်းက လုပ်ကိုင်ခဲ့တဲ့ Bowling အလုပ်ကို စွန့်ခွာချင်နေကြတာဆိုတော့ ဝယ်သူပေါ်လာတာနဲ့ တစ်ပြိုင် နက် ရောင်းလိုက်ကြတာပဲ။ သူတို့မိသားစုတစ်စုလုံး အလုပ်ကို ကြိုးကြိုးပမ်း ပမ်းလုပ်ခဲ့ကြပြီး အမေရိကန်နိုင်ငံသားတိုင်း လုပ်လေ့ရှိသလို သူတို့စိတ်ကူးယဉ်အိပ် မက်တွေ ကို အကောင်အထည်ဖော်ဖို့ ဟောလိဝုဒ်သို့ ပြောင်းရွှေ့သွားကြတာပဲ'လို့ ဆိုပါ တယ်။

ဂျွန်ဗွိုက်က စဉ်းစားလိုက်ရင် ကြီးကြီးကျယ်ကျယ်တွေ ချည်းပဲ စဉ်းစားတတ် တယ်။ သူ သုံးနှစ် သားအရွယ်လောက်တုန်းက ဧရာမပန်းချီဆရာကြီး တစ်ယောက် ဖြစ်ချင် တယ်လို့ စိတ်ကူးယဉ်ခဲ့ဖူးတယ်။ ဒါမှလည်း သူ့မိဘနှစ် ပါး ဖြစ်တဲ့ အဲလ်မာနဲ့ ဘာဘရာ တို့ကို ကူညီနိုင်မှာ ဖြစ်တယ်လို့ စဉ်းစားခဲ့တာပါ။ သူ့မိဘတွေ ကလည်း သူ့လိုပဲ စိတ် ကူးယဉ်အကြီးကြီးတွေ ကိုသာ စိတ်ကူးကြသူတွေ ပါ။ ၁၉၁၇ ခုနှစ် မှာ အမေရိကန် ပြည်ထောင်စုက ပထမကမ္ဘာစစ်ကြီးထဲ ပါလုလုဆဲအချိန်ပေါ့။ အဲဒီ ကာလမှာ အား ကစားဝါသနာပါတဲ့ အဲလ်မာက ၈ နှစ် သားအရွယ်ပဲ ရှိပါသေးတယ်။ အဲဒီ အရွယ် ကလေးက သတ္တိအပြည့်နဲ့ နယူးယောက် မြို့တော် ရဲ့ မြောက်ဘက်မှာ ရှိတဲ့Yonkers လို့ အမည် ပေးထားတဲ့ဂေါက်ကလပ်မှာ Caddie လုပ်ပါရစေလို့ သွားပြီးအလုပ်လျှောက်ပါ တယ်။ သူ အလုပ်သွားလျှောက်တဲ့အချိန်က တကယ့်အချိန်ကောင်း ဖြစ်တယ်လို့ ဆိုရပါ မယ်။ အဲဒီ အချိန်တုန်းကYonkers က အမေရိကန်ပြည်ထောင်စုမှာ ပထမဆုံးတည် ထောင်ဖွင့်လှစ်တဲ့ဂေါက်ကလပ် ဖြစ်နေခြင်းကြောင့် ပါ။ ဒီကလပ်ကို ၁၈၈၈ ခုနှစ် မှာ စကော့တလန်က ပြောင်းရွှေ့အခြေချလာတဲ့ ဂျွန်ရိတ်ဒ်ဆိုသူက တည်ထောင်ခဲ့ခြင်း ဖြစ်ပြီး အဲဒီ ကာလတုန်းကSaint Andrews ဂေါက်ကလပ်လို့ ခေါ်ပါတယ်။ ၁၉၁၃ ခုနှစ် မှာ နယူးယောက် ကိုရောက်ရှိနေတဲ့ ဂျူးအမျိုးသားတွေ ကလည်း ပူးပေါင်းလိုက်ကြ ပြီး ကိုယ်ပိုင်ဂေါက်ကွင်းတည်ထောင်ကြကာSunningdale လို့ အမည် ပေးကာ တည် ထောင်ခဲ့ကြပါတယ်။ ဒီဂေါက်ကွင်းတွေ ဟာ ဂေါက်သမိုင်းကြောင်းမှာ ပထမဆုံးတည် ထောင်ခဲ့တဲ့ လန်ဒန်မြို့က ဂေါက်ကွင်းပြီးရင် ဆက်တိုက်ပေါ်ပေါက်လာခဲ့တဲ့ ဂေါက် ကွင်းများ ပါပဲ။

အဲလ်မာက ဆလိုဗက်ကီးယားနိုင်ငံကနေ အမေရိကန်ပြည်ထောင်စုကို ပြောင်းရွှေ့ နေထိုင်တဲ့ သတ္တုတွင်းဝန်ထမ်း တစ်ယောက် ရဲ့ သား ဖြစ်ပြီး Caddieဝန်ထမ်း ဖြစ်လာတဲ့အခါ ဂေါက်ကစားသူတွေ က ဒီကလေးကို ချစ်ခင်မြတ်နိုးစွာ နဲ့ အင်္ဂလိပ်စကားပြောနည်း၊ ဇွန်း၊ ခက်ရင်းကိုင်တွယ်နည်းကအစ ဂေါက်ရိုက်နည်းအဆုံး စနစ်တကျတတ်မြောက် အောင် သင်ကြားပေးခဲ့ကြပါတယ်။ ဒါကြောင့် အဲလ်မာဟာ ဂေါက်လောကမှာ ဝှစ်တနီ အမည် နဲ့နာမည် ရလာခဲ့ပါတယ်။ ဒါပေမဲ့ သူ့ကျောက ဒဏ်ရာကြောင့် ကြေးစားဂေါက် သမား ဖြစ်မလာခဲ့ဘူးလို့ ဂျွန်ဗွိုက်က ပြောပြပါတယ်။ အဲလ်မာက ဂေါက်သီးလော ကကို စွန့်လွှတ်ခဲ့ရပေမယ့် ဘဝမှာ ပျော်ပျော်နေတတ်သူ ဖြစ်တာကြောင့် ၁၉၃၆ ခုနှစ် မှာ ပျော်ပျော်ပါးပါးနေထိုင်ရင်းက အိမ်ထောင်ကျခဲ့ပါတယ်။ သူ့အိမ်ထောင်ဖက်က ဘာဘရာ ကမ့်ပ်လို့ အမည် ရတဲ့ ဂျာမန်အမျိုးအနွယ် တစ်ယောက် ပါ။ သတို့သမီးဘက်ကလည်း ဂေါက်သီးဝါသနာပါသူတွေ ဖြစ်တာကြောင့် သူတို့နှစ် ဦးရဲ့ ဘဝဟာ ပျော်ရွှင်ချမ်းမြေ့ဖွယ် ရာရှိခဲ့ပါတယ်။ အဲလ်မာက ပျော်တတ်သလို အသွင်တူတဲ့ ဘာဘရာကလည်း ပျော်တတ် သူ ဖြစ်တာကြောင့် သူမရဲ့ သူငယ်ချင်းတစ်ဦး ဖြစ်တဲ့ ဆူဇန်ကရတ်က 'ကျွန်မတွေ့ ဖူးသမျှ မိတ်ဆွေတွေ ထဲမှာ ဘာဘရာ ကတော့ အပျော်တတ်ဆုံးမိန်းကလေးပါပဲ' လို့ ပြောခဲ့ဖူးပါ တယ်။

အိမ်ထောင်သက် ငါးနှစ် အတွင်းမှာ သားသုံးယောက် ထွန်းကားလာပါတယ်။ ၁၉၃၇ ခုနှစ် မှာ ဘယ်ရီကို မွေးဖွားခဲ့ပြီး ၁၉၃၈ ခုနှစ် ၊ ဒီဇင်ဘာလ ၂၉ ရက်နေ့မှာ တော့ ဂျွန် ကိုမွေးဖွားကာ ၁၉၄၂ ခုနှစ် မှာ ဂျိမ်းစ်ကို မွေးဖွားခဲ့ပါတယ်။ သားသုံးယောက် မိခင် ဖြစ်တဲ့ ဘာဘရာဟာ သားများ ကို စနစ်တကျ အုပ်ထိန်းသူ ဖြစ်ပါတယ်။ တနင်္ဂနွေနေ့ နံနက်တိုင်း သားများ ကို ကက်သလစ်ဘုရားရှိခိုးကျောင်းသို့ ခေါ်ဆောင်သွားပြီး ဘုရား ဝတ်ပြုစေပါတယ်။ ငယ်ဘဝနဲ့ပတ်သက်ပြီး ညီအငယ်ဆုံး ဖြစ်တဲ့ ဂျိမ်းစ်က ပြန်လည် ပြောပြရာမှာ 'အမေက ကျွန်တော် တို့ကို နွားတစ်အုပ်ထိန်းသလိုထိန်းကျောင်းပြီး ခေါ် သွားပေမယ့် ဘုရားကျောင်းကိုရောက်ရင် ကျွန်တော် တို့က နောက်ဆုံးမှရောက်တာချည်း ပါပဲ' လို့ ပြန်ပြောင်းပြောပြပါတယ်။

ဂျွန်က သူ့ငယ်ဘဝကို ပြောပြရာမှာ တော့ 'ကျွန်တော် က ကလေးဘဝကတည်းက ပန်းချီဆရာကြီး ဖြစ်ရမယ်လို့ စိတ်ကူးယဉ်ခဲ့ပေမယ့် လိမ္မာတဲ့ကောင်တော့ မဟုတ်ပါဘူး။ ပတ်ဝန်းကျင်မှာ ဘယ်အပင် အမြင့်ဆုံးလဲရှာပြီး အဲဒီ အပင်ကို ရအောင်တက်တာပဲ'လို့ ဆိုပါတယ်။

ညရောက်ပြီဆိုရင်တော့ ညီအစ်ကိုသုံးယောက် အတွက် မိခင် ဖြစ်သူက မဆုံးနိုင် တဲ့ပုံပြင်တွေ ကို စီကာပတ်ကုံး ပြောပြလေ့ရှိပါတယ်။ အဲဒီ ကာလတုန်းက သူတို့သုံး ယောက် ရဲ့ ဖခင် ဖြစ်သူဟာ ဂေါက်သီးအားကစားသမားလို့ ထင်ထားကြပေမယ့် တကယ် တော့ သူတို့ဖခင် အဲလ်မာကFBIထောက်လှမ်းရေး သမားအလုပ်ကို လုပ်နေသူ ဖြစ်ပါ တယ်။

'ကျွန်တော့် အဖေက အံ့သြစရာကောင်းလောက်အောင် ပုံပြောကောင်းသူလည်း ဖြစ်တယ်'လို့ ဂျွန်ဗွိုက်က ဆိုပါတယ်။ 'အဲဒီ ကာလတွေ ကတော့ ကျွန်တော် တို့ညီ အစ်ကိုတွေ အတွက် အင်မတန်ပျော်စရာကောင်းတဲ့ကာလတွေ ပါ။ အဖေပြောပြခဲ့တဲ့ မစ္စစ္စပီ မြစ်ကြီးအကြောင်း၊ မြစ်ထဲက စက်တပ်လှေတွေ အကြောင်းဆိုရင် အခုထက်ထိ ကျွန်တော် မှတ်မိနေသေးတဲ့အကြောင်းအရာတွေ ပေါ့။ အဖေပြောတဲ့ပုံပြင်တွေ ကို ကျွန်တော် က မျက်စိထဲမှာ မြင်ယောင်နေတတ်တာကြောင့် လည်း ကျွန်တော် ဟာ ရုပ်ရှင်သရုပ်ဆောင် တစ်ယောက် ဖြစ်လာခဲ့တာ ထင်ပါတယ်'လို့လည်း ဆိုပါတယ်။ အဖေပြောပြတဲ့ပုံပြင်တွေ ၊ အမေပြောပြတဲ့ဒဏ္ဍာရီတွေ က သားသုံးယောက် ကို လက်တွေ့ လူ့လောကထဲမှာ ရင်ဆိုင် နိုင်အောင် ခွန်အားတွေ ပေးခဲ့ပုံရပါတယ်။ ဂျိမ်းစ်က ငယ်ဘဝကို အမှတ်တရပြောပြရာမှာ 'မနက်လင်းလို့ အဖေလာနှိုးရင် အဖေက သားတို့... လောကကြီးဟာ မင်းတို့အတွက် ကမာကောင်တွေ နဲ့တူတယ်။ ပုလဲတွေ ရအောင် ဖန်တီးနိုင်ဖို့က မင်းတို့ရဲ့ လုံ့လ၊ ဝီရိယပဲ' လို့ ပြောတတ်တယ်။ အဖေနဲ့အမေက သားသုံးယောက် ကို စနစ်တကျကြိုးစားတတ်ဖို့ ပျိုးထောင်ခဲ့တယ်လို့ ဆိုနိုင်ပါတယ်။ သူတို့ဘဝတွေ ကို မိဘနှစ် ပါးရဲ့ မေတ္တာနဲ့ လုံခြုံအောင် ကာရံပေးထားတဲ့စည်းများ ကို ပထမအဆင့်ကျော်ဖြတ်နိုင်သူက ဂျွန် ဖြစ်ပါတယ်။ နာမည် ကြီးပန်းချီဆရာကြီး ဖြစ်ချင်တဲ့ ဂျွန်က ရုပ်ရှင်ကုမ္ပဏီမှာ ပန်းချီဆွဲတဲ့အလုပ်ကို ဝင် ရောက်လုပ်ကိုင်ပါတယ်။ အဲဒီ ကတစ်ဆင့် လူရွှင်တော် အလုပ်ကို ဝင်ရောက်လုပ်ကိုင်နိုင်ခဲ့ ပါတယ်။

ဗွိုက်မိသားစုမှာ ရှေ့ရေး ဟာ ဘာတွေ ဖြစ်လာမယ်ဆိုတာ သေချာပေါက်မပြော နိုင်သေးပေမယ့် သေချာတဲ့အချက်တစ်ခု ကတော့ သူတို့မိသားစုတစ်စုလုံး ဂေါက်သီးကို ဝါသနာပါခြင်း ဖြစ်ပါတယ်။ ညီအစ်ကိုသုံးယောက် စလုံး ဂေါက်ရိုက်ရာမှာ ထူးချွန်ကြ ပါတယ်။ ဒါပေမယ့် ဂျွန် ကတော့ သူတို့သုံးယောက် ထဲမှာ အထူးချွန်ဆုံးလို့ဆိုရပါမယ်။ လူရွှင်တော် အ ဖြစ် ချစ်ပ်တေလာဆိုတဲ့ အနုပညာနာမည် နဲ့ သရုပ်ဆောင်ရင်း တနင်္ဂနွေနေ့ တိုင်းမှာ တော့ ဂျွန်က မပျက်မကွက် ဂေါက်ရိုက်ပါတယ်။

မိဘနှစ် ပါး ဖြစ်တဲ့ အဲလ်မာနဲ့ ဘာဘရာတို့ဟာ ရှေ့သွားနောက်လိုက်ညီစွာ ဂေါက် ဝါသနာပါရုံသာ မကပါဘူး၊ ရုပ်ရှင်နဲ့ပြဇာတ်ကိုလည်းကြိုက်ကြပါတယ်။ အဲလ်မာက အိပ်ရာဝင်ချိန်ရောက်ရင် သူ့သားတွေ ကို အရင်တုန်းက သူတို့အိမ်နားမှာ ရှိတဲ့ Roxy ရုပ်ရှင်ရုံမှာ ကြည့်ခဲ့ရတဲ့ ရုပ်ရှင်ဇာတ်ကားတွေ အကြောင်း စားမြုံ့ပြန်ပြောပြတတ်ပါတယ်။ သူ ပြောပြတဲ့ ရုပ်ရှင်ဇာတ်လမ်းတွေ ကို စိတ်အဝင်စားဆုံးကလည်း ဂျွန်သာ ဖြစ်ခဲ့ပါ တယ်။ အဲဒီ အကြောင်းကို ညီထွေး ဖြစ်တဲ့ ဂျိမ်းစ်က ပြန်ပြောပြရာမှာ သူ ၇ နှစ် သား အရွယ်တုန်းက သူ့မိဘနှစ် ပါးကMy Wild Irish Rose လို့ အမည် ရတဲ့ တေးသံစုံရုပ်ရှင် ဇာတ်ကားကြည့်ကြဖို့ သူ့ကိုခေါ်သွားခဲ့ဖူးကြောင်း၊ အဲဒီ ဇာတ်ကားက နယူးယောက် မြို့မှ အိုင်ယာလန်နိုင်ငံသား ဂီတပညာရှင်တစ်ဦးရဲ့ အကြောင်းရိုက်ကူးထားတဲ့ရုပ်ရှင် ဖြစ် ကြောင်း သူ သတိရနေပါတယ်။ ညီအစ်ကိုသုံးယောက် အနက် သူ့ကိုမှ ရုပ်ရှင်ကြည့် ဖို့ခေါ်သွားခြင်းက အငယ်ဆုံး ဖြစ်တဲ့သူ့ကို ထိန်းမယ့်သူမရှိတာကြောင့် ဖြစ်ကြောင်း ကိုလည်း သူ မှတ်မိနေခဲ့ပါတယ်။ 'ရုပ်ရှင်လိုက်သွားရတာ ကို ကျွန်တော် မကျေနပ် တာကြောင့် အဖေနဲ့အမေကို တစ်လမ်းလုံးဂျီတိုက်သွားခဲ့တယ်။ ရုပ်ရှင်ရုံထဲကျတော့ လည်း အဖေတို့နဲ့မထိုင်ဘဲ ခွဲထိုင်နေခဲ့တာ။ ရုပ်ရှင်စပြတဲ့အချိန် ဂီတသံကိုကြားရတော့ ကျွန်တော့် ရင်ထဲမှာ ခံစားမှု ပေါင်းစုံ ခံစားလိုက်ရတယ်။ အဲဒီ အရွယ်ကတည်း ဂီတရဲ့ အရသာကို ကျွန်တော် စပြီးခံစားလို့ရခဲ့တယ်။ အပြန်ကျတော့ အဖေနဲ့အမေကို စကား တောင်မပြောမိတော့ဘဲ ရုပ်ရှင်ထဲမှာ ကြားခဲ့ရတဲ့ဂီတသံကိုသာ ရင်ထဲမှာ စွဲနေခဲ့တယ်' လို့ပြောပြပါတယ်။ အဲဒီ အရှိန်အဟုန်က ဂျိမ်းစ် ကို အောင်မြင်တဲ့တေးရေး ဆရာ ဖြစ်လာ အောင် ဖန်တီးပေးနိုင်ခဲ့ပါတယ်။

ဂျွန် ကတော့ တစ်ဖက်မှာ အနုပညာကျောင်းတက်ရင်း သူတို့ကျောင်းက တင် ဆက်တဲ့ပြဇာတ်တွေ အတွက် ဒီဇိုင်းထုတ်ပေးသူ၊ ပန်းချီဆွဲပေးသူအ ဖြစ် တစ်ဖက်တစ် လမ်းက လှုပ်ရှားနေပါတယ်။ ဇာတ်ခုံပေါ်မှာ လိုအပ်တဲ့အခါ သရုပ်ဆောင်မှု တွေ ကိုလည်း လုပ်နေပါပြီ။ အချိန်ပိုင်းဆရာမ ဖြစ်တဲ့ သူ့မိခင်က သူ့ရဲ့ ပထမဆုံးဒါရိုက်တာပါ။ သူ ၆ တန်းရောက်ကတည်းက ကျောင်းပြဇာတ်မှာ ဝင်ကပေမယ့် သူ့အသက်မွေးဝမ်း ကျောင်းအတွက် သရုပ်ဆောင်လုပ်မယ်လို့တော့ စိတ်ကူးမရှိခဲ့သေးပါဘူး။

ညီအစ်ကိုသုံးယောက် ကိုယ်သန်ရာကိုယ်လုပ်နေကြချိန်မှာ ဂျွန်က စတေ့ခ်ျဒီဇိုင်နာ အလုပ်ကို စိတ်ဝင်တစားလုပ်နေပါပြီ။ စတေ့ခ်ျဒီဇိုင်နာဘဝကနေ သရုပ်ဆောင် ဖြစ် လာအောင် စေ့ဆော်တိုက်တွန်းခဲ့သူက သူ့ဆရာတစ်ဦး ဖြစ်တဲ့ ဘုန်းတော် ကြီး ဘားနတ် မက်မဟွန်း ဖြစ်ပါတယ်။ ဆရာက နုနယ်တဲ့မျက်နှာကလေးရှိသူ ဂျွန်ကို စတေ့ခ်ျဒီဇိုင်နာ လုပ်နေမယ့်အစား ဟာသသရုပ်ဆောင်လုပ်ဖို့ တိုက်တွန်းခဲ့ပါတယ်။ ပထမဦးဆုံးကပြတဲ့

ကျောင်းနှစ် ပတ်လည်ကပွဲမှာ ဂျွန်ကSong of Norway ဆိုတဲ့အော်ပရာမှာ ခေါင်းဆောင် ဟာသသရုပ်ဆောင်အ ဖြစ် ကပြခဲ့ရတာ ပါ။ နောင်နှစ် တွေ မှာ လည်း သူဟာ ကျောင်းရဲ့ ပွဲတိုင်းကျော် ဖြစ်လာခဲ့ပါတယ်။ ၁၉၅၆ ခုနှစ် မှာ ထုတ်ဝေတဲ့ကျောင်းနှစ် ပတ်လည် စာအုပ်မှာ ဂျာမန်သံဝဲဝဲနဲ့သရုပ်ဆောင်ကောင်းတဲ့ ဟာသသရုပ်ဆောင်ကလေး ဂျွန် အကြောင်းကို ဝေဝေဆာဆာ ဖော်ပြခံခဲ့ရပါတယ်။

အထက်တန်းကျောင်းအောင်မြင်ပြီးတဲ့နောက် တက္ကသိုလ်ကျောင်းသားဘဝရောက် သွားသည့်တိုင်အောင် ဂျွန်ရဲ့ သရုပ်ဆောင်မှု တွေ ကို ရေး သားကြဆဲ ဖြစ်ပါတယ်။ ဝါရှင်တန် ဒီစီမှာ ရှိတဲ့ Catholic University တက္ကသိုလ်မှာ ပထမနှစ် တက်ပြီး ၁၉၅၇ ခုနှစ် မှာ တော့ ဂျွန်က သူ့အထူးပြုဘာသာရပ်ကို ပြောင်းလဲလိုက်ပါတယ်။ မူလက စတေ့ခ်ျဒီဇိုင်း အထူးပြုတက်ရောက်နေတာ ဖြစ်ပေမယ့် ဒုတိယနှစ် ကပြီး ဒရာမာနဲ့ အနုပညာအထူးပြု စတင်တက်ရောက်ပါတယ်။ တက္ကသိုလ်က အားကစားလုပ်ငန်းများ မှာ လည်း ထူးချွန်သူ ဖြစ်တဲ့အပြင် သူ့အတွေးအခေါ်များ က ထူးချွန်ပြောင်မြောက်တာကြောင့် သူ့မိဘမိတ်ဆွေ တချို့က ဂျွန်ကို ဘုန်းကြီး ဝတ်စေချင်ကြတယ်။ ဒါပေမဲ့ ဂျွန်က ပြတ်ပြတ်သားသား ငြင်းခဲ့ပါတယ်။ သူ့အကြောင်းပြချက် ကတော့ 'ကျွန်တော် က မိန်းမတွေ ကိုလည်း စိတ်ဝင် စားတယ်ဗျ'ပါတဲ့။ တက္ကသိုလ်မှာ ပညာသင်ကြားနေတဲ့ ၄ နှစ် ကာလအတွင်း မျက်လုံးပြာ၊ ရွှေရောင် ဆံပင်နဲ့အရပ် ၆ ပေ ၄ လက်မရှိတဲ့ ဂျွန်ကို မိန်းကလေးများ ကရော ယောက်ျား ကလေးများ ကပါ စိတ်ဝင်စားကြပါတယ်။ ဒါကြောင့် လည်း သူဟာ နှစ် စဉ်ကျောင်းသား ခေါင်းဆောင်အ ဖြစ် ရွေးချယ်ခြင်းခံခဲ့ရပါတယ်။

၁၉၆ဝ ပြည့်နှစ် မှာ ဘွဲ့ရပြီးတဲ့နောက် သူ့စိတ်ဝင်စားမှု က တခြားတစ်ဖက်ကို ပြောင်းလဲသွားတာကြောင့် နယူးယောက် ကို လာခဲ့ပါတယ်။ ပန်းချီအနုပညာထက် သရုပ် ဆောင်အလုပ်ကို သူ စိတ်ဝင်စား သွားပါပြီ။ အမေရိကန်ပြည်ထောင်စုမှာ နိုင်ငံရေး အခြေအနေက သမ္မတအိုက်ဆင်ဟောင်ဝါမှသည် ကနေဒီခေတ်အထိ ပြောင်းလဲလာသလို ယဉ်ကျေးမှု ရေစီးကြောင်းကလည်း ပြောင်းလဲလာခဲ့ပါတယ်။ သရုပ်ဆောင်ငယ်များ က သူတို့ကိုယ်သူတို့ အနုပညာရှင်ကြီးများ အ ဖြစ် မြင်ယောင်လာကြတယ်။ တကယ်အစစ် အမှန်သရုပ်ဆောင်နိုင်ကြတဲ့ အဲလ်ပါစီနို၊ ဒပ်စတင်းဟော့ဖ်မင်၊ ဂျင်းဟက်မင်နဲ့ ဂျွန်ဗွိုက် တို့စင်ပေါ်ကိုရောက်လာကြပါတယ်။ သူတို့အားလုံးရဲ့ အားကျရာ မင်းသားကြီး ကတော့ မာလွန်ဘရန်ဒို ပါပဲ။ ဘရန်ဒိုက တင်နက်ဆီဝီလျံရဲ့ A Streetcar Named Desire ပြဇာတ်မှာ အောင်မြင်မှု အပြည့်အဝရသွားတဲ့အတွက် ဒီပြဇာတ်ကို ဟောလိဝုဒ်က ရုပ်ရှင်ရိုက်ဖို့ စီစဉ်ပါတယ်။ ဟောလိဝုဒ်ကို သွားခါနီး မှာ ဘရန်ဒိုက ဟောလိဝုဒ်မှာ ရုပ်ရှင်ရိုက်ပြီးပြီးချင်း သူ့ငယ်ချစ် ဖြစ်တဲ့ဇာတ်ခုံကို ပြန်လာမှာ ဖြစ်ကြောင်း ပြောကြားသွားခဲ့ပါတယ်။ ဘရန်ဒိုမရှိတဲ့အချိန်မှာ ကျန်ရစ်တဲ့မင်းသားငယ်များ က Brando ကိုအားကျစိတ်နဲ့ သူ့နေရာကိုဝင်နိုင်အောင် ကြိုးစားကြပါတယ်။ ဒါနဲ့ပတ်သက်လို့ ဟော့ဖ်မင်က ပြောပြရာမှာ 'သရုပ်ဆောင်ဆိုတာ မိန်းမတွေ လိုပါပဲ။ မိန်းမတွေ က အပြင်ထွက်တဲ့အခါမှာ သူတို့အချင်းချင်း ဘာဝတ်တယ်ကအစ လေ့လာပြီး ပြိုင်ကြ တယ်။ ယောက်ျားတွေ ကတော့ အဲဒီ လိုမဟုတ်ဘူး။ မိန်းမ တစ်ယောက် ကိုတွေ့ ရင် အဲဒီ မိန်းမ ရင်ဘယ်လောက်ကြီးသလဲဆိုတာပဲ ကြည့်တယ်။ ခြေထောက်ကို ဘယ်တော့မှ မကြည့်ဘူး။ အဲဒီ ခေတ်က မင်းသားတွေ ကလည်း မိန်းမတွေ လိုပဲ တစ်ယောက် ကို တစ်ယောက် ကြည့်ပြီး ပြိုင်နေခဲ့ကြတာ'လို့ ဆိုပါတယ်။

ဂျွန်ဗွိုက်က သူနဲ့ခေတ်ပြိုင်တွေ ဖြစ်တဲ့ ဂျိမ်းစ်ကင်၊ ရောဘတ်ဒူဗောလ်အစရှိတဲ့ သရုပ်ဆောင်များ နဲ့အတူ သရုပ်ဆောင်နည်းပြဆရာ ဖြစ်တဲ့ ဆန်းဖို့ဒ်မိုင်စနာရဲ့ တပည့်လည်း ဖြစ်ခဲ့ပါတယ်။ ဆရာသင်သမျှကို သူက အားလုံးနီးပါးရအောင် လုပ်ဆောင်နိုင်ခဲ့သူ လည်း ဖြစ်တယ်လို့ ဆိုရပါမယ်။ ဆရာ ဖြစ်သူက အဓိကပြောဆိုခဲ့တဲ့ဆောင်ပုဒ် ကတော့ 'သရုပ်ဆောင်ဆိုတာ စိတ်ကူးယဉ်အလုပ်တွေ ကို ပြောင်မြောက်စွာ လုပ်ဆောင်ပြတဲ့အလုပ် ဖြစ်ပြီး သမ္မာအာဇီဝကျတဲ့အသက်မွေးဝမ်းကျောင်းလည်း ဖြစ်တယ်'ဆိုတာပါပဲ။

၁၉၆၁ ခုနှစ် မှာ တော့ ဂျွန်ဗွိုက်က ဇာတ်ခုံပေါ်မှာ ကပြရခြင်းကို ငြီးငွေ့လာတဲ့ အတွက် နောက်တစ်မျိုး စိတ်ကူး ပြောင်းသွား ပါတယ်။ အဲဒါ ကတော့ တေးသံစုံဇာတ် လမ်းများ မှာ စိတ်ဝင်စားလာခြင်းပါပဲ။ အထက်တန်းကျောင်းတုန်းကလည်း တေး သံစုံဇာတ်လမ်းများ ကို ဝါသနာပါခဲ့ဖူးပေမယ့် စိုက်လိုက်မတ်တတ် လုပ်ဆောင်ခဲ့ခြင်းတော့ မရှိပါဘူး။ တစ်ခါမှာ တော့ ဝေလပြည်နယ်သား ဘရိုင်ယန်ဒေဗီးစ် မကနိုင် ဖြစ်နေတဲ့ဇာတ် ကောင်နေရာမှာ အစားထိုးဝင်ရောက်ကပြခဲ့ပါတယ်။ ဇာတ်လမ်းကSixteen Going on Seventeen လို့အမည် ရပြီး နာဇီ တစ်ယောက် အကြောင်း ဖြစ်ပါတယ်။ ဒီပြဇာတ်မှာ ကာလတိုသာ ဝင်ရောက်ကပြခဲ့တာ ဖြစ်ပေမယ့် ဂျွန်ဗွိုက် နာမည် ရခဲ့ပါတယ်။ အဲဒီ ပြ ဇာတ်ကရင်း ဒီပြဇာတ်ထဲမှာ အဓိကသရုပ်ဆောင်နေရာက ဝင်ရောက်ကပြနေတဲ့ မင်းသမီး လော်ရီပီတာစ်နဲ့တွေ့ ဆုံရင်းနှီးခဲ့ပြီး သူတို့နှစ် ယောက် ချစ်ကျွမ်းဝင်ခဲ့ကြပါတယ်။ လော်ရီ က သရုပ်ဆောင်ကောင်းသူ ဖြစ်တဲ့အတွက် အဲဒီ နှစ် Tony Award အတွက် ဆန်ခါတင်စာ ရင်းမှာ ပါဝင်နေသူလည်း ဖြစ်ပါတယ်။ ဂျွန်ဗွိုက်က တခြားအလုပ်ရှာနေသလို လော်ရီ ကလည်း ပြဇာတ်ကရင်း ရုပ်ရှင်မင်းသမီး တစ်ယောက် ဖြစ်လာနိုင်အောင် ကြိုးစား နေသူ ဖြစ်ပါတယ်။ လော်ရီက သာမန်ရွက်ကြမ်းရေကြိုရုပ်ရည်သာရှိသူ ဖြစ်ပြီး ဟောလိ ဝုဒ်မှာ American Bandstand ရုပ်ရှင်ဇာတ်ကားနဲ့ နာမည် ရလာတဲ့ ဖေဘီယန်နဲ့တွဲ ဖက် ပြီး မိသားစုဟာသဇာတ်တစ်ပုဒ် ဖြစ်တဲ့Mr. Hobbs Takes a Vacation ပြဇာတ်မှာ ပါဝင်သရုပ်ဆောင်ရင်း ဖေဘီယန်နဲ့ ငြိစွန်းသလိုလိုရှိခဲ့ပါသေးတယ်။ ဒါပေမဲ့ တကယ် ချစ်သွားခဲ့တာက ဂျွန်ဗွိုက်နဲ့သာ ဖြစ်ပါတယ်။

၁၉၆၂ ခုနှစ် မှာ ဂျွန်ဗွိုက်နဲ့ လော်ရီတို့လက်ထပ်ြ ကတော့ လော်ရီက ၁၉ နှစ် သာသာအရွယ်သာ ရှိပါသေးတယ်။ အဲဒီ နှစ် မှာ ပဲ လော်ရီက ဗြိတိသျှအဆိုကျော် ကလစ်ဖ် ရစ်ချတ်နဲ့တွဲ ဖက်ပြီး ကမ္ဘာကျော် ဖြစ်သွားတဲ့Summer Holiday ဇာတ်ကားမှာ သရုပ် ဆောင်ခွင့်ရခဲ့ပါတယ်။ လော်ရီ အောင်မြင်သွားသလို ခင်ပွန်းသည် ဖြစ်တဲ့ ဂျွန်ဗွိုက်က လည်း ရုပ်မြင်သံကြားဇာတ်လမ်းတွဲ မှာ ပါဝင်သရုပ်ဆောင်ခွင့်ရရှိသွားခဲ့ပါတယ်။Gunsmoke အမည် ရှိ ဇာတ်လမ်းတွဲ ကြီး ဖြစ်ပြီး ၁၉၆၃ ခုနှစ် ၊ ဇွန်လအထိ ပြသခဲ့ရတဲ့ ဇာတ်လမ်းတွဲ ပါ။

ရုပ်မြင်သံကြားအစီအစဉ်များ မှာ ဂျွန်ဗွိုက်ဟာ နောက်ထပ်အနည်းငယ်သာ ပါဝင်သရုပ်ဆောင်ခဲ့ပြီးနောက် အာသာမီလာရဲ့ ဇာတ်လမ်း ဖြစ်တဲ့ A View from the Bridge ကို ၁၉၆၅ ခုနှစ် ၊ ဇန်နဝါရီလမှာ ရောဘတ်ဒီဗောလ်နဲ့တွဲ ဖက်ပြီး ပြဇာတ်အ ဖြစ် ကပြရပါတယ်။ အဲဒီ မှာ ဒပ်စတင်းဟော့ဖ်မင်နဲ့ စပြီးသိကျွမ်းခွင့်ရခဲ့တာပါပဲ။ သရုပ်ဆောင် တစ်ဦး ဖြစ်တဲ့ ဟော့ဖ်မင်က ဒီပြဇာတ်မှာ လက်ထောက်ဒါရိုက်တာ ဖြစ်တဲ့အပြင် စတေ့ခ်ျ မန်နေဂျာလည်း ဖြစ်ပါတယ်။ အဲဒီ အချိန်တုန်းက ဂျွန်ဗွိုက်နဲ့ ဟော့ဖ်မင်တို့နှစ် ယောက် စလုံးဟာ လူငယ်လူရွယ်များ ဖြစ်ကြပြီး ဆန်းသစ်တဲ့အတွေးအခေါ်များ ရှိကြတဲ့ တက်လူ များ ဖြစ်ပါတယ်။ သူတို့က အနုပညာကို စွဲစွဲလမ်းလမ်းချစ်ကြသူများ ဖြစ်ပြီး ကြိုးစား ကြသူများ ဖြစ်တာကြောင့် ဟောလိဝုဒ်မှ ဘယ်အချိန်မှာ တော် ကောက်မလဲဆိုတာကို စောင့်စားနေကြသူတွေ လည်း ဟုတ်ပါတယ်။

အဲဒီ မှာ တစ်စခန်းထလာသူက ဂျွန်ဗွိုက်ပါပဲ။ သူ့ကိုSan Diego ကိုလာခဲ့ဖို့ ဖိတ်ခေါ်ပြီး ၁၉၆၆ ခုနှစ် မှာ တင်ဆက်တဲ့National Shakespeare Festival မှာ သရုပ် ဆောင်တစ်ဦးအ ဖြစ် ပါဝင်စေတာပါ။ ရီဟာဇယ်လုပ်နေချိန်များ နဲ့ ပြဇာတ်ကပြနေစဉ် အတွင်းမှာ အားလပ်ချိန်တိုင်း ဂျွန်ဗွိုက်က စာရေး ဆရာ ဂျိမ်းစ်လီယိုဟာလီဟေးရဲ့ Midnight Cowboy ဝတ္ထုကို စွဲစွဲလမ်းလမ်းဖတ်ရှုနေခဲ့ပါတယ်။ ဒီဝတ္ထုက နယူးယောက် မြို့ပေါ်မှ ဆာလောင်မွတ်သိပ်နေတဲ့ အမျိုးသမီးကြီးများ ရဲ့ ဆန္ဒကို ဖြည့်ဆည်းပြီး ဝမ်းစာရှာ နေတဲ့ ရာဆိုရစ်ဇိုနTexas မှ ဘာမှမသိနားမလည်တဲ့တောသားလေးတစ်ဦးတို့မိတ်ဆွေ ဖြစ်သွားကြပြီး နယူးယောက် မြို့ပေါ်မှာ လုပ်ကိုင်စားသောက်ကြပုံများ ရေး ဖွဲ့ထားတဲ့ဝတ္ထု ဖြစ်ပါတယ်။ ဒီဝတ္ထုကို ၁၉၆၅ ခုနှစ် မှာ ထုတ်ဝေခဲ့တာ ဖြစ်ပြီး ရောင်းအားအကောင်း ဆုံး ဖြစ်နေခိုက်လည်း ဖြစ်ပါတယ်။

တစ်ဖက်က ပြဇာတ်ကရင်း သူ့ဘဝတိုးတက်မှု ကို ကြံဆနေတဲ့ ဂျွန်ဗွိုက်ဟာ ၁၉၆၇ ခုနှစ် မှာ ပြဇာတ်ပိုင်းဆိုင်ရာဆုတစ်ဆုနဲ့Thearre World Award ချီးမြှင့်ခြင်း ခံရပါတယ်။ သူ ဆုရရှိတဲ့ပြဇာတ်ကThat Summer-That Fall ဆိုတဲ့ပြဇာတ် ဖြစ်ပြီး ဂရိမင်းသမီးတစ်ဦး ဖြစ်တဲ့ အိုင်ရင်းပါပါစ်နဲ့ တွဲ ဖက်ကပြခဲ့ရတာ ပါ။ ဂျွန်ဗွိုက်ရယ်လို့ ပြဇာတ်မင်းသားဘဝမှာ ထင်ရှားလာချိန် သူ့အစ်ကိုက မီးတောင်များ လေ့လာမှု မှာ ကျွမ်းကျင်သူအ ဖြစ်ထင်ရှားနေပြီး ညီအငယ်ဆုံးကလည်း Wild Thing ဆိုတဲ့ သီချင်း ကြောင့် အောင်မြင်ထင်ရှားတဲ့တေးရေး ဆရာ ဖြစ်နေပါပြီ။

တစ်ဖက်မှာ သက်တမ်း ၅ နှစ် ရှိနေပြီ ဖြစ်တဲ့ သူ့အိမ်ထောင်ရေး က ပျော်စရာ မကောင်းတော့ပါဘူး။ မျက်လုံးပြာနဲ့ အရပ်မြင့်မြင့် ရုပ်ချောချော ဂျွန်ဗွိုက်သူ့ဘဝမှာ တိုးတက်အောင်မြင်ရေး အတွက် နည်းလမ်းပေါင်းစုံကို ရှာဖွေနေချိန် ဖြစ်ပါတယ်။ သူ ပြုံးလိုက်ရင် ဘယ်လောက်အသည်းမာတဲ့အမျိုးသမီး ဖြစ် ဖြစ် အရည်ပျော်ရတာ ချည်းပါပဲ။ သူနဲ့ပတ်သက်ပြီး ဒပ်စတင်းဟော့ဖ်မင်က အမှတ်တရပြောပြရာမှာ 'ဇာတ်စင်နောက်မှာ ဆိုရင် သူ့ကိုလာတွေ့ တဲ့မိန်းမတွေ အများ ကြီးပဲ။ သူ့အတွက် သားသမီးတွေ မွေးပေးချင် ပါတယ် ဆိုတဲ့လူတွေ ကလည်း တစ်ပုံကြီးပါပဲ'လို့ ဆိုပါတယ်။ ဒီလိုနဲ့ ဂျွန်ဗွိုက်ဟာ ဘရော့ဒ်ဝေးဇာတ်ရုံရဲ့ ဂုဏ်ထူးဆောင်မင်းသားချောတစ်လက် ဖြစ်နေခဲ့ပါတယ်။

အဲသလို အောင်မြင်မှု များ ကြောင့် သူတို့ဇနီးမောင်နှံကွာရှင်းပြတ်စဲလိုက်ကြပါတော့ တယ်။ ၁၉၆၇ ခုနှစ် မှာ လမ်းခွဲခဲ့ကြတာပါ။ အဲဒီ နှစ် အတွင်းမှာ ပဲ ဂျွန်ဗွိုက်မခံချင် စရာကောင်းလောက်အောင် အ ဖြစ်အပျက်တစ်ခု ကြုံတွေ့ ရပါတယ်။ အဲဒါ ကတော့ သူနဲ့တရင်းတနှီးပေါင်းသင်းနေတဲ့ ဒပ်စတင်းဟော့ဖ်မင်က ဟောလိဝုဒ်မှာ ရိုက်ကူးတဲ့The Graduate ရုပ်ရှင်ဇာတ်ကားနဲ့အောင်မြင်သွားခဲ့လို့ပါပဲ။ ဟော့ဖ်မင်ရဲ့ အောင်မြင်မှု ကို သူ အားကျခဲ့သလို သူကိုယ်တိုင်လည်း အောင်မြင်လိုစိတ်တွေ အပြင်းအထန်ပေါ်ပေါက် လာစေခဲ့ပါတယ်။

တစ်ရက်မှာ ဂန္ထဝင်ဒါရိုက်တာတစ်ဦး ဖြစ်တဲ့ ဂျွန်ရှလင်းနာက သူ အင်မတန် ကြိုက်တဲ့ Midnight Cowboy ဝတ္ထုကို ရုပ်ရှင်ဇာတ်ကားအ ဖြစ် ရိုက်ကူးတော့မယ်လို့ သတင်းပေါ်ထွက်လာပါတယ်။ ဒီဇာတ်ကားမှာ သူ ပါဝင်သရုပ်ဆောင်ခွင့်ရရင်ဖြင့် ဟော့ဖ်မင်နဲ့အပြိုင် သရုပ်ဆောင်ရမယ့် မြို့သားလူလည်နေရာက သရုပ်ဆောင်လိုစိတ်တွေ လည်း ပြင်းထန်ခဲ့ပါတယ်။ ဒီသတင်းပေါ်ထွက်လာချိန်မှာ သူနဲ့ ဟော့ဖ်မင်ကBoston မှာ ရှိတဲ့ ဒေးဗစ်ဝှီလာရဲ့ ဇာတ်ရုံမှာ The Dwarfsဆိုတဲ့ပြဇာတ်ကို အတူသရုပ်ဆောင် နေချိန် ဖြစ်ပါတယ်။ ဒါနဲ့ပတ်သက်ပြီး ဂျွန်ဗွိုက်က အမှတ်တရပြန်ပြောပြရာမှာ 'ကျွန်တော် တို့ ၁၉၆ဝ ခုနှစ် များ အတွင်းက ရိုက်ကူးခဲ့တဲ့ရုပ်ရှင်တွေ ဟာ ဘာမှမည် မည် ရရမရှိလှပါဘူး။ အခုခေတ်မှာ ရိုက်ကူးကြတဲ့ Kurosawa တို့၊Bergman တို့၊Fellini တို့လိုမဟုတ်ပါဘူး။ ဒါပေမဲ့ ဂျွန်ရှလင်းနာ ကတော့ အဲဒီ ခေတ်မှာ ခေါင်းတစ်လုံး သာတဲ့သူလို့ ဆိုလို့ရပါတယ်'လို့ ဆိုပါတယ်။ ဒါကြောင့် လည်း ဒီဒါရိုက်တာကြီး ရိုက်မယ့်Midnight Cowboy ကို အသေအလဲ စိတ်ဝင်စားခဲ့တာပါ။

ဒါပေမဲ့ အင်္ဂလိပ်ဒါရိုက်တာကြီးက ဂျွန်ဗွိုက်ကို စိတ်ဝင်စားဟန် မရှိပါဘူး။

တောသားလူရိုးနေရာအတွက် မင်းသားပေါင်းများ စွာ ကို ခေါ်ယူပြီး အစမ်းရိုက်ကြည့်တဲ့ အထဲမှာ ဂျွန်ဗွိုက်လည်း အပါအဝင် ဖြစ်ခဲ့ပါတယ်။ ဒါရိုက်တာက ဂျွန်ဗွိုက်ဟာ အမေရိကန်တောသားရုပ်မပေါက်ဘဲ ဒတ်ခ်ျလူရိုးကလေး တစ်ယောက် နဲ့ တူနေတယ်လို့ မှတ်ချက်ချခဲ့ပါတယ်။ ဒီမှတ်ချက်ဟာ ဂျွန်ဗွိုက်အတွက်တော့ အရှိုက်ကို လက်သီးနဲ့ အထိုးခံလိုက်ရသလိုပါပဲ။ မျှော်လင့်ထားသမျှ ပျက်သုဉ်းသွားခဲ့ပါတယ်။ အသက်အရွယ် အားဖြင့် လည်း ၃ဝ နားကပ်လာပြီဆိုတော့ မင်းသား ဖြစ်ဖို့မျှော်လင့်ချက်က နည်းလာ ပြီပေါ့။ အဲဒီ အချိန်မှာ အိမ်ထောင်ရေး ကလည်း ပြိုကွဲခဲ့ပြီ။ 'အဲဒီ အချိန်တုန်း ကတော့ ကျွန်တော် တော် တော့်ကို စိတ်ဓာတ်ကျခဲ့တယ်'လို့ဆိုပါတယ်။ ပြဇာတ်မင်းသားဘဝမှာ မပျော်၊ ရုပ်ရှင်မင်းသားလည်း ဖြစ်မလာလို့ စိတ်ဓာတ်ကျနေချိန်မှာ ဖခင် ဖြစ်သူက သူ့အတွက် စိတ်ပူလာတယ်။ မ ဖြစ်တဲ့ဘဝကို မျှော်လင့်ပြီး စိတ်ပျက်နေမယ့််အစား အောင်မြင်နေတဲ့နေရာမှာ ပိုပြီးကြိုးစားသင့်တယ်လို့ တိုက်တွန်းခဲ့ပါတယ်။ 'အဲဒီ တုန်း ကတော့ ကျွန်တော် ဟာ နာမကျန်း ဖြစ်နေတဲ့တိရစ္ဆာန်တစ်ကောင်လို ဦးတည်ရာမဲ့လျှောက် သွားနေမိတယ်'တဲ့။Boston မှာ ပြဇာတ်ကနေတဲ့ ဟော့ဖ်မင်ဆီသွားပြီး သူ့မာနကို ချိုးနှိမ်ကာ ဒါရိုက်တာကြီးကို သူ့အတွက် ပြောပေးပါလို့ မေတ္တာရပ်ခံမိပါတယ်။

ရက်အနည်းငယ်ကြာတော့ ဒါရိုက်တာက ဟော့ဖ်မင်တိုက်တွန်းလို့ အစမ်းရိုက်ထား တဲ့ဖလင်များ ကို ပြန်ကြည့်ပေးမယ်လို့ သတင်းစကားကြားလာရတယ်။ ရွေးပါစေလို့သာ ဆုတောင်းရင်း ဂျွန်ဗွိုက် စောင့်စားနေခဲ့ရပါတယ်။ တစ်ရက်မှာ တော့ သူစားဖို့ ကုန် စိမ်းပစ္စည်းတွေ ဝယ်ပြီး ပြန်အလာမှာ အိမ်နီးနားချင်းလက်ဝှေ့သမားတစ်ဦးနဲ့ ဆုံမိတယ်။ သူတို့နှစ် ယောက် စကားလက်ဆုံကျသွားကြပြီး လက်ဝှေ့သမားကြီးက စကော့ဝီစကီ၊ သူကိုယ်တိုင်လုပ်ထားတဲ့ တူနာဆင်းဒဝစ်တွေ နဲ့ ဧည့်ခံပါတယ်။ သူက ဒါရိုက်တာကြီး ဖုန်းဆက်လာမှာ ကို မျှော်နေရတဲ့အကြောင်း၊ အဲဒီ လိုမျှော်လင့်နေရခြင်းက စိတ်ဖိစီးမှု ကို များ စွာ ဖြစ်စေကြောင်း ပြောပြခဲ့ပါတယ်။ ဒါရိုက်တာက ဖုန်းဆက်လာချိန်မှာ တော့ သူ့ကို ဂျွန်ဗွိုက်နဲ့တွဲ ဖက်သရုပ်ဆောင်ရမယ့်သူအ ဖြစ် လက်ခံလိုက်ပါတယ်။ အဲဒီ နေ့က သူ ပျော်လိုက်ပုံများ အိမ်နီးချင်းလက်ဝှေ့သမား ကြီးနဲ့တွဲ ပြီး ကမိတဲ့အထိပါပဲ။ ဒီရုပ်ရှင် ကားမှာ ပါဝင်သရုပ်ဆောင်ဖို့အတွက် သရုပ်ဆောင်ခ ဒေါ်လာ ၁၇,၅ဝဝ ရခဲ့ပါတယ်။ ဒီငွေဟာ အခုခေတ်ငွေကြေး တန်ဖိုးနဲ့ဆိုရင် ဒေါ်လာတစ်သိန်းလောက်နဲ့ ညီမျှပါတယ်။ ဟော့ဖ်မင် ကတော့ အောင်မြင်သွားပြီ ဖြစ်တဲ့အတွက် ဒေါ်လာ ၁၅ဝ,ဝဝဝ ရခဲ့ပါတယ်။ အဲဒီ ငွေကြေးဟာ ဒီနေ့တန်ဖိုးနဲ့ဆိုရင် ဒေါ်လာတစ်သန်းကျော်နဲ့ ညီမျှပါတယ်။ မိခင် ဖြစ်သူ အဲလ်မာဗွိုက် ကတော့ သူ့သားဟာ အသက်မွေးဝမ်းကျောင်းမှု အတွက် ဝါသနာပါတဲ့ လမ်းကြောင်းပေါ်ကိုရောက်သွားပြီလို့ ပျော်မဆုံးရှိခဲ့ရှာပါတယ်။

ဂျွန်ဗွိုက်က ရရှိလာတဲ့ဇာတ်ညွှန်းကို အပြင်းအထန်လေ့လာပါတယ်။ သူ တွဲ ဖက်ရမယ့်သရုပ်ဆောင်တွေ က သူ တစ်သက်လုံးလေးစားလာခဲ့တဲ့သရုပ်ဆောင်တွေ ဖြစ်တဲ့အပြင် ရိုက်ကူးမယ့်ဒါရိုက်တာကလည်း ဂန္ထဝင်ဒါရိုက်တာ ဖြစ်တာကြောင့် သူ့အနေနဲ့ အဘက်ဘက်က ချို့ယွင်းမှု မရှိရအောင် အတတ်နိုင်ဆုံးကြိုးစားခဲ့တာပါ။ ၁၉၆၈ ခုနှစ် ၊ ဧပြီလမှာ ဒီရုပ်ရှင်ဇာတ်ကားကို စတင်ရိုက်ကူးခဲ့ပါတယ်။ ပဲရစ်၊ လန်ဒန်၊ ဝါရှင်တန် မြို့ကြီးများ မှာ ရိုက်ကူးတဲ့အပြင် တခြားမြို့ကြီးတွေ လည်း ပါဝင်ခဲ့ပါတယ်။ ဇာတ်ခုံ ပေါ်မှာ အတူကခဲ့ကြတဲ့ မင်းသားနှစ် လက် မြို့ကြီးများ ရဲ့ လမ်းမများ ပေါ်မှာ သရုပ် ဆောင်ကြရတာ ပါ။ ဒါကြောင့် ဇာတ်ခုံပေါ်ကနဲ့မတူ ထူးထူးခြားခြား ကြိုးစားကြရပါ တယ်။ ဇာတ်ကလည်း အများ သူငါရိုက်ကူးတဲ့ ဇာတ်နဲ့မတူတာကြောင့် ထုတ်လုပ်သူ ဘက်ကလည်း စွန့်စားရတယ်လို့ ဆိုရပါလိမ့်မယ်။

ရုပ်ရှင်ရိုက်ကူးနေစဉ်ကာလအတွင်းမှာ ဂျွန်ဗွိုက်က အဲဒီ ဇာတ်ကားရဲ့ ဇာတ်ညွှန်း ရေး သူ ဝါလ်ဒိုဆော့လ်တ်ရဲ့ သမီး ဖြစ်တဲ့ ဂျနဖာဆော့လ်တ်နဲ့ အတူနေခဲ့ပါတယ်။ ဂျနဖာက ဇာတ်လမ်းထဲမှာ ဟော့ဖ်မင်ရဲ့ ဇနီးအ ဖြစ် သရုပ်ဆောင်ရသူပါ။

သရုပ်ဆောင်သူများ နဲ့ ဒါရိုက်တာအပါအဝင် ထုတ်လုပ်သူတို့ပါ ရင်တထိတ်ထိတ်နဲ့ ရိုက်ကူးခဲ့ရတဲ့ ဒီရုပ်ရှင်ကားကို ဆင်ဆာအဖွဲ့က X အဆင့်သတ်မှတ်ပေးခဲ့ပြီး ရုံတင်ပြသခွင့် ပြုခဲ့ပါတယ်။ ၁၉၆၉ ခုနှစ် ၊ မေလမှာ ရုံတင်ပြသခဲ့တာပါ။ ဒီနှစ် ဟာ ထူးခြားတဲ့နှစ် လို့ ဆိုရပါလိမ့်မယ်။Woodstockနှစ် ဖြစ်တဲ့အပြင်Mansonလူသတ်မှု ကြီးလည်း ဖြစ်ပွားခဲ့ ပြီး အမေရိကန်ပါဝင်ဆင်နွှဲနေတဲ့ ဗီယက်နမ်စစ်ပွဲကိုလည်း ပြည်သူအများ က ကန့်ကွက် နေကြချိန် ဖြစ်ပါတယ်။ ပရိသတ်ရဲ့ အမြင် ပြောင်းလဲလာပြီ ဖြစ်သလို ဝေဖန်ရေး ဆရာများ ရဲ့ အမြင်ကလည်း ပြောင်းလဲလာပြီ ဖြစ်တဲ့အတွက် Midnight Cowboy ဟာ ပွဲဆူစေခဲ့တဲ့ ရုပ်ရှင်ကားတစ်ကား ဖြစ်ခဲ့ပါတယ်။

၁၉၇ဝ ပြည့်နှစ် ဆောင်းဦးရာသီမှာ ကျင်းပတဲ့ အော်စကာဆုပေးပွဲကို ရောက်ခဲ့ ပါပြီ။ ဆန်ခါတင်စာရင်းမှာ ဂျွန်ဗွိုက်နဲ့ ဒပ်စတင်းဟော့ဖ်မင်တို့က ခေါင်းဆောင်မင်းသား ဆန်ခါတင်စာရင်းမှာ ပါဝင်ကြသလို သူတို့ရှေ့ကမင်းသားကြီးများ ဖြစ်တဲ့ ဖရန့်ဆင် နာထရာ၊ ဂျွန်ဝိန်း နဲ့ ဘော့ပ်ဟုပ်တို့လည်း ပါဝင်ပါတယ်။ ဒီ ၅ ဦးတည်းမှာ တစ်ဦးသာ အော်စကာရမှာ ပေါ့။ 'အဲဒီ ပွဲတက်တော့ ကျွန်တော့် အနေနဲ့ ယဉ်ကျေးမှု အမြင်တွေ လည်း ပြောင်းလဲလာပြီ ဖြစ်လို့ မင်းသားကြီးတွေ ထက် မျိုးဆက်သစ်လူငယ်တွေ ကို ဦးစားပေး လိမ့်မယ်လို့မျှော်လင့်ခဲ့တယ်။ တကယ်တော့ ကျွန်တော် တို့တစ်တွေ ဟာ မာလွန်ဘရန်ဒို ဖောက်ခဲ့တဲ့ လမ်းပေါ်မှာ လျှောက်ခဲ့ကြတဲ့သူတွေ ဖြစ်ပါတယ်။ တစ်နည်းပြောရရင် သူ မွေးထုတ်ခဲ့တဲ့သားတွေ ပေါ့'လို့ ဂျွန်ဗွိုက်က ဆိုပါတယ်။ အဲဒီ ညမှာ သူက အကောင်းဆုံးဇာတ်ညွှန်းရေး ဆရာဆုကို ချီးမြှင့်ပေးခဲ့ရပြီး သူကိုယ်တိုင် ကတော့ အော်စကာဆုနဲ့ လွဲခဲ့ရပါတယ်။ အဲဒီ ညမှာ မင်းသားကြီး ဂျွန်ဝိန်းကTrue Grit

ရုပ်ရှင်ဇာတ်ကားနဲ့ အော်စကာဆုရသွားခဲ့ပါတယ်။ သူတို့ဒါရိုက်တာက အကောင်းဆုံး ဒါရိုက်တာဆုကို ရခဲ့ပြီး သူ ဆုချီးမြှင့်ပေးခဲ့ရတဲ့သူက သူတို့ကားမှာ ဇာတ်ညွှန်းရေး ခဲ့တဲ့ ဝါလ်ဒိုဆော့လ်တ်ပဲ ဖြစ်ပါတယ်။

အောင်မြင်မှု တွေ တစ်ရှိန်ထိုးရနေတဲ့ ဒပ်စတင်းဟော့ဖ်မင်က အဲဒီ ကာလမှာ တစ်ပတ် ကို ဒေါ်လာတစ်ထောင်ပေးပြီး စိတ်ဖိစီးမှု ဝေဒနာကို ကုစားမှု ခံယူနေရစဉ် ဖြစ်ပါတယ်။ အော်စကာဆုနဲ့ လွဲသွားတဲ့အတွက် ဟော့ဖ်မင် တစ်ယောက် အကြီးအကျယ်စိတ်ဓာတ် ကျသွားပြီး ဥရောပနိုင်ငံများ မှာ သုံးလလောက် စိတ်လေနေခဲ့ပါတယ်။

ဂျွန်ဗွိုက်ကိုယ်တိုင်ကလည်း အော်စကာဆုနဲ့ လွဲခဲ့တဲ့အတွက် အလဲထိုးခံရတဲ့ လက်ဝှေ့သမားလို တော် တော် နဲ့ နာလန်မထူနိုင်ခဲ့ပါဘူး။Love Story ဇာတ်ကားမှာ ပါဝင်သရုပ်ဆောင်ဖို့ ကမ်းလှမ်းခဲ့တာကိုတောင် ငြင်းပယ်ခဲ့ပါတယ်။ အဲဒီ တုန်းက သူ့ကို ထုတ်လုပ် သူက အကျိုးအမြတ်ရာခိုင်နှုန်းနဲ့ ခွဲပေးပါမယ်လို့ စကားကမ်းလှမ်းခဲ့တာပါ။ တကယ်လို့ သူသာ လက်ခံ ဖြစ်ခဲ့မယ်ဆိုရင် အဲဒီ ကာလတုန်းက ဒေါ်လာသန်း ၅ဝ အထိရနိုင်ခဲ့တာပါ။ တစ်ဖက်မှာ စိတ်ဓာတ်ကျတယ်ဆိုပေမယ့် ဂျွန်ဗွိုက်က အချစ်ရေး မှာ တော့ စန်းပွင့်လို့ ကောင်းနေတုန်းပါပဲ။ ဂျနဖာဆော့လ်တ်နဲ့ အတူနေဆဲကာလ ဖြစ်ပေ မယ့် သူ့ကိုချဉ်းကပ်တဲ့အမျိုးသမီးများ စွာ နဲ့လည်း ပတ်သက်နေဆဲ ဖြစ်ပါတယ်။ အဲဒီ ကာလကတည်းက အမေရိကန်အမျိုးသား၊ အမျိုးသမီးများ ရဲ့ အချစ်ရေး မှာ လွတ်လပ်ပွင့်လင်းနေပြီး တစ်ယောက် နဲ့ တစ်ယောက် အချုပ်အနှောင်ကင်းမဲ့ခဲ့ပါတယ်။

သူ့ကိုယ်သူ မာချလင်း လို့ပြောင်းလဲခေါ်နေပြီ ဖြစ်တဲ့ မာစီယာလင်းကို ၁၉၇၁ ခုနှစ် မှာ သူ စတွေ့ ဖူးခဲ့တာပါ။ အေးဂျင့် တစ်ယောက် က ဓာတ်ပုံတစ်ပုံထုတ်ပြပြီး အဲဒါ သူ့ရည်းစာလို့ ဆိုပါတယ်။ ဓာတ်ပုံကိုမြင်လိုက်တဲ့အခိုက်မှာ ဂျွန်ဗွိုက်က သူ ယူရမယ့်မိန်းကလေးလို့ ချက်ချင်း ခံစားလိုက်ရပါတယ်။ အဲဒီ မိန်းကလေးက ထင်ရှား လာပြီ ဖြစ်တဲ့ မော်ဒယ်လ်ကလေး တစ်ယောက် ဖြစ်ပြီး ရုပ်မြင်သံကြားဇာတ်လမ်းတွဲ ဖြစ်တဲ့ မှာ Ironsideပါဝင်သရုပ်ဆောင်နေတယ်လို့လည်း ဆိုပါတယ်။ ဓာတ်ပုံပြလိုက်မိတာ အေးဂျင့်ရဲ့ အမှားလို့ ဆိုရပါလိမ့်မယ်။ ပျိုတိုင်းကြိုက်တဲ့နှင်းဆီခိုင် ဖြစ်နေတဲ့ ဂျွန်ဗွိုက်က နောက်တစ်နေ့မှာ ပဲ ဒီမိန်းကလေးကို ကြယ်ငါးပွင့်အဆင့်ရှိBeverly Hills ဟိုတယ်မှာ လက်ဖက်ရည်သောက်ကြွပါလို့ ဆက်သွယ်ဖိတ်ကြားလိုက်ပါတယ်။ မုန့်မျိုးစုံနဲ့ဧည့်ခံရင်း စကားတွေ ကြွယ်နေတဲ့ ကိုလူချောရဲ့ မျက်နှာကိုကြည့်ရင်း မာချလင်း ကြွေခဲ့ပါပြီ။ အသက် ၃၂ နှစ် အရွယ်ရှိတဲ့ ဂျွန်ဗွိုက်က သူ့အတွက် သားသမီးနှစ် ယောက် လောက် မွေးပေးပါလား ဆိုတဲ့စကားကို အသက် ၂၁ နှစ် သာရှိသေးတဲ့ မင်းသမီးကလေးက ချေပနိုင်စွမ်း မရှိခဲ့ပါဘူး။ 'ကျွန်တော် အဲဒီ စကားကိုပြောလိုက်တော့ ကိုယ့်ဘာသာကိုယ် ဘယ်လိုထွက်သွားမှန်းကို မသိလိုက်တာပါ။ ပြောပြီးတော့ သူ့မျက်နှာကိုကြည့်လိုက်တဲ့ အခါ သူက မျက်တောင်မခတ်သလို ကျွန်တော် ကလည်း မျက်တောင်မခတ်မိအောင် ဖြစ်ခဲ့ရပါတယ်'လို့ ပြန်ပြောင်းပြောပြပါတယ်။

နောက်တစ်ပတ်အကြာ ဒုတိယအကြိမ်တွေ့ ကြတဲ့အခါမှာ တော့ ဂျွန်ဗွိုက်လက်ထဲ မှာ ဇာတ်ညွှန်းတစ်ခုရောက်နေပါပြီ။ ဒီဇာတ်ညွှန်းကို သူက အသံထွက်ဖတ်ချင်ပါသတဲ့။ သူ ဖတ်တာကို လိုက်ပြီးနားထောင်ပေးပါဆိုတော့လည်း မာချလင်းက မငြင်းပါဘူး။ 'ကျွန်မ နားထောင်ချင်ပါတယ်'တဲ့။ အဲဒါနဲ့ ဂျွန်ဗွိုက်က သူ သရုပ်ဆောင်ရမယ့်ရုပ်ရှင် ဇာတ်ကားရဲ့ အဓမ္မကျင့်တဲ့အခန်းကို အသံထွက်ပြီးဖတ်ပြပါတယ်။ မင်းသမီး ကလေးကလည်း မျက်တောင်မခတ် နားထောင်နေခဲ့ပါတယ်။ ဖတ်ပြီးသွားတော့ 'ကောင်း လိုက်တဲ့ဇာတ်လမ်း... ရှင် ရိုက်သင့်တာပေါ့'လို့ မှတ်ချက်ပေးခဲ့တာပါ။

ချစ်သူစကားကြောင့် ဒီကားကိုရိုက်ဖို့ လက်ခံမယ်လို့ ဘိုးမင်ကို အကြောင်း ပြန်တော့ ဘိုးမင်က သူ သရုပ်ဆောင်ရမယ့်နေရာကို ပြောင်းလိုက်ပါပြီတဲ့။ အဓိက နေရာမှာ ဘတ်ရေနိုးလ်နဲ့ နက်ဘက်တီတို့အပြင် ရော်နီကော့စ်တို့လည်း သရုပ်ဆောင်ကြ မယ်တဲ့။ ဘာပဲ ဖြစ် ဖြစ် ဂျွန်ဗွိုက် ကတော့ ချစ်သူစကားနားထောင်တဲ့အနေနဲ့ ဒီကား ကို ဘယ်နေရာကပဲ ဖြစ် ဖြစ် ရိုက်မယ်လို့ လက်ခံခဲ့ပါတယ်။

သူ့တစ်သက်မှာ တွေ့ ခဲ့ဖူးတဲ့ အမျိုးသမီးများ ရဲ့ အလှမှာ ဘယ်သူကမှ မာချလင်းကို မမီနိုင်ဘူးလို့ ဂျွန်ဗွိုက်က ဆိုပါတယ်။ မာချလင်းကြောင့် သူ့မှာ ယောက်ျား တစ်ယောက် ရဲ့ အားမာန်တွေ တိုးပွားခဲ့ရပြီး သရုပ်ဆောင်အလုပ်မှာ လည်း အားတက်ခဲ့ရ တယ်လို့ဆိုပါတယ်။ ဒီကားရိုက်ဖို့အတွကGeorgia ပြည်နယ်ကClayton မြို့ကိုသွားတော့ မာချလင်းကလည်း ရိုက်ကွင်းပေါ်ကို လိုက်ပါလာခဲ့ပါတယ်။ တကယ်တော့ အဲဒီ အချိန် မှာ ဂျွန်ဗွိုက်က ဂျနဖာဆော့လ်တ်နဲ့ ပေါင်းနေချိန် ဖြစ်ပါတယ်။ အမျိုးသမီးနှစ် ယောက် ဆုံ ကြတဲ့အချိန်မှာ ဂျနဖာက ပြဿနာတစ်စုံတစ်ရာမရှာခဲ့ပေမယ့် မာချလင်း ကတော့ အလယ်မှာ ရှိတဲ့ စားပွဲကို တွန်းမှော က်ပစ်လိုက်တဲ့အထိ ဒေါသတွေ ထွက်ခဲ့ရပါတယ်။ သူ့ချစ်သူဟာ ဆယ်ကျော်သက်ကလေးမဟုတ်ဘဲ အသက် ၃ဝ ကျော်အရွယ် ဖြစ်နေပေ မယ့် မာချလင်းက ခွင့်မလွှတ်နိုင်ပါဘူး။ ချစ်သူ့ရင်ခွင်မှာ သူ တစ်ယောက် တည်းသာ ရှိရမယ်လို့ဆိုပါတယ်။ ဒီအ ဖြစ်အပျက်နဲ့ပတ်သက်ပြီး မာချလင်းက ဘယ်တော့မှမမေ့ ပါဘူး။ နောင် သူတို့နှစ် ယောက် ပေါင်းသင်းကြပြီး နှစ် ပေါင်းများ စွာ ကြာတဲ့အထိ သူ့ရှေ့မှာ ဂျနဖာဆော့လ်တ်ရဲ့ နာမည် ကိုအပြောမခံသလို ဒီအ ဖြစ်အပျက်နဲ့ပတ်သက်ပြီးတော့လည်း ဘယ်တော့မှ ခွင့်မလွှတ်ခဲ့ပါဘူး။

ရိုက်ကွင်းပေါ်မှာ မာချလင်းကို စိတ်ဝင်စားသူတစ်ဦးပေါ်လာခဲ့ပါတယ်။ အဲဒါက တော့ ဂျွန်ဗွိုက်နဲ့ အတူသရုပ်ဆောင်နေတဲ့ ဘတ်ရေနိုးလ်ပါပဲ။ ရုပ်ရှင်ရိုက်ကူးရာမှာ ဂျွန်ဗွိုက်က ယောက်ျားပီသတဲ့သရုပ်ဆောင်မှု များ နဲ့ အစွမ်းပြကြိုးစားနေချိန်မှာ မာချလင်း

ကလည်း နှလုံးသားရေး ရာ ရှုပ်ထွေးနေပါတယ်။ သူ ချစ်နေတဲ့သူက နှစ် ဦး ဖြစ်နေ လို့ပါပဲ။ တစ်ဦးက သူ့အနားမှာ အခုရှိနေတဲ့ ဂျွန်ဗွိုက် ဖြစ်ပြီး နောက်တစ်ဦး ကတော့ မင်းသား အဲလ်ပါစီနိုပါပဲ။ ဒါကြောင့် ဂျွန်ဗွိုက်က လက်ထပ်ကြပါစို့လို့ ဆိုလာချိန်မှာ မာချလင်းက နက်နက်နဲနဲစဉ်းစားရပါတော့တယ်။ သူ့ချစ်သူ ဂျွန်ဗွိုက်က မိန်းမတိုင်း ကြိုက်တဲ့ရုပ်ရည်ပိုင်ရှင် ဖြစ်တာကြောင့် အိမ်ထောင်တစ်ခုတည်ထောင်မယ်ဆိုရင် ကြာရှည် ခိုင်မြဲနိုင်ပါ့မလားဆိုတဲ့စိတ်နဲ့ ဂျွန်ဗွိုက်ရဲ့ နှလုံးသားကို ထဲထဲဝင်ဝင်လေ့လာကြည့်ရ ပါတယ်။ တကယ်တမ်းလေ့လာကြည့်လိုက်တော့ အဲလ်ပါစီနိုရဲ့ စရိုက်က သူငယ်ချင်း များ ရဲ့ ရည်းစားများ ကို ကြောင်တောင်နှိုက်တတ်သူ ဖြစ်တာကို တွေ့ ရတယ်။ နောက်ဆုံး မှာ တော့ သူမရဲ့ မိခင် လူးဝစ္စက အော်စကာဆန်ခါတင်စာရင်းဝင်တဲ့ ဂျွန်ဗွိုက်ကိုသာ ရွေးချယ်သင့်တယ်လို့ အကြံပေးတာကြောင့် မာချလင်းလည်း လက်ခံလိုက်ရပါတယ်။ ဒါပေမဲ့ သူမရင်ထဲမှာ အဲလ်ပါစီနိုရဲ့ အချစ်ကို ရာသက် ပန်သိမ်းဆည်းသွားခဲ့တယ်လို့ နောင်မှာ ထုတ်ဖော်ပြောကြားခဲ့ပါတယ်။

ဂျွန်နဲ့ မာချလင်းတို့နှစ် ယောက် ခရစ္စမတ်မတိုင်ခင် ဒီဇင်ဘာလ ၁၂ ရက်နေ့မှာ ဂျွန်ရဲ့ နေအိမ်ရှိရာ လော့စ်အိန်ဂျလိစ်မြို့၊ Brentwood ကHanover လမ်းမှာ လက်ထပ်ခဲ့ ကြပါတယ်။ သူတို့လက်ထပ်ပွဲမှာ ဂျွန်ဘိုးမင်ရဲ့ သား ချာလီက လက်စွပ်ဗန်းကိုင် တဲ့ကလေးငယ်အ ဖြစ် ပါဝင်ဆောင်ရွက်ပေးခဲ့ပါတယ်။ မာချလင်းရဲ့ မိဘများ လက် ထပ်စဉ်ကနဲ့မတူ ခေတ်သစ်လက်ထပ်ပွဲပုံစံဆောင်တဲ့အတွက် ဧည့်သည် ၅ဝ ကိုသာ ဖိတ်ကြားခဲ့ပါတယ်။ ဂျွန်အနေနဲ့ ဒုတိယအကြိမ်အိမ်ထောင်ပြုခြင်း ဖြစ်တာကြောင့် ကက် သလစ်ဘာသာဝင်တို့ရဲ့ ထုံးစံအတိုင်း ဒုတိယအကြိမ်အိမ်ထောင်ပြုသူများ ဟာ ဘုရားရှိခိုး ကျောင်းမှာ လက်ထပ်ခွင့် မရှိခဲ့ပါဘူး။ လက်ထပ်ချိန်မှာ မာချလင်းကလည်း မာချီ ရယ်လို့ နာမည် ရနေပါပြီ။ လက်ထပ်ပွဲမှာ အယ်လ်တန်ဂျွန်ရဲ့ နာမည် ကျော်တေးတစ်ပုဒ် ဖြစ်တဲ့Your Song ကိုဖျော်ဖြေခဲ့ပါတယ်။ ဇနီးမောင်နှံနှစ် ဦးတို့ဟာ တရားသူကြီးနဲ့ ဧည့်သည်တော် များ ရှေ့မှော က်မှာ ကတိသစ္စာပြုကြပြီး လက်ထပ်ခဲ့ကြပါတယ်။

အားလုံးက ဝိုင်းဝန်းချီးကျူးကြတာကြောင့် သူတို့နှစ် ယောက် ကြားမှာ ကွာခြား တဲ့အသက်၊ တိုတောင်းတဲ့ချစ်သူသက်တမ်း၊ မိန်းမတိုင်း စွဲလမ်းကြတဲ့ခင်ပွန်းသည်ရဲ့ ရုပ်ရည်၊ ဒါတွေ အားလုံးကို မာချလင်း မေ့သွားခဲ့ပါပြီ။ သူတို့နှစ် ယောက် ကို ဟောလိဝုဒ် မှာ ရှိတဲ့ မိတ်ဆွေများ က အားကျလောက်အောင် တစ်ပူးတွဲ တွဲ တွေ့ ကြရပါတယ်။ သမီး အိမ်ထောင်ကျသွားခြင်းဟာ မိခင်ကြီး ဖြစ်တဲ့လူးဝစ္စရဲ့ 'နာမည် ကြီး တစ်ယောက် နဲ့ ယူရ မယ်'ဆိုတဲ့ရည်မှန်းချက်ကို အကောင်အထည်ဖော်လိုက်နိုင်သလိုပါပဲ။ သူတို့နှစ် ဦးရဲ့ လိုက် ဖက်မှု ကလည်း ဒဏ္ဍာရီပုံပြင်ထဲက မင်းသားမင်းသမီးများ လို ဖြစ်တဲ့အတွက် သူတို့နှစ် ယောက် ရဲ့ အိမ်ထောင်ရေး ဟာလည်း ဒဏ္ဍာရီများ ရဲ့ ဇာတ်သိမ်းလို ရာသက်ပန်ပျော်ရွှင်စွာ ပေါင်းဖက်ကြလေသတည်းလို့ပဲ ဖြစ်လိမ့်မယ်လို့ မျှော်လင့်ခဲ့ကြပါတယ်။

နောက်နှစ် နှစ် လောက်ကြာတော့ မာချလင်းရဲ့ သူငယ်ချင်းမ တစ်ယောက် က သူ့လက်ထပ်မင်္ဂလာပွဲအတွက် တိုင်ပင်လာပါတယ်။ သူက ဟစ်ပီ တစ်ယောက် လို ဖိနပ် မစီးဘဲ ခေါင်းမှာ လည်း ပန်းတွေ ဝေနေအောင်ပန်ပြီး ပန်းခြံတစ်ခုမှာ မင်္ဂလာပွဲကို ကျင်းပချင်သတဲ့။ ဒါပေမဲ့ ယောက္ခမလောင်းကြီးကလည်း မင်္ဂလာပွဲကို ဘုရားရှိခိုး ကျောင်းမှာ သာ ကျင်းပရမယ်လို့ဆိုနေပါတယ်။ အဲဒါနဲ့ပတ်သက်ပြီး မာချီ ပြော ခဲ့တဲ့စကား ကတော့ 'လက်ထပ်မင်္ဂလာပွဲကျင်းပတယ်ဆိုတာ တကယ်တော့ ကိုယ့်အတွက် မဟုတ်ပါဘူး။ ကိုယ့်မိသားစုအတွက်ပါ'လို့ ဆိုခဲ့ပါတယ်။

မာချီရဲ့ လက်ထပ်ပွဲကကော...။

* * * * *