ကျွန်တော် အိပ်ရာကထတော့ ကျီးတွေ တအာအာပင် အော်မြည် ၍ နေကြပါပြီ။ တစိုးစိုးတစီစီမြည် သော ကျေးငှက်တို့၏ သံစုံတူရိယာဝိုင်းကြီးမှ တေးသံများ ကိုလည်း ကြားရပါပြီ။ နေလုံးကြီး ကတော့ သစ်ပင်များ နောက် ကွယ်တွင် ပုန်းကွယ်နေတုန်းပင် ဖြစ်ပါသည်။ သို့ရာတွင် ဝါလဲ့လဲ့အရောင် များ ၊ ပန်းဖြော့ဖြော့အရောင် များ ကို လွှတ်လိုက်သော အခါ၌ ကား အောက်က မီးမောင်းကြီးမော့၍ ထိုးပေးလိုက် သလို ဖြစ်ကာ အနောက်ဖက် ကောင်းကင် တွင် အသွေးစုံ၊ အရောင် စုံ ဝင်းလျက်ရှိပါသည်။

ကျွန်တော် သည် ခပ်သုတ်သုတ် မျက်နှာသစ်ကာ လမ်းထိပ် လက်ဖက်ရည်ဆိုင်သို့ ထွက်လာခဲ့သည်။ လက်ဖက်ရည်ဆိုင်ရှေ့တွင် ထမင်း ကြော်ဆိုင်ရှိသည်။ ထမင်းနှင့်ပဲပြုတ်ကြော်တစ်ပန်းကန်ကို တစ်မတ်ပေးရသည်။ ငါးသေတ္တာပါထည့်လျှင် တစ်ပန်းကန်ကို ပြားလေးဆယ် ပေးရသည်။ ကျွန်တော် သည် ငါးသေတ္တာပါသော ပြားလေးဆယ်တန်တစ်ခွက်ကို ခပ်သုတ်သုတ်စားကာ ဘိုင်စကယ်ကို ခပ်သုတ်သုတ်နင်းထွက်လာခဲ့သည်။ မသုတ်၍ မ ဖြစ်ပါ။ ၆ နာရီခွဲသည်နှင့် စက်ဘီးပေါ်မှဆင်းကာ မော်တော် ကားပေါ်တက်ထိုင်ပြီး ဒရိုင်ဘာဘဝကို တစ် ဖြစ်လဲရဦးမည် ဖြစ်ပါသည်။ ကျွန်တော့် လက်က အိုဂျီဗဲလ်လက်ပတ်နာရီအိုကလေးမှာ ၆ နာရီခွဲလုပါပြီ။ သမ္မတအိမ်တော် မြောက်ဘက်က ဝင်ဆာလမ်းထဲသို့ ချိုးဝင်လိုက်သော အခါ ၆ နာရီခွဲပေပြီ။ ဘုရားကို တက်၍ လမ်းလျှောက်သူများ ပင် ပြန်လာကြပြီ ဖြစ်၏ ။ ခါတိုင်းဆိုလျှင် ကျွန်တော် သည် ဝင်ဆာလမ်းကုန်းကို တက်ရင်း စက်ဘီးကို ဖြည်းဖြည်းနင်းကာ နံနက်ခင်း၏ အရသာကို ခံစားလေ့ရှိ၏ ။ အိမ်တော် ဝင်းထဲက စိမ်းစိုမှိုင်းညို့သော သစ်တိုပင်၊ မရမ်းပင်ကြီးများ ကို ဇာပုဝါပါးခြုံသလို ဖြစ်အောင် တဝေဝေကျနေတတ်သော နှင်းမှု န်များ ကို လည်းကောင်း၊ လမ်းဘေး မြက်ရှည်ပင်၊ ထိကရုန်းပင်၊ အိမ်လုံးချမ်းသာပင် များ ပေါ်တွင် ပုလဲပွင့်၊ စိန်ပွင့်တို့ သီသလို ဖြစ်အောင် တွဲ လွဲခိုနေကြသော နှင်းဥနှင်းစက်ကလေးများ ကိုလည်းကောင်း၊ လမ်းဘေးက ခြံများ ထဲတွင် ဖူးပွင့်ငုံအာနေကြသော ပန်းပွင့်များ ကိုလည်းကောင်း၊ ငေးမောကြည့်ရှု၍ သွားလေ့ရှိ၏ ။ နံနက်ခင်း လေပြည်ကလည်း လတ်ဆတ်လှ၏ ။ နှင်းနံ့၊ မြေနံ့၊ ရွက်ကြွေနံ့ကလေးတွေ ပင် တသင်းသင်းပျံ့လာသည်ဟု ထင်ရ၏ ။ သို့ကလို လှသော ၊ မွှေးသော နံနက်ခင်းကို မြင်လိုက်ရလျှင်ပင် စိတ်ရော ကိုယ်ပါ လန်းဆန်းလာတတ်၏ ။

ယနေ့လည်း ဆောင်းကျွတ်လု နံနက်ခင်းသည် ခါတိုင်းလို လှနေ ပါသည်။ ဝင်ဆာလမ်းထဲသို့ ဝင်လိုက်သည်၌ ကားသံတွေ ဝေးသွားကာ၊ ငြိမ်သက်တိတ်ဆိတ်သော အရာသာကို ခံစားရပေ၏ ။ နွေဦး၏ ကိုယ်ရံတော် မြူတန်းများ နှင့် ဆောင်းနတ်မယ်၏ အထိန်းတော် နှင်းကြွင်းတို့သည် အတိုင် အဖောက်ဝင်ကာ တိမ်ခိုးမျှင် အကွက်ဆင် ဝတ်ရုံလွှာကို ရက်နေကြသယောင် ထင်ရ၏ ။ အိမ်တော် ဝင်းထဲရှိ သစ်ပင်များ ပေါ်မှ သစ်ရွက်ဝါဝါရွှေရွှေ၊ နီနီမောင်းမောင်းတို့လည်း တဖြုတ်ဖြုတ် ကြွေကျကြပြီ။ လေနှင်လွှင့်မှု တ်၍ အညှာမှ ပြုတ်ကြွေကျသော ရွက်ကျင် ရွက်ဟောင်းတို့ လေဟုန်စီးကြသော အခါ ဧယင်ကျူးပေးသော ဥသြသံကလည်း ထွေးထွေးအေးအေး ရှိလှပေ၏ ။ သို့ကလို စိမ်းစိမ်းညိုညိုနံနက်ခင်းတွင် နေရောင် ခြည်များ က သစ်ပင်တွေ ကြားထဲသို့ လျှောဆင်းလာသော အခါ အမှိုင်းအရိပ် အချိပ်အမှော င် ဆေးသား ထဲတွင် အရောင် လွင်လွင်ကို ဖော်ပေးလိုက် သလို ရွှန်းစိုတောက်ပလာလေ သည်။ ခြံစည်းရိုးဘေးတွင် ပေါက်နေကြသော ငုရွှေဝါ၊ ငုနီလာတို့ကလည်း ပို၍ အရောင် စိုအောင် စုတ်ချက်ကစားထားကြသည်။ ယနေ့ နံနက်ခင်းသည် ခါတိုင်းကဲ့သို့ပင် အရောင် စိုပါသည်။ ခါတိုင်းကဲ့သို့ပင် လှပါသည်။ ခါတိုင်း ကဲ့သို့ပင် မွှေးပါသည်။

သို့ရာတွင် ကျွန်တော့် စိတ်မှာ ခါတိုင်းကဲ့သို့ လန်းဆန်းခြင်းမရှိ။ နောက်ကျိရီဝေလျက်ရှိသည်။ ကျွန်တော့်  ကိုယ်ခန္ဓာကြီးကလည်း ပေါ့ပါးခြင်း မရှိ။ လေးလံ ထိုင်းမှိုင်းနေသည်။ ကျွန်တော့် အသက်သည် ၄၈ နှစ် ထဲ ရောက် လာပြီ ဖြစ်သော်လည်း ခါတိုင်းဆိုလျှင် ဝင်ဆာလမ်း ကုန်းအတက်ကို ခပ်သွက်သွက် နင်းနိုင်သည်။ ယနေ့တော့ ကျွန်တော့် ခြေများ သည် တယ် မသွက်ြ ကတော့ဘဲ၊ ဝင်ဆာကုန်းအတက်ကို ဒူးတွေ ညောင်းအောင် နင်းရ သည်။ ဒူးဆစ်များ ကလည်း ခိုင်ချင်ဟန်မတူတော့ပါ။ ဇရာ၏ လက္ခဏာများ သည် ဒူးဆစ်တွေ ထဲမှာ ဝင်ရောက်စပြုဟန် တူပါပြီ။

ကျွန်တော် သည် နုံနဲ့စပြုလာပြီ ဖြစ်သော ဒူးဆစ်တွေ ကို စိတ်ကူး လာတုန်း ကျွန်တော် နှင့် မျက်နှာချင်းဆိုင်မှ လမ်းလျှောက်လာသော လူ တစ်ယောက် ကို မြင်လိုက်မိသည်။ ထိုလူမှာ အသက် ၂၅ နှစ် ကျော်ကျော် ကလေးမျှ ရှိပါဦးမည် ။ အစိမ်းကွက် စပို့ရှပ်ကို ဝတ်ထားပြီ။ ဘောင်းဘီတို အဖြူကို ဝတ်ထားသည်။ ရွက်ဖျင်ဖိနပ်အဖြူကို စီးထားသော ခြေထောက် များ မြေကြီးပေါ်ကို ကျသွားပုံတို့မှာ ကြည့်၍ ပင် ကောင်းသေးတော့သည်။ လက်နှစ် ဖက်ကိုလွှဲ၍ ခြေလှမ်းကျဲကြီးဖြင့် လျှောက်လာပုံမှာ အားကျစရာ ဖြစ်သည်။ ဘောင်းဘီတိုအောက်မှ ဒူးဆစ်များ နှင့် ခြေသလုံးများ ကလည်း သစ်မြစ်ဆုံကြီးများ လို သန်မာတုတ်ခိုင်ကြသည်။ သူ့ကို နံနက်တိုင်း ကျွန်တော် တွေ့ နေကျ ဖြစ်၏ ။ တွေ့ တိုင်းလည်း ကျွန်တော် သူ့ကို သတိထားမိပါသည်။ ရင်အုပ်ကျယ်ကျယ်၊ အရပ်ထောင်ထောင် မောင်းမောင်း၊ ရုပ်ခပ်ချောချော ဖြစ်၍ ကြည့်ကောင်းသူ ဖြစ်ပါသည်။ ယောက်ျားပီသခြင်း၏ အနက်အဓိပ္ပာယ် ကို ဖော်ပြသော ရုပ်လက္ခဏာမျိုး ဖြစ်ပါသည်။ တွေ့ တိုင်း သူ၏ တောင့်တင်း၍ အချိုးအစားကျသော ခန္ဓာကိုယ်နှင့် ပြေပြစ်သော မျက်နှာကို ကျွန်တော် မကြည့်ဘဲ မနေနိုင်ပါ။

ကျွန်တော် သည် သူ့ဒူးဆစ်များ ကိုကြည့်ရာက ကျွန်တော့်  ဒူးဆစ် များ ကို ကြည့်မိသည်။ ကျွန်တော့်  ဒူးဆစ်များ ကား ဝါးဆစ်ရိုးလို သေးငယ်လှ ၏ ။ အရိုးတွေ ကလည်း ကွေးလိုက် စန့်လိုက်သော အခါမျိုးတွင် တဂျွတ်ဂျွတ် မြည် တတ်သေး၏ ။ မိုးအေးလျှင် ဒူးဆစ်များ က စစ်ခနဲ... စစ်ခနဲ ကိုက် တတ်သေးသည်။ ချူချာတော့မှာ ပေ့ါ၊ လူ့ဘဝအလေးကြီးကို ထမ်းခဲ့ရတာ ၄၈ နှစ် ရှိပြီကိုး ဟု ကျွန်တော့် ဖာသာကျွန်တော် တွေးမိပါသည်။ လူ့ဘဝ ရောက်လာသည့် ၄၈ နှစ် အတွင်း အသက် ၂၃ နှစ် လောက်က ဒရိုင်ဘာ လုပ်သည် ဖြစ်ရာ ၂၅ နှစ် လောက်မှာ မော်တော် ကားပေါ်မှ ဆင်းရသည်မရှိ။ အလုပ် လုပ်လေ့လုပ်ထမရှိသော ဒူးဆစ်များ သည် ယခုလည်း ကောင်းကောင်း မလုပ်ချင်တော့ပါ။ အကွေးအဆန့်များများ လုပ်သော အခါ တစစ်စစ် နာကျင် လာကြပါသည်။

ကိုယ်ခန္ဓာကြီးက ဇရာ၏ အ ဖြစ်ကို သတိပေးတော့မှ ကျွန်တော့်  ဘဝကို ကျွန်တော် စဉ်းစားမိပါသည်။ ကျွန်တော် ကားဒရိုင်ဘာ စလုပ်သည်မှာ ၁၉၃၇ ခုနှစ် လောက်က ဖြစ်ပါသည်။ ထိုစဉ်က ကျွန်တော့် အသက် ၂၃ နှစ် ရှိပါပြီ။ ပထမသော် မိတ္ထီလာနှင့် သာစည်ပြေးသည့်ကားကို မောင်းပါ သည်။ နောက်တွင် တရုတ်-မြန်မာလမ်းမကြီးပေါက်၍ တရုတ်ပြည်သို့ ဓာတ်ဆီများ ပို့သော အခါ နဝလီကိုက်၍ မောင်းပေးပါသည်။ လားရှိုး၊ ကွတ်ခိုင်၊ မူဆယ်တို့ကိုဖြတ်၍ တရုတ်ပြည်၊ ကွန်မင်းမြို့အထိ ရောက်ဖူး ပါသည်။ ဤဘဝသည် ကျွန်တော့် ကို ပညာမျိုးစုံ သင်ပေးလိုက် ပါသည်။ ဓာတ်ဆီခိုးရောင်းသည့်အတတ်၊ မိန်းမ လိုက်စားသည့်အတတ်၊ ဖဲရိုက်သည့် အတတ်၊ ဘိန်းရှူသည့်အတတ်၊ အရက်သောက်သည့်အတတ် စသဖြင့် အဋ္ဌရသတစ်ဆယ့်ရှစ်ရပ် စုံလိမ့်မည် ထင်ပါသည်။ ကွန်မင်းကအပြန်တွင် လားရှိုးဘက်က ရှမ်းမ တစ်ယောက် နှင့် အိမ်ထောင်ကျပါသည်။ ရှမ်းမနှင့် သမီးလေး တစ်ယောက် ရပြီး၊ သမီးအပျိုပေါက်တွင် မှ ကျွန်တော့် မိန်းမ မျောက်မထား၍ ကျွန်တော် တို့ အကြင်လင်မယားအ ဖြစ် ပြတ်စဲခဲ့ကြပါသည်။ သမီးပျိုကို ကျွန်တော် က ထိန်းသိမ်း၍ ထားလိုက်ရသည်။ သည်အတော အတွင်း ကျွန်တော် အိမ်ထောင်မပြုဘဲ မနေနိုင်သေးပါ။ ထို့ကြောင့် ရိုးရိုး သားသားမိန်းမ တစ်ယောက် နှင့် လက်ထပ်ခဲ့ကြပါသည်။ ယခု နောက်မိန်းမ နှင့်ရသည့် အကြီးဆုံးကလေးပင် ၇ နှစ် လောက် ရှိပါပြီ။

သို့ဖြင့် အနှစ် ၂၅ နှစ် လောက် ဒရိုင်ဘာဘဝတွင် ကျင်လည် ခဲ့ပြီးနောက် ယခု ကျွန်တော့် ကိုယ်ကို ကျွန်တော် ပြန်ကြည့်လိုက်သော အခါ ဒရိုင်ဘာထိုင်ခုံပေါ်မှာ ပင် ရှိသေးသည်ကို တွေ့ ရပါသည်။ ရှေ့လျှောက် သည်ထိုင်ခုံပေါ်က ဆင်းရဖို့ လမ်းမမြင်တော့ပါ။

မင်းကြီးအိမ်တွင် ကျွန်တော် ဒရိုင်ဘာလုပ်သည်မှာ ၆ လလောက် ရှိပါပြီ။ တစ်နေ့တစ်နေ့ ကားပေါ်မှ ဆင်းရသည်ဟုမရှိ။ နေကုန်နေခန်း ကားမောင်း၍ ပို့ရ၏ ။ နံနက် ၆ နာရီခွဲသည်နှင့် ကားဂိုဒေါင်ထဲသို့ အဆင်သင့် ရောက်ရလျက် ခေတ္တနားပြီး မင်းကြီးကတော် မမလေးကို ဈေးသို့ပို့ရ၏ ။ သူဈေးဝယ်နေတုန်း မင်းကြီးကတော် တူမလေးကို ကွန်ဗင့်ကျောင်းသို့ ပို့ရသေး၏ ။ ပြန်လျှင် မင်းကြီးကို ရုံးပို့၊ ရုံးမှာ မင်းကြီးခိုင်းသည့်ဆီသွား၊ နေ့လည်တွင် ကွန်ဗင့်ကျောင်းသူကို အိမ်ပြန်ကြို၊ မင်းကြီး လက်ဖက်ရည် သောက်ရန်အတွက် အိမ်ပြန်ပို့၊ မင်းကြီး တရေး တမောအိပ်ပြီး ရုံးပြန်ပို့၊ ရုံးက အိမ်ပြန်လာ၊ မင်းကြီးကတော် နေ့လည်နေ့ခင်း ဈေးဝယ်သွားလျှင်၊ သို့မဟုတ် အိမ်လည်လျှင်၊ သို့မဟုတ် ပိုကာဒေါင်းသွားလျှင် လိုက်ပို့၊ ညနေ မင်းကြီးရုံးသွားကြို၊ အစည်းအဝေးတက်စရာရှိလျှင် အစည်းအဝေးပို့၊ မရှိလျှင် အိမ်ပြန်ပို့၊ ညဦးပိုင်း၌ ရုပ်ရှင်၊ သို့မဟုတ် ပြပွဲ၊ သို့မဟုတ် ဧည့်ခံပွဲ တစ်ခုခုလိုက်ပို့၊ ပြန်ခေါ်။ ဤကား ကျွန်တော် ၏ တစ်နေ့တာ အလုပ်ဇယားများ ဖြစ်ပေ၏ ။ ကိစ္စအားလုံးပြီးလျှင် ကားကို ဂိုဒေါင်ထဲ သွင်းကာ စက်ဘီးချောက်ချက် ချောက်ချက်နင်း၍ ဟုန်းလမ်း(ပန်းလှိုင်လမ်း) ကွက်သစ်ရှိ ကျွန်တော့် အိမ်ကို ပြန်ရပါသည်။

စနေနေ့ညများ သည် ကျွန်တော့် အတွက် အလုပ်အများ ဆုံးသော ညများ ဖြစ်၏ ။ ကျွန်တော့် ဆရာသည် စနေနေ့ညဆိုလျှင် ယူနီယံကလပ်သို့ စောစောသွား၍ သောက်ပြီး ၉ နာရီခွဲ ၁ဝ နာရီလောက်တွင် ပြန်လေ့ရှိ သည်။ သို့ရာတွင် အိမ်သို့တိုက်ရိုက်ပြန်ခြင်းမဟုတ်ပါ။ ကျောက်မြောင်းက မယားငယ်အိမ်သို့ ပြန်ခြင်း ဖြစ်ပါသည်။ ကျောက်မြောင်းအိမ်က မယားငယ်မှာ ကုမ္ပဏီပိုင်ရှင်တစ်ဦ ဖြစ်သည်။ အသားဖြူဖြူ၊ ကိုယ်လုံးကိုယ်ပေါက် ကောင်း ကောင်း၊ အသက် ၃ဝ ပတ်ဝန်းကျင်လောက်တွင် သာရှိဦးမည် ။ ရုပ်အချောကြီးထဲက မဟုတ်သော်လည်း ယောက်ျားတကာတို့၏ တဏှာစိတ်ကို ယိုဖိတ် အောင် ညှို့အားကောင်းသူတည်း။

ကျွန်တော့် ဆရာတွင် နောက် မယားငယ် တစ်ယောက် ရှိသေး၏ ။ နောက်မယားငယ်အိမ်မှာ ကြည့်မြင်တိုင်တွင် ဖြစ်သည်။ အသက် ၂ဝ ပင် ရှိဟန်မတူသေးပါ။ ကလေးမမှာ နုနယ်ပျိုမြစ်တုန်းပင် ရှိပါသေးသည်။ မယ်ဗမာကိုယ်လုံးကိုယ်ပေါက်မျိုး ဖြစ်၍ ရုပ်ရှင်မင်းသမီးဟု ဆိုပါသည်။ သို့ရာတွင် သူပါသည့် ရုပ်ရှင်ကိုတော့ ကျွန်တော် တစ်ခါမျှ မကြည့်ဘူး သေးပါ။ သို့ဖြင့် ကျွန်တော့် ဆရာသည် စနေနေ့ညများ တွင် ယူနီယံကလပ်မှ ကျောက်မြောင်းသို့ ဖြစ်စေ၊ ကြည့်မြင်တိုင်သို့ ဖြစ်စေ သွားလေ့ရှိသည်။ မယားငယ်များ အိမ်တွင် တော် တော် ကြာကြာနေပြီး နံနက် ၂ နာရီကျော် ၃ နာရီလောက်မှ အိမ်သို့ပြန်တတ်သည်။ ကျွန်တော့် ကိုကား အိုဗာတိုင်းအတွက် ဆိုကာ တစ်ဆယ့်ငါးကျပ် ပေးလေ့ရှိပါသည်။ ထို့ကြောင့် ကျွန်တော် ကလည်း မညည်းမညူ လိုက်ရပါသည်။ သူ့ဆန်စားရဲမှဟု ဆိုကြသည်မဟုတ်လား။

သို့ရာတွင် ကျွန်တော် နားမလည်နိုင်သော အချက်တစ်ချက် ရှိပါသည်။ ယင်းမှာ ကျွန်တော့် ဆရာ မယားငယ်တွေ အလျှိုအလျှိုထားခြင်း ဖြစ်သည်။ ကျွန်တော့် ဆရာသည် အသက် ၄ဝ ကျော်၍ ၅ဝ နား ကပ် နေပါပြီ။ ကျွန်တော့် ထက် ၁ နှစ် ၊ ၂ နှစ် လောက်သာ ငယ်ပါလိမ့်မည် ။ မယားကြီးကွယ်လွန်၍ မယားကြီးဘက်က တူမ ဖြစ်သူ လက်ရှိ ကျွန်တော့်  ဆရာကတော် နှင့် လက်ဆက်ခဲ့ပါသည်။ ဆရာကတော် သည် အသက် ၂၅ နှစ် လောက်သာ ရှိပါသေးသည်။ ကျွန်တော့် သမီးကြီး မြအေးနှင့်မှ ရွယ်တူ လောက်ရှိပါသေးသည်။ ရုပ်လည်း ချောပါသည်။ သို့ကလို 'နုလည်းနုနယ်၊ ငယ်လည်းငယ်၊ ချစ်လည်း ချစ်စရာ'ကောင်းသော ဆရာကတော် ရှိလျက်နှင့် မယားငယ်တွေ မှိုလိုပေါက်အောင်ထားခြင်းကို ကျွန်တော် နားမလည်ပါ။ အိမ်က ဟာမကြီးက အရွယ်လွန်ကာ အမယ်အိုရွတ်တွကြီး ဖြစ်နေ၍ အငယ် အနှောင်းယူသည်ဆိုလျှင် ထားပါတော့။ ထို့ထက်ပို၍ ကျွန်တော် နားမလည် နိုင်သည့်အချက်မှာ ဆရာကတော် က ကျွန်တော့် ဆရာ အငယ်အနှောင်း ထားသည်ကို သိလျက်နှင့် ခွင့်လွှတ်ထားခြင်းပင် ဖြစ်ပါသည်။ ကျွန်တော့်  မိန်းမ အေးပုမှာ ကျွန်တော် အငယ်အနှောင်းထားဖို့မပြောနှင့် မိန်းမပျိုပျို ရွယ်ရွယ်များ ကို တစ်ခါတလေ စူးစိုက်ကြည့်မိသည်ဆိုလျှင်ပင် ပေါင်တွင်းကြော ကို လိမ်ဆွဲတတ်ပါသည်။ ကျွန်တော့် ဆရာကတော် မမလေးကား ထိုသို့ မဟုတ်၊ မသိလိုက် မသိဖာသာပင် နေလိုက်သည်။ မမြင်ရရင်ပြီးရောဟု သဘောထားဟန်ရှိပေ၏ ။

သို့ကလိုတွေးရင်း စက်ဘီးနင်းလာသည်နှင့် ၆ နာရီခွဲကျော်ကျော် တွင် ခြံဝသို့ရောက်လေ၏ ။ သတင်းစာပို့သည့်သူငယ်ပင်လျှင် သတင်းစာ ပုံးထဲတွင် သတင်းစာတွေ ထည့်သွားပြီးပေပြီ။ ကျွန်တော် ရောက်သွားသော အခါ၌ နောက်ဖေးမီးဖိုချောင်က ထမင်းချက်များ ပင် အင်းခွေးကြီးနှစ် ကောင် ကို အစာကျွေးနေကြပြီ ဖြစ်၏ ။ အင်းခွေးကြီးနှစ် ကောင်သည် ဒန်ခွက်ကြီး တွေ ထဲက နွားနို့ကို တပြတ်ပြတ် သောက်နေကြ၏ ။ နွားနို့ကုန်သော် ဇလုံကြီးတွေ နှင့် အမဲသားစင်းကောတွေ ရောက်လာပြန်သည်။ ကျွန်တော် တို့ အိမ်ထောင်တစ်အိမ်ထောင် တစ်နေ့စာလောက် ရှိမည် ထင်ရ၏ ။ ကျွန်တော် ကား အိပ်ရာထ ထမင်းကြော်ပန်းကန်နှင့် လက်ဖက်ရည်တစ်ခွက်သာ သောက်ရသေး၏ ။ ဤအိမ်ကြီးတွင် အင်းခွေးကြီး ဖြစ်ရတာ ကမှ ဇိမ်ကျ သေးတယ်ဟု ကျွန်တော့် ဖာသာကျွန်တော် တွေးကာ ကားဂိုဒေါင်ဆီသို့ လျှောက်လာပြီး ကားကိုထုတ်လာခဲ့သည်။ ခဏကြာလျှင် 'ကိုဝက်... ကိုဝက်' ဟု ခေါ်သံကြားရပါသည်။

ကျွန်တော် က ကားပေါ်မှဆင်းကာ အိမ်နောက်ဖေးသို့ ပြေးရသည်။ မမလေး ဈေးသွားချိန်ပေတည်း။ မမလေးဈေးသွားခါနီး တွင် ဆွဲခြင်း၊ လက်ဆွဲ အိတ် စသည်တို့ကို ကားပေါ်သို့ တင်ထားပြီး အဆင်သင့်စောင့်နေရသည်။

ခဏကြာတော့ မမလေး ဆင်းလာပါသည်။ ကျွန်တော် က ခပ်သုတ်သုတ်ဆင်းကာ ကားတံခါးကို ဖွင့်ပေးရ၏ ။ ဤမျှ နုနယ်လှပသော ဆရာကတော် ရှိလျက်နှင့် ဘာကြောင့် အငယ်အနှောင်းထားပါလိမ့်ဟူသော မေးခွန်းသည် ကျွန်တော့် ဦးနှောက်ကို လာ၍ တီးခေါက်ပြန်၏ ။ ဆရာ ကတော် သည် နိုင်လွန်အင်္ကျီအဖြူ လက်ပြတ်ကို ဝတ်ထားပြီး၊ စတော် ဘယ်ရီရောင် နိုင်လွန်ဆွယ်တာကို ပုခုံးဝိုင်းဝိုင်းပေါ်မှာ တင်မိသည်ဆိုရုံကလေး ခြုံထား၏ ။ လုံချည်က အထက်ရှုး၍ အောက်တွင် ဂါဝန်လို ဝိုက်ကားကျလာ သော ပိုးပျော့လုံချည် နက်ပြာရောင် ဖြစ်သည်။ လုံးဝန်းသော ရင်မို့မို့၊ အိစက်သော တင်စို့စို့တို့သည် ကောက်ကြောင်းထင်ရှားစွာ ပေါ်နေကြ၏ ။ ခေါင်းတွင် ပန်ထားသော နှင်းဆီပန်းကြီးက ဆရာကတော် ၏ အလှကို သရဖူ ဆောင်းပေးလိုက် လေသည်။

ဆရာကတော် ကိုယ်မှ ရေမွှေးနံ့သည် တသင်းသင်း ပျံ့လျက်ရှိ၏ ။ တံခါးပိတ်လိုက်သော အခါတွင် ကား ရေမွှေးနံ့သည် ကားထဲတွင် ကြိုင်လှောက် နေလေသည်။ ကျွန်တော် သည် ကားကို ဈေးဘက်သို့မောင်းလာခဲ့သည်။ ဆရာကတော် သည် ပေါင်တစ်လုံးပေါ် တစ်လုံးထပ်၍ ထိုင်ရင်း ကူရှင်ကို နောက်မှီ၍ ခါးများ ကို ကော့ထားကာ လက်နှစ် ဖက်ကို ခေါင်းနောက်သို့ ပစ်ကာ လိုက်ပါလာသည်။ ဆရာကတော် သည် တစ်စုံတစ်ရာကို လေးနက်စွာ စဉ်းစားလာဟန်တူပါသည်။

ဝိဇယရုံနား ရောက်ခါနီး တွင် ဆရာကတော် က နာရီကို ငုံ့ကြည့် ပြီး...

'ကိုဝက်... ဈေးကို မမောင်းနဲ့အုံး၊ ဘုရားကို အရင်သွားမယ်'

ဆရာကတော် အမိန့်အတိုင်း ကားကို ဦးဝိစာရလမ်းဘက်သို့ ချိုးကွေ့ကာ အနောက်မုတ်ဘက်သို့ မောင်းလာခဲ့သည်။ ဆရာကတော် သည် ဓမ္မစေတီလမ်းတစ်လျှောက်တုန်းကလို ငြိမ်သက်စွာ လိုက်မလာတော့ပါ။ လမ်းဘေးဝဲယာကို လှမ်းမျှော်ကြည့်ရှု လိုက်ပါလာသည်။ ဦးဝိစာရလမ်းမကြီး ပလက်ဖောင်းပေါ်တွင် နံနက်ခင်း လမ်းလျှောက်လေ့ကျင့်ခန်းယူသူများ ကို တွေ့ လျှင် ဂရုတစိုက် ကြည့်တတ်သည်ကို ကျွန်တော် သတိထားမိပါသည်။ သို့ရာတွင် ဘာမျှတော့မပြောပါ။ အနောက်မုတ်ပေါက်ဝသို့ အဝင်ခိုင်းသဖြင့် မုတ်ဝရှေ့သို့ မောင်းလာခဲ့ပါသည်။ ကျွန်တော် က ဘုရားပေါ်တက်မည် ထင်သဖြင့် ရပ်ပေးလိုက် ပါသည်။ သို့ရာတွင် ဆရာကတော် သည် ဘုရားပေါ် မတက်ပါ။ ကားထဲမှာ ထိုင်ပြီး ဟိုဟိုသည်သည်ကို လှမ်းမျှော်ကြည့်နေလေ သည်။ ၁ဝ မိနစ်လောက်ရှိမှ... 'ကျွန်မ သူငယ်ချင်းနဲ့ ဘုရားတက်ဖို့ ချိန်းထားတာ၊ မလာတော့ ဘူးထင်ပါရဲ့ ၊ ကဲ... ကဲ... ဈေးဘက်ကိုပဲ မောင်းတော့' ဟု ဆိုသဖြင့် မုတ်ဝရှေ့က လှည့်ထွက်ခဲ့ပြီး၊ ဦးဝိစာရလမ်းအတိုင်း မြေနီကုန်းဈေးဘက်သို့ မောင်းလာခဲ့သည်။ မြေနီကုန်းဈေးရောက်တော့ ဆရာကတော် ဆင်း၍ ဈေးဝယ်ပါသည်။ ခါတိုင်း ဆွဲခြင်းကိုင်သည့် ကောင်မလေးကို ခေါ်ခဲ့သော် လည်း၊ မခေါ်ဘဲ သူ့ဖာသာသူ ဝယ်သည်မှာ တစ်လလောက်ရှိပါပြီ။

ဆရာကတော် ဈေးဝယ်နေတုန်း ကျွန်တော် ကားပေါ်မှာ ထိုင်ကျန် ရစ်ခဲ့ပါသည်။ မြေနီကုန်းဈေးသည် ကားကြီး ကားငယ် အသွယ်သွယ်ဖြင့် စည်ကားနေလေသည်။ ကျွန်တော် သည် ကားပေါ်မှာ ထိုင်လျက် ဈေးဝယ်များ ကို ငေးကြည့်ရင်း အချိန်ကုန်ရသည်။ သို့မဟုတ်လျှင်လည်း ဒရိုင်ဘာ အချင်းချင်း စကားစမြည် ပြောကြသည်။ ကျွန်တော် တို့ ဒရိုင်ဘာများ ၏ စကားထဲတွင် ဇာတ်လမ်းတွေ စုံလှပေ၏ ။

ကျွန်တော် သို့ကလို ထိုင်၍ ငေးမောနေတုန်း မမလေး ပြန်လာပါ သည်။ ဆွဲခြင်းထဲတွင် သားငါး၊ ဟင်းသီးဟင်းရွက်တွေ ပြည့်သိပ်နေသည်။ ငှက်ပျောဖီး နှစ် ဖီးတွဲ နှင့် ပန်းစည်းတစ်စည်းကိုလည်း တစ်ဖက်က ကိုင်ထား၏ ။ ကျွန်တော် က အပြေးကလေး ဆင်းသွားကာ ကူညီယူပြီး မမလေးတက်ရန် ကားတံခါးကို ဖွင့်ပေးလိုက် သည်။

'ဈေးသွားတာ နေမြင့်တာနဲ့ ဝယ်လို့မကောင်းတော့ဘူး'

မမလေးက ကားနောက်ပိုင်းတွင် ကိုယ်ကိုပျော့မှီ၍ ထိုင်ရင်း ပြော လေသည်။ ကျွန်တော် ကမူ ဘာမျှပြန်မပြောတော့ပါ။ ကားကို အပြန်လမ်း ဘက်သို့ကွေ့၍ မောင်းလာခဲ့သည်။ ကားကိုသာ မောင်းခဲ့ရသော်လည်း ခေါင်းထဲမှာ မကြည်လင်၊ မနေ့ညက အိမ်ပြန်နောက်ကျ၍ နံနက်အစောကြီး ထရပေရာ ဘယ်မှာ လျှင် အိပ်ရေး ဝမည် နည်း။

'မနေ့ညက ရှင့်ဆရာ ဘယ်အချိန်မှ ပြန်လာသလဲ ကိုဝက်...'

ဘောင်ဒရီဘက်သို့ ကွေ့အဝင် မမလေးက မေးခြင်း ဖြစ်၏ ။

'တော် တော် နောက်ကျတယ် ခင်ဗျ'

'ပြန်လာတော့ ဘယ်နှစ် နာရီရှိပြီလဲ'

ကျွန်တော် က ခေတ္တစဉ်းစားကာ...

'၃ နာရီလောက်ရှိပြီထင်တယ် မမလေး'

မမလေးသည် ကားနောက်မှီကို ပစ်၍ မှီလိုက်ရင်း သက်ပြင်းချလိုက် ၏ ။ သူ့သက်ပြင်းမှာ ပါးစပ်ကပါ မှု တ်ထုတ်လိုက်ခြင်း ဖြစ်ပေရာ ဖူးခနဲ မြည် သံကို ကြားလိုက်ရသည်။

'ဘယ်သွားသလဲ၊ ကြည့်မြင်တိုင်လား... ကျောက်မြောင်းလား'

သည်မေးခွန်းမှာ ကျွန်တော် အဖြေရခက်သော မေးခွန်း ဖြစ်သည်။ မနေ့ညက ကျွန်တော့် ဆရာသည် နှစ် အိမ်စလုံး သွားသည်။ ပထမ ကြည့်မြင်တိုင်က အိမ်ကိုသွား၏ ။ မယ်ဗမာကိုယ်လုံးကိုယ်ပေါက်ရှိသော အငယ်မက ပလက်တီနံလက်ကောက် အဝယ်ခိုင်းတာ ဝယ်မပေးသေး၍ စိတ်ကောက်နေသဖြင့် ကျွန်တော့် ဆရာ တပ်ခေါက်ပြန်ခဲ့ရသည်။ ထို့ကြောင့် ဒေါပွပွဖြင့် စီးကရက်စက်ရုံတစ်ခုတွင် အလုပ်လုပ်သော ကောင်မလေးဆီ သို့သွားသည်။ ကျွန်တော့် ဆရာ၏ စာရင်းဝင် အငယ်အနှောင်း မဟုတ်ပါ။ ကြားပေါက်ခေါ်ခြင်း ဖြစ်ပါ၏ ။ သို့ရာတွင် သူများ လက်ဦးသွား၍ မတွေ့ ခဲ့ဘဲ နောက်ဆုံးတွင် ကျောက်မြောင်းက တစ်ခုလပ်မအိမ်သို့ ရောက်လေသည်။ ကျောက်မြောင်းအိမ်တွင် အရက်ထပ်သောက်ပြီး ကလိုက်ခုန်လိုက် မြူးလိုက် ဖြင့် နံနက် ၃ နာရီထိုးမှ အိမ်ပြန်ရောက်လေတော့သည်။

'ကျောက်မြောင်းရော... ကြည့်မြင်တိုင်ရော ခင်ဗျ...'

ကျွန်တော့် ပါးစပ်က အလိုလိုထွက် သွားပါသည်။ ပါးစပ်က ထွက်ပြီး သည်နှင့်တစ်ပြိုင်နက် ကျွန်တော် မှားသွားပြီဟု ရိပ်မိလိုက်ပါ၏ ။ သို့ရာတွင် ပြင်ချိန်မရတော့ပါ။

'ဘယ်နှယ့် နှစ် နေရာစလုံးတောင် သွားတယ် ဟုတ်လား'

'ဟုတ်တယ်ခင်ဗျ'

'ဟင်း... အိမ်ကျတော့ ခေါင်းကိုက်သလေး၊ ဖင်နာသလေးနဲ့ မယားငယ်အိမ် သွားရရင်တော့ ဟင်း... မပြောလိုက်ချင်ဘူး'

မမလေးက ဤမျှသာ ပြောပါသည်။ နောက်တော့ ဘာမှမပြောတော့ပေ။ မမလေးသည် မင်းကြီး မယားငယ်နှစ် ယောက် ယူသည်ကို အပြစ် ဆိုခြင်း ဟုတ်ဟန်မတူ၊ တစ်ညထဲမှာ မယားငယ်နှစ် ယောက် စလုံးအိမ်ကို သွားခြင်းကိုသာ အပြစ်ဆိုပါသည်။ ဤနေရာတွင် ကျွန်တော့် မိန်းမ အေးပုနှင့် အကွာကြီးကွာပါသည်။ ကျွန်တော့် မိန်းမ အေးပုမှာ ကျွန်တော် မိန်းမချောချော လှလှကလေးများ ကို မတော် တဆ မျက်လုံးကစားမိရုံမျှဖြင့် မခံမရပ်နိုင်သူ ဖြစ်လေရာ၊ သဝန်ကြောင်လွန်းသည်ဟု ကျွန်တော် ထင်ပါသည်။ ခေတ်မမီ ဟု ကျွန်တော် ထင်ပါသည်။ မင်းကြီးလို မယားငယ်ထားလျှင်ကား ဆိုဘွယ်ရာ မရှိတော့ပါ။ ကျွန်တော် က တစ်ခါတစ်ရံ နောက်ပြောင်မိလျှင်ပင် 'တော် မကျွေးရင် ကျုပ်ဒီကလေးတွေ ဘယ်လိုလုပ် ကျွေးမလဲ ကိုဝက်ရယ်... ကလေးတွေ မျက်နှာကိုမှ ရှင်မထောက်ဘူးဆိုရင်လဲ ဘယ်တတ်နိုင်မလဲ၊ ကျုပ် ဖာသာကျုပ် ဈေးရောင်းပြီး ကျွေးရတော့မှာ ပေါ့' ဟု မျက်ရည်စမ်းစမ်းဖြင့် ပြောလေ့ရှိသည်။ အေးပုအဖို့ ကျွန်တော် သည် အသက်သခင် ကျေးဇူးရှင် ဖြစ်ပါသည်။ ကျွန်တော် မယားငယ်ယူသွားလျှင် ကလေးတွေ တစ်ပြုံကြီးနှင့် ကသီလင်တ ဖြစ်မည် ကို စိုးရိမ်ပါသည်။ ထို့ကြောင့် အိမ်ထောင်ပြုကြခြင်းမှာ ကိုယ့်နေထိုင်မှု ၊ ဘဝလုံခြုံရေး နှင့် မျိုးဆက်ပြန့်ပွားရေး တို့အတွက် ဖြစ်သည်ဟု ကျွန်တော် ထင်ခဲ့မိပါသည်။

သို့ရာတွင် ကျွန်တော့် ဆရာနှင့် ဆရာကတော် တို့၏ အိမ်ထောင်ရေး မှာ ကျွန်တော့် အတွေးအထင်နှင့် အံမကိုက်လှပေ။ မမလေးသည် ချမ်းသာ ကြွယ်ဝသော ထိပ်တန်းအရာရှိဟောင်းကြီးတစ်ဦး၏ သမီး ဖြစ်၏ ။ မင်းကြီး၏ တစ်လတွက် လစာသည် မမလေး၏ တစ်လစာ ထမီဖိုး၊ ဘော်လီဖိုး လောက်သာ ရှိ၏ ။ မင်းကြီးနှင့် မညားလျှင်လည်း မမလေးသည် သူ့ဘဝ လုံခြုံရေး တွက် ဘာမျှစိုးရိမ်ပူပင်စရာမရှိပေ။ မျိုးဆက်ပြန့်ပွားရေး အတွက် ဆိုလျှင်လည်း သူတို့အိမ်ထောင်တွင် သားသမီး တစ်ယောက် မျှ မထွန်းကား သေးပေ။ သို့ ဖြစ်ရာ အိမ်ထောင်ပြုခြင်း၏ ရည်ရွယ်ချက်များ မပြည့်စုံသော အိမ်ထောင်ရေး သည် ဘယ်မှာ လျှင် အဆင်ပြေမည် နည်း။

သို့ကလို ကျွန်တော် တွေးမိပါသည်။ သို့ရာတွင် ကျွန်တော့် လို ဒရိုင်ဘာ တစ်ယောက် ၏ အတွေး မှန်မည် မမှန်မည် ကိုမူ ကျွန်တော် မပြော တတ်ပါ။

'ကိုဝက် မနက်ဖြန် ဘုရားကို တက်မယ်နော်၊ စောစောလာခဲ့'

မမလေးသည် ကျွန်တော့် ကို အမိန့်ပေးပြီး ဆင်းသွားလေသည်။

ယနေ့နံနက်တော့ ၆ နာရီမထိုးခင် ကျွန်တော် ကားပေါ်သို့ ရောက်နေသည်။ နှင်းများများ မကွဲတတ်သေးပေ။ ခဏကြာလျှင် မမလေး ဆင်းလာပါသည်။ မမလေးသည် အစွမ်းကုန် ခြယ်သထားပါသည်။ နဖူးပေါ် တွင် ဆံပင်အတွန့်အကောက်တွေ ဖွာကျနေစေပြီး ဘေးကဆံပင်ကို နားရွက် နှစ် ဖက် တစ်ဝက်ဖုံးအောင် ပြုပြင်ထားသည်။ ဖြူနုနေသော ပါးပြင်ကို နီပြေပြေကလေး ဖြစ်ရုံဆိုးကာ နှုတ်ခမ်းကိုလည်း ပုံကျအောင်ဆိုးထားသည်။ မျက်ခွံကိုလည်း အရိပ်ပေါ်အောင် ဆိုးထားပေရာ၊ ပန်းနုသွေး မျက်နှာနုနု ကလေးပေါ်တွင် မျက်လုံး၊ မျက်တောင်တို့၏ အနက်ရောင် မှာ ထင်ရှားစွာ ပေါ်နေကြသည်။ မမလေးပြင်ဆင်ထားပုံမှာ ဘုရားသွားပုံမျိုးနှင့်မတူ ပွဲနေ ပွဲထိုင်သွားပုံမျိုးနှင့်သာ တူနေပါသည်။

ကျွန်တော် သည် နောက်ဖက်ထိုင်ခုံက ဝေ့လာသော မွှေးပျံ့ပျံ့ရနံ့ တို့ကို မသိမသာ ရှုရှိုက်ရင်း ကားကို အနောက်ဖက်မုတ်သို့ မောင်းလာကာ ထိုးဆိုက်လိုက်ပါသည်။ အနောက်ဖက်မုတ်ဝတွင် စောင့်ကြိုနေသော လူရွယ် တစ်ယောက် နှင့် စကားပြောနေကြပါသည်။ လူရွယ်မှာ ကျွန်တော် နှင့် မကြာခဏ ဝင်ဆာလမ်း(ရှင်စောပုလမ်း)ပေါ်တွင် တွေ့ နေကျ ဖြစ်သော ရုပ်ချောချော၊ အရပ်ထောင်ထောင်မောင်းမောင်း ကာယဗလကောင်းကောင်း နှင့် လူငယ် ဖြစ်သည်။ လူရွယ်သည် ဘောင်းဘီရှည်နှင့် စပို့ရှပ်ကို ဝတ်ကာ၊ ရွက်ဖျင်ဖိနပ်အဖြူကို စီးထား၏ ။ သူတို့နှစ် ယောက် ဘာတွေ ပြောနေသည်ကိုမူ ကျွန်တော် မကြားရပေ။ သို့ရာတွင် ပြောဆိုဆက်ဆံပုံမှာ ကား များ စွာ ရင်းနှီးလှပေ၏ ။

သူတို့နှစ် ယောက် သည် အနောက်မုတ်စောင်းတန်းမှ ဘုရားသို့ တက်သွားကြသည်။ တစ်ယောက် ခါးကို တစ်ယောက် ဖက်သွားကြပါသည်။

ကျွန်တော် သည် ကားထဲမှာ ငေးကာ ကျန်ရစ်ရင်း မမလေးနှင့် လူရွယ်တို့၏ ဆက်ဆံရေး ကို တွေးမိသည်။ မောင်နှမတော့ မဟုတ်နိုင်၊ မမလေးသည် မင်းကြီးရှိလျက်နှင့် ရည်းစားထားလေသလား။ အေးပုမှာ ကျွန်တော် အငယ်အနှောင်းယူမည် ကို စိုးရိမ်သဖြင့် ကျွန်တော့် ကို မျက်ခြေ မပြတ် အကဲခတ်နေသူ ဖြစ်၏ ။ မမလေးမှာ ကား မင်းကြီးအငယ်အနှောင်း နှစ် ယောက် တိတိထားသည်ကိုသိလျက်နှင့် ခွင့်ပြုထား၏ ။ အေးပုသည် ကျွန်တော် ပစ်သွားလျှင် သူ့ဘဝ လုံခြုံရေး နှင့် ကလေးတွေ ၏ နောင်ရေး ကို တွေး၍ ပူပင်တတ်၏ ။ မမလေးကား မင်းကြီးပစ်သွားလျှင်လည်း ပူစရာမရှိပါ။ ထို့ကြောင့် သူတို့အိမ်ထောင်ရေး သည် တစ်ယောက် အမှားကို တစ်ယောက် မျက်နှာလွှဲကာ၊ ကိုယ်လုပ်ချင်ရာ လုပ်နေကြသည့် အိမ်ထောင်ရေး မျိုးလားဟု တွေးမိပါသည်။ သည်လိုဆိုလျှင် သူတို့အိမ်ထောင်ရေး သည် ဘာအဓိပ္ပာယ် ရှိမည် နည်း။ မော်တော် ကားပေါ်ထိုင်ရင်း ကျွန်တော် ဖတ်ဖူးသော ဝတ္ထုတွေ ထဲတွင် မကြာခဏပါတတ်သည့် 'တရားဝင်ပြည့်တန်ဆာစနစ်' ဆိုသည်မှာ မမလေးတို့ အိမ်ထောင်ရေး မျိုးပေလော...။

နာရီဝက်လောက်ကြာတော့ မမလေးတို့နှစ် ယောက် ပြန်ဆင်းလာ ကြပါသည်။ နှစ် ယောက် စလုံး ပြုံးနေကြပါသည်။ အတက်တုန်းကလိုပင် တစ်ယောက် ခါးကို တစ်ယောက် ဖက်လာကြပါသည်။ သူတို့နှစ် ယောက် မှာ တကယ်တော့ ရှေ့သွားနောက်လိုက် ညီပါ၏ ။ မသိသူများ ကမူ ညားကာစ ဇနီးမောင်နှံဟု ထင်ကြမည် လား မပြောတတ်ပေ။

ဘုရားစောင်းတန်း အဝသို့ရောက်တော့မှ တစ်ယောက် ခါး တစ် ယောက် ဖက်ထားရာမှ ဖြုတ်လိုက်ကြပြီး၊ ကားဆီသို့ လျှောက်လာကြပါ သည်။ သူတို့ကို ကြည့်ရသည်မှာ ဘာမျှမထူးခြားပါ။

ကျွန်တော် က ကားတံခါးကို ဖွင့်ပေးလိုက် ၏ ။ နှစ် ယောက် စလုံး တက်လိုက်ကြ၏ ။

'မြေနီကုန်းဈေးကိုမောင်း ကိုဝက်၊ ဈေးတောင် နောက်ကျသွားပြီ လားမသိဘူး...'

မမလေးက လက်ပတ်နာရီကို ငုံ့ကြည့်ရင်း ပြောလေသည်။ ကျွန်တော် သည် ဦးဝိစာရလမ်းဘက်သို့ထွက်ကာ မြေနီကုန်းဈေးဘက်သို့ မောင်းလာသည်။ ကားပေါ်တွင် မမလေးနှင့် သူ့ မင်းသားလေးသည် စကားလက်ဆုံကျလာကြသည်။ သူတို့သည် တစ်ခါတစ်ခါတွင် အင်္ဂလိပ်လို ပြော၍ တစ်ခါတစ်ခါတွင် မြန်မာလိုပြောလာကြလေသည်။ ကျွန်တော့် ကိုကား သက်ရှိသတ္တဝါတစ်ကောင်ဟုပင် သဘောထားကြဟန် မတူပါ။

ကျွန်တော် သည် အစတွင် သာ အံ့သြသလိုလို ဖြစ်နေသော်လည်း ယခုတော့ မအံ့သြတော့ပါ။ ကျွန်တော် နှင့် ကျွန်တော့်  မော်တော် ကားသည် မင်းကြီးနှင့် သူ့မယားငယ်လေးများ ၏ ဇာတ်လမ်းများ ကိုလည်း တွေ့ ခဲ့ ကြားခဲ့ဖူးပါပြီ။ ယခုလည်း မမလေးနှင့် သူ့လင်ငယ်၏ ဇာတ်လမ်းကို တွေ့ ရကြားရပြန်ပါပြီ။

မမလေးနှင့် သူ့မင်းသားသည် တစ်နေ့ညက ကပွဲအကြောင်းကို ပြန်ပြောင်းပြောလာကြပါသည်။ သူတို့စကားတွေ မှာ အချိတ်ကလေးတွေ အစောင်းကလေးတွေ နှင့်မို့ နားထောင်ကောင်းသလိုလိုပင် ရှိပါသည်။ တစ်ခါ တစ်ခါတွင် မမလေးက စိတ်ဆိုးဟန်ဖြင့် နှုတ်ခမ်းကလေးစူ၍ မူလိုက်ဟန်ကို ကားရှေ့ကမှန်ထဲတွင် ရိပ်ခနဲ မြင်လိုက်ရပါသည်။ တစ်ခါတစ်ခါတွင် မင်းသား ၏ လက်ချောင်းများ က မမလေး၏ ပေါင်ကို ဆုပ်နယ်နေသည်ကို မြင်လိုက် ရပြီး၊ မမလေးက လက်ဖြင့် ပုတ်ထုတ်လိုက်သည်ကိုလည်း အတိုင်းသား မြင်နေရပါသည်။ မှန်ထဲက ဇာတ်လမ်းကိုကြည့်နေသဖြင့် ဦးဝိစာရအဝိုင်းတွင် ကံကောင်း၍ ကားချင်းမတိုက်မိခြင်း ဖြစ်ပါသည်။

'ကိုဝက်ရေ... အဝိုင်းဟိုဘက်ထိပ်ကျရင် ကားရပ်ပေးလိုက် ၊ ဒီက ဆင်းလိမ့်မယ်'

ကျွန်တော် သည် ကားကို အဝိုင်းထိပ်မှာ ရပ်ပေးလိုက် ၏ ။ မင်းသား သည် မြူးထူးပေါ့ပါးစွာ အောက်သို့ ဆင်းသွားသည်။

'မနက်ဖြန် ၆ နာရီ'

မင်းသားက အင်္ဂလိပ်လို ပြောပါသည်။ သည်လောက်တော့ ကျွန်တော် နားလည်ပါသည်။ နောက် နှုတ်ဆက်၍ ထွက် သွားပါသည်။ ဈေးရောက်လျှင် မမလေးဆင်း၍ ဈေးဝယ်ပြီး အိမ်သို့မောင်းလာခဲ့ပါသည်။

ကျွန်တော် က ဆွဲခြင်းဆွဲ၍ မီးဖိုထဲသွားပို့နေတုန်း ထမင်းစားခန်း ထဲက ဆူဆူညံညံအသံတွေ ကို ကြားရပါသည်။ တဖြည်းဖြည်းကျယ်လာသော အခါ အသံများ ကို ကွဲကွဲပြားပြား ကြားရပါသည်။

'ဒီစာက ရည်စားနဲ့ချိန်းတဲ့စာမဟုတ်လို့ ဘာလဲ...'

မင်းကြီး၏ ဟိန်းသံ ဖြစ်သည်။

'အို... ဒါက တင့်တင့်ရဲ့ မိတ်ဆွေပဲ၊ ဘုရားသွားမယ်လို့ ချိန်းတာ၊ ဒါဘာ ဖြစ်သလဲ...'

'ဟင်း... ဟင်း... စာထဲမှာ အချစ်များ စွာ လို့ ရေး ထားတာ မိတ်ဆွေတဲ့လား ဟင်၊ မင်း တော် တော် ပလီနိုင်တဲ့ မိန်းမ...'

'ဘာ... ပလီတယ် မပြောပါနဲ့၊ မိတ်ဆွေမို့လို့ မိတ်ဆွေပြောတာ၊ မယုံရင် တင့်တင့်ဘာမှ မတတ်နိုင်ဘူး၊ ထင်ချင်သလိုထင်၊ ရည်းစားလို့ ထင်ထင်၊ လင်ငယ်လို့ပဲ ထင်ထင်...'

'ဟုတ်တယ်၊ ရည်းစားတောင် မဟုတ်ဘူး၊ လင်ငယ်... လင်ငယ် နဲ့ ချိန်းတွေ့ တာ'

သူတို့မျက်နှာအမူအရာများ ကို ကျွန်တော် မမြင်ရပေ။ ကျွန်တော် သည် နားရွက်ပင် မခတ်ဝံ့ဘဲ နောက်ဖေးမီးဖိုချောင်နားက တန်းလျားပေါ်တွင် ထိုင်နေမိသည်။

'ချိန်းတွေ့ တော့ ဘာ ဖြစ်သလဲ... ကိုကိုတောင် မယားငယ် ထားသေးတာ၊ မယားငယ်မှ တစ်ယောက် တောင် မဟုတ်ဘူး၊ မှိုလိုပေါက်လို့၊ ကြည့်မြင်တိုင်မှာ ကော၊ ကျောက်မြောင်းမှာ ကော၊ ကမာရွတ်မှာ ကော၊ ကိုယ်က မယားငယ်တွေ ကို အိမ်တစ်ဆောင် မီးတစ်ပြောင်နဲ့ လက်ညှိုးထိုးမလွဲထားတာ တောင် ဘာမှမပြောဘူး၊ သူများ ကျတော့ မိတ်ဆွေတွေ နဲ့ ဘုရားသွားတာကို ရေး ကြီးခွင်ကျယ် လုပ်တယ်'

မမလေး၏ ငိုသံကို ကြားရပါသည်။

'ဘယ်ကမိတ်ဆွေရမှာ လဲ၊ ငါမသိဘူးမှတ်လို့လား၊ ကောလိပ် လှေသင်းက တင်မောင်ဝင်းနဲ့ ဖြစ်နေတာ၊ ငါမသိဘူး မှတ်လို့လားဟင်၊ မင်း ဘူးကွယ်မနေနဲ့၊ ငါအကုန်သိတယ်၊ ငါတင်မဟုတ်ဘူး၊ လူတိုင်း သိတယ်၊ ဟေ့... မောင်ဝက်... မောင်ဝက်...'

အကျိုးနဲပြီဟု ထင်ပါသည်။ မင်းကြီး ကျွန်တော့် ကို ခေါ်နေပေပြီ။ ကျွန်တော် သည် ဖိနပ်ချွတ်ကာ ကပျာကယာ ထမင်းစားခန်းထဲ ဝင်သွား ပါသည်။ မင်းကြီး၏ မျက်လုံးများ မှာ မီးဝင်းဝင်းတောက်နေသည်။

'ဒီနေ့မနက် မင်းမမလေးကို ဘယ်လိုက်ပို့ရသလဲ'

သူတို့အမှု တွင် ကျွန်တော် ပါချေပြီ။ ကျွန်တော် ဘယ်လိုဖြေရ မည် နည်း။ အမှန်အတိုင်း ပြောရမည် လား၊ လိမ်ပြောရမည် လား၊ ဆောင်း တွင်းကြီးမှာ ပင် ကျွန်တော့် နဖူး၌ ချွေးတွေ စို့လာပေသည်။

'ပြောလေကွာ... ဘယ်ကိုပို့ရသလဲ'

'ရွှေတိဂုံကို ပို့ရပါတယ်...'

မမလေးသည် ဝင်းဝင်းတောက်သော မျက်လုံးများ ဖြင့် ကျွန်တော့်  ကို ကြည့်လိုက်သည်။ မမလေး၏ ဒေါသသည် မင်းကြီးထံမှ ကျွန်တော့် ဆီသို့ ရောက်ပါသည်။

'ဟို မနေ့ညကကော ရှင့်ဆရာကို ဘယ်လိုက်ပို့ရသလဲ ပြောလိုက် လေ၊ ဘာလို့ ချန်ထားသလဲ'

ကျွန်တော် သည် မင်းကြီးကိုတစ်လှည့်၊ မမလေးကိုတစ်လှည့် အူကြောင်ကြောင်ဖြင့် ငေးကြည့်နေမိသည်။

'ပြောလေ... တစ်ညထဲနဲ့ ကြည့်မြင်တိုင်ရော၊ ကျောက်မြောင်း ကိုရော ပို့ရတယ်လို့ ရှင်ပဲပြောတယ်မဟုတ်လား ဟင်...'

'ဟုတ်ပါတယ် ခင်ဗျ'

'ဘာရယ်ကွ... ဘယ်လိုပို့ရတယ်'

မင်းကြီး၏ ဝင်းဝင်းတောက်သော မျက်လုံးများ သည် ကျွန်တော့်  ဆီသို့ ရောက်လာကြပြန်သည်။ မင်းကြီး၏ ဒေါသသည် မမလေးထံမှ ကျွန်တော့် ဆီသို့ ရောက်လာပြန်ပါပြီ။

'ခွေးမသား... သွား... သွား... လင်မယားကြားမှာ ဟိုဝင်ရှုပ်၊ ဒီဝင်ရှုပ်၊ လူကြည့်တော့ ရိုးပုံရိုးလက်နဲ့ သွား... တောစကား တောင်ရောက်၊ တောင်စကား တောရောက်လုပ်တာမျိုး ငါမကြိုက်ဘူး၊ မင်းလို သစ္စာမရှိတဲ့ ဒရိုင်ဘာမျိုးလဲ ငါ့အိမ်မထားဘူး၊ ခုအချိန်ကစပြီး မင်းငါ့ဆီမှာ မလုပ်နဲ့ တော့ ထွက်သွား... ခွေးမသား...'

ကျွန်တော် ဝမ်းနည်းကာ မျက်ရည်တွေ လည်လာပါသည်။ ထို့ကြောင့် လက်နှစ် ဖက်ကိုနောက်ပစ်ကာ ခေါင်းငုံ့၍ ရပ်နေပါသည်။ လင်မယားနှစ် ယောက် ၏ ဒေါသသည် ကျွန်တော့် အပေါ်သို့ ပုံကျလာပါသည်။

'ဟေ့ကောင်... သွားဆိုတာ မကြားဘူးလား၊ မင်းကို အလုပ်က ထုတ်လိုက်ပြီ၊ သွား... ဒီလခ မင်းကို တစ်လလုံးပေးမယ်၊ လကုန်တော့ လာယူလှည့်... သွား...'

ကျွန်တော် ကြာကြာမနေရဲတော့ပါ။ ထို့ကြောင့် ကားသော့ ကို စားပွဲပေါ်တွင် တရိုတသေ သွားထားပြီး ခြံဝသို့ထွက်လာခဲ့ပါသည်။ နက်ဖြန် ကစ၍ ဈေးကြိုရသော အလုပ်ကို ကျွန်တော် လုပ်ရတော့မည် မဟုတ်ပါ။

ကျွန်တော် သည် လမ်းမကြီးပေါ်တွင် လျှောက်လာရင်း သူတို့ အိမ်ထောင်ရေး နှင့် ကျွန်တော် တို့အိမ်ထောင်ရေး ကို တွေးမိပါသည်။ ကျွန်တော် နှင့် အေးပုတို့ အိမ်ထောင်ပြုကြခြင်းမှာ ဘဝလုံခြုံရေး နှင့် မျိုးဆက် ပြန့်ပွားရေး အတွက် ဖြစ်ပါသည်။ ကျွန်တော် မရှိလျှင် အေးပုဘဝ မလုံခြုံ သလို၊ အေးပုမရှိလျှင် ကျွန်တော့် ဘဝ လုံခြုံမည် မဟုတ်ပါ။ ထိုကြောင့် ကျွန်တော် တို့နှစ် ယောက် သည် တစ်ယောက် က တစ်ယောက် ကို သစ္စာဖောက် မှာ စိုးရိမ်ကြပါသည်။ ကျွန်တော် တို့အဖို့ နှစ် ယောက် ပေါင်းမှ ဘဝသည် ပြည့်စုံဖူလုံကာ တစ်ဘဝ ဖြစ်လာပါသည်။

မင်းကြီးနှင့် မင်းကြီးကတော် တို့အဖို့မှာ ဘဝလုံခြုံရေး အတွက် ပူစရာမရှိပါ။ ကိုယ့်ဖာသာကိုယ် နေကြပါသည်။ မျိုးဆက်ပြန့်ပွားရေး အတွက် လည်း ဘာမျှ တတ်နိုင်ြ ကတော့ဟန် မတူပါ။ သူတို့အဖို့ တစ်ယောက် က သစ္စာဖောက်သွားလျှင်လည်း အရေး ကြီးဟန် မတူပါ။ နောက် တစ်ယောက် ကို ငွေဖြင့် ပေါက်၍ သော်လည်းကောင်း၊ ရာထူးဖြင့်ပေါက်၍ သော်လည်းကောင်း အလွယ်တကူ ရနိုင်ကြပါသည်။ ထို့ကြောင့် သူတို့လင်မယားသည် မယားငယ် လင်ငယ် အပြန်အလှန် ထားနေကြခြင်း ဖြစ်ဟန်တူပါသည်။ သည်လိုဆိုလျှင် ဝတ္ထုထဲတွင် တွေ့ ရဖူးသော 'တရားဝင်ပြည့်တန်ဆာ အိမ်ထောင်ရေး စနစ်' ဆိုသည်များ လားဟု ကျွန်တော် တွေးမိပါသည်။ သို့သော် ကျွန်တော် ပြက်ပြက်ထင်ထင် မတွေးတတ်ပါ။

မည် သို့ပင် ဖြစ်စေ သူတို့နှစ် ယောက် လင်ငယ် မယားငယ် အပြိုင် ထားကြသည့် ကိစ္စအတွက် ကျွန်တော် ငဝက် တစ်ယောက် တော့ ကြားထဲက ဒဏ်ခံလိုက်ရပါပကော။

ရှုမဝ၊ အတွဲ -၁၆၊ အမှတ်-၁၈၉၊၁၉၆၃ ခုနှစ် ၊ ဖေဖော်ဝါရီလ။