စာရေး သူ၏ အမှာ စာ

ပလေးတိုးနိဒါန်း သည် ရှေးခေတ် ဂရိဒဿနကဆရာ ပလေးတိုး ရေး ခဲ့သော ဖီဒရ (Phaedrus) ကထာ၊ သီတိတ (Theaetetus) ကထာ၊ အိုင်အုန္န (Ion) ကထာ၊ လက်ခီ (Laches) ကထား၊ ခါမိဒိ (Charmides) ကထာ၊ လိုင်စီ (Lysis) ကထာ၊ ဂေါဂျိယ (Gorgias) ကထာ၊ မီနို (Meno) ကထာ၊ စာပွဲသဘင် (Symposium) ကထာ၊ သမ္မတနိုင်ငံ (Republic) ကထာ၊ ချေပချက် (Apology) ကထာ၊ ခရီတော် (Crito) ကထာ၊ ဖီဒို (Phaedo) ကထာ စာတမ်း ၁၃ ပုဒ်မှ ကောက်နုတ်သော စာများ ကို မြန်မာဘာသာပြနလျက် ၁၉၆၁ ခုနှစ် လောက်မှစ၍ မြန်မာ စာဖတ် ပရိသတ်အတွက် မိတ်ဆက်သဘောအ ဖြစ်ဖြင့် ငွေတာရီမဂ္ဂဇင်း၌ ဖော်ပြခဲ့သော စာစု ဖြစ်ပါသည်။ ဤစာစုတွင် ခရီတော် ကထာနှင့် မီနိုကထာ နှစ် ပုဒ်သည် အစအဆုံး အပြည့်အစုံ ဖြစ်၍ ကျန်စာများ သည် ကောက်နုတ်ချက်စာများ ဖြစ်သည်။ ကောက်နုတ်ချက်စာများ ကို ဖော်ပြရာတွင် စာပါ အကြောင်းအရာအလိုက် သင့်တော် သော အမည် ပေး၍ ဖော်ပြခဲ့ပါသည်။

ယခုအခါတွင် မဂ္ဂဇင်းမှာ ကဲ့သို့ စာပါ အကြောင်းအရာအလိုက် အမည် ပေးထားသော်လည်း စာအုပ်နှင့် လျော်သော ပြုပြင်ချက်များ ကို ပြုရပါသည်။ ထို့ပြင် ပလေးတိုး၏ စာသဘောကို ကျနစွာ နားလည်နိုင်ကြအောင် ရှေးခေတ် ဂရိနိုင်ငံနှင့် ရှေးခေတ်ဂရိလူမျိုးတို့အကြောင်းကို နိဒါန်းအ ဖြစ် ဖြင့် အတန်အသင့် ဖော်ပြထားပါသည်။ စာဖတ်ပရိသတ်သည် ထိုနိဒါန်းကို ရှေးဦးစွာ ဖတ်လျှင် သင့်မည် ဟု ထင်မြင်ပါသည်။ ထို့ပြင် ဤစာအုပ်၌ စာ ၂၄ ပုဒ်ကို အစီအစဉ်ပြုရာတွင် ပညာရှင်များ လက်ခံထားကြသော ပလေးတိုး၏ ကထာစာတမ်းဆိုင်ရာ သက္ကရာဇ်အလိုက် စီစဉ်ထားသည် မဟုတ်ပါ။ ဆော့ခရတ္တိ၏ သဘာဝ ကို အလွယ်တကူ နားလည်စေလိုသော စေတနာဖြင့် စာပါ အကြောင်းအရာအလိုက် စီစဉ်ထားခြင်း ဖြစ်သည်။ ပုံစံကား 'ဆော့ခရတ္တိ၏ ဝါသနာ' ဆိုင်ရာ ဖီဒရကထာနှင့် 'ဆော့ခရတ္တိ၏ ဝမ်းဆွဲဥပမာ (ဝါ) ဆော့ခရတ္တိနည်း' ဆိုင်ရာ သီတိကကထာတို့ သည် ဤစာအုပ်တွင် အသုံးပြုထားသော အခြားကထာများ ကို ရေး ပြီးမှ ပလေးတိုးက ရေး သော ကထာများ ဖြစ်သည်ဟု ဆိုပါသည်။ သို့ ရာတွင် ဆော့ခရတ္တိ စိတ်ဝင်စားသော ယေဘုယျ အကြောင်းအရာကိုလည်းကောင်း၊ ဆော့ခရတ္တိ သုံးလေ့ရှိသော ယေဘုယျတွေးခေါ်ဆင်ခြင်နည်း ကိုလည်းကောင်း ရှေးဦးစွာ သိစေလိုသဖြင့် ဤစာအုပ်၌ လက်ဦးဖော်ပြလိုက်ပါသည်။ ထို့နောက် မှာ မှသာ ဆော့ခရတ္တိ၏ အတွေးအခေါ် အလွယ်အခက်ကို ဆင်ခြင်၍ စီစဉ်ပါသည်။ ထို့နောက် ခပ်စောစောပိုင်းကရေး သည်ဟု ယူဆကြသော ဖီဒိုကထာမှ 'ဆော့ခရတ္တိ၏ ဘဝနိဂုံး' ဖြင့် ပိတ်လိုက်ပါသည်။

ပလေးတိုး၏ စာများ ကို မြန်မာပြန်ရာတွင် မူလာဘာသာ ဖြစ်သော ရှေးခေတ်ဂရိဘာသာမှ မြန်မာပြန်သည် မဟုတ်ပါ။ အင်္ဂလိပ်ဘာသာပြန်မှတစ်ဆင့် မြန်မာပြန်ခြင်း ဖြစ်သည်။ စင်စစ်မှာ မူလဘာသာမှ မြန်မာပြန်ခြင်းသည် အတိကျဆုံး၊ အကောင်းဆုံး ဖြစ်၏ ဟု ဆိုနိုင်ပါသည်။ သို့ ရာတွင် မူလဘာသာကို တတ်သည်အထိစောင့်ရလျှင် မြန်မာဘာသာသို့ ပလေးတိုး၏ စာများ ရောက်ဖို့ အရေး သည် နှေးကွေးရာသည်။

ထို့ကြောင့် အင်္ဂလိပ်ဘာသာပြန်မှတစ်ဆင့် မြန်မာပြန်ရခြင်း ဖြစ်သည်။ အင်္ဂလိပ်ဘာသာ ပြန်များ သည်လည်း အလိုက်အထိုက် အတော် အတန် တိကျ၍ ပလေးတိုး၏ စကားပြေအရေး အသားကို (ဝါ) ရေး ဟန်ကို အတော် အတန် ဆောင်နိုင်ကြသည်ဟု ဆိုကြသဖြင့် အတန်ငယ် အားတက်မိသည်။ ထို့ကြောင့် ရေး ဟန်အတွက် ပါမောက္ခဂျို့ဝက် (Jowett) ၏ အင်္ဂလိပ်ဘာသာ ပြန်များ ကို ယေဘုယျအားဖြင့် လက်ရင်းထားပါသည်။ တိကျမှု အတွက်မူ အခြားအခြားသော ပါမောက္ခများ ၏ အင်္ဂလိပ်ဘာသာပြန်များ နှင့် ညှိပါသည်။ အထူးသဖြင့် ဂရိဘာသာတစ်ဘက်၊ အင်္ဂလိပ်ဘာသာတစ်ဘက် ပြန်ဆိုတင်ပြထားသော စာများ (Loeb Classical Library) နှင့် ညှိပါသည်။ ထို့ပြင် ပါမောက္ခ အေ၊ အီး၊ တေလာ (A.E. Taylor) ၏ ပလေးတိုး၏ အဋ္ဌကထာ (Plato: The Man And His Work) ကျမ်းနှင့် လည်း ယေဘုယျအားဖြင့် ညှိပါသည်။ ဂရိ အမည် နာမများ ကို မြန်မာအသံလှယ်ရာတွင် အင်္ဂလိပ်အသံထွက် (English Pronouncing Dictionary By Daniel Joes) အဘိဓာန်ကို အခြေခံ၍ မြန်မာ့နားနှင့် အဝင်ချောအောင်၊ မြန်မာ့အာလျှာနှင့် သင့်အောင် မြန်မာ့အသံသို့ ဝဲ၍ အသံလှယ်ပါသည်။

ပလေးတိုးသည် ဥရောပယဉ်ကျေးမှု ကို တည်ထောင်ခဲ့သော ရှေးခေတ်ဂရိစာရေး ဆရာကြီး တစ်ဦး ဖြစ်သည်ဟု ဆိုကြပါသည်။ သူရေး သော အကြောင်းအရာသည် လူ့လောက၏ ကံသုံးပါး အမူအရာတို့နှင့် စပ်လျဉ်း၍ အမှားအမှန် အကောင်းအဆိုး ပြဿနာတို့ကို ဖွင့်ဆိုလမ်းပြသော ဒဿနိကပညာရပ် ဖြစ်သည်။ ရေး ရာတွင် ဉာဏ်ကိစ္စတို့ကို ထင်ရှားအောင်သာမက ပြဇာတ် ကောင်းကို ဖတ်ရသကဲ့သို့ နှစ်သက် ဖွယ် ဖြစ်အောင်လည်း ရေး တတ်သည်။ ယခုရွေးချယ်ထား သော စာများ သည် လောကကို စောင့်တတ်သော အကျင့်စရိုက်ကောင်း၊ လောကကို ဖျက်ဆီးတတ် သော အကျင့်စရိုက်ဆိုးတို့ကို ဖွင့်ဆိုသော စာများ ဖြစ်ရာ ထိုစာများ သည် ဉာဏ်ပွားရာပွားကြောင်း ဖြစ်ကောင်း၏ ဟု မှတ်ယူမိသည်။ ယုတ်စွအဆုံး ကိုယ့်စိတ်ကို ကိုယ်ပြန်မြင်၍ ခြေရာကောက်တတ် စရာ အကြောင်းရှိသည်ဟု မှတ်ယူမိသည်။ ဤအမှတ်အယူဖြင့် ထိုစာများ ကို မြန်မာပြန်ခြင်း ဖြစ်ပါ သည်။

ထိုမြန်မာပြန်များ ကို ရန်ကုန်ဝိဇ္ဇာနှင့် သိပ္ပံတက္ကသိုလ် ဒဿနိကပါမောက္ခ ဦးခင်မောင်ဝင်းက ဖတ်ရှုစစ်ဆေးပေးပါသဖြင့် ကျေးဇူးတင်ပါသည်။ အထူးသဖြင့် 'ချေပချက်' ကထာဆိုင်ရာ ကောက်နုတ်ချက်များ ကိုလည်းကောင်း၊ 'ခရီတော် ' နှင့် 'မီနို' ကထာနှစ် ပုဒ်ကိုလည်းကောင်း၊ 'စာပွဲ သဘင်' ကထာဆိုင်ရာ ကောက်နုတ်ချက်များ ကိုလည်းကောင်း၊ 'လက်ခီ' ကထာဆိုင်ရာ ကောက်နုတ်ချက်များ ကိုလည်းကောင်း၊ ဖတ်ရှုစစ်ဆေး၍ အကြံဉာဏ်ပေးပါသည်။ သို့ ရာတွင် မြန်မာပြန်များ ၌ အချွတ်အချော် အတိမ်းအယိမ်း ရှိနေသေးပါက မြန်မာပြန်သူ၌ သာ တာဝန်ရှိသည် ဟု ယူကြစေလိုပါသည်။ အဘယ်ကြောင့် ဆိုသော် ထိုစာမျိုးကို ဘာသာပြန်သည့်ကိစ္စ၌ တစ်ထပ် ဖြင့် သန့်စင်နိုင်ခြင်းမရှိ။ အထပ်ထပ်ဖြင့် သာ သန့်စင်နိုင်ခြင်း ရှိမည် ဖြစ်သော ကြောင့် ပင်။ ထို့နောက် ဤစာအုပ် ဖြစ်မြောက်လာရေး အတွက် အစစအရာရာ၌ စေတနာထက်ထက်သန်သန်ဖြင့် ကူညီကြ သော စာရေး ဆရာ မင်းယုဝေနှင့် တနင်္သာရီ မောင်ချစ်စံတို့ကိုလည်းကောင်း၊ စိန်ပန်းမြိုင် မောင်ချစ်ဝေကိုလည်းကောင်း ကျေးဇူးတင်ကြောင်း ဖော်ပြလိုက်ပါသည်။

၁၉၆၇ ခုနှစ် ၊ စက်တင်ဘာလ။

ဇော်ဂျီ

နိဒါန်း

ပလေးတိုးသည် ဆော့ခရတ္တိ၏ တပည့် ဖြစ်သည်ဟု ဆိုပါသည်။ ယုတ်စွအဆုံး ဆော့ခရတ္တိကို ကြည်ညို၍ ဆော့ခရတ္တိ၏ နည်းနိဿရည်းကို နှစ်သက် လက်ခံသူ ဖြစ်သည်။ ပလေးတိုးရေး သော ကထာစာတမ်း အများ အပြားတွင် ဆော့ခရတ္တိကို ခေါင်းဆောင်တင်၍ ရေး ခဲ့သည်ကို တွေ့ နိုင် သည်။ ထို့ကြောင့် ထိုပုဂ္ဂိုလ်နှစ် ဦးကို ဒွန်တွဲ ၍ သိထိုက်သည်။ တစ်ဖန် ထိုပုဂ္ဂိုလ်နှစ် ဦးအကြောင်း ကို သိလိုလျှင် ထိုပုဂ္ဂိုလ်နှစ် ဦး ထွန်းကားရာ ဖြစ်သော ရှေးခေတ်ဂရိဒေသနှင့် ရှေးခေတ်ဂရိလောက အကြောင်းတို့ကို နောက်ခံကားအ ဖြစ်ဖြင့် ကြိုတင်သိသင့်သည်ဟု ထင်မြင်ပါသည်။

ဇော်ဂျီ

(က) ရှေးခေတ် ဂရိသမိုင်းအကျဉ်း
ဘီစီ (၅၀၀-၃၀၀)

ဆော့ခရတ္တိသည် ဂရိတို့ဒေသ၊ အက်သင်းမြို့တွင် ခရစ်တော် မပေါ်မီ လွန်ခဲ့သော ဘီစီ ၄၆၉ ခုနှစ် ၌ ဖွားမြင်၍ ဘီစီ ၃၉၉ ၌ လွန်သည်။ ပလေးတိုးသည် အက်သင်းမြို့တွင် ပင် ဘီစီ ၄၂၇ (၄၂၈?) ခုနှစ် ၌ ဖွားမြင်၍ ၃၄၇ (၃၄၈?) ၌ လွန်သည်။ ပုဂ္ဂိုလ်နှစ် ဦးစလုံးသည် ဘီစီငါးရာစုနောက်ပိုင်းမှ ဘီစီလေးရာစုအဦးပိုင်းအထိ ဖြစ်သော ကာလအတွင်းတွင် ထွန်းကားခဲ့ကြသည်ဟု ဆိုနိုင်သည်။ ဆော့ခရတ္တိဖွားသော ခုနှစ် သက္ကရာဇ်နှင့် ပလေးတိုးဖွားသော ခုနှစ် သက္ကရာဇ်တို့ကို ဗုဒ္ဓသာသာနာ တော် နှင့် ယှဉ်ကြည့်လျှင် ဂင်္ဂါမြစ်ဝှမ်းအရပ် မဇ္ဈိမဒေသ၌ ဗုဒ္ဓမြတ်စွာ (ဘီစီ ၅၆၆-၄၈၆?) ပရိနိဗ္ဗာန် စံတော် မူပြီးသည့်နောက် ၁၇ နှစ် ခန့်အကြာတွင် ဆော့ခရတ္တိကိုဖွား၍ ၅၈ နှစ် ခန့်အကြာတွင် ပလေးတိုးကို ဖွားသည်ဟု ဆိုနိုင်သည်။ ထိုခေတ်သည် မဇ္ဈိမဒေသ ဗုဒ္ဓခေတ်နှင့် အပြိုင် ဖြစ်သည်ဟု မဆိုသာသော်လည်း အနည်းငယ်မျှသာ နှောင်းသော ခေတ် ဖြစ်သည်ဟု ဆိုနိုင်သည်။

ဂရိတို့ဒေသ

ဆော့ခရတ္တိကို မဖွားမီ လွန်ခဲ့သော နှစ် ပေါင်း ၃၀၀ ကျော်လောက်ကပင် သို့ မဟုတ် ဘီစီ ၈၀၀ လောက်ကပင် ဥရောပအရှေ့တောင်စွန်းရှိ ပဲလပါနိဆကျွန်းဆွယ် (Peloponnesia) ၌ ဂရိလူမျိုးတို့သည် မြို့နိုင်ငံငယ်များ ကို အခြေတကျ တည်ထောင်နိုင်ခဲ့ကြသည်။ ရှေးခေတ် အိန္ဒိယ၊ မဇ္ဈိမဒေသ၌ တိုင်းကြီး တစ်ဆယ့်ခြောက်တိုင်း၊ ပြည်ကြီး တစ်ဆယ့်ခြောက်ပြည် တည်ထောင် သကဲ့သို့ ဖြစ်သည်။ မြို့နိုင်ငံ အများ အပြားရှိသည့်အနက် အက်သင်းမြို့နိုင်ငံ၊ သီဗိမြို့နိုင်ငံ၊ ကော်ရင့်မြို့နိုင်ငံ၊ စပါတာမြို့နိုင်ငံတို့သည် ထင်ရှားသော နိုင်ငံများ ဖြစ်သည်။ ဆော့ခရတ္တိနှင့် ပလေးတိုးတို့ ဖွားမြင်ရာ ဖြစ်သော အက်သင်းမြို့နိုင်ငံသည် အထင်ရှားဆုံး ဖြစ်သည်။ မဇ္ဈိမဒေသရှိ တိုင်းနှင့် ပြည်တို့တွင် မဂဓတိုင်း၊ ပါတလိပုတ်ပြည် အထင်အရှားဆုံး ဖြစ်သကဲ့သို့ ပင် ထိုမြို့နိုင်ငံ အသီးသီး၌ နေထိုင်ကြသော သူများ သည် ဂရိလူမျိုးများ သာ ဖြစ်၍ ဂရိဘာသာစကားကိုသာ ပြောဆိုကြသူများ ဖြစ်သည်။ သို့ ရာတွင် သီးခြားနိုင်ငံများ တည်ထောင်၍ ကိုယ့်မင်းကိုယ့်ချင်းနှင့် နေထိုင်ကြသည်။

ပါရှင်စစ်ပွဲ

ပဲလပါနိဆကျွန်းဆွယ်တွင် ဂရိမြို့နိုင်ငံများ ထွန်းကားလာကြသည်နှင့် အမျှ အာရှတိုက်ရှိ (ယခုအခေါ် အီရန်နိုင်ငံ) ပါရှား (ပါရှင်) နိုင်ငံသည်လည်း ထွန်းကားလျက်ရှိသည်။ ဘီစီ ၅၀ လောက်တွင် အင်အားကြီးလှသော ပါရှားနိုင်ငံသည် အနောက်ဥရောပသို့ နယ်ချဲ့လာသည်။ ထိုအခါ အက်သင်းမြို့နိုင်ငံသည် ရှေ့ဆောင်ရှေ့ရွက်ပြု၍ ပါရှား၏ နယ်ချဲ့ရန်ကို တွန်းလှန်ခဲ့သည်။ ဂရိမြို့နိုင်ငံငယ်များ သည် စည်းလုံးလာ၍ အက်သင်းကို အကူအညီပေးခဲ့ရာ ဘီစီ ၄၇၉ လောက် တွင် ပါရှားနယ်ချဲ့ရန်သည် နာလန်မထူနိုင်လောက်အောင် အရှုံးပေးလိုက် ရသည်။ ထို့ကြောင့် ဂရိ တို့၏ စိတ်ဓာတ် မည် မျှတက်ကြွလာသည်ကို ခန့်မှန်းကြည့်နိုင်သည်။ အထူးသဖြင့် အက်သင်းမြို့ နိုင်ငံသည် စစ်ပွဲကြီးပြီးသည့်နောက် နှစ် ပေါင်းလေးဆယ်ခန့်အတွင်းတွင် အဖက်ဖက်၌ တစ်ရှိန်ထိုး တိုးတက်၍ ကြီးကျယ်လာခြင်းသည် ပါရှင်စစ်ပွဲကို အောင်နိုင်လိုက်သော အကြောင်းတစ်ခုကြောင့် လည်း ဖြစ်သည်ဟု ယူဆနိုင်သည်။

အက်သင်းမြို့၏ ဂုဏ်ကျက်သရေ

အထူးသဖြင့် ဆော့ခရတ္တိ ရှစ်နှစ် သားအရွယ်သို့ ရောက်သော ဘီစီ ၄၆၁ ခုမှ ဘီစီ ၄၃၁ ခု အထိ အက်သင်းမြို့၌ အနှစ် သုံးဆယ်ကြာမျှ ရွေးကောက်တင်မြှောက်ခြင်းခံရသော ပရီကလိ (Pericles) မင်း စိုးစံစဉ် အက်သင်းမြို့နိုင်ငံ၏ အောင်မြင်မှု ၊ တိုးတက်မှု တို့သည် ကမ္ဘာ့သမိုင်းတွင် မှတ်တိုင်တစ်ခု ဖြစ်လာသည်။ အက်သင်းရေတပ်၏ အာဏာစက်သည် ဂရိဒေသအရှေ့ဘက်၌ အလွန်ထက်မြက်သည်။ ဂရိမြို့နိုင်ငံများ ကို အကာအကွယ်ပေးနိုင်စွမ်း ရှိသည်။ ထို့ကြောင့် ဂရိမြို့ နိုင်ငံငယ် အများ အပြားသည် အက်သင်း၏ သစ္စာကို ခံယူလာကြသည်။ တစ်ဖန် အက်သင်း၏ အုပ်ချုပ်ရေး ဘက်တွင် ဂရိ ဒီမိုကရေစီ ထွန်းကားလာသည်။ လက်မှု ပညာ ထွန်းကားလာသည်။ လယ်ယာလုပ်ငန်း တိုးတက်လာသည်။ ပြည်တွင်းပြည်ပ အရောင်းအဝယ် ကြီးကျယ်လာသည်။ အက်သင်း၏ စီးပွားရေး အခြေအနေသည် ထိပ်တန်းသို့ ရောက်လာသည်ဟု ဆိုသည်။ ထို့ပြင် ပညာသင်ကြားရေး ကျယ်ပြန့်လာသည်။ ဗိသုကာပညာ၊ တမော့ပညာတို့ တိုးတက်လာသည်။ ဂရိရာဇဝင်စာပေ၊ ဂရိပြဇာတ်စာပေတို့ တိုးတက်လာသည်။ ဂရိမြို့နိုင်ငံငယ်များ သည် အက်သင်း ကို ဆရာတင်လာကြရသည်။

ပဲလပါနိဆစစ်ပွဲ (၄၃၁-၄၀၄)

ဘီစီ ၄၃၁ ခုလောက်သို့ ရောက်လာသော အခါ အက်သင်း တန်ခိုးကြီးလာသည်နှင့် အမျှ အချို့သော မြို့နိုင်ငံငယ်တို့သည် မကျေမနပ် ဖြစ်လာကြသည်။ အချို့လည်း စပါတာမြို့နိုင်ငံဘက် သို့ ဝင်၍ ပူးပေါင်းသွားကြသည်။ အက်သင်းကလည်း တန်ခိုးပြလွန်းသည် ဖြစ်ရာ စပါတာက ဦးဆောင်၍ အက်သင်းကို အန်တုလာကြသည်။ ထို့ပြင် ဘီစီ ၄၃၁ ခုတွင် အက်သင်းမြို့နိုင်ငံ၌ ပလိပ်ကပ် ရောဂါ ဖြစ်ပွားသဖြင့် လူအများ အပြား သေကြေပျက်စီးကြသည်။ ပရီကလိမင်းလည်း ကပ်ဆိုးထဲ၌ ပါသွားသည်။ ထိုအခါမှစ၍ ပဲလပါနိဆခေါ်သော ဂရိကျွန်းဆွယ် တောင်ပိုင်းရှိ ဂရိမြို့ နိုင်ငံတို့သည် မငြိမ်မသက် ဖြစ်လာ၍ ဂရိအချင်းချင်း စစ်ခင်းကြသည်။ အက်သင်းကို အန်တုသော မြို့နိုင်ငံငယ်များ ၏ ခေါင်းဆောင်သည် စပါတာမြို့နိုင်ငံ ဖြစ်သည်။ အက်သင်းနှင့် စပါတာတို့ ဘတစ်ပြန် ကျားတစ်ပြန် စစ်ခင်းကြသည်မှာ နှစ် ပေါင်း ၃၀ ခန့်ကြာသည်။ ဘီစီ ၄၀၄ ခုတွင် အက်သင်းသည် စပါတာကို အညံ့ခံလိုက်ရသည်။

စစ်ပြီးနောက်ပိုင်း

စပါတာသည် အက်သင်းမြို့၏ ခေါင်းဆောင် ၃၀ ပါဝင်သော မင်းသုံးဆယ်အဖွဲ့ကို ဖွဲ့၍ အက်သင်းမြို့နိုင်ငံကို အုပ်ချုပ်စေသည်။ သို့ ရာတွင် အက်သင်းမြို့နိုင်ငံအတွင်းတွင် မင်းသုံးဆယ် အဖွဲ့ကို ပုန်ကန်ကြသူများ ပေါ်ပေါက်လာ ဘီစီ ၃၉၉ ခုတွင် မင်းသုံးဆယ်အဖွဲ့ပျက်၍ ဂရိဒီမိုကရေစီ သမားတို့ ပြန်တက်လာသည်။ သို့ ရာတွင် ဒီမိုကရေစီသည် ပရီကလိမင်းလက်ထက်ကကဲ့သို့ မဟုတ်တော့ဘဲ အထိန်းကောင်း အကွပ်ကောင်း မရှိသကဲ့သို့ ဖြစ်လာသည်။ တစ်ဖန် ဂရိတို့၏ ခေါင်းဆောင်သစ် ဖြစ်လာသော စပါတာသည် မောက်မောက်မာမာ ဖြစ်လာပြန်ရာ မြို့နိုင်ငံငယ်တို့ သည် ယခင်ကကဲ့သို့ အုပ်စုဖွဲ့လာကြရပြန်သည်။ တစ်နိုင်ငံတည်းက အင်အားကြီးမားလာမည် ကို စိုးရိမ်သဖြင့် နိုင်ငံငယ်အချင်းချင်း အင်အားစု မဲတင်းမှု ကို ပြုကြပါသေး၏ ။ သို့ ရာတွင် မသင့်မြတ် နိုင်ကြသဖြင့် ဘီစီ ၃၃၈ ခုတွင် မက်ဆီဒေါ်နီးယားနိုင်ငံမှ မျိုးခြားမင်း ဖြစ်သော သက်ဦးဆံပိုင်ဘုရင် ဖစ်လစ်၏ လက်အောက်သို့ ဂရိဒေသတစ်ခုလုံး ကျရောက်၍ ရှေးခေတ်ဂရိ ဇာတ်သိမ်းရလေတော့ သည်။

(ခ) အုပ်ချုပ်ရေး ၊ စီးပွားရေး ၊ လူမှု ရေး

ဂရိမြို့နိုင်ငံအသီးသီးသည် အကျယ်အဝန်းအားဖြင့် ယခုခေတ် မြို့နယ်သာသာမျှ ဖြစ်၍ တစ်နိုင်ငံ လုံးတွင် လူဦးရေ အများ ဆုံး ငါးသော င်းခန့်မျှသာ ရှိသည်ဟု ဆိုသည်။ ထိုခေတ်ကသော် အက်သင်းမြို့ နိုင်ငံတစ်နိုင်ငံ၌ သာ လူဦးရေ သုံးသိန်းကျော်ရှိသည်ဟု ဆိုသည်။ တစ်ဖန် နိုင်ငံသား အခွင့်အရေး ကိုရ၍ အုပ်ချုပ်ရေး ၌ ပါဝင်ဆောင်ရွက်နိုင်သူ ဦးရေမှာ လည်း သုံးချိုးတစ်ချိုးလောက် သာ ရှိသည်ဟု ဆိုသည်။ နှစ် ချိုးလောက်မှာ အအုပ်ချုပ်ခံ လူတန်းစားသက်သက် ဖြစ်၏ ဟု ဆိုသည်။

အုပ်ချုပ်ရေး

ဘီစီ ၅ ရာစုတွင် ဂရိတို့ဒေသ၌ အဓိကအားဖြင့် ရွေးကောက်တင်မြှောက် အုပ်ချုပ်သော အုပ်ချုပ်ရေး စနစ်နှစ် ခု ထွန်းကားခဲ့သည်ဟု ဆိုသည်။ စပါတာကဲ့သို့ သော မြို့နိုင်ငံများ တွင် မြေရှင် ပဒေသရာဇ် ဆွေစုမျိုးစုတို့သာလျှင် နိုင်ငံသားစစ်စစ် ဖြစ်၍ ထိုအုပ်စုထဲမှသာ အုပ်ချုပ်ရေး ကြိုးကိုင် အ ဖြစ် ရွေးကောက်တင်မြှောက်ကြသည်။ ထိုတစ်စုကသာ တောင်သူလယ်သမား ဆင်းရဲသားနှင့် ကျေးကျွန်တို့ကို အစဉ်အမြဲ အုပ်ချုပ်လျက်ရှိသည်။ ထိုစနစ်ကို အော်လီဂါခီစနစ်ဟု ဆိုသည်။ အက်သင်းကဲ့သို့ သော မြို့နိုင်ငံများ ၌ ကား အုပ်ချုပ်ရေး ၌ ပါဝင်နိုင်ခွင့်ရှိသော နိုင်ငံသားဦးရေသည် စပါတာကဲ့သို့ သော မြို့နိုင်ငံများ မှာ ထက် ပို၍ များ သည်။ ထိုအခါ မြေရှင်ပဒေသရာဇ် ဆွေစုမျိုးစု များ ထဲမှသာမက အရောင်းအဝယ် အလုပ်လုပ်သူများ ထဲမှ လည်းကောင်း၊ လက်မှု ပညာသည်များ ထဲမှ လည်းကောင်း၊ တောင်သူလယ်သမားများ ထဲမှ လည်းကောင်း၊ အုပ်ချုပ်ရေး ကြိုးကိုင်အ ဖြစ် ရွေးကောက်တင်မြှောက် နိုင်ကြသည်။ ထိုစနစ်ကို ဂရိဒီမိုကရေစီစနစ်ဟု ဆိုသည်။

ဘီစီ ၅ ရာစုတွင် ပရီကလိမင်းလက်ထက် အက်သင်းမြို့နိုင်ငံ၌ လူဦးရေစုစုပေါင်းသည် သုံးသိန်းငါးသော င်း (၃၅၀၀၀၀) ခန့်ရှိသည်ဟု ဆိုသည်။ မဲမပေးနိုင်၊ အရွေးမခံနိုင်သော ကျွေးကျွန် နှင့် နိုင်ငံခြားသားများ ကို ဖယ်လိုက်လျှင် မဲပေးနိုင်၍ အုပ်ချုပ်ရေး ၌ ပါဝင်နိုင်သော လူဦးရေသည် တစ်သိန်းရှစ်သော င်း (၁၈၀၀၀၀) ခန့်ရှိသည်ဟု ဆိုသည်။ ထိုတစ်သိန်းရှစ်သော င်းသော အက်သင်းနိုင်ငံသားတို့သည် ပြည်သူ့လွှတ်တော် သို့ တက်၍ ဥပဒေပြုကိစ္စကို ဆောင်ရွက်နိုင်ကြ သည်။ ပြည်သူ့လွှတ်တော် အစည်းအဝေးကို တစ်လလျှင် တစ်ကြိမ်ကျ ကျင်းပသည်။ ထိုအခါ ကသော် အုပ်ချုပ်ရေး ဆိုင်ရာ ရာထမ်းမှု ထမ်းဟူ၍ အခန့်အထား သီးခြားမရှိချေ။ ထို့ကြောင့် အုပ်ချုပ်ရေး ကိစ္စအဝဝကို ဆောင်ရွက်ရန် ထိုတစ်သိန်းရှစ်သော င်းထဲမှ လူငါးရာကို ရွေးကောက် တင်မြှောက်ကြသည်။ တစ်ဖန် ထိုငါးရာထဲမှပင် ငါးဆယ်တစ်စုစီခွဲ၍ တစ်စုလျှင် ရက်ပေါင်း ၃၆ ၁/၂ မျှ အုပ်ချုပ်ရေး ကိစ္စတို့ကို တာဝန်ယူဆောင်ရွက်ကြသည်။ ကြည်းတပ်ဗိုလ်ချုပ်၊ ရေတပ်ဗိုလ်ချုပ် တို့ကိုသာ ခန့်ထားခြင်း ပြုသည်။ ခန့်ရာတွင် နှစ် စဉ်နှစ် တိုင်း အသစ်ပြောင်း၍ သော်လည်းကောင်း၊ ထပ်မံ၍ သော်လည်းကောင်း ခန့်လေ့ရှိသည်။

တရားစီရင်ရေး

တရားစီရင်သော ကိစ္စတွင် တရားခုံရုံး တရားသူကြီးများ အ ဖြစ် ဆောင်ရွက်ရန် အမှု အကြီး အသေးအလိုက် ၁၀၁ ဦးမှ ၁၀၀၁ ဦးအထိ တိုးချဲ့နိုင်သော နိုင်ငံသားတို့ကို ပြည်သူ့လွှတ်တော် က ခန့်ထားသည်။ ထိုအခါကသော် ရှေ့နေရှေ့ရပ်ဟူ၍ မရှိချေ။ တရားလိုသည် မိမိတရားစွဲလိုသော အမှု အတွက် မိမိကိုယ်တိုင် လျှောက်လဲပြောဆိုရသည်။ တရားခံကလည်း မိမိကိုယ်တိုင် လျှောက်လဲချေပရသည်။ ခုံရုံးတရားသူကြီးများ က အမှု ကို ကြားနာပြီးနောက် မဲဆန္ဒပေး၍ အမှု ကို ဆုံးဖြတ်သည်။ ဤသို့ ဖြင့် အက်သင်းနိုင်ငံသားတို့၌ နိုင်ငံသားတာဝန် အများ အပြားရှိကြပုံကို လည်းကောင်း၊ လူမှု နှုတ်မှု တို့၌ လိမ္မာကြရပုံကိုလည်းကောင်း ခန့်မှန်းနိုင်သည်။

စီးပွားရေး ၊ လူမှု ရေး

ရှေးခေတ် ဂရိလူ့အဖွဲ့အစည်း၌ အစကနဦးကပင် မြေရှင်ပဒေသရာဇ်တို့ လွှမ်းမိုးလာခဲ့ကြ သည်။ သုံ့ပန်းကျွန်၊ ငွေဝယ်ကျွန်တို့သည်လည်းကောင်း၊ ကျေးကျွန်မဟုတ်သော ဆင်းရဲသားတို့ သည်လည်းကောင်း အခွင့်အရေး မရ၊ အလုပ်အကျွေးသဘောမျှသာ ဖြစ်ပါသည်။ ငါးရာစုတွင် အက်သင်းမြို့နိုင်ငံသည် တန်ခိုးကြီးလာ၍ အရောင်းအဝယ် တိုးတက်လာသော အခါမှာ မှသာ ကျေးကျွန်မဟုတ်သော ဆင်းရဲသားပိုင်းတွင် ပြည်တွင်းပြည်ပ အရောင်းအဝယ်ကောင်းသဖြင့် ကုန်သည်၊ လက်မှု ပညာသည်၊ အနုပညာသည်တို့ အခွင့်အရေး ရလာကြသည်။

ဂရိကျွန်းဆွယ်သည် တောင်ထူထပ်ပေါများ သဖြင့် အသီးအနှံ များများ စားစား မစိုက်နိုင်။ အသီးအနှံတို့ကို ကျွန်းဆွယ်၏ အရံ ဖြစ်သော ကျွန်းငယ်များ မှလည်းကောင်း၊ အာရှဘက်၊ အီဂျစ် ဘက်မှလည်းကောင်း ဝယ်ယူကြရသည်။ ကျွန်းဆွယ်တွင် သံလွင်ပင်နှင့် စပျစ်ပင်တို့ကို အများ အပြားစိုက်၍ သံလွင်ဆီနှင့် စပျစ်ဝိုင်တို့ကို ပြည်ပသို့ ရောင်းချကြသည်။ ထို့ပြင် အက်သင်းမြို့နိုင်ငံ အတွင်းတွင် ငွေတွင်းရှိသော ကြောင့် လည်းကောင်း၊ လက်မှု ပညာသည်လည်း များ သော ကြောင့် လည်းကောင်း ငွေထည်အနုပညာပစ္စည်းများ ကိုလည်း ရောင်းချသည်။ လှံ၊ ဓား၊ လေး၊ မြား၊ ဒိုင်း၊ ချပ်ဝတ်တန်ဆာ စသော စစ်လက်နက်ပစ္စည်းများ ကိုလည်း ထုတ်လုပ်၍ ရောင်းချသည်။

ပစ္စည်းတတ်နိုင်သူများ သည် ဆရာငှား၍ သားသမီးတို့ကို အိမ်၌ ပညာသင်ပေးကြသည်။ စာသင်ကျောင်းဟု သီးခြားမရှိ။ အတီးအမှု တ်၊ အကအခုန်ပညာကို အလွန်လေးစားသည်။ အားကစားပညာကို ပို၍ လေးစားသည်။ အားကစားရုံများ ထားရှိ၍ ဆရာများ ဖြင့် လေ့ကျင့်စေ သည်။ လေးနှစ် တစ်ကြိမ် ကျင်းပလေ့ရှိသော အိုလံပစ်အားကစားပြိုင်ပွဲတွင် ဝင်ရောက်ပြိုင်ဆိုင် စေသည်။ အထက်တန်းပညာရေး အဖို့မှာ ၅ ရာစုလောက်တွင် ဆိုဖီ (Sophist) ဆရာကြီးများ ရှိသည်။ ထိုဆရာကြီးများ သည် ဂရိတို့ဒေသရှိ မြို့နိုင်ငံတို့သို့ လှည့်လည်လျက် အဖိုးအခယူ၍ အထက်တန်းပညာရပ်များ ကို သင်ကြားပေးသည်။ လွှတ်တော် အစည်းအဝေး၌ လည်းကောင်း၊ တရားခုံရုံး၌ လည်းကောင်း နှုတ်မှု ကို သုံးကြရသဖြင့် စကားပြော ဝစနာလင်္ကာရပညာကို ခုံခုံမင်မင် သင်ယူကြသည်။